呢間過江龍咖啡店啱啱開業嘅時候請唔夠廚師(經理自己講🙈)，所以長期排曬隊💩咁啱呢日放假又唔太full就入去試試😎首先嚟到嘅係KOMEDA咖啡，跟餐只需要$20，可以免費加豆奶，聞起嚟都幾香，飲落亦都冇苦澀味，中規中矩👌🏻本來想食紅酒燉牛肉，但嗰日冇曬，所以就叫咗咖喱意粉($78)，仲標明同新宿中村屋共同研發😆估唔到「因禍得福」，意粉質感好特別，有少少彈牙、好似烏冬咁，但又未至於好煙韌，我同朋友都超鍾意🥰雖然餐牌有提示醬汁偏辣，但只係香港人嘅小辣，而且唔會長留喺個口度，比起普通日式咖啡味道得確更豐富😝因為個意粉太好味，塊牛油多士相對之下就好普通😉好少可見炸豬排配味噌，通常都係啡色嗰隻豬扒醬，所以就叫咗份三文治試試($75)，可以揀切兩舊定四舊🥪本來諗住兩個人食就分成2份，點知個包幾大下，結果都係要自己再切多刀😂豬扒新鮮炸起超級熱辣辣，但食完第一啖我哋都好疑惑，點解會有咁濃嘅酒味🤔或者明古屋嘅味噌係咁，但同想像中真係好大出入🤣又或者係因為沙律醬加芥末再加味噌就出現呢浸味，其實總體嚟講唔差，麵包亦都有烘過、夠鬆軟，不過普通嗰款三文治可能更好😛最後當然唔少得甜品 - 迷你冰與火($48)🤩雪糕係淡淡嘅牛奶味，但唔算濃郁，口感比較似新地雪糕🙈丹麥麵包比我預期中失色咗啲，以為會好香牛油味或者好鬆軟，點知兩者都冇，食落似係比較硬實嘅麵包，要連埋雪糕食先比較好，亦都好彩有糖漿搭救☹️…Read More
