Captain Japanese & Korean Restaurant (Kwun Tong Plaza) (Closed)

同事升職當然要賀一賀，於是選左公司附近呢間任食，鐘意佢邊爐韓燒刺身熱點咩都有。刺身冷盤（⭐️⭐️⭐️⭐️⭐️）叫得呢間餐廳做性價比之皇絕對有原因，佢地提供既刺身真係好多款式，三文魚、希靈魚、馬刀貝、虎蝦等等，想食既都有齊晒。而且佢地仲係擺係雪櫃即叫即拎，唔怕放既係室溫有細菌。另外佢地仲有好多健康冷盤，青瓜、沙律菜、蕃茄仔，唔怕放題任食淨係得肥膩兩個字。肉類（⭐️⭐️⭐️⭐️⭐️）餐廳既肉類係自己夾，要幾多拎幾多，款式都好多，有梅肉片、牛五花、豬腩片等等，應有盡有，而且全部肉類都可以按你自己喜好，打邊爐又得、拎去韓燒又得，真係啱晒三五知己全家人都啱食。不得不提呢款限定北海道豚肉，肉質鮮美，一d都唔鞋，油肉均勻，超級好食。配料（⭐️⭐️⭐️⭐️⭐️）餐廳既配料都係多到數唔晒，葡撻、炸薯條、魚皮、響鈴、新鮮蔬菜、就連爆谷機都有，可以講話你想唔到有既餐廳都有，可以講話好驚喜！另外每樣配料都唔馬虎，質數有保證，例如餐廳會擺d熱點係烘溫機保持溫度，值得一讚！甜品飲品（⭐️⭐️⭐️⭐️⭐️）放題當然唔少得飲品，呢到飲品選擇十分多，由罐裝汽水果汁、樽裝咸桔，去到包裝菊花茶、維他奶、解茶都有，真係任君選擇。另外餐廳都有甜品供應，涼粉、水晶粉，雪糕都有，全部都好好味，可惜胃口有限，必定再試！~~~~~~~校長燒肉日韓料理 (觀塘廣場)  觀塘開源道68號觀塘廣場15樓B號舖👍出色味道👍地點方便👍環境舒適…Read More

位於觀塘市中心的「校長燒肉」，絕對是一個長期推薦的任食放題餐廳。大部份都是家庭聚餐，一班年輕朋友傾計聚會，非常熱鬧。有時候來到放題餐廳，除了食物之外，那種烘烘喧騰的感覺亦非常有feel。校長的中日韓式任食放題，不僅種類繁多，而且質素保持穩定，價錢又非常吸引，真的沒有其他餐廳可以做到同一價錢同一質素。校長燒肉的最大特色是其多元化的菜式，從韓式烤肉到港式火鍋，甚至刺身或小菜小食，應有盡有。⚭ 韓式烤肉首先要提的是韓式烤肉區。校長提供的肉類選擇十分廣泛，有醃製雞翼、豬扒、叉燒、三文魚、魚柳、雞軟骨等。每一款肉類都經過醃製，味道入味，特別是醃製雞翼，燒得外焦內嫩，帶有微微的甜味。豬扒吃上一口讓人感受到肉的豐富油脂和香氣，而叉燒的焦香味道和微甜的口感，亦係讓人忍不住一塊接一塊。三文魚和魚柳的質量也相當不錯，雞軟骨脆口的口感讓人感受到不同的風味。老實說，食材質素絕對無問題，好食與否是在乎你燒烤的功力。⚭ 港式火鍋火鍋湯底有壽嘉燒、豬骨湯可供選擇。火鍋區的選擇同樣令人驚喜。肥牛、芝士腸和各種丸類、蔬菜等一應俱全。芝士腸是一種享受，當咬下去時，濃郁的芝士瞬間流出，令人驚喜不已。各種丸類的選擇也相當豐富，魚丸、蝦丸等，蔬菜的選擇也不容小覷，清新的口感能平衡烤肉的油膩，烤了一段時間淥條菜確實舒服。⚭ 刺身任食對於喜愛魚生的，刺身任食區亦是不能錯過。有三文魚、鮮帶子、赤蝦、吞拿魚、馬刀貝、赤貝等，選擇比起酒店自助餐更加多。三文魚的脂肪含量適中，入口即化，而鮮帶子亦富彈性和鮮味。⚭ 小食區小食區提供的選擇同樣可口，炒菜、炒蜆、四季豆炒燒肉、咕嚕肉、炸雲吞和豬腳薑等，不過這些小炒都是視乎當日食材供應。我就主力推介炒蜆，大排檔食一碟都差唔多$100，所以先拿一碟都是基本吧。⚭ 養生花茶區我特別欣賞的就是花茶區，任食都要食得健康。養生花茶區有普洱、菊花、陳皮、紅棗、玫瑰和柑桔等，可以根據個人口味調製。十分適合用餐後飲用，助於消化，可以降一降火。⚭ 飲品及甜品區餐廳的飲品區同樣豐富，包括啤酒和各種汽水，亦有供應生可樂、日本啤酒。而甜品區亦有多款雪糕雪條，喜歡食甜品的真的要先留肚。這個價錢和質素，只能夠說校長實在太佛心了！…Read More