THE SPAGHETTI HOUSE (New Town Plaza Phase I)

當全世界都已經復工既時候 幸運既我居然仲可以work from home 所以上星期就約左個好朋友去沙田食tea喇 比較過幾間 都係覺得意粉屋既tea set最吸引 所以一行二人就入去坐低左喇我地叫左個兩個afternoon tea set 包括悠閒下午茶拼盤同埋巴馬臣芝士焗肉醬意粉share 我就貪心少少 加左$15叫左個酥皮周打海鮮湯小食拼盤送到過黎既時候係有驚喜既 賣相好好立即舉機影相先 個拼盤有黑松露煙三文魚碎蛋酥皮盒、Parma ham沙律、原味雞翼、炸薯條 份盒好足 值得一讚既係d Parma ham好似唔洗錢咁 份量好多 味道方面都係好有驚喜既 以呢個價錢黎講真係非常高質 好好味 尤其係個酥皮盒 個酥皮好鬆脆 高度推介 下次黎會再叫呢個下午茶拼盤而個芝士焗肉醬意粉同個酥皮海鮮湯就不過不失啦溫馨提示：肉醬係牛肉黎 唔食牛肉既朋友要小心！兩個人食到飽飽 兩個下午茶set連野飲加個酥皮湯 埋單連加一共$192.5 呢個質素黎講真係非常實惠 仲可以坐低慢慢傾計添 讚！…Read More

餐廳搬咗上7樓, 感覺光猛舒適, 心情良好, 食物味道感覺好咗。下午茶款式依舊, 新意欠奉, 其待有新的變化。酥皮周打海鮮湯 $15酥皮周打海鮮湯焗得超吸睛, 香脆可口。湯料有蝦, 薯仔, 魷魚等, 份量雖足, 略嫌湯有點少。鮮忌廉芝士焗菠菜煎魚柳扁意大利麵 $85魚柳肉厚滑溜, 每口扁意大利麵均吃到啖啖菠菜。醬汁質地稠密, 如分量多返少少, 質地稀返少少, 扁意大利麵的口感會較為濕潤, 無咁乾。青檸梳打 (升級價) $6青檸梳打有助解膩, 清新口腔。…Read More