Comfy by Chef's Stage (東廣場)

好幾年前大學同學住觀塘 我哋耐唔時都會嚟呢間西餐廳食嘢 咁啱今日嚟觀塘上堂 決定去東廣場搵食 🍽️ 其實東廣場都好多餐廳 不過大部分裝修都麻麻地 得Comfy呢間cafe裝修簡潔得嚟又清新😆呢間餐廳用QR code落單 我哋叫咗香草雞燒烤醬薄餅同埋軟殼蟹牛油果漢堡 set lunch都無包嘢飲 不過餐廳有得俾你斟水 still water同sparkling water都有💦 🍔 軟殼蟹牛油果漢堡軟殼蟹控見到大大個burger好期待 不過希望愈大 失望愈大 軟殼蟹都算大份 不過覺得佢偏淋身 唔係脆口嗰種 而且牛油果偏少 唔係幾食到個牛油果味🥑🍕 香草雞燒烤醬薄餅個pizza尚算足料 但比較濃味 本身唔好重口味 所以覺得一般般😬🍟 炸薯條本來以為burger無薯條 另外order咗薯片變咗有勁多薯條🙃🍨 班蘭椰子雪糕奶昔班蘭自身味道比較淡 奶昔加咗椰子雪糕 變咗好似加cream咁 略嫌比較甜🥥…Read More

Comfy以簡約的灰白色和木系裝潢，營造出一個舒適的空間。餐廳走文青風路線，牆上有非常大福的貓狗壁畫，打卡一流！🐱⭐️香煎三文魚柳三文魚煎得香脆，肉質滑嫩多汁，白葡萄酒奶油醬香濃惹味。⭐️軟殼蟹牛油果漢堡軟殼蟹大大份，香脆惹味，配搭牛油果好有口感。薯條的都查得很香脆。漢堡包配上沙津，味道清新，解去油膩感。⭐️煙三文魚凱撒沙律煙三文魚卷成玫瑰花形狀，三文魚份量非常慷慨，味道肥美，沙律菜亦都好新鮮。…Read More

又係見到太多好評決定試下佢，試咗個牛油果軟殼蟹漢堡同黑松露薯條加兩杯鮮果汁。漢堡其實味道唔算突出，包質係外脆內軟，但軟殼蟹嘅味唔係好出 質地亦唔算脆 size都大嘅 只可以話係同出面賣依個價錢嘅質素差唔多。牛油果醬係牛油果壓成蓉 多返啲會好啲，整體只叫不過不失。配嘅薯條，略嫌太燶同太䶢，好彩仲係脆嘅。另加黑松露薯條本身都有黑松露鹽 佢另配個黑松露醬俾你，依個質素好過漢堡配嘅好多，兩款size都係麥記size 。果汁係樽裝，仲以為係即榨，唔太環保。…Read More

➼ 黑松露雜菌意大利飯個飯好重黑松露味，啲飯都粒粒分明亦好有咬口；個汁都啱啱好，唔會食食下就覺得漏而唔想再食落去👍🏻不過都唔算係特別Impressive，係屬於比較穩陣嘅選擇。➼ 軟殼蟹牛油果漢堡軟殼蟹係即炸嘅，好脆卜卜啊！加埋牛油果同蕃茄平衡返成個口感，所以唔會油淋淋👍🏻另外薯條炸得好香脆，非常值得欣賞！➼ 凍紫薯鮮奶呢度啲嘢飲杯杯都好靚！唔打卡都會覺得對自己唔住🤣呢度嘅紫薯鮮奶冇好假嘅甜味👍🏻口感好順滑，不知不覺就飲晒成杯😣➼ 曲奇杏仁奶昔見到面頭啲Oreo碎topping以為會好甜，但飲落又唔係喎！曲奇味好濃，Overall口感都好濃厚👍🏻推介！…Read More

見佢裝修幾有特色 就同朋友慕名嚟試一試環境好寬敞 坐位之間距離感都夠 傾MIMI都得🙊不過可能多植物嘅關係 間唔中有啲細細粒蚊仔圍繞住食物飛嚟飛去有啲困擾🥲成日驚飛咗落去🔖 明太子甜蝦扁意粉明太子份量超級地多 基本上每啖都食到🤤加埋大大隻鮮甜蝦 好好味 增值不少呢🔖 軟殼蟹牛油果漢堡有啲失望 本身為主角嘅軟殼蟹變成可有可無食落比較淋身唔脆 小編就覺得麻麻地⁝(ᵒ̴̶̷᷄൧̑ ᵒ̴̶̷᷅ )⁝🔖伯爵茶焦糖燉蛋超好食燉蛋 面頭焦糖脆脆 加上伯爵茶淡香 兩者交融 抵消咗膩口感 唔錯會再ENCORE❤️🔖 朱古力心太軟一切開心太軟 啲朱古力漿已經湧出來 (´ސު｀)仲要配埋MOVENPICK雪糕 真係好揼本呢…Read More

之前路過見到哩間新開餐廳，今晚終於約到朋友過黎品嚐，餐廳地方寬敞舒服望一望Meau主打意大利菜式，食物款式雖然唔多選擇，但睇個名都吸引我同朋友一於一人點一款，再加個小食share，哩度採用二維碼落單，自己禁方便快捷，又可以唔洗等同枱既人左諗右諗食咩阻礙自己，落完單好快就有食物同飲品上枱，我點左個明太子甜蝦扁意粉，一送上枱有驚喜，因為擺放得好靚，面頭加左兩片花同少少沙律菜及紙菜，加埋甜蝦既顏色配搭，有種好治癒既感覺，除左甜蝦同扁意粉，碟邊仲跟左片蒜蓉包配埋我杯接骨木花奇異果菠蘿梳打，真係有種放鬆哂心情去享受既感覺係當中，杯飲品內有枝硬身既葉裝飾之餘又可以當作攪拌捧，仲有片檸檬乾，咁樣配搭真係好新穎除左打卡之外仲忍唔住唔等朋友既食物就左啖先，菠蘿同奇異果打左做蓉，所以只吸到佢哋既籽同肉，味道清新特別。朋友既飲品同軟殼蟹牛油果漢堡都登場，杯飲品好靚，簡直比如一件藝術品，杯內用新鮮及乾製水果片砌成，顏色由深而上，加插一支小乾花，真係唔捨得將佢飲落肚個漢堡都幾大份，除左漢堡外仲有埋粗薯條同沙律，朋友食完巳說超級飽。我地仲叫多左份小食share,炸意大利燒烤菇配松露醬，個松露醬好香兼帶出烤菇既獨特味道食完如果可以係度傾下計真係好治癒，可惜太多人等位，我同朋友食完都快速地離開了。…Read More

即興約了友人，友人提議這間新開的cafe。不是朋友介紹，完全不知道原來東廣埸開了這頗大間的cafeCafe走muji日式風，用上白色和淺木配上盆栽🪴做出舒適和諧的環境。•(As usual, menu放在最後給大家參考)•煙雞胸羅勒青醬長通粉沙律 🥗 $88 沒想到份量這樣多，一上枱是我們還奇怪有點pasta main嗎？原來是前菜沙律。賣相色彩繽紛十分吸引。材料豐富，粟米粒🌽椰菜花蕃茄仔🍅 kale,feta cheese應有盡有 最有驚喜是廚師不吝嗇的用上大塊大塊的雞胸肉，啖啖滋味。•軟殼蟹牛油果漢堡 🥑 $128見到滿瀉的薯條🍟薯條控的朋友即時心心眼😂 漢堡包軟綿綿，軟殼蟹頗大份，我自己最愛食配菜salad - cabbage slaw, 醬汁的份量剛好。•黑松露雜菌薄餅 🍕 $118 薄餅香酥，芝士雜菌和鋪在面的火箭菜。用上大量的芝士，芝士迷必點。•餐廳環境舒服，平日夜晚的時間都有不少食客。下次早上來試試佢地的咖啡☕️•Menu for ref …Read More

有去過東廣場都知道，呢到嘅食肆比較少堂食位，好多都係做外賣。偏偏最近開咗間好大又好靚嘅cafe，梗係要試吓佢。呢間cafe裝修真係無得彈👍🏻，睇得出有精心設計過，行一種簡約日系風格。搭配住綠化植物🌿同木質調環境，真係好有文青feel，好想拎本書嚟睇吓。見到長凳位置仲有叉電插頭，都係好細心嘅細節。重點係地方闊落，坐得好舒服，我同男朋友食食吓唔經唔覺坐咗兩粒鐘，真係好chill好好坐😆。🍕 巴馬火腿辣肉腸薄餅 $118義式食物最重要係用簡單嘅材料製作出高級嘅美味，而呢個pizza就正正做到。Parma ham又薄又柔軟，帶有濃濃鹹香。同時配搭出辣肉腸嘅辣，番茄醬🥫嘅微酸，仲有芝士🪤嘅香，真係好夾。而且份量好足，每一塊pizza切完出嚟都好夠料，唔會食到邊邊就冇晒餡咁。上面嘅菜可以中和餡料嘅重口味，唔會食到好滯。唯一係個pizza邊真係比較硬，但整體唔算係大問題。👅評分：9/10🍔 軟殼蟹牛油果漢堡 $128呢個burger一上枱就驚嘆咗，因為原隻軟殼蝦拎去炸再擺入個包都幾震撼😲。入面仲有🍅番茄、🧅洋蔥、🥬生菜，仲有好厚一層嘅牛油果醬，食到飛晒啲醬出嚟。軟殼蟹邊邊比較多炸粉，但中間嘅蟹香好濃。牛油果醬🥑好純粹，好似直接食緊幾個牛油果咁，鍾意牛油果嘅一定唔可以錯過。值得稱讚係個包有特別烘過，食落更香更脆。伴碟方面有沙律同薯條，而最神奇嘅係個薯條🍟竟然凍咗都好脆。因為我哋掛住傾計食得太慢，但過咗差唔多成粒鐘嘅薯條都仲係脆嘅，仲keep住好好味。👅評分：9/10🧆 芝士茄汁焗素肉丸 $68我同男朋友都無食過素肉丸，但見到呢間餐廳好多素食嘅菜式，所以今次就決定試吓新嘢。素肉丸咬落後第一啖都幾有咬正常肉丸嘅感覺，但之後會食得出嘅腐皮嘅質感。個芝士茄汁醬好有千層麵嘅感覺，叉起塊芝士🧀包住粒素肉丸食都幾正。入面仲有其他蔬菜，例如茄子、南瓜、青瓜，份量都夠食。整體都幾推介俾啲無食過素肉丸嘅朋友試吓！👅評分：8.5/10☕️ 黑糖伯爵鮮奶咖啡(熱) $42 呢杯嘢飲配搭好特別，面頭灑咗伯爵茶葉碎，飲落口嘅時候真係陣陣飄香，茶香撲鼻。黑糖味不太突出，但伯爵茶味濃得嚟又唔會搶走咖啡底嘅味道，正常甜度都唔會太甜，男朋友都覺得非常不錯！👅評分：9/10🍠 紫薯鮮奶(熱) $38我就叫咗杯熱紫薯鮮奶少甜，見到隻淡紫色加花花裝飾真係激發晒啲少女心出嚟🥰，仲有個靚靚嘅心形拉花❤️，真係好吸睛。飲得出打出嚟嘅紫薯香，而個奶香更加加分，超級好飲，大推！如果可以再加少少紫薯碎增加口感就真係滿分！👅評分：9.5/10💬後記：個人覺得呢間cafe好素食friendly，餐牌有特別註明素食(vegetarian)同純素素食(vegan)，而且選擇都算幾多，推介俾素食嘅朋友試吓喔！整體而言，食物水平高質，而且真係超級舒服😌，對得起間餐廳名，真係好comfy。我哋都食得好開心，有機會行過觀塘又有時間一定會再嚟坐吓嘆吓！…Read More

開頭諗住淨係一間簡簡單單嘅西餐，點知超級有驚喜！價錢唔係好平，但係覺得性價比好高！首先，佢裝修完成後，個環境非常之休閒舒服😌座位坐得好寬敞，唔會好迫！傾計有私隱度！另外好多貼心嘅地方包括有自助梳打水同埋stilled water💦 自己選擇！單單有梳打水呢樣嘢已經比好多一般餐廳做得更好💓另外估唔到有咁多款特式咖啡！唔係普通西餐廳只係提供咖啡奶茶，係一入門口已經有非常之專業嘅咖啡吧，選擇超過20款，連咖啡豆都可以揀！分別有哥倫比亞同埋意大利嘅咖啡豆選擇，仲有解釋唔同咖啡豆有乜嘢特別🙈野飲係menu所有嘅成份寫得一清二楚,奶仲可以轉燕麥奶、杏仁奶等等植物奶，啱晒想素食嘅人，真係非常之貼心！我選擇左意式咖啡蛋糕奶昔，超級好味，佢咖啡味expresso好濃, 奶同上面cream好滑身, tiramisu 好似食緊甜品咁！除咗一般嘅忌廉之外，上面仲灑上烘焙咖啡豆，偏苦回甘嘅味道，口感脆卜卜，成杯嘢好有層次好有驚喜！我等我朋友嘅時候已經瞬間飲曬🤣飲左啖朋友嘅 chocolate coffee ( tiramisu) ， 佢個杯無cream , 所以咖啡味會更濃郁，朱古力同咖啡大約55比，比較岩平時飲唔到純齊啡口味嘅朋友 💓前菜叫左軟殼蟹牛油果漢堡！我覺得配搭好特別，西餐好少有，係功夫菜 ！上面鋪咗牛油果🥑滑身香濃，牛油果獨特嘅油潤感好好味 😋中間夾咗蟹肉醬，蟹肉鮮甜，略為咸香，一絲絲份量毫不吝嗇，亦都唔會比牛油果同芒果搶味，係好清爽嘅前菜😋個底就係芒果🥭從來未食過呢三樣野嘅配搭，酸酸甜甜，令牛油果唔會膩身，比例啱啱好！主菜叫左煙肉及意大利豬肉腸花椒忌廉扁意大利麵 ！口味同一般西餐非常之唔同， fusion左中式花椒，因為加咗花椒麵幾辣，如果唔食得辣呢一個都未必啱啦。就係因為佢有少少麻辣，所以同煙肉同臘肉豬腸非常之夾，好惹味，但又有忌廉中和返，好和諧嘅味道。意大利粉係我鍾意食嘅口感，偏有彈性，唔會好似天使面咁諗，麵條嘅粗幼闊度啱啱好，忌廉汁唔會水汪汪，好掛面！整體超入味偏重口味，一定要再撈好佢嘅伴菜喔，咁樣就唔會太重口味啦！下次都好想再叫呢一個，係全餐最出色嘅嘢食啊！另外呢一間餐廳佢都有素食自選，所以就叫咗個吉列新豬扒，減輕下平時食太多肉嘅負擔～素豬扒十分之大，size大過我手板！素肉唔會話太假，口感都月幾似豬肉，當然油香就唔夠真豬肉香🙈但素豬扒來講已經好接近，炸得唔會油膩，香脆鬆化！側邊拌碟嘅係紅蘿蔔沙律🥗酸酸地好開胃，仲有薯條🍟伴碟😋好值得一讚嘅係佢沙律，無論係意粉嘅伴碟、牛油果前菜嘅伴碟、定係豬扒嘅伴碟，款款沙律都唔同味，好有心機！呢間好近觀塘地鐵站，會再過來食，希望下次多啲人食，咁就可以叫埋佢pizza 啦！…Read More