S3 186 (Closed)

平日晚上嚟到，唔多人，座位好舒服，寬敞。餐廳裝修好有特色，整個月亮同星空嘅風格💛，加埋背景音樂，好有feel。每枱都有個月亮燈，好精緻好靚。入到餐廳就見到好多酒櫃，款款都有齊。仲有間party房，佈置得好特別，係滿滿嘅月亮風，環境一流👍🏻👍🏻。⭐️ 沙律菜碟幾大，份量唔少。沙律菜新鮮，配埋啲黑醋，好開胃。⭐️ 湯湯甜甜地，仲有蒜蓉包，下湯伴食好味。⭐️ 烤紐西蘭草飼牛肉眼 (10oz)五成熟，口感軟腍。肉味濃郁，油花分佈細緻，做到香嫩多汁嘅效果😋😋。⭐️ 軟殼蟹海膽意大利飯 Soft Crab Sea Urchin Sauce Risotto有軟殼蟹。意大利飯煮得好creamy，啖啖食到海膽味，飯粒偏硬身🤤🤤，份量都足。配有原隻軟殼蟹，食到啲蟹肉同蟹膏，飯面加埋啲蟹籽。⭐️ 甜品奶凍有驚喜，奶味香濃幼滑😍，甜度啱啱好。質感滑不溜口，好creamy同醇厚👍🏻👍🏻，非常欣賞。⭐️ 凍檸茶幾大杯，檸檬都有幾大片。茶味突出同埋有檸檬香。鍾意佢嘅糖漿係自己加，可以控制甜度🙌🏼🙌🏼。🍄 總括嚟講餐廳氣氛好舒服，裝修好有特色，整個月亮同星空嘅風格，牆上仲有唔同畫作，好有情調🌙✨。食物質素都唔錯，有水準。係一個可以慢慢坐低欣賞氣氛，同朋友傾計嘅好地方😚😚。📍S3 186深水埗北河街185-187號地舖G/F, 185-187 Pei Ho Street, Sham Shui Po…Read More

係酒店旁邊新開多個菜餐廳，主打多國菜式。一入門口就見到個好靚嘅月亮，打卡一流，仲有綿羊雲伴住個月亮，真係夠晒心思。入到去原來地方好大，漫天星星佈置得好有情調，未食都比個環境吸引左。每桌桌面仲放住唔同嘅發光枱燈，店主好有心思，好細心。原來仲見到有間大房，侍應話可以做party房，可以做主題佈置。個佈景好靚，粉紫紅色閃閃布做背景，真係靚爆打卡一流。我地叫左2人餐，選左龍蝦湯同生蝦，主食揀左軟殼蟹海膽意大利飯同慢煮豬斧頭扒。🦞龍蝦湯好有龍蝦味，仲有啲蝦肉係入面，唔係得啖湯。🦐泰式生蝦好新鮮，咬落彈牙。🐷個豬係慢煮嘅，唔會鞋颯颯咁，好有肉汁，有豬味。🍚軟殼蟹海膽意大利飯，正宗意大利飯口感，咬落有口感，彈口，用返正宗意大利飯煮，唔係用珍珠米扮。（其實落單時都有問我哋要正宗定軟身啲，話怕好多人都食唔慣）軟殼蟹即叫即炸，好脆又唔油。海膽唔會有唔新鮮嘅海膽味，個味好濃，足晒料。最後有包甜品🍮我地自己升級左食Croffle 甜品，好脆好夠牛油香，配搭上新鮮strawberry 同藍莓🫐，真係大滿足👍🏻套餐仲跟餐酒，咁嘅質素咁嘅環境真係物有所值。餐廳內嘅侍應都好有禮貌，後生仔，好有熱誠。比個讚佢地！下次會再黎食，希望有新驚喜啦！…Read More