近排都幾鍾意行 K11 Musea，覺得商場設計好似去咗藝術館一樣，又大又靚 ; 前日行行下，發現一間新開咗兩個月嘅餐廳 "王家沙。花樣年華"，食上海菜感受一下滬菜特色。餐廳地方寬敞，雅致時尚，設計帶有新中式元素，空間感充足，不會有壓迫感，環境舒適寫意。餐牌上除咗有好多特別嘅上海涼菜、點心、飯、麵、年糕、湯羮等，亦有多款特式套餐選擇，真的很不錯。我哋就揀咗 "二人精選分享套餐" $328，包括前菜、主菜、點心、時蔬、甜品同飯。麻辣口水雞 每次食上海菜我必定點口水雞，麻辣特別惹味，依款麻辣口水雞味道甜中帶辣，辣中帶香，亦帶少許麻，雞肉入口細嫩幼滑，雞皮爽口，十分唔錯。韮王炒鱔糊上海菜特色係濃油赤醬，[韮王炒鱔糊] 就係其中一道代表作。鱔糊炒得極之惹味，醬汁香濃，份量十足，碟內有好多鱔肉呢。蘇式鮮肉小籠包小籠包外皮透薄，嚴選優質麵粉，陣陣香氣散發出來，而且手工精細，包著豐盈湯汁同鮮嫩豬肉，食起嚟會爆汁，肉餡加上甘香嘅湯汁，鮮甜美味。乾煸四季豆睇起嚟係一道簡單嘅菜式，確實，做起嚟難道𣎴大，但勝在用料新鮮，完全唔油膩，仲好乾爽，加上四季豆幼嫩爽脆，微辣惹味！甜品係上海出名既酒釀丸子，酒釀丸子帶有桂花既清香之餘，甜甜既酒味，丸子口感軟糯，好滋潤既甜品。每逢食上海菜，我一定會揀上海菜飯，味道無白飯咁淡，而且啖啖飯都有高湯香味，夾住小棠菜一齊食，多種口感。…Read More
不時都會去王家沙食嘢，呢間分店係第一次嚟，店內明亮，感覺舒服。
點菜由壽星發辦，主要係大家鐘意嘅食物。
小籠包湯汁鮮美，點埋醋汁夾埋薑絲食更正。
嘉美雞肉質嫩滑好有雞味，滿滿酒香更啱口味。
壽星對呢個乾煸四季豆讚不絕口，惹味帶脆，一條一條咁食唔停。
菜飯嘅白菜保留一點點爽口，飯又沒有油嘅感覺，平時唔係點食飯嘅人，居然成碗食曬，真係唔錯。
醬爆肉絲有一點甜味，用豆皮包住京蔥加埋肉絲一齊食，風味十足。
