PUTIEN (Gateway Arcade)

最近間唔中都見到莆田嘅鰻魚廣告 – 「只有活鰻魚 才敢清水煮」 鰻魚節嚟喇🥳 今次莆田鰻魚節推出5款不同風味嘅鰻魚菜式！包括「山泉水煮活鰻魚」、「紅糟鰻」、「普寧豆醬焗鰻魚」、「蒜蓉豆豉蒸鰻魚」同埋新品「辣子燒鰻魚」。👑酥炸冰心榴槤 $58/位熱熱脆皮包住凍冰冰雪糕球，外脆內軟，外熱內冷，一啖食落去口感同味道都好豐富，滿滿榴槤蓉甘香濃郁😍 喜歡食榴槤嘅朋友必點‼️✨金湯佛跳牆 $228/位集合咗鮑魚、海參、瑤柱、松茸、竹笙、花膠、鵪鶉蛋，材料豐富，湯底香滑濃稠😋 即刻感覺富貴咗🤭✨芋香鴨 $98我超喜歡食芋頭，哩個就啱哂我😆 面層香脆外皮包住濃滑芋蓉同鹹香滷鴨肉，咬落卜卜脆，鹹中帶點芋蓉嘅香甜味🤩✨莆田荔枝肉 $98/例同咕嚕肉一樣酸酸甜甜，外層鬆脆，肉質夠腍，肥瘦適中，而且真係有荔枝肉架😄✨馬來風光 $88/例通菜爽脆唔老，鮮香三巴醬帶點點辣更香濃美味😊✨普寧豆醬焗鰻魚 $188哩款係2022年莆田鰻魚烹飪大賽嘅榮譽推薦菜式！真係做到醬香蒜香魚肉香，普寧豆醬好鮮味，鰻魚肉質爽滑，底層腐皮吸收咗醬料味道好香，連蒜頭都好好味👏🏻✨興化炒米粉 $118/例興化米粉係不含糯米成分，以純大米製成嘅米粉，充滿米香又彈牙，仲有多款不同海鮮配料。莆田嘅頭水紫菜係採用發芽後30日內收成嘅極品紫菜，再嚴選長15厘米長嘅鮮嫩紫菜葉片為基礎，高營養之餘亦保留食材嘅最佳口感，配埋莆田獨家辣媽醬就更惹味👍🏻✨福建特色海蠣煎 $128食福建菜點可以冇海蠣煎！滿滿海蠣同香蔥，材料好足料😄 之前食過半煎半炸嘅香脆版，今次唯一不足就係唔夠脆，同平時煎蛋冇咩分別😅✨桂花陳皮燉雪梨 $48/位清甜桂花陳皮糖水，再加埋雪耳，滋潤之餘同時潤肺💕🔍整體感覺：餐廳環境乾淨衞生，坐位舒適，空間寬敞。職員服務都好友善。食物質素都味道都幾好，想試多啲菜式，一家人一齊去食就啱哂👨‍👩‍👧‍👦…Read More

小編唔係第一次黎呢到食啦～ 上次蠔季🦪嚟食過既感覺幾好，所以到蟶子季🦪就再黎食🤩 一樣咁好食😋 啲蟶子當造又高質，肉質厚肉飽滿，嫩滑鮮甜，食完幾滿足😌 而莆田其實係福建既一個市，背山面海，有豐富既海產，亦都盛產獨具特色既美食，所以呢間餐廳用左莆田黎做名，全部野食都有本土風味ga😜 裝修簡潔時尚，燈飾同中間既座位都行迴旋 (5 😍 係滿分，🤩係半分）海蟶促銷 - $219蒜蓉蒸海蟶 🧄🦪 (好味指數：😍😍😍😍😍)呢到既蟶子🦪係黎自福建莆田哆頭村，呢條小漁村有600幾年養蟶🦪既歷史，因為佢地既純黑泥灘塗土質肥沃，好適合海蟶🦪生長ga～ 小編首先揀左經典既蒜蓉味🧄，香口惹味，集油香同鹹香於一身既蒜蓉🧄用黎配海鮮真係一流，更加突出到蟶子🦪既鮮味🤤 蟶子飽滿厚肉，鮮嫩彈牙唔會韌，品嚐到蟶子🦪既原汁原味，差啲連汁都想飲埋😂九層塔海蟶煲 🌿🦪 (好味指數：😍😍😍😍🤩)試左個濕既煮法，跟住試個乾既～ 啲蟶子有炸過🔥 炸到金黃酥脆咁，裡面集蟶子無縮水，一樣飽滿厚肉，嫩滑爽彈唔會韌～ 配埋氣味清新，辛香濃郁，味道獨特既九層塔🌿就更加鮮甜同香口😋百秒黃花魚 🐟 - $78 (好味指數：😍😍😍😍🤩)呢個黃花魚🐟係佢地既招牌黎ga😜 上枱既時候都仲係熱辣辣既，香氣撲鼻～ 特色就係用明火🔥炆100秒就可以上枱，魚🐟啱啱好熟之餘，肉質保持到細嫩又索住到肉汁同有彈性，有鹹香又鮮甜～ 連湯底都好鮮味，所以我忍唔住清晒🤤芋香鴨 🍠🦆 - $98 (好味指數：😍😍😍😍🤩)芋香鴨🍠🦆同上次嚟既時候咁好食🤩 主要係喺芋蓉🍠入面加左澄麵同豬油🐷，咁炸起黎個表皮就會金黃香脆～ 配埋軟滑粉糯既芋蓉🍠，味道清新淡雅，唔會太濕又唔會太粉～ 配埋帶有鹹香既鴨肉🦆，肉質香酥軟嫩，感覺滿足又唔覺得濟😋福建紅菇海鮮滷麵 🍄🍜 (好味指數：😍😍😍😍)因為用左紅菇🍄，所以有淡淡既天然粉紅色幾靚🤩 紅菇🍄生長喺溫度同濕度比較高既環境，喺福建沿海地區比較多見，有淡淡既芳香同埋幾爽口～ 好少可見湯麵🍜會落咁多料，餐牌寫足足有14樣咁多🤩 包括有蝦仁🍤、蟶子、蜆🦪、豬肉🐷、菠菜🥬、娃娃菜🥬、豆卜等等，味道鮮甜，海鮮鮮味彈牙，有豬肉🐷令到個麵🍜香口啲，菜就煮到幾腍甜，仲有清新嫩滑既菇🍄，連下面既麵線🍜煮到軟腍，都索到湯🥣既味道，夠晒惹味～酥炸冰心榴槤 - $58 (好味指數：😍😍😍😍🤩)作為榴槤既big fan，一見到就毫不猶豫咁叫左😌 表皮係幾靚既金黃色，夠薄同酥脆，暖暖地咁而裡面係凍冰冰、細緻creamy既榴槤mousse，一熱一凍既感覺好正🤤有足料既榴槤，味道濃郁誘人😍～好味指數：😍😍😍😍🤩推介指數：😍😍😍😍🤩…Read More

又嚟到港威食嘢😋今次揀咗間少食啲嘅粵菜其實之前都見過幾次莆田嘅分店 今次係第一次黎 裝修幾靚 乾淨光猛Menu本身選擇好多 小菜海鮮湯品肉類麵飯通通齊全 太多嘢想食我哋揀咗15分鐘先決定到食咩😂咁啱係海蠣節 再多幾款蠔嘅菜式可以揀第一次食豬蹄凍 幾得意 醬汁有啲辣辣地 食落彈牙感覺滿滿膠原👍🏻原汁原味嘅魚湯🐟入面有魚 豆腐 杞子等等真材實料唔係味精湯👍🏻飲落鮮甜叫咗細size每人都分到兩碗👍🏻蠔仔炸得好鬆脆 一啲都唔腥 配料有洋蔥 蒜片 大量九層塔😍撈埋醬汁食超正!充滿滷香味嘅鐵鍋包菜飯係莆田人嘅家常飯 超多料!菜 滷肉 蝦米 香菇 乾貝...底層仲有塊荷葉增添香氣😍好好食食完正餐緊係要食埋糖水同甜品😜桂花味好香 清甜滋潤❤️超推介呢個新加坡特色甜品-炸冰心榴槤😍外脆內軟 餡料係足料榴槤果肉 底部有啲南瓜汁 食落好香滑榴槤味超濃郁😍榴槤迷唔好錯過…Read More

自上次去莆田撈起後🧧,母親大人念念不忘想試個土筍凍~但土筍凍係咩嚟?其實係蟲蟲啫喱🐛🙈🙈唔明點解母親大人咁重口味,但佢想食就帶佢嚟食下啦!其實所謂土筍並唔係筍,而係一種生長喺海邊嘅蟲~不過因為佢哋煮嘅湯鮮味🫕,而後來發現凍凝成啫喱狀嘅土筍凍又更有風味,所以先有呢個菜式~我食咗半粒,味道係唔錯,但實在過唔到咬蟲嘅心理關口😶,所以俾晒母親大人食~呢個菜式最適合喜歡炸嘢同芋頭嘅人!佢嘅芋頭味好香濃,夾住鴨肉,味道更加豐富~而且炸起後好香脆,識食嘅當然要食邊邊哥幾件~點啲酸甜汁解下膩,份量唔大,兩個人分剛好~每到海蠣嘅季節,就好多人會嚟食海蠣菜式🦪~佢哋仲推出咗209蚊可以試兩款,比起單點更抵👍~我哋揀咗海蠣煎,因為一向都喜歡食煎蠔餅,蚵仔煎哥類~呢度嘅海蠣煎比較似台式嘅蚵仔煎~因為中間蠔仔嘅部份係會連埋類似澄麵或者糯米粉嘅一齊煎,所以口感好煙韌~唔似平時食嘅煎蠔餅係炸嘅咁脆卜卜~另一個海蠣菜式我哋叫咗海蠣煮泗粉🍜~泗粉係類似薯粉咁,透明而且有韌性~連埋一個火爐上檯,等佢滾返起就可以食,但唔好等太耐,因為啲粉會煮到太軟~佢嘅湯汁比較濃稠,但係好鮮味😋~呢個滑豆腐係玉子豆腐哥類🥚,所以非常滑身~醬汁好香濃,加上有啲肉末,所以撈飯一流!佢底下仲有片蛋皮附黐底🍳,非常貼心~因為好喜歡食芋頭,所以試試呢個酥炒芋芯🥢~佢感覺有啲似反沙芋,但無咁多糖無咁甜🍬,只係外面薄薄一層脆糖~芋頭好香好粉糯,非常好食~母親大人見到榴槤,又係新加坡特色,唔理幾飽都要叫!佢其實係一舊雪到變冰嘅榴槤肉🍦,沾上脆粉拎去炸~所以外層好酥脆熱辣辣🔥,但係入面仲係好冰凍嘅榴槤肉~我唔食榴槤,但食咗少少外皮,真係好香脆~每次嚟食都覺得水準有保證,而且仲有唔少菜式想試,期待下次再嚟呀~…Read More