Hakka Kitchen

今晚老豆帶我黎食客家菜，話呢間正宗又就腳喎，老豆發板叫左3樣餸，食飽老豆仲話叫阿媽做冬唔洗煮，黎呢度食都幾好喎！食完認真感到全身暖哂嘅藥膳黃酒炆雞，半隻份量，雞件都幾多下，蔥蒜+藥材同黃酒，有酒香，亦有酒甜，我覺得好好味呀！我地食左未夠一半，老豆同我已經要再叫多碗飯！客家名菜，農家炆燉扣肉。怕肥騰騰？佢又唔係好肥喎，食到中間少少肥肉唔覺油膩，反而食到甘香。底下放左白菜仔吸汁，吸嘅係梅菜汁，扣肉同甜梅菜炆煮完嘅汁，攪到我地又各自ko多一碗飯！金銀蛋浸時蔬，上湯好飲，食到咸蛋香皮蛋香，個菜都新鮮嫩口，唔錯呀！飯後仲問我地要唔要糖水，話今晚可以送我地2碗，木瓜雪耳糖水，so sweet！食完唔口渴，有家鄉風味。唔知店員係咪客家人呢？好客又親切嘅感覺，餐前有中式消毒一個大碗裝好滾嘅水比我地淥一淥d餐具，環境仲幾企理乾淨。…Read More

最近喺長沙灣揾到一間小菜館，叫《客家人》坐得舒適😌食得招積🤪服務出色😉入面個個都好有禮貌，又招呼，每次遞上小菜都話小心睇熱，好窩心😘仲有懷舊蕎頭食𠻹🤭我叫咗三個小菜👇🏻👇🏻👇🏻👇🏻👇🏻➡️藥膳黃酒炆雞👉🏻熱辣辣煲仔雞，聞落已經好香濃，煲內有一片片小薑爆香雞件！雖然藥材味欠奉，但每件雞都炆到入哂味，好鬼惹味😋仲有啲青紅椒拌住，令味道提升不少🆙⚠️（品嘗期間，親切嘅老闆娘有介紹過如果想藥材味重啲，可以下次試吓藥膳黃酒煮雞湯！不過，我覺得呢個炆雞別有一番風味😋)➡️農家炆燉扣肉👉🏻肥瘦均勻嘅扣肉，入口油香橫溢，加上滿滿梅菜，惹味可口，送飯一流😋唔好以為扣肉唔健康，原來內有乾坤🤩藏咗好多白菜仔，食到肉之餘，又食到菜！佩服大廚將呢度傳統小菜改為現代人追求健康小菜👍🏻叻👍🏻➡️椒絲腐乳炒唐生菜👉🏻香濃惹味嘅腐乳汁加上一棵棵入口爽甜嘅唐生菜令我唔鍾意食菜嘅老公都愛上呢度菜！估唔到喺度都有飯後甜品，就係滋潤養顏嘅木瓜雪耳糖水，味道少甜但真材實料😍食完都唔夠喉我欣賞《客家人》每碟小菜無論賣相、顏色、擺法都好完美！而且呢間餐廳都十分支持環保，以棄置呢嘅酒樽自製一棵聖誕樹🎄好有創意👍🏻👍🏻…Read More

大胃之母係客家人，成日都煮客家菜，不過人大咗少咗屋企食，呢次出嚟竟然都係食返客家菜喎，試吓有咩分別啦飲茶消疲勞都係客家人嘅習慣，大胃又飲普洱提神先Office食夠花生，放工再食炆燉扣肉味道始終如一係客家味，好似大胃由細食到大就會feel到，只係呢間煮得冇大胃之母咁鹹，易入口好多近排屋企唔煮白飯，喺呢度終於食到喇，仲要係絲苗米，好感動獅頭鵝屋企一定煮唔到㗎喇，嗰種鑊氣真係要出嚟食先食到而且只有腐竹同少少菜做綠葉，唔會用薯仔掗你胃，絕對食得過估唔到簡單一碟菜都咁有火候，皮蛋好香又冇押味搵日帶埋大胃之母食吓，等佢偷吓師先…Read More

香港專食客家菜既地方唔多 呢間客家人本來係係太子 宜家就搬左去長沙灣 地方更大 客人都坐得更舒服😆一坐低店員會先問你飲咩茶 我地就揀左鐵觀音 係店員介紹之下我哋揀咗三個餸 分別係藥膳黃酒炆雞 農家炆燉扣肉同金銀蛋浸娃娃菜😚 藥膳黃酒炆雞煲上 火候十足 雞肉酒味香濃 有足料藥材睇到但又唔會好重藥材味 大人細路都啱食😛 農家炆燉扣肉係經典嘅客家菜 有五大件肥瘦適中既扣肉 再有梅菜墊底 最重要就係做到香而不膩 又唔會好鹹 真係超好送飯🤤 金銀蛋浸娃娃菜亦都不容小看 加左雞蛋同肉碎 用上上湯烹調 娃娃菜非常香甜好味 食飽飽仲有紅豆沙送以後想食客家菜就多一個選擇啦🌟…Read More

近嚟星期五晚放工，我都會繼續發掘深水埗／長沙灣區一帶嘅餐廳。以前唔好食中菜🥢嘅我，口味慢慢轉變緊，變得無咁抗拒。有見及此，我同朋友隨即揀選咗「客家人」。晚飯時段七點幾，餐廳坐滿人，由於而家只可以四人一枱，枱同枱之間安排得比較疏落👍，食客故知然食得安心，坐得舒服。餐廳賣嘅菜式當然係客家菜，其實本身我對呢方面無乜認識，後尾先知原來普通酒樓都有賣嘅梅菜扣肉同埋三杯雞等菜式都係客家菜😳。兩個人，一湯一肉一菜，份量啱啱好。由於想食哂啲餸唔打包，所以我哋只係叫咗一碗🍚白飯($13)。農家炆燉扣肉($108)，梅菜扣肉係非常邪惡嘅食物，我對佢又愛又恨🙈。呢度嘅扣肉真係好出色，因為肥瘦度對我嚟講係完美比例。店員話佢哋特意揀啲唔係太肥嘅豬肉🐷，因為大眾對飲食健康嘅關注多咗。扣肉真係忟至入口即化嘅口感，咁就避免咗肥膏停留喺口腔耐咗而產生嘅油膉味道，好好食呀😋。我第一次一餐食多過一件，再加上其實佢一件都好大件，好長身。下面嘅梅菜就好入味，又唔會過鹹，撈飯食絕配。胡椒客家鹹菜豬肚湯($138)，湯品好大窩🍲，四個人都夠飲，最重要係熱辣辣送入口中。豬肚湯用上好多料煲，呢度嘅鹹酸菜唔單止得酸菜脯，而且仲有有菜葉嘅菜乾。可能由於多菜嘅關係，胡椒味被輕輕溝淡咗，變得唔太濃，無平日好搶喉嘅感覺，個人認為如果強烈少少會更佳！至於豬肚方面，口感彈牙唔韌兼且無怪味，份量仲好多添。整體都係好飲嘅🤤！金銀蛋浸時菜($88)，時菜有得揀生菜、菜芯同小白菜等🥦。我哋要咗最後者，原來扣肉底都有小白菜，早知嗌第款啦，但唔太大影響嘅。呢碟菜都好味道啵，金銀蛋(即皮蛋同鹹蛋)為蔬菜帶來鹹香，無蒜蓉炒咁單調，唔錯唔錯。食物味道好之外，老闆娘同店員們都好好禮貌。佢哋話之前喺太子開咗十幾年店，上年先搬過嚟長沙灣呢邊，而且師傅仲跟埋一齊嚟👨🏼‍🍳。言談間老闆娘問點解唔試吓黃酒煮雞湯，我哋話驚酒味太勁唔啱飲。隨即佢就走咗入廚房倒咗杯黃酒俾我哋試下🙈，超好人。原來黃酒係由佢哋自家釀制，味道甜甜地都OK喎。堂食以外，餐廳亦推出咗個抗疫外賣二人套餐🥡，$168包幾款招牌餸，正啊。總括嚟講，呢餐係人情味滿滿嘅客家菜晚餐，菜式正宗又好食，梅菜扣肉真係不得了！其實今晚嘅量只要嗌多碗白飯三個人都夠食啊。有機會我都可以中午嚟幫襯下午餐😛～。最後，詳細餐牌上載供大家參考🙏🏻。…Read More

舊同事準備結婚，返咗嚟Office派帖，順便就約埋一齊食晚飯，佢話為咗結婚餐餐食麥皮，今日難得聚舊，好想放肆食返餐好嘢，仲話好想食梅菜扣肉，真係服咗佢，咁好啦，就去公司附近嘅呢間客家人俾佢放肆一下啦！因為疫情關係，每張餐枱都有一定距離，所以感覺寬敞，最適合我哋傾吓偈。我呢個文盲就最鍾意啲餐牌有圖文並茂，見到梅菜扣肉張相又真係幾吸引嘅。我哋一行三人，所以就揀咗三個餸，第一味當然係準新娘點嘅客家炆燉扣肉，好彩佢呢度嘅扣肉唔算好肥，大概係7分瘦3分肥，等我哋食起上嚟都冇咁大罪疚感，佢嘅梅菜經過調味之後一啲都唔鹹，送飯一流，所以我哋每人叫咗一碗白飯🍚，入面仲有幾條小棠菜點綴下，即刻覺得自己飲食非常均衡呀哈哈😄因為叫咗梅菜扣肉，所以其餘兩味我哋都揀啲冇咁多肉嘅菜式，呢個客家小炒王用嘅係韭菜花，配合埋肉絲、蝦乾、腰果、蘿蔔絲等等，非常惹味，呢碟餸我哋絕對食到清碟。另外叫咗客家煎釀豆腐，每件豆腐都好大件，而且豆腐都好滑，上面釀咗應該係豬肉混魚肉，配合芡汁，清清地唔會覺得好油膩。店員嘅服務真係好好，親切又有禮貌，佢知道我哋喺附近返工，仲誠意推介我哋過嚟食午飯，我見佢嘅餐牌價錢都唔貴，選擇亦多，所以我遲啲都會約同事過嚟食吓lunch，一定會再encore！…Read More

🍽客家人（長沙灣）​​👩🏻‍💻好易搵既一間客家菜😊距離地鐵站只係幾分鐘路程👍🏻好方便👍🏻店內燈光舒適，環境寬敞，因疫情關係，檯與檯之間雖然保持距離，但仍然好有家常💕菜既感覺🥰👍🏻店家殷勤招待👍🏻😊細心介紹店內客家名菜😍「農家炆燉扣肉」、「客家煎釀豆腐」，仲有一味令我🥰蠢蠢欲動既「藥膳黃酒炆雞」足料既菜式💯‼️今次得兩個人下次多啲人再黎食😋​​P.s：餐館提供外賣服務​🥘農家炆燉扣肉​🌟色、香、味俱全‼️😋扣肉一上檯真係引唔住好想食一啖🤤肉質鮮嫩肥美，雖然係扣肉，但食起黎肥瘦均勻🥰，不油膩👍🏻💯梅菜既味道落晒肉汁😍惹味非常‼️😋當然要試下用黎送飯🥰口感一流，味道豐富，可以送晒成碗飯既必點菜式💕💯‼️​​🥘客家煎釀豆腐​🌟意想不到既幼滑口感😍‼️💕豆腐鮮味，醬汁咸味無搶去豆腐鮮味，豆腐雖然幼滑，畢起上黎都好完整，無碎到👍🏻😋老少咸宜健康營養既一道特色菜😋👍🏻​​🥘上湯豬潤浸菜心​🌟食飯點都要加道菜食😋隨便點一款都無失望既菜式🥰豬潤口感柔滑，軟硬適中🥰未試過豬潤可以煮得咁好食🤤👍🏻‼️菜心口感鮮嫩無渣，食得出多年的烹調技巧👍🏻🥰​​✒️總結：好溫馨的一頓晚飯🥰💕👍🏻​✅無論係服務✅整潔既環境​✅多款選擇的客家特色菜✅食物質素​👍🏻都有賓至如歸既感覺👍🏻💯‼️…Read More