Try My Bread (營盤街)

睇食評搵早餐， 見到呢度嘅吐司好似幾特別， 十點鐘嚟到已經開咗門。叫咗兩份吐司兩個人食，軟殼蟹滑蛋吐司+ 牛油果蝦仁吐司。軟殼蟹滑旦吐司， 吐司外脆內軟， 軟殼蟹配滑旦可口， 但由於大部份配料放上吐司上部份， 堂食比較論盡🧐牛油果蝦仁一樣好食👍😚， 所以叫兩份分享最好。 另外加配了椰子咖啡沙冰， 椰子味冇搶走到咖啡嘅味道， 比我想像中好飲。唯一問題係得兩張靠牆嘅吧枱，冇座位可以坐，堂食有點論盡， 如果有機會擴充加上少許座位就十分perfect。…Read More

📍ᴛʀʏ ᴍʏ ʙʀᴇᴀᴅ係滑蛋吐司呀🤤前排睇 IG成日見到你哋嘅post俾你哋燒到🔥一直想試好耐🤪早排終於同朋友試左佢哋嘅招牌軟殼蟹滑蛋吐司🍞-軟殼蟹滑蛋吐司($50)係即叫即整㗎～收到嗰陣時仲熱辣辣😚吐司嘅份量比我想像中細咗啲😢不過我食完都覺得飽嘅😆軟殼蟹好鬆脆！再加上滑蛋、生菜同少少沙律醬食落鹹鹹甜甜咁幾好食😋吐司都有牛油香味🙈吐司上面有好多餡🥰不過食到下面我淨係食到生菜同少少蛋🥺原本仲想試埋佢原條鰻魚法包 但係有少少貴🥺有機會再試！😭✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎綜合食評📝價錢💸：$50外觀：★ ★ ★ ★ ☆回頭率：★ ★ ★ ☆ ☆抵食指數：★ ★ ★ ★ ☆…Read More

好耐之前見到 @trymybread 呢一間滑蛋吐司專門店已經令我諗起係韓國嘅egg drop👅今次特登嚟到長沙灣試吓係咪真係咁正先！感覺上呢度嘅配搭新奇有趣啲，雖然定價比較貴，但個人覺得都幾值得一試啊！.wanted to try the soft shell crab and scrambled egg toast from @trymybread for a long long time now 😆 even though its slightly expensive for a toast, but i think its still worth coming to cheungshawan to try it! the soft shell crab adds a really good crunch to the sandwich 🥪 & the eggs added a nice silky smooth texture 🤤 definitely give this sandwich a try!.《軟殼蟹滑蛋吐司》$50 😋😋咁遠黎到梗係要試吓小店嘅招牌名物！雖然$50食塊多士其實有啲貴嘅感覺，但點都要試吓嘅！影咗一陣相，軟殼蟹都仲係熱辣辣，非常之酥脆！而蟹肉同時都juicy有鮮味🤤唯一缺點係食到中段已經冇晒軟殼蟹，剩低嫩滑嘅炒蛋同生菜～不過勝在塊麵包都好好食，哄過之後外層肉鬆軟，再加少少牛油香！.𝐓𝐫𝐲 𝐌𝐲 𝐁𝐫𝐞𝐚𝐝 …Read More

今日茶餐時間突然好肚餓，行過見到呢間鋪頭咁多人，所以行埋去睇下 入到鋪頭，見到個裝修，覺得仲正 不過鋪面入面唔算好大，面牆位好似大約2個。外面企位有兩張高枱。睇完餐牌之後，更加覺得好正！因為好重要係，小妹係超級中意食滑蛋 滑蛋有好多款，不過目測好多人都係叫軟殼蟹，所以最後決定叫呢個試下！因為鋪面太多人，所以叫外賣。另外順便叫左杯棉花阿華田試下 😎外賣來講，我覺得都係好窩心既。膠袋當然靚啦 另外係因為，個吐司佢有加多層封面，無咁易鋪塵食啦喂！！！！！老老實實，真係好好食小妹男朋友都話好食。本來佢唔係好中意食軟殼蟹，不過呢個吐司味道真係好夾軟殼蟹又夠脆，配合滑蛋，少少醬，下面係菜為主。一個吐司size 唔細，茶餐來講都有d太飽，所以兩個share 岩岩好不過又好老實，杯棉花糖阿華田，就真係一杯阿華田味道既飲品 唔知係咪因為外賣，總之打開個陣係無棉花糖既。味道正常啦，係正常既阿華田，如果$24來講，小妹覺得唔算好抵當時現場比較多人叫既係，牛油果沙冰，不過小妹唔想飲沙冰，所以就咁啦總結：推介軟殼蟹滑蛋吐司…Read More

由開業到宜家都好高人氣嘅吐司🍞店TryMyBread 我已經係3點去但係我都等左成30分鐘先有得食 基本上大部分人都係買完之後企係到食或者拎走 因為成間鋪得兩張枱(๑°⌓°๑) 主角toast就即叫即整 外形同韓國嗰個eggdrop好似 我叫左最出名【軟殼蟹滑蛋吐司】即炸嘅軟殼蟹熱辣辣同都算大隻幾好味 加上炒蛋塞滿晒成個吐司 影相係好靚 但係包嘅下半段就唔會食到咁多料 但係成個包都煎到好香脆 應該落咗秘製醬汁個味道甜甜地好夾 落啲會食到生菜因為成個包好多料我食到好鬧教(*꒦ິ⌓꒦ີ)份量我覺得都幾大好飽肚 如果唔使等咁耐會想再食而且餐廳好貼心 會每人都俾一包消毒酒精 今日又多好多確疹個案喇大家都要注意衛生啊同安全啊!!!‼(•'╻'• ۶)۶…Read More

雖然係小店, 但店內都有位置可供客人堂食💁🏻‍♀️廚房為開放式☺️食物即叫即整, 新鮮製作😛🍴ᴍᴀɪɴ·軟殼蟹滑蛋吐司 $50﹟首先好鐘意佢個麵包係帶甜甜地既味道, 烘至香脆熱辣辣, 再加埋牛油, 真係不得了😻原隻軟殼仲要食左隻係有蟹膏, 炸到卜卜脆又有肉👍加埋滑嘟嘟既雞蛋同埋生菜, 口感豐富🥳但食到近底部就得返生菜, 感覺空虛左d🙈🍴ᴍᴀɪɴ· 牛油果拼蝦仁滑蛋吐司 $40﹟依個又係一個無得輸既組合🥰🥰軟滑牛油果配上彈牙既蝦仁同滑蛋生菜🍤🥬層次都係夠曬豐富😝最後補多句...如果吐司既定價可以再親民d會更加好🙃…Read More

我知道長沙灣天悦廣場附近新開咗間Try My Bread🍞嘅小食店，無論social media嘅介紹抑或同事講起，都見過聽過好幾次。但我一直未有意欲去試，因為自己對於麵包無乜大興趣，加上得麵包食，好似唔多夠飽咁。但同事再三yo我試下，話當團年咁話，好啦好啦，一行三人起行。小食店位於營盤街，其實個位唔算太旺，可能因為新開嘅關係同落得廣告多啦，竟然咁多人等緊同排隊👀。我哋事不宜遲即刻睇下餐牌有乜食先，食物選擇主要係法包🥖同滑蛋吐司🍞，另外仲有啲小食。麵包類嚟講最平都要$40一份，飲品另加$10😳。小店定價喺深水埗區嚟講未免太太太進取了吧？由於第一次嚟食，大媽同事提議不如試吓啲精選推介啦，我哋三個就可以試哂門口個牌列出嗰三款3️⃣。咁我哋就去落單啦，老實講我望咗個牌一眼，真係背唔哂三款推介個名，要望住個餐牌recall一下，要啲時間搵返個名出嚟，但長髮女店員塊面開始黑面🌚。算，嗌完食物後，我哋嗌飲品，見到話飲品加$10，但唔知係指邊啲，就多問一句。點知上述嗰位女店員好唔情願咁講除咗沙冰嗰兩款以外都係加$10喎☹️。唉，之後聽到都有其他食客問同一問題，如果咁唔耐煩，點解唔貼張紙仔講呢？咁樣會清楚啲之餘，我哋又唔使煩你囉。不過小店有一樣抵讚嘅地方，就係上菜速度算快，畢竟得兩個人煮，又有咁多客人，我哋都唔使等好耐就有得食👍。食物係即煮，熱辣辣送上的。首先上嘅係小食，煙肉粒芝士醬脆脆薯格($28)，價錢唔平，不過份量都算多，而且真係好脆🤤。薯格好大塊，個汁係車打芝士醬，幾惹味，整體係好食嘅，但未到好驚艷囉。再者，我估唔到呢樣已經係四樣食物入面最好食🙈。正宗越式法包🥖($44)，法包造型係吸引嘅，有唔少餡料同埋都幾好味，有醃青紅蘿蔔條🥕、青瓜同扎肉。而芫荽同辣椒，店員會額外問你要唔要。至於法包個醬，我估計係肉鬆mix沙律醬？其實越南正宗地道嘅法包應該係用上鴨肝或者鵝肝醬，當然都有可能小店已經用咗，但我就食唔出，因為個醬偏鹹同埋辣，估計用上胡椒，但過量而蓋過咗其他味。除咗餡料同個醬之外，我最失望係個法包本身😟。因為比較實同韌，一啲都唔鬆脆，完全做唔到外脆內軟嘅效果。如果個包唔好食，餡料再好食都無用啦...。同區荔枝角道嘅人氣越南餐廳嘅法包完勝咗Try My Bread。軟殼蟹滑蛋吐司🍞($50)，我相信依個係小店嘅招牌名物，而呢個吐司都真係我哋點嘅三款包入面最好食。而呢份吐司獲得較高分嘅原因係因為隻軟殼蟹好好食，即炸好酥脆，蟹肉保持到juicy之餘，仲食得出鮮味🦀。軟殼蟹係幫手搶咗啲分，但我個人覺得佢同滑蛋其實係唔夾的。呢個組合只係將兩樣好味嘅嘢，放埋一齊，但毫無synergy effect(協同效應)😂。由於我哋share食，所以拆開咗個包，仲開心大發現隻蟹其實只係佔咗吐司嘅一半，為咗個打卡造型，而突哂隻蟹出嚟，確係吸引嘅，但入面其實只係得生菜🥬嘅空心老倌🤣。洋蔥牛肉滑蛋吐司🍞($40)，呢個係三樣麵包入面最差嘅一樣，我自己就一定唔會encore。首先講咗個餡先，說好的辣芝士醬呢？食哂成份吐司都搵唔到，普通沙律醬就有😑。我可以話滑蛋拼牛肉係夾過滑蛋拼軟殼蟹嘅，但普通料囉。茶記嘅沙嗲牛肉包應該仲好食。作為餡料嘅洋蔥牛肉係用上🐮肥牛片，不過比較細塊同乾身，而且醃到好鹹同幾辣下，同法包個醬一樣重口味，但洋蔥味又唔夠出。洋蔥牛肉係唔好味，但都唔係令我失望嘅主因，而係吐司嗰兩片包完全唔合格👎🏻！聽講呢種吐司係參考自韓國嘅Egg Drop，我就無食過，所以唔知原味係點。講返Try My Bread，🍞吐司塊包嘅其中三邊嘅皮只係被輕輕燙過，得個樣又唔脆，再加上麵包本身好乾，唔係鬆軟、要飲水先食到嗰種，口感似隔夜麵包...。雖然我相信小店用嘅應該係新鮮麵包，但可以考慮入貨入第二種，否則烹飪技巧再好，都只會做壞招牌...。我認為吐司如果似韓國Issac Toast嗰種會好食啲😉。飲品方面，我哋三條友都加咗$10嗌埋，而且專登叫三杯唔同嘅試下。我自己飲🍋青檸梳打，味道正正常常，無咩特別。另一同事叫咗咸檸梳打，我本身唔好呢個口味，所以無試。兩杯梳打都係用上一罐罐嘅梳打水。大媽就要咗熱洛神花蜜，呢杯係三杯入面最好飲，因為洛神花嘅酸被蜜糖中和返，而且味道濃郁，唔錯。服務方面，落單嘅長髮女店員令我有啲唔高興😣，但另一位短髮女店員(我估係老闆)就友善好多，亦都比較主動。佢見我食完嘢都仲有大大杯梳打未飲完準備拎走，佢話不如比個杯蓋我，同埋亦有為我遞上紙巾😄。所以綜合返，服務我唔會俾到太低分。我明白經營小店真係好忙，要一腳踢，但如果想食客成個體驗好啲，店員態度都係重要嘅一環。假若成為排隊店，更加會做到無停手，小店而家應該襯新開多客人嘅時候，demo一下，唔好咁容易做到忟，咁先會令人返轉頭。環境方面，舖位真係好細，加上小店用咗較大嘅位置做廚房；基本上得幾張好窄嘅bar枱仔可以堂食，立食會更適合🙈。因此，一有食客食完起身，個坐位好快就會有人坐咗。小店已經夠細間，但唔知係咪新開嘅關係，未執好舖，而家有ok多嘅位用咗嚟擺貨，實在太浪費空間了...，加上有礙觀瞻。總括嚟講，我認為小店無論環境、食物、服務同定價方面都有大大嘅改善空間🤭！公道啲講，而家各方面都唔可以話係好差，但做飲食業艱難，競爭又大，要做得住，真係要諗諗方法🤔️。食物其實一定唔稱得上難食，但你賣成$40-$50一份，真係要對得住個價錢。而家性價比真係較低，以前我覺得burger得個包都好唔抵，但起碼有塊漢堡扒食得飽。如果男仔食吐司，我估起碼要食兩份先夠。食物係有特色，但作為招牌，應該要整得更加好食，先留得住班客，否則只會係貪新鮮感食下，一次起。題外話，聽講小店都有賣早餐，價錢平啲。我希望小店而家仍然係試業階段，嚟緊陸陸續續會有所進步💪，下次嚟食我係可以俾笑哈哈的。…Read More

深水埗一向多臥虎藏龍嘅美食小店，今次就約埋兩隻餓虎嚟到覓食。小小嘅舖位只有大概6個位，應該主力都係做外賣生意。小小的店都算多選擇，亦有特式飲品，睇落唔錯。見佢有精選推介，我哋二話不說就決定咗試呢3款。落單後即叫即整，所以保證新鮮。主力一人負責製作食物，一次過烘包、炒蛋、炸物，都好犀利軟殼蟹滑蛋配上生菜絲同沙律醬，減去咗炸軟殼蟹嘅油膩感覺。洋蔥牛肉滑蛋吐司，牛肉係用平時打邊爐嘅肥牛，輕微帶少少辣味，不過不失，但就冇乜驚喜。越式法包用上軟包，微微烘烤一下外層，餡料豐富，十分惹味！餓虎最驚食唔飽，所以加咗個小食些牙。新鮮炸嘅薯格配上煙肉碎同芝士醬，唔怕熱氣的話一定讚不絕口我哋每人加杯飲品，跟餐加$10，咸檸梳打同青檸梳打同會跟一整罐梳打水，抵飲！另一杯係洛神花蜜，甜甜哋幾好味！…Read More