Foo Ka Chinese Restaurant

曾聽說這酒樓是某集團老板開而自己會去食飯的地方，所以質素有所保證。其實自己住近這區，之前竟只去過一次，還是家人叫飲茶才去的。今次去飲茶，選了個平日，覺得整體環境及座位舒適，空間寬敞。因只與一位朋友去，只點了5個點心，每款質素都算唔錯，量亦足夠。餐牌上點心選擇算多，價錢由小點$23至特點$49，算是經濟，而粉麵亦大多$115，最貴荷葉飯也只$168，如果去酒店級中菜酒樓，現時最平的豉油皇炒麵可能都要$150起，其他款式大多超過$220，甚至三百幾一碟。酒樓由於位於商業大廈也近商業區，平日中午時有午市商務套餐，只$106/位(需2位起及另茶芥及加一)，包靚湯、蔬菜、白飯及水果，而自選小菜選擇亦有36款之多。繁忙時段能在這舒適環境享用這價錢的套餐，對於辦公室上班一族來說算是有選擇。提一提酒樓員工的服務也不過不失，只是酒樓地點不近地鐵站。…Read More

依家酒樓位於我公司樓下，成日都好想試，但係次次中午食飯嘅時候黎都係滿座，今次同同事決定早一個星期就訂枱，係公司做左甘耐點都要試一試依一間酒樓星期五中午，同同事兩個人黎叫點心食，安排坐齊一個近窗嘅位置，觀景非常開陽坐得非常舒適。我地兩個人叫左5 個點心墨魚餅 - 好有咬口，有粟米粒同墨魚粒，係其他酒樓比較少有，好好食避風塘蘿蔔糕 - 好惹味，份量亦好多冬菇切肉燒賣 - 係我食過最足料嘅燒賣棗王糕 - 好有紅棗味，熱辣辣好好食黑芝麻流沙包 - 係一啲都唔流沙嘅，個包亦都好甜叫咗咁多樣嘢除咗個流沙包之外，樣樣都好高質…Read More

現在已經很少地方有十六人枱，今天有同事生日，富嘉閣成為唯一之選。這裏環境舒適，服務殷勤，點心質素有保證，商務聚餐挑算這裏不會錯！xo醬炒腸粉是外國客人最喜歡的點心！口感煙韌，配以爽口的芽菜，惹味非常這個鍋燒腩肉上菜時還是熱的，要是厚切一點，口感會更好！蒜蓉炒白菜仔十分香口！上湯浸鮮竹卷不俗！避風塘蘿蔔糕是必點的，其他酒樓很少會這樣對待蘿蔔糕飄香荷葉飯最適合大夥兒分來吃！炸奶黃饅頭，鬆軟香脆！蒜蓉炒芥蘭，一點苦澀味也沒有！香草雞絲春卷及香煎墨魚餅，當中的墨魚餅也是外邊酒樓比較少見的！最後提醒一下，這裡平日午市經常滿座，要提前致電訂坐！…Read More