Sakuragi Omakase

Exam period好漫長， 考完第一科要好好慶祝下 ，食飽飽再上路！ 所以今日同咗阿媽去灣仔食好西，又係日本嘢， 本來覺得有啲悶， 不過我見呢間咁多選擇不妨試下。店員好有笑容有禮貌咁搵咗個寬敞舒適嘅位置畀我哋坐低， 仲好快遞上一條溫暖嘅濕毛巾畀我哋抹手， 好warm呀。去到已經八點好肚餓，立即叫啲飯填下肚先， 來了一客軟殼蟹牛油果卷！ 蟹籽粒粒卜卜脆，比一般壽司店食的新鮮得多 ，而且醃制和調味十分適中， 突出蟹籽本身的鮮味， 壽司卷裏面的軟殼蟹都係新鮮炸出嚟， 同牛油果係一個好清新嘅配搭！煙韌的珍珠米裏餡料十足！ 啖啖味道豐富！苦瓜炒蛋係家常便飯，但沖繩豚肉加埋一齊炒，又係咩效果呢？炒到接近半生熟嘅鮮蛋配合爽口嘅苦瓜口感十足， 細細件苦瓜入口帶有微甘， 頓時有生津的感覺， 整碟炒蛋表面再有些木魚絲， 添上更多日式風味！呢度採用嘅豆腐有極香濃黃豆味道， 好像在咀嚼黃豆般！日式韓式燒牛舌食得多，但配呢個麵豉醬真係第一次， 呢個像甜甜哋有啲mustard嘅味道，但又有幾豐富嘅麵豉香氣， 同又爽口又濃牛油香嘅牛舌有意想不到的效果， 之前食過咁多日本嘢都冇試過， 真心推介畀大家。軟殼蟹沙律呀柚子蝦沙律食得多，今次終於見到有新嘢， 有豆腐同芝士？係咩配搭嚟㗎？🤔答案就係好清新, 好獨特嘅日式風味！芝士同木魚係發夢都唔會喺埋一齊嘅嘢， 散發出陣陣鮮魚香的木魚絲入口即溶，跟口感軟滑的芝士粒融為一體， 奶香和鮮魚的甜味相互交錯， 有著意想不到的風味🎏🎌成個沙律跟芝麻醬配搭十分開胃 ，蔬菜和蕃茄都新鮮清甜， 入口卜卜脆， 好想推介畀大家！呢間日本野坐得舒服， 食物用料新鮮， 下次大家去灣仔尋覓高質日本菜時不妨考慮下…查看更多

放工時候約咗同事食飯， 就諗住近近哋喺灣仔搵間日本嘢食， 點知撞撞下都畀我哋食嗰間幾高質嘅日本餐廳。我哋叫咗三個壽司卷， 分別係吞拿魚腩卷、 海膽卷同牛油果軟殼蟹卷， 三個小卷物都非常好食。 香蔥吞拿魚腩卷食落有淡淡既蔥香味 ，中和咗吞拿魚腩嘅腥味 ，食落去唔會太漏。海膽捲海膽份量充足， 海膽亦都非常新鮮， 帶有海膽篤友嘅鮮甜味， 唔會苦亦都唔會腥。軟殼蟹同牛油果簡直係perfect match， 牛油果令本身咋嘅軟殼蟹唔會太漏， 食落非常之fresh。鰻魚串燒亦都非常之出色， 鰻魚食落非常之肥美， 魚味突出， 亦都冇咩骨， 非常之好食。蟹子沙律亦都相當之唔錯， 青瓜同蟹柳加埋一齊有新鮮嘅感覺， 最啱飯前食用黎開胃。牛面肉吃我呢餐飯最鍾意嘅餸之一， 牛肉食落非常之腍同埋滑， 都保留有牛味， 非常出色。…查看更多

好耐冇食日本料理，而又唔想去啲連鎖店排隊又多人食。想同男朋友兩個人靜靜地去撐枱腳所以就走入左櫻木餐廳🍣睇睇菜單，見到佢地有廚師發板嘅套餐，睇落去都幾吸引，不過男朋友揀左散叫🙈叫左coedo shiro 手工啤酒🍺對於我唔太好啤酒嘅人黎講幾好飲，佢味道較淡而唔太苦，而且手工啤好滑身，餐廳仲有另一隻係 shinkkoku係黑啤，不過冇貨冇得試🙈所以我地都encore多一支shiro👍🏻玉子燒係我去食日本餐廳一定叫，好食啊不過冇咩驚喜牛舌兩串，一人一串唔想爭🤣好好味，佢係厚身的加上鹽燒勁正👍🏻燒鰻魚串，都好好食啊，餐廳嘅串燒都係較厚身有肉地，好怕薄身感覺咩都冇入到口錦軟殼蟹牛油果卷，新鮮炸嘅軟殼蟹，食嗰時仲熱熱地👍🏻天婦羅炸得好脆身，而且唔厚粉，有三隻蝦都好新鮮，不過自己中意食素菜類，好甜👍🏻👍🏻👍🏻牛肉洞庭烏冬，湯好清甜，而麵身好特別，值得一試👍🏻炸雞軟骨就唔建議叫大家叫啦，炸得太厚粉，一啲都唔好食🙈整體黎講👉🏻有機會一定會再食，食物質素高服務好，仲會好有耐性介紹今次冇試到咩魚生刺身，下次有機會試下新唔新鮮先埋單先知餐廳星期六同公眾假期有全單八折我星期六去食所以好抵食架🤗…查看更多

今日補祝朋友的生飯，當然不能失禮，所以就帶他來到朋友推薦的一家日本餐廳。兩人被安排坐卡位，寛敞舒適。*玉子卷 ($25)先來比較簡單的玉子卷；玉子不會太甜，飯又不會太多。*蔥粒免治吞拿魚腩卷 ($70)帶有少少酸的醋飯；配上免治吞拿魚腩的油香和蔥香。*軟殼蟹牛油果卷 ($70)脆脆的軟殼蟹，加上幼滑的牛油果，是最佳的配搭。*昆布清酒蒸煮銀鱈魚 ($110)銀鱈魚很嫩滑；厚厚的昆布超高纖維，吸了清酒的味道。*鹽燒牛舌 ($45)爽口的牛舌，配上簡單的鹽吊起牛舌味。*京慕雞肉串 ($28)雞肉JUICY，配上香香的京蔥燒，最佳配搭。*帆立貝茶漬飯 ($55)茶漬飯比較像泡飯，似湯不是茶；帆立貝一開四的，熟了都很彈牙。*凍蕎麥麵 ($50)偏硬身的麵質是我的最愛；麵條夠冰凍，超透心涼的。順帶一提，餐廳的服務真的不錯，會不斷加上熱茶。…查看更多

The Hennessy 位於灣仔軒尼詩道256號，地點好方便，雖然唔太顯眼，行經過可能淨係會留意到759 ,但其實呢幢大廈暗藏幾間有水準嘅餐廳 ， 櫻木就係其中一間！餐廳位置喺3樓，一開lift門就見到內裏環境優雅，而且播嘅歌曲都係日文歌，當晚播左幾首平井堅嘅歌都好好聽餐廳在食客用餐前及用餐後都會送上熱毛巾，非常細心，值得一讚！第一道菜已經極度有驚喜，牛舌食得多，但呢碟牛舌絕對算得上目前來講食過最好味嘅牛舌，不但肥瘦適中，而且有別於平日食嘅牛舌，好重牛味，而且炆得好琳，入口即溶，食完令人好難忘懷牛舌中間位最淋，口感類似鵝肝炸物一啲都唔油膩，食完都唔會覺得「漏」 原本以為係炸豆腐上面放一塊鰻魚，點知原來係將豆腐切開中間夾完鰻魚之後再一齊炸，口感更豐富更有層次，有驚喜！男友大讚豆腐好滑壽司雖然係細細舊，但三文魚同埋吞拿魚其實算厚切，所以一啖食落口令人超級滿足甜蝦壽司亦好甜好鮮味即使平凡如牛油果卷，細心一睇亦都會見到青瓜同牛油果係切完一片片再放入去，令到口感更加豐富同埋有層次，反映到每道菜都屬於心機菜蕎麥面口感好清新，食完有消暑嘅感覺，不過如果味道濃d會更切合個人口味黑松露味濃郁，平均鋪在雜菌上面，令到菇味同埋黑松露味完美融合埋單大約＄550 ，兩個人都覺得物超所值，如果同朋友慶生或者情侶想浪漫一下呢間餐廳都係一個唔錯嘅選擇！…查看更多