Jasmine (Home Square)

由於表姐預備搬新屋，所以今日下午約埋我們一齊去沙田嘅Home Square行吓睇吓有啲咩特色傢俬同擺設，之後喺夜晚嗰陣我們去咗「八月」食晚飯！一開始店員放低咗兩本餐牌畀我們，之後同我們講話一本用美國運通白金信用卡有75折優惠，另一本係用滙豐信用卡有85折優惠，而我們就當然係揀75折嗰個啦，除咗折扣比較吸引之外，餐牌上嘅菜色亦比較啱我們嘅口味！我們叫咗清、爽、正「冷鮑魚·海蜇頭·刀拍醬青瓜」嘅冷鮑魚質感好爽滑彈牙，味道好鮮味清香，海蜇頭相當爽脆滑身，味道比較清淡，刀拍醬青瓜非常爽甜清新，再加埋泰式辣醬一齊食，令到味道更加惹味！炭燒半熟A3和牛沙律係用炭燒將A3和牛燒到半熟嘅程度，味道相當芳香撲鼻，牛肉味非常鮮味濃郁，肉質極之鬆軟嫩滑，有入口即溶嘅感覺，而且份量超多，再加埋舖底清甜爽脆嘅沙律菜一齊食，令到口感相當豐富同唔會有好油膩嘅感覺！魚、糕係大廚師傅將條生魚拆骨同起肉做成嘅魚糕，蒸熟咗之後再將啲生嘅魚片放上面，表面睇落以為係好普通嘅魚片蒸水蛋，但原來係咁要咁花時間同心機，而且蛋下面係鮮味嘅魚肉精華，真係相當有心思同創意十足呀！鍋巴醬爆銀鱈魚嘅銀鱈魚外層嘅炸粉唔會好厚身，入面嘅肉質亦好嫩滑，而且表面沾滿晒酸酸甜甜嘅醬油，感覺相當醒胃，而底層係一塊炸得好香口鬆脆嘅米通，夾埋一齊食，真係好正呀！迷你桶仔飯表面睇好似好細桶以為會無乜材料，但原來都幾足料豐富，有乾瑤柱絲、燒鴨粒同鹹蛋粒，米飯嘅質感亦好煙煙韌韌！原隻鮑魚荷葉飯亦都係迷你版，頂層嘅鮑魚燜得好入味，質感好煙韌彈牙，其他嘅材料有鷄粒同蘑菇粒，而且米飯吸收晒荷葉嘅清香味！…Read More

朋友生日，係openrice搵到呢間，諗住係沙田一田血拼完，一定會好攰，所以搵間係附近，近近地食晚飯第一次嚟呢間，因怕星期六人多，已早一日打去book定位先，book位得2個時段，6:00 & 8:00pm 限時個半鐘，仲要準時到架，遲咗唔會 hold枱，我地準時到已經有幾枱客，到咗6:30-7:00 差唔多 full，好彩book咗枱😁值得一讚環境舒服，唔會太嘈，食物味道好無乜味精，甜品夠精緻，上菜速度快（除咗甜品要預先落單，因製作要45分鐘），店內服務員態度良好，價錢合理，3個人食咗4個餸，3個迷你飯，2個甜品，埋單都係$590，食得好滿足好開心，一定會再去食，試下其它菜色👍…Read More

Happy Friday 在沙田火車站愁著邊到唔使等位又好食, 忽然想起沙田中央廣場的八月這個集團的品牌真的挺喜歡, 中西合壁的 menu, 後生都叫到自己想食的菜, 特別是甜品!! 當甜品鋪都仲得我們等了五分鐘就可以入座, 價位同美心皇宮差不多, 但侍應感覺都比較年輕同反應快! …Read More

是日需要買點家品，便來到沙田Home square順便飲茶。八月屬於美心集團的一員，感覺上只是店名不同，所賣的點心款式實際並無新意，頂多只是按地區而價錢有所不同而已。取票機放在接待處，由店員分派，匆匆拿了號碼票，上面沒有印QR code，當日所有客人都困在窄小的門口，因為沒有擴音和顯示屏，大家都不知道要等多久，唯有在原地苦等，結果又嘈又迫，又有壓迫感。期間還有人不舒服嘔吐，結果場面一片混亂。希望美心可以參考茶木，開發一套等位系統讓客人可以更舒適的善用等候時間。不說可能不知，前菜是可以免除的，不過要在開茶是一早通知。關於這點，在點心紙的背面其實有說明，只是字體很小，相信都沒有很多人會注意。這兒前菜收$12，茶錢收$11/位，因為輪侯客人眾多，所以規定了個半鐘後要還檯。店內裝潢走高檔路線，價錢卻很親民，大中小點不過是$31、$26、$20這樣的價錢。小心流沙奶皇包這個名字給人太大期望，因為令人聯想滾燙、流心的模樣。可惜事實卻非如此，除了包身爆裂，內餡的奶皇少之又少，加上熱度不夠，根本沒有流心效果。尖筍鮮蝦餃的賣相更加狂野，蝦餃皮爆開，內裡的蝦仁已經快要跌出來了。不過價錢不過$32，比平時一般高檔中菜平三成有多，也許對於外型也就不要太苛求了。這兒的蝦餃，內餡很少，一口咬下去皮肉立刻如金蟬脫殼般分離，入面放有少許筍粒，但胡椒味佷重。北菇綿花雞是今日比較可取的一道，魚肚很綿很多汁。蒸出來的汁有陣清香的薑味，不油不腥，非常美味。雞肉入口啖啖結實，明顯用胡椒粉醃過。迷你桶仔飯一如其名，份量非常之袖珍，雖然有木桶包着，其實只有一碗飯的份量。內裡用了乾瑤柱絲、菇粒、雞肉粒、豬肉粒等材料，味道普通。脆脆BB豬其實之前在其他店都有嚐過，油膏佔了大概3分1，肉質的確很嫩滑，豬皮也脆卜卜，不過稍嫌不夠熱，端來時只有少許餘溫。一碟$78四件，單吃一件不覺膩滯，第二件則明顯覺得肥膩，勝在不用吐骨頭，不過還是佐飯吃會好一點。薑汁雙皮奶其實有點貨不對辦，面前的一碗表面光滑，口感結實，同時入口薑味的辛辣欠奉，似乎比較像普通燉蛋白多一點。整體來說，雖然價錢抵吃，但款式稍為沉悶，服務多有錯漏，餐具衛生麻麻，水準算是普通。…Read More