Tim Ho Wan, the Dim-Sum Specialists

米芝蓮推介嘅點心店～以前不嬲長期打晒蛇餅🤪今次竟然唔使排隊👍🏼👍🏼👍🏼😆正啊！頭幾年食所有出品都保持住好新鮮熱辣出爐 但係最近去食幾次 質素都好唔平均.招牌酥皮焗叉燒包 $23呢個包一上嚟已經係塔左酥皮好似已經軟化 唔係話唔好食嘅 但係你食過佢好味嘅出品 呢個其實就爭啲.豉汁鳳爪 $21 豉汁排骨 $20 陳皮牛肉球 $20呢三樣質素仲保持到 依然係新鮮熱辣出爐👏🏻👏🏻👍🏼👍🏼豉汁味好出色 醃製得恰到方好 都唔會太鹹😎.黃沙豬膶腸 $26呢個都係招牌之一 出面好少見有👍🏼👍🏼片薄餡靚😆.香煎蘿蔔糕 $19蘿蔔糕蘿蔔好新鮮 充滿着水份 而且蝦米🦐好充足～食物選擇都好多～ 價錢都係親民…Read More

位于深水埗较静焗地带，好过旺舖排晒长龙。但仍然坐得好满，我人少，即刻有位。有新出品特价优惠（正方蓝纸），啱口味不妨试试。酥皮叉燒包必吃咁话喎，无得唔试啦。皮確鬆化，须然送到嚟温度稍跌，同埋一睇就知唔係手工做。半肥瘦叉烧一般，略甜了点，仍然可以。個包個底烘到脆，唔會硬，都幾滋味。陳皮山竹牛肉球，有好香陳皮味，付皮就冇乜味，牛肉我會嫌太滑，冇乜口感變化，整體可接受。侍應會攞支李派林喼汁問你加唔加，唔使客氣。…Read More

[薄荷]环境：依然是深水埗最火旺的餐廳，雖然茶水是有點簡單，但是美食依然。[服务铃]服务：疫情期間職員循例都需要檢查體溫。認真而嚴格，幾個阿姨都是做慣街坊生意，感到還是親切喇。|叉燒包^酥皮叉燒包一定是必點。外層脆皮裡面料足。|陳皮牛肉球^陳皮牛肉絲球依然是簡單鬆軟的肉質躺在蒸籠裡面。記得加喼汁。|腸粉^添好運的腸粉是最好吃的喇，晶瑩剔透的粉皮。|豉油皇炒麵^呢個以前都無點過，今次係因為見到色香味齊全當然要試一試呢？[色]洋蔥以及芝麻粒帶給香味。還有小碟辣椒醬，夠入味🤗🤗🤗…Read More

已經有一排沒有去過添好運，上次經過想吃，見到門口已企了二三十人，所以便掉頭走了。今次下午三點幾經過，見沒有人等位，即刻走入去吃個飽。我一個人，所以只是叫了三個點心，當然有我最愛的酥皮叉燒包，仲有蝦餃和羅白糕。酥皮叉燒包 $20 叉燒包新鮮出爐，裏面的叉燒爆哂汁，酥皮又鬆又脆，我一個人可以輕鬆KO 三個。蝦餃$28 蝦餃算係店內較貴的點心，$28 有四隻，但質素都很好，蝦肉爽彈，皮又很薄。蘿白糕$16 有三件，雖然不是很厚，但價錢都ok, 蘿白𢇃都幾多，唔會食到一囗粉。茶錢$3/位，不用加一，埋單只是 $67，已經吃得很飽，米芝連出品，用這個價錢就可以吃到，非常合理。…Read More

添好運本身都算我得閒冇事都會去食下捧下場嘅餐廳，雖然好多遊客，但係性價比高，而且酥皮叉燒包真係幾好味。同朋友星期六晚7點幾、8幾黎到，其實餐廳都有位不過因為未等齊朋友，所以就唔可以入咗座。等齊人之後，但餐廳又要求我地搭枱，3:3咁配，有個位喺兩張枱中間勁難入去。而且後尾我哋寫好單想落單交紙嘅時候，基本上我地area個corner係冇冇侍應行過，等左好耐先有人見到我哋舉手，而且食飯嘅時候冇晒茶都冇人加水， 服務安排都有啲失望🙍🏻野食都係叫平時食開嗰啲啦，比如酥皮叉燒包，但係呢食嘅時候，味道都冇問題嘅都係OK好味嘅， 但係同朋友都發現，個包裏面其實依家越嚟越空心 …Read More

今日心血來潮兩口子想食點心，通常兩口子都唔會去酒樓的，去衣d點心專門店就最好不過！茶錢又平又唔收加一，簡單d即係差不多只收食物錢，平過酒樓好多。食到點心之餘好似快餐店咁夠快不過今日一去到離遠已經見到門口人山人海一於照拎飛先，我張飛100號，嗌到79號，成廿幾張飛真係想走，但冇耐見佢都唔係順住嗌，又等多陣，結果原來只需等個幾字就有位喇，真係唔好比d人嚇親，不過定唔知係我好彩姐入到去明顯爆滿點心種類不多，只有衣張點心紙劃今次係第2次黎，但唔知點解都覺得佢d杯同碗都係油油地，用茶洗個碗會見到有d油響茶面咁，不過都問題不大既嗌左5樣食物，第一個黎既係鳳爪排骨飯，不過由於太肚餓既關係已經唔記得影相分享了，但份量味道絕對不失酒樓牛肉球、牛肉腸粉都不過不失啦蘿蔔糕有d燶同易散開，但味道都還可以的重點推介既係衣個酥皮叉燒包，熱辣辣非常好味，個特點係個皮真係好味到呢衣個好明顯枱枱都有叫的裡面個餡都好足料，多叉燒肉若果想過下點心癮衣度都幾好，又快，不過快得黎感覺唔會好急促吹人走咁，所以食得好放心，埋單只需$99/兩口子，當中茶錢$2/位…Read More

一直想試這間連續多年被評選為米芝蓮餐廳的添好運點心專門店，我們去年年底在高雄旅遊時，也見到它的蹤影。於是跟老公二人選定了一個周六早上，出發到他們深水埗本店一嘗心願!我們約11時到達，在門外等位時，已留意到有不少外國及內地的遊客光顧。在等待的30分鐘時間內，我們已相量好點什麼點心那裏只有普洱茶一種的選擇，落了單後，食物接著送來，可能是由於我們一次過點了9款點心的關係，加上桌面的面積也不大，部分點心要疊起才放得落。看看旁邊的客人也遇到相同的情況，這可能是餐廳想人客快快食完埋單的設計，侍應也有給予相應的壓力，令到我們食得好趕。在食物方面，以下點心值得推介，尤其是賽螃蟹春卷，別具創意，用料十足。我們也點了它相當有名的酥皮叉燒包，個皮得確好食，值得一試! 另外，它的糯米雞和潮州粉果也做得好好老公也喜歡它的腐皮卷若你是抱著試新食物的心態去光顧的話，是okay的。但若你是抱著周末歎茶食點心的心態的話，這不是一個好的選擇。…Read More

現在食點心已經不一定去大酒樓，米之連也可以平民化，添好運不用多介紹了，酥皮叉燒包是必食，皮脆肉滑，現在很多點心店也有類似做法，但本店是本人五年前第一印象最深！蝦餃不過不失！糯米雞有潤腸、冬菇、但內𥚃沒有雞件😓！特別的就是豬潤燒賣，豬潤新鮮沒有嗅腥味，用薑汁酒醃過，半肥瘦豬肉加原隻蝦仁做成，正正正！茶只有一種!食咁多只需＄117超值，可能平曰不用排隊，經過一定會再來…Read More

友人同我慶生,我指明想食深水埗的添好運,因為可以BOOK枱,方便小朋友唔洗等位,而且有私房點心叫,不過就有minimum charge $1000,即係一定要叫最貴的點心才可埋單,有好有唔好啦。D人話深水埗店無旺角點咁好食,我都覺得係,單係睇個酥皮叉燒包的外型,已經差左D,個酥皮唔夠置中,好在味道同樣好。人流呢,我地6點鐘到,唔知係咪落雨,竟然無人等位! 都好,少客D,食物水準有望進一步提升。可能老闆在場,我覺得服務和食物水準都唔錯。好味好鬆化,餡料充滿菇香,好味深水埗店獨有的鮑魚酥,$30一隻,超水準,鮑魚下面有少許冬菇和鮑汁,味道濃郁可口,批底夠鬆化,牛油味好出,必吃!合核酥做到外型似足連殼合桃,好有心思,外殼是曲奇餅,內饀有原粒合桃和碎糖茸,好味 這個棗心甜品的名字我已忘記了,桂花糖漿很清香,不過棗粒和釀入的糯米都很甜,麻麻地。 燉蛋白鮮奶夠滑,加了燕碎中和甜味,和出面甜品店的出品差不多,不會有驚喜。其他點心如馬拉糕,黃沙豬膶膠,糯米雞都是一貫好味,值得推介。反之牛肉球和排骨就差少少,牛肉球食到有筋,排骨則肥膏多過肉,唔知係咪肉類成本上脹有關。溫馨提示: 此店唔收信用卡,記得帶備足夠現金…Read More

添好運，名氣真係大，喺咁唔方便既地方開，星期日一樣要等成個鐘先有得食，今次一行6人，差唔多試哂佢8成既點心，包括枱枱必食嘅酥皮叉燒包，豬潤腸，蝦餃，燒賣…最好食算係呢個，包鬆化，剛出爐口感超好，一定要趁熱食，不過汁多咗少少呢個有驚喜，足料鮮甜，粥底又夠綿，連一向不喜歡食粥既我都要添食其他點心味道就一般，馬拉糕蒸得過分，食落太濕，沒有馬拉糕應有的彈力；桂花糕一夾即散；豬潤腸部份豬潤又蒸唔熟，腸粉皮又唔算滑。總體嚟講，只係一般酒樓質素，如果要排成個鐘要行咁遠，都係坐得唔舒服既平民食茶點，我一定揀上環既蓮香居囉!!…Read More

添好運既酥皮叉燒包, 一直知道它好味, 在旺角店時已吃過. 今次去新店試食, 店鋪果然大了, 走的仍然是平民路線, 價錢便宜, 但仍然要排隊等位, 好在也不是要等太久, 星期日的晚上8時, 2人位大約等10-15分鐘.新店有包廂房, 設有最低消費 $1000. 房內有比較高級的點心吃, 如果不是, 很難達到 minimum charge. 等候期間聽到知客先生說, 包廂房的booking, 包括中午和晚市, 在3個月內都已經爆滿了! 現在要book, 都是book3個月後的日子.(By the way, 知客先生都幾串架) 終於入到去, 依然是很逼, 快快食完便走, 不是給你嘆報紙那種. 當然第一時間叫出名的酥皮叉燒包, 馬拉糕, 燒賣等點心. 水準繼續keep住, 好吃! (當然啦, 等左咁耐, 又肚餓, 又熱騰騰出爐) 之後試了叫它的新口味甜品 – 黑松露燉奶. 幾貴架, 好似成$30-40, 係這餐最貴的點心. 首先, 我都知30-40蚊邊會有正既黑松露比你食丫. 但我覺得, 黑松露同燉奶係唔夾既. 因為佢鹹鹹地, 唔係乜都可以加黑松露嘛!2個人, 埋單好似唔使$200, 都好平. 我覺得可以再來, 尤其是為了酥皮叉燒包. 當然針無兩頭利, 你要食, 就要忍受座位逼逼, 要搭枱, 伙計服務一般.…Read More

男朋友見到添好運喺深水埗開咗分店, 諗住應該冇旺角等位等咁耐, 咪去食囉.呢度地方好大, 不過坐位就比較迫, 我地9:20去到, 諗住食幾樣先, 之後再叫, 點知亞姐話9:30截單, 要咩就一次過click晒, 冇計啦, 佢收10:00其實食物質素就好好, 不過服務就真係麻麻.我同男朋友同分別兩對食客坐長形六人枱, 我地坐最入邊, 初初我地碟蝦腸嚟到, 亞姐由最開邊個路口位叫我地個枱号, 佢完全冇諗過行入嚟比我地, 咁都算啦, 我男朋友未接實碟腸粉佢就準備縮手囉, 好彩個碟唔太熱, 接得實咋, 唔係中間位既食客就遭殃; 之後d點心分別咁到, 佢又係企喺最開邊叫我地枱号, 之後就放底籠點心喺中間張枱就走咗去, 中間枱位小姐都唔好意思硬住頭皮遞比我地; 其實我可以體諒佢地做生意既係地方淺窄, 不過唔係咁樣囉, 掉底d食物走行走去. 今晚所食之點心 (兩個人食8碟) 晶瑩鮮蝦餃: 冇乜特別, 不過d皮真係好薄. 欖菜肉鬆四季豆餃: 欖菜肉鬆四季豆呢味餸本身好好味, 不過做蒸餃完全唔夾, 而且好少欖菜, 唔夠味. 香滑馬拉榚: 好好味, 好鬆軟, 正. 花醀杞子蒸滑雞: 唔夠花醀酒味, 不過好有雞味, 好滑. 酥皮叉燒包: 好好食, 好有特色. 沙茶牛肉脆春卷: 又係唔多夾囉, 都係傳統春卷好食d. 煎臘味蘿蔔榚: 好香, 食到一條條蘿蔔榚, 唔似一般酒樓咁得d粉. 韮黃鮮蝦腸: 皮薄, 足料, 係冇韮黃咁解啫…Read More

一直也沒有機會去試旺角店,只要看見長長的人龍已興趣全消!總認為不值得為食一餐而去呆等,不設訂座不設外賣之下,唯有等熱潮散去吧,誰知一等便大半年過去!到最近終於開了分店在深水埗,這天路過剛好一試!這位置真的屬於交通不便,搭港鐵無論太子或深水埗下車也最少要行10分鐘,駕車的話咐近只得錶位,對面馬路停車場又設備環境極差.晚上七時來到不用等位,坐下看見點心紙的選擇不算多,如果4人前來的話應可盡掃餐牌.韮黃鮮蝦腸粉----餡料內的蝦肉份量雖少,但腸粉皮薄滑,豉油調味不錯.陳皮牛肉球----丁點陳皮的味道也吃不到,粉下得太多幸沒有那些會攝在牙縫的筋膜在內.酥皮叉燒包----外皮酥脆內裡一層很薄的义燒餡料,咬落感覺"空心",給我的感覺這不就是在馬來西亞大熱的咖啡包變奏版?外皮一樣,只不過沒有了咖啡味,內裡換成了似有還無的叉燒餡料.鳳爪排骨飯----鳳爪及排骨有豆豉香味,排骨肉多骨少帶一點肥,飯粒略為軟身了一點.煎蘿蔔糕----確是真材實料,但煎得不夠香口,整件糕吃起來也油淋淋,浪費了食材!沙茶牛肉春卷----無沙茶味,牛肉被化學處理得滑潺潺!花彫杞子蒸滑雞----雞肉質地霉,雪藏味十足.鮮蝦燒賣皇----賣相歪歪斜斜已不吸引,豬肉粒韌得過份,咬不開要吐回碗中.馬拉糕----很鬆軟,甜味適中.咸水角----外層脆中間軟濡但餡料調味太淡,咬落和义燒包一樣有"空心"的感覺.油菜----只得生菜一款,顏色瘀瘀黑黑欠吸引.很有趣的現象!韮黃鮮蝦腸粉沒有韮黃味,陳皮牛肉球沒有陳皮味,沙茶牛肉春卷沒有沙茶味...雖然兩款炸物味道一般但處理功夫卻不差!炸出來效果很乾身,沒有一口咬下爆油的情況出現.其實以此水準的話,說難食未至於,價錢便宜倒是事實.12個點心+茶錢+汽水才$168.沒吃過總店無從比較,但此分店如想同樣獲得一粒星的話,路途遙遠祝君好運!…Read More