Kam Fung Restaurant

自問係一個常餐怪，係一個可以一日三餐都食常餐既人.ﾟ.＊.*⸜(*ˊᗜˋ*)⸝*.＊呢日突然間好想去返以前常常光顧的那份常餐。之所以咁鐘意去呢度食，坦白講，服務就真係無地方又真係好迫好迫···但佢真係份量好足，而且佢既常餐係配菠蘿包的，呢樣唔係間間都有喇掛(˶ˊᵕˋ˵)💡特價午餐 $ 51 𓇢佢個菠蘿包唔係sell空氣感，而係大而密度高，超有口感結實果隻，食哂預左呢個餐夠哂飽。𓇢奄列份量講真都真係唔野少，好大份下，火腿都唔會慳住落，不過就食咁多次都覺得佢偏向油左少少🤏𓇢沙嗲牛肉麵，牛肉都幾有咬口唔係醃到梅晒果啲，味道適中，不濃不淡。💡營養快餐D $47如果兩個朋友仔一齊去，我通常會咁叫一午餐一常餐share 個奄列食，咁樣份量就會岩岩好👍🏻💡原裝奶茶 跟餐凍飲+$3呢度既奶茶係招牌set 好左甜度沖好哂起雪櫃拎出黎果種，唔會太甜，又有茶香，係唔錯架喎🤤🤤🤤💡酥皮蛋撻 $7一聲令下「睇滾」 新鮮熱辣出爐酥皮蛋撻就由侍應雙手捧起出爐鐵盤出來，那香味引到我地都叫黎食剛出爐熱力的蛋撻脹卜卜異常既吸引人。只不過覺得個蛋既部分味道有啲淡，而酥皮香同酥脆但略厚喇。✰ 疫情期間限定做到兩人一檯 機會好難能可貴呀(ง ˙˙)ง ゛以前食一張細圓檯塞到四五個人 真係見到都眼都突✰ 整體計其他佢唔算話好出色果啲，但表現穩定，價錢同份量起碼都成正比…Read More

為了杯奶茶，平時見到人龍一定走的我，今天lunch決定來排長龍。1點正，門前已有十多人等候。但這𥚃夠快靚正，不消10分鐘就有位。小妹坐在餐廳一角，飽覽中午繁忙的情況。食客很體貼，食飽都很快讓出位置。小妹也抓緊時間，一坐低就落單。😁小妹點了午餐 ($41)：沙嗲牛麵＋餐包 (可選菠蘿包)＋蛋 (炒蛋 / 奄列)。菠蘿包非常重手、厚實，比現時連鎖麵包店的真材實料得多。但菠蘿要面有點薄和不夠脆，有點失色。奄列很大份，佔了隻碟一半，內𥚃火腿亦很足料。但火候過猛，有點老。這𥚃的沙嗲牛麵標榜鮮牛肉，咬落有質感；沙嗲香濃又入味。比平時茶記那些「NA」到軟腍腍又没味的牛肉好吃百倍。麵亦很有質素，軟硬適中又帶點彈牙，絕不欺場。來金鳳當然要飲這𥚃的馳名奶茶。茶香奶滑，茶味與奶味平衡得宜。雖然凍飲要加$2，但絕對值得。這𥚃的是凍奶茶無冰的，不會因為溶冰而變淡。吃飯途中，不停有蛋撻、雞批等新鮮出爐。蛋撻脹卜卜，本想買個做甜品。但吃完個餐，肚子撐得連一啖水都喝不下😂 惟有留番下次啦~…Read More

久聞金鳳茶餐廳的蛋酥皮蛋撻和雞批係幾咁好味, 咁o岩來到灣仔, 又點可以錯過呢? 買左兩個蛋撻和一個雞批返屋企。先講蛋撻, 酥皮層次感唔突出, 唔算太鬆, 蛋漿滑但無咩蛋香至於雞批水準就唔鉑錯, 批皮富牛油香但唔膩, 厚薄適中;配料有火腿和雞肉粒, 白汁o岩o岩夠味~下次可以試埋佢地的冰鎮奶茶tim…Read More