Chiba (Kiu Kin Building)

朋友聚會揀咗呢間餐廳，環境氣氛都幾唔錯，好啱聚會! 嚟緊聖誕同新年又未揀到餐廳都可以考慮嚟呢到，不過最好睇下有無得book位先，始於臨近節日都會比較full，不過要留意我哋喺一個月前嚟，唔知menu會唔會有改到啦😛•🥢水牛城雞翼 $88雞翼件數唔少，水牛城醬汁酸酸地辣辣地好開胃，因為醬汁唔係太多，所以雞翼表面都仲keep到脆脆地！•🥢烤原隻魷魚乾 $88烤魷魚乾🦑會跟個爐仔一齊上，不過入面放嘅係假蠟燭，當係裝飾咁啦😂😂 烤魷魚乾係類似零食類嘅魷魚乾，係好好嘅下酒小食😌•🥢慢煮甜酒燴牛面頰 $188慢煮牛面頰煮到超級腍！雖然甜酒喺煮嘅時候都應該已經揮發晒🤪 但牛面頰都好入味，下面仲墊咗啲薯溶，兩者好夾～•🥢軟殼蟹肉醬千層麵 $148軟殼蟹炸到好脆，唔會好油，放咗喺千層麵上面，千層麵中間有啲肉醬同菇，同一般千層麵有啲分別，但多咗啲味道同口感都幾唔錯！•🥢西班牙海鮮飯 $178西班牙海鮮飯嘅海鮮偏細粒，飯粒都偏濕，有啲失色，但番茄味道幾出嘅。•📸曲奇朱古力奶普📸 Crazy “Flower”…Read More

-{旺角樓上cafe🍝}🤤 墨西哥烤雞餅 🤤 ($88）有拉絲同好多雞絲😍雞好大陣herbs味嘅😛上面有蕃茄粒 牛油果醬同sour cream😋好大份又抵食😋👖褲評: 8.8/10🤤 慢煮甜酒燴和牛面頰 🤤 ($188）好易切開 和牛好腍食到啲骨膠原😂薯泥亦好綿滑☺️同和牛好夾！👖褲評: 8.5/10🤤 軟殼蟹肉醬千層麵 🤤 ($148）軟殼蟹幾脆有蟹膏😍好卜卜脆☺️千層麵中間嘅肉醬同芝士都平衡得幾好😜👖褲評: 8/10🤤 曲奇朱古力奶昔 🤤 ($68）曲奇朱古力好濃郁😋oreo碎好脆😁焦糖爆谷亦好香口😙encore都係咁出色！👖褲評: 8/10🤤 焦糖蜂蜜奶昔 🤤 ($68）超重焦糖醬同雲呢拿嘅味😇我覺得偏甜 但男友好鐘意🤓👖褲評: 7.8/10Encore依度 今次嘅食物質素仲好左😚性價比: 8/10服務: 10/10環境: 8/10🚩 吃吧 🚩地址: 旺角彌敦道566-568號僑建大廈2樓2室…Read More

餐廳環境闊落，裝修帶點簡約工業風格。Menu除左有多款精緻特飲🍸仲有唔少draft beer同酒精飲品🍻啱哂成班朋友嚟happy friday! 更有生酮可供選擇，減緊肥嘅朋都可以食得放心😚🔸芝士藍青口 呢個頭盤以煲仔盛載，十分特別，藍青口每隻都大大隻，份量仲好多，濃郁的芝士🧀更做到拉絲效果。每隻青口都沾滿芝士，鹹香味十足🤤🔸慢煮甜酒燴和牛面頰 三大嚿牛面頰牛味濃郁🐮 輕輕用叉都可以切開，肉之間既油脂溶化哂肉質煮得軟腍，食到跟腱位仲有滿滿嘅骨膠原添🥔薯蓉打得綿滑，點上醬汁味道啱啱好。🔸軟殼蟹肉醬千層麵大大隻軟殼蟹炸得好香唔油膩，都幾多蟹肉🦀千層麵焗得剛剛好，中間夾雜咗肉醬同野菌🍄肉醬份量足夠，會食到少少粒粒蕃茄口感🍅酸酸甜甜十分開胃😋面層仲有好邪惡嘅芝士，層次感豐富！🔸焦糖蜂蜜奶昔 飲品有特色得嚟亦非常吸睛😍 上層佈滿cream同埋爆谷🍿下面嘅奶昔充滿焦糖同蜂蜜味🍯 甜味如果可以少啲就更加好🙊打完卡要盡快啲爆谷呀📸唔係好快會跌哂落嚟🔸熱情果接骨木花茶 用花樽同埋假花擺盤真係好有創意，接骨木骨茶有少少澀，茶味唔係好濃，加上香濃嘅熱情果帶出更fresh嘅味道，飲落十分清新。…Read More

-{旺角樓上cafe🍝}🤤 火焰德國咸豬手 🤤 ($228）皮脆多肉😉係卜卜脆嗰種 食落熱辣辣🥳可接受嘅咸☺️另外個椰菜花蓉好香牛油味😍必試菜式😛👖褲評: 8/10🤤 芝士藍青口 🤤 ($88）個芝士汁有啲拉絲好香口 仲有車厘茄配搭🤓但青口質素有啲參差 不過都有十幾隻😚👖褲評: 7.5/10🤤 軟殼蟹肉醬千層麵 🤤 ($148）軟殼蟹幾脆有蟹膏😍千層麵中間嘅肉醬同芝士都平衡得幾好😙但份量有啲少🤓👖褲評: 7/10🤤 西班牙海鮮飯 🤤 ($178）好幾種海鮮撈埋 但少左鑊焦冇平時食嘅咁出味~我就麻麻地👀👖褲評: 5/10🤤 曲奇朱古力奶昔 🤤 ($68）曲奇朱古力好濃郁😋有oreo碎同啲焦糖爆谷但係啲爆谷浸腍左👀食食吓真係好似食緊早餐粟米片咁仲要加埋匙羹😂😂😂😂👖褲評: 7.8/10🤤心太軟配是日雪糕🤤 ($58）食得到有流心 側邊仲有少少爆炸糖增加口感😎配埋雲呢拿雪糕冇咩好挑剔😜仲要幫壽星寫埋字😛👖褲評: 7.8/10晚市坐左好耐 而且試咗啲手工啤都好好飲 環境舒服而且服務好好！仲要係冇切餅費🥹朋友慶生一定要揀呢度🥳性價比: 8/10服務: 10/10環境: 8/10🚩 吃吧 🚩地址: 旺角彌敦道566-568號僑建大廈2樓2室 #fuudjai #fuudjai西餐 #fuudjai旺角…Read More

【旺角樓上餐廳❤️‍🔥Chiba吃吧】-小編今日又來到旺角搵食😗今次試咗一間喺油麻地站附近嘅樓上餐廳😎味道都唔錯💗同大家介紹吓先😜-餐廳位置闊落😙裝修走工業風🏗🏭有個弧形酒吧😝相當有特色坐窗邊仲可以望到旺角彌敦道嘅景色呢到嘅飲品好特別🤪值得一試😽同埋幾啱同朋友聚會飲嘢傾偈-😋慢煮甜酒薈和牛面頰🍷$188+1和牛面頰口感軟腍😜完全唔使用刀都可以拆開😽膠質豐富仲好重牛味🐂薯蓉軟滑質地濃稠☺️幾飽肚🤰🏻個醬汁微甜但點酒香😌配埋薯蓉食用幾夾🥔好味指數：🌕🌕🌕🌕🌘-😋軟殼蟹肉醬千層麵🍝 $148+1原隻軟殼蟹放在千層麵相🦀霸氣十足😝軟殼蟹炸得鬆脆而且冇油膩感😙肉醬蕃茄味香濃🍅如果芝士味再重啲就好啦🧀同埋千層麵有少少腍🤏🏻好味指數：🌕🌕🌕🌕🌑-😋吃吧招牌拼盤 $138+1上菜個陣侍應端出一個木盒😝一打開有啲煙飄出黎😉神㊙️感十足木盒有六個方格，分別放了煙三文魚珍珠月脆撻、芝士🧀、脆餅配莎莎醬大蝦、毛豆、蜜瓜Parma ham 及黑魚籽溏心蛋。全部味道都可以😹幾啱配番杯紅酒🍷好味指數：🌕🌕🌕🌖🌑-😋熱情果接骨木花茶🌸 $56+1飲品用花瓶裝住😚插了粉紅色的花💐賣相相當Igable😝熱情果酸酸甜甜😜加左接骨木，餘韻特別香爽怡人。好味指數：🌕🌕🌕🌕🌑-😋焦糖蜂蜜奶昔🍯 $68+1呢個奶昔造型好吸引😝面頭嘅忌廉鋪滿焦糖爆谷🍿飲落淡淡的蜂蜜味唔會話好甜😙味道唔錯😋好味指數：🌕🌕🌕🌕🌑-📍 吃吧 (僑建大廈) (旺角)旺角彌敦道566-568號僑建大廈2樓2室💸人均消費：$330…Read More

老公放假，特別上網搵到一間人氣餐廳帶我去試吓。餐廳裝修有型有格，以水泥工業風做主題配上不同顏色嘅椅子，加上別緻嘅擺設，可多角度打卡影出靚相📸店員有禮又細心，好詳細咁同我哋介紹餐牌。餐牌上有生酮選擇，適合注重健康飲食嘅客人。🌮墨西哥粟米片（牛肉）$88 - 粟米片惹味，脆卜卜，沾上酸忌廉及富有肉香味嘅牛肉醬，令人食唔停口。🥩慢煮香草牛柳配松露泡沫大啡菇 （$188）- 牛柳相當厚，而且味道濃郁，黑醋汁更令味道提升。薯蓉軟滑，加上松露醬，香氣十足。大啡菇新鮮多汁，烤焗過嘅蒜頭焦香微甜，絕對有驚喜。🍝軟殼蟹肉醬千層麵（$148）- 炸軟殼蟹同千層麵兩款美食放埋一齊，一睇就知係廚師心機之作。蕃茄肉醬味道濃郁細膩，軟殼蟹既酥脆又鮮味，美味飽肚。🍹水蜜桃荔枝茶（$56）- 如果唔係店員話俾我知個花樽係飲品，我仲以為我老公咁花心思送一束花俾我😂原來花樽入面裝住清香甜蜜嘅水蜜桃荔枝綠茶，令我少女大爆發，不停影相💕🍫炭燒榛子朱古力（$56）- 朱古力味非常濃郁，杯面仲有燒香過嘅棉花糖同彩色碎糖，甜蜜指數100分！…Read More

ʕ•ﻌ•ʔ 熟熔芝士薯條 $76熱熔芝士薯條實在太邪惡了！🍟 炸得香脆既薯條加埋熱溶芝士令人欲罷不能🧀 一個唔覺意就唔小心食哂成盤了🫣Cheesy French Fries were super evil😈 Crispy fries with the melted cheese on top were difficult to resist😚, and you’ll finish the whole plate accidentally🫢評分: 8.5/10🌟ʕ•ﻌ•ʔ 焦糖蜂蜜奶昔 $68焦糖蜂蜜奶昔賣相非常吸睛🤩 黐住忌廉既爆谷好容易跌落黎😳 最好都係食哂啲爆谷先好飲杯奶昔🍿 奶昔入口順滑同埋有焦糖既甜味😛 整體來講甜度偏高 比較適合嗜甜既朋友🤎Caramel Honey Milk Shake was ig-able✨ Popcorn “stuck” on the cream was easy to drop🤥, so you better finish the popcorn before drinking the milkshake🤣 The milkshake was smooth, creamy, and super sweet!🥤評分: 7.5/10🌟ʕ•ﻌ•ʔ 熱情果接骨木花茶 $56熱情果接骨木花茶飲落超級清香又唔會太甜😍 花茶帶淡淡既熱情果味 加上咁有gimmick既賣相絕對啱哂我喜好😎Passion Fruit & Elderflower Tea was fresh and aromatic but not too sweet🌸 Definitely suits my preference, perfect🥰評分: 10/10🌟ʕ•ﻌ•ʔ 軟殼蟹肉醬千層麵 $148肉醬千層麵食落好濃味又飽肚🤰🏻 蕃茄肉醬為千層麵增添酸甜既味道🍝 食少少都夠 比較啱同朋友分享🧡 軟殼蟹食落幾脆口 不過帶啲偏鹹🤧 調味淡返啲會更好😆Lasagna was rich & super filling, and with a hint of sweetness and sourness from the tomato🍅 Soft Shell Crab was crunchy while it’s too salty🧂評分: 7/10🌟ʕ•ﻌ•ʔ 慢煮香草牛柳配松露泡沫大啡菇 $188慢煮香草牛柳熟到剛好 食落有牛味而且夠淋身🫶🏻 加埋松露同好juicy既大啡菇一齊食就更加滋味😋 薯蓉亦整得夠綿密🥔 配埋醬汁食提升整體層次💫Slow Cooked Beef with Portobello Mushroom was cooked just right👍🏻 The beef was soft and meaty🥩 The portobello mushroom was juicy🍄 Creamy photo mash paired well with the sauce and enlightened the whole dish🥳評分: 8/10🌟—————————————————————————————吃吧 (僑建大廈) (旺角)旺角彌敦道566-568號僑建大廈2樓2室𓍼 #foodietiffhk 𓍼 #foodietiffcafe𓍼 #foodietiff旺角𓍼 #foodietiff黃店💛#hongkong #hongkongtravel #hkcafe #hongkongcafe #hkfood #hongkongfood #hkfoodlover #foodaholichk #hkfoodie #cafehopping #chiba #旺角 #旺角美食 #美食推介 #黃店推介 #美食攝影 #香港好去處 #다방 #홍콩 #홍콩맛집 #홍콩일상생활…Read More

.📍Chiba📍#饅頭去旺角 #饅頭食西餐祝大家2022年平安快樂❤️😉------------------------------1️⃣慢煮甜酒燴和牛面頰 ($188)Jesus！呢個好好味，和牛面頰係拳頭size咁厚肉，一落刀就覺得好驚喜，煮得非常軟腍入味又鎖汁，一梳梳嘅牛肉嫩滑入囗即化🥰，牛肉味濃郁，不過酒味就唔明顯；底下嘅薯蓉細滑creamy，牛油味同奶香俱全，配煮牛面嘅汁都好可口💯。◾評分：8.7/10------------------------------2️⃣軟殼蟹肉醬千層麵 ($148)呢個相對就比較普通，份量偏細，軟殼蟹正常發揮，千層之間夾雜咗肉醬同野菌，肉醬份量足夠，會食到少少粒粒蕃茄口感，fresh fresh地酸味為主，仲有Parmesan cheese嘅鹹香同少少拉絲Mozzarella cheese做點綴，味道唔係差嘅；主要係千層面皮太淋🥺，口感又厚又濕軟(我個人唔太鐘呢種質地嘅意粉) ，一切就冧樓，導致層次唔夠分明。◾評分：6.8/10------------------------------3️⃣曲奇朱古力奶昔 ($68)用椰子殼裝住嘅靚靚打卡smoothie， 面頭裝住一大pat cream，再鋪上Oreo碎同焦糖爆谷，可以當甜品咁享用😍。沙冰細碎入味，朱古力味明顯甜度適中，有啲似飲緊朱古力奶沙冰，好在飲到最後都唔會畀冰水稀釋曬。◾評分：7.5/10------------------------------🔸整體評分：7.7/10🔸小編回頭率：7/10…Read More

同朋友係旺角行完街想揾cafe傾下計，呢間樓上cafe環境都幾寛敞🙂主打嘅係fusion多國菜，不過最印象深刻就係佢地嘅飲品造型，好有創意😆🔸慢煮甜酒燴和牛面頰 (HK$188)和牛面頰都幾大塊，有好濃郁嘅牛味，肉質又滑又淋身🥩配搭口感綿密嘅薯蓉同微甜嘅醬汁，食落唔會好油膩～🔸軟殼蟹肉醬千層麵 (HK$148)有原隻軟殼蟹喺上面，外皮炸得好酥脆，不過食落有少少油膩。千層麵每層都夾住滿滿嘅肉醬同番茄醬，望落好似細細份咁，但食落其實都幾飽肚😆🔸蜜糖咖哩脆雞 (HK$68)雞塊炸到脆卜卜，外皮薄肉質嫩，咬落好多汁，主要食到蜜糖味，咖哩味再濃郁啲就更正啦🥸🔸水蜜桃荔枝茶 (HK$56)一上枱個陣以為個花樽係裝飾品，原來係水蜜桃荔枝茶🤣賣相滿分！水果味好清香，唔會好甜，非常解渴解油膩，好飲得嚟又可以打卡👍🏻🔸曲奇朱古力奶昔 (HK$68)朱古力控必點😍朱古力味好濃郁，奶昔上面仲有滿滿嘅忌廉、焦糖爆谷同Oreo曲奇，超邪惡呀🤣…Read More

🥚🥚🐷來吃fusion美食吧✨性價比：9/10🍳食物：8.5/10🌏環境：6/10🕺🏻服務：8/10💰是次消費：人均 $ 258 + 10% + 85折#蛋蛋豬 🏝地點分類: #蛋蛋豬在旺角 🍰食物分類: #蛋蛋豬吃cafe————————發現美食集中在樓上舖，今日去到一間外表不出眾但暗藏美食的cafe，菜式都以一個特別而意想不到的方式呈現，同時又能兼顧到味道，地點還非常方便。 蜜糖咖喱脆雞 ($68) Deep fried chicken cube w/ honey curry sauce雞塊炸到脆卜卜，炸粉很薄身一層，主要食到蜜糖味，是個惹味的前菜。蘋果木煙燻西班牙豬扒 ($188) 𝗦𝗺𝗼𝗸𝗲 𝗔𝗽𝗽𝗹𝗲𝘄𝗼𝗼𝗱 𝗜𝗯𝗲𝗿𝗶𝗰𝗼 𝗣𝗼𝗿𝗸 𝗖𝗵𝗼𝗽超多人推薦的一款，吃完我都十分推薦，店員在端上枱是才打開焗滿煙霧的罩子，之後每口豬扒都是煙燻過的味道，濃煙味但絕不會令人討厭，能留下一個好好的印象呢。豬扒肉都比想像中軟淋，肥瘦均勻，表面有些芒果粒酸酸甜甜調味。份量不少，還有薯蓉在底部，完全不怕不夠飽。軟殼蟹肉醬千層麵 ($148) Lasagna w/ Soft Shell Crab原隻軟殼蟹自己切，無論蟹腳還是蟹身都脆卜卜。平時見到的千層麵都會放在一個長長方方的碗中，向橫發展。但這裡的千層麵沒有受方形框著，看似細件但以高度取勝，反而更有層次和口感，一層麵皮一層肉醬和芝士。絕對會飽，最好和朋友分享來吃。熱情果接骨木花茶 ($56) 𝗣𝗮𝘀𝘀𝗶𝗼𝗻 𝗙𝗿𝘂𝗶𝘁 & 𝗘𝗹𝗱𝗲𝗿𝗳𝗹𝗼𝘄𝗲𝗿 𝘁𝗲𝗮向來十分喜歡接骨木花的甜味，想不到這裡有供應，飲品不會太甜，好味。最驚喜的是賣相，裝成一個花瓶，太融入環境了，令我多次忘記這杯就是我的飲品。炭燒榛子朱古力 ($56) Hazelnut chocolate很多綿花糖在表面，朱古力濃。要讚的是：性價比高，上菜快，欣賞他們的食物賣相吸引又有別尋常，高質食物不應讓他隱藏，應該多叫人支持小店。餐牌竟然有一行是專門給生酮飲食人士，想法周到。提提大家：現時Openrice book位有85折！吃吧 Chiba🚦旺角彌敦道566-568號僑建大廈2樓2室(油麻地站 A2 出口, 步行約2分鐘)🕰營業時間：12:30 – 22:00 …Read More

旺角樓上西餐廳💫主食飲品都唔錯😚原來本身淨係做晚市 因為疫情所以午市都會開有8折👻lunch黎食抵食好多😝🥩慢煮甜酒燴和牛面頰 $188牛面頰煮到好淋 嫩滑入味🤤我同朋友都覺得好好食!😌底下薯蓉好細滑creamy 有奶香味同牛油味 甜甜地 忍唔住係咁食😋🦀軟殼蟹肉醬千層麵 $148係成隻軟殼蟹😍炸得香脆 不過千層麵我覺得太淋身🙈冇牙都食到 意粉我都係中意有番少少口感~🥑蟹肉牛油果沙律配墨西哥粟米片 $96沙律醬>牛油果🙈牛油果係打到醬咁 如果多番d牛油果醬少d沙律醬就好😆點厚身而香脆既粟米片好正😛🍯焦糖蜂蜜奶昔🥤 $65好香甜 甜度岩岩好😍入口未算好厚身 但飲落唔都ok😙💐熱情果接骨木花茶🏺 $56成個花樽咁🤩勁靚😂平時好少飲花茶 呢杯又幾好飲 熱情果既酸味岩岩好 有茶味之餘唔會澀👍🏻…Read More

旺角樓上Coffee shop林立.各式各樣不同門派的應有盡有🙈..最近竟然發現一間以外國英倫古典風情的cafe 🍴 環境寬躺舒適.單單只是門外已經看到店主在裝修上的心思.並以外國的酒桶作裝飾.彷彿把我帶進外國的酒吧裏🍾🔸主食：▪️軟殼蟹肉醬千層麵$148千層麵大大份的份量十分足😋每層都夾著濃厚的肉醬.粒粒牛肉配上番茄🍅酸酸咪咪的開胃..🤪大片大片的意大利闊麵最起碼超過十層..麵身偏軟淋..芝士濃郁可不夠多🥺炸得酥脆金黃的軟殼蟹🦀成隻完隻奉上..香口的軟殼蟹內充滿大量蟹膏😍忍不住大聲地說好滿足阿🙈▪️烤西班牙豬肋骨$188只是單單半份的豬肋骨🦴已經把我們飽得像五個月身孕似的🤰🏼以三到四段的肋骨組成一塊..並以三塊為一碟..真的份量十足🙈 濃厚的燒烤醬汁焗乾並鎖在豬肋骨之上😻 美味可口的..並保留一絲絲的肥膩感..令人回味無窮🤩配上粗厚的鮮甜南瓜炸條和薯條🍟..滿足滿足🥰🔸飲品&甜品▪️吃吧招牌拼盤$118甚多款式的古典拼盤中內包括：什菌酥盒.蘋果肝醬.三文魚莎莎.煙火腿蜜瓜.蟹肉牛油果🥑..令人難以選擇😻令我最印象深刻的是：什菌酥盒&蘋果肝醬的外層酥皮酥香脆口.. 蟹肉牛油果🥑的清新香甜.. 三文魚莎莎&煙火腿蜜瓜的咸甜适中..讓人愛不釋手念念不忘..🤪▪️水蜜桃荔枝茶$56以精緻典雅的古典花瓶作為飲品的容身之地🏺並以鮮艷的塑膠花💐作裝飾.整杯充滿藝術感的飲品單憑外表以讓人目不轉睛👀再加上飲品中蜜桃🍑和荔枝的香氣濃郁..更像真的一樣似的..蜜桃的香甜夾雜著淡淡的荔枝的清香鮮爽在口腔中回味無窮🤩▪️曲奇朱古力奶昔$65以爆谷賣相相當吸引😍引不住先由相機📷吃先..🤣滿佈曲奇🍪碎碎和脆脆爆谷的朱古力特飲內裡充滿白白柔順的忌廉奶油..濃郁的朱古力🍫奶昔真的十分邪惡😈…Read More

Openrice好多好評, 終於有機會去試, 有個手工啤嘅bar枱, 呢度係好啱朋友傾偈嘅地方, 二人枱好有privacy然後都有大枱所以限聚令之後可以一齊多啲人食飯🤩！✨慢煮甜酒燴和牛面頰 💰188💫評分: 7.4/10📝炆得夠腍同嫩滑, 入口即溶, 好易咬開, 酒味唔算濃, 薯蓉吸曬啲汁, 份量都幾大✨軟殼蟹肉醬千層麵 💰148💫評分: 6.9/10📝創意嘅配搭, 千層麵太腍, 有啲失望, 味道唔夠濃✨芝士白酒煮藍青口 💰84💫評分: 8.6/10📝芝士白酒汁有驚喜, 芝士味好濃而且有拉絲🧀 有長形手指餅點醬食, 成個碗滿晒既芝士醬可以點埋其他野食✨水蜜桃荔枝茶 💰56💫評分: 8.4/10📝飲品用中式嘅小花樽裝, 側邊係膠花, 好啱打卡📸茶味出唔係死甜, 水蜜桃同荔枝味唔夠出, overall幾清甜😋唔會好冰凍✨曲奇朱古力奶昔 💰65💫評分: 8.1/10📝用椰殻🥥裝住, 上面有好多爆谷🍿同曲奇🍪, 好似食甜品🤣🤩不過唔算太濃郁但幾抵飲好full, 食極都有🤣ℂ𝕙𝕚𝕓𝕒 吃吧📍旺角彌敦道566-568號僑建大廈2樓2室(油麻地🚇 A2 出口行2分鐘就到)💫評分: 7.7/10💬環境幾好, staff好nice, 感覺幾舒服😌同啲野食幾打卡🥳#吃吧 #chiba #油麻地美食 #油麻地黃店 #旺角美食 #旺角黃店 #黃色經濟圈 #黃店 #黃店地圖 #香港人加油 #懲罰黃店 #香港美食 #followforfollow #foodieblog #instadaily #foodporn #hkfoodblog #discoverhk #tagsforlike #foodiehk #foodlover #discoverhongkong #hkfoodie #hkfoodieblogger #hkfoodlover…Read More

事源於某日突然好想食千層麵，隨便搜索下見到吃吧個menu又有千層麵又有好多肉，直接衝咗過黎。兩個人點咗三個主菜一個沙律，萬萬無諗過我男朋友做咗純擺設，而我一個人清咗三分二既食物……係冇乜胃口既男朋友點既三文魚沙律，水準以上，三文魚唔腥就好食架啦。肋骨啲肉唔夠腍，可能係配合其他唔鍾意啲肉太散既人既口味；但BBQ醬加上微微烤焦既香味依然好好食。配菜係薯條同蕃薯條，非常香脆，而且份量好多！！！咸豬手會喺你面前燒到脆皮再拎走切塊，脆皮加油香，點芥末一流，除咗冇酸菜之外冇任何缺點。配菜個薯蓉我俾滿分！係滿分呀！充滿奶香但唔膩，有細細既薯仔碎豐富口感，點解可以咁好食本身目標既千層麵，上到枱果時我已經好飽，但最後我……食哂。個肉醬多肉足料，配pasta冇乜可能唔好食。個人口味黎講我希望醬同麵再融合少少（例如舖完之後俾個麵吸下醬汁先而唔係直接煮熟個麵），同埋我嫌個軟殼蟹唔夾……但都係果句，唔同人唔同口味，至少都好食到我清咗盤吖。啲staff服務好好，因為我地兩人枱放唔哂又得我一個食，所以會睇住我清咗幾多，有冇空位先上下一碟。我男朋友話睇我食好似睇食播咁，明明係好食到我停唔到！最後三分一我打包咗走，第二日熱返都幾好食🤣…Read More

環境燈光偏暗，本身格調唔錯，但隔離枱七個人超級嘈，嘈到好似響街市食飯咁...軟殻蟹肉醬千層麵（牛）$148，賣相一般，但味道唔錯喎。慢煮香草法式黃油雞 178，半隻雞都幾細份，慢煮特色有少少血色，味道偏淡，不過肉質夠嫩滑。特色炸海鮮盤 $86 因為兩個人食兩份主菜唔夠飽所以加個小食。無乜特別，係個蝦餅幾足料。另外叫左兩杯飲品，CP值唔高荔枝石榴梳打 $48熱情果接骨木花茶 $56我最欣賞係店家用來裝食物同飲品既容器，我見隔離枱叫花茶係用中國風花瓶裝！…Read More