Waki Shokudo (Garden Rivera)

因為就來放假，所以午餐食好點去左食日本野！呢間店地方唔大，但坐得都幾闊落^^佢菜單有平有貴，睇落性價比好高，60幾蚊已經有魚生丼定食！勁平！ 不過今日好肚餓，所以就叫左個a13,和氣極強特盛定食，$148無加一，除左有軟殼蟹沙律同野飲，仲有燒黑豚腩丼同埋6件壽司定食，好豐富！佢仲可以+10幾蚊追加兩個小食，但係因為實在食唔晒一個人，所以就無叫啦～淨係叫咗一個a13~ 第一個嚟嘅係燒黑豚腩肉丼，十分之驚喜，雖然佢話自己係細份量，但其實一啲都唔細，對面搭台個女仔同我一樣都驚訝緊份量咁大怕食唔完（佢仲叫埋小食🤣🤣🤣）燒汁甜甜香香，好味過吉野家，上面有好多蔥花，一啲都唔會好油膩，最過分嘅梗係黑豚腩肉啦，呢個部位充滿油香冇得輸，同埋望吓嗰邊！佢係笑得非常焦香，真係外邊脆入邊滑又多汁，做得非常之好十分之推介！ 軟殼蟹沙律都嚇親我，因為都係好大份！佢呢一個入邊有埋蟹籽，提升味道層次都幾豐富，有粟米蕃茄生菜等等，軟殼蟹係溫溫熱熱嘅啱啱炸起，所以就會好脆，唔會話比沙律浸到林晒或者係好硬，軟殼蟹當然就唔會好多肉，不過佢嗰種蟹嘅口感同埋海鮮嘅香脆都有出到嚟，唔錯喔！ 壽司方面，雖然呢個好平，但係用料一啲都唔頹！有左口魚、海膽、三文魚籽、珍寶赤蝦、油甘魚、帆立貝，個人推薦嘅就係珍寶赤蝦，當初以為有七件，原來有一件係蝦頭，一拎起啲蝦膏流晒出嚟，絕對唔係爭鮮嗰種好薄嘅甜蝦，超級值得一試，唔腥，非常之鮮甜，蝦肉彈牙爽口！另外油甘魚同埋帆立貝都係極之厚切，口感好好，魚生質素都幾新鮮，值得一讚！ 呢間係用電話Scan QR code落單,所以都幾方便,同埋食物質素都非常之好,午市無+1就更加抵啦，應該都會再去幫襯，不過地理位置就偏遠左少少喺沙田站行大概都要15分鐘，如果得閒嘅話值得一去㗎！…Read More

沙田河畔花園一向多野食 聽聞有一間性價比好高既日本餐廳 所以就黎試下啦 果然係人氣餐廳 12點半黎到已經有十幾人排緊隊 2點食完門口都仲有人排緊午市既選擇都唔少 有魚生飯 壽喜鍋 丼飯 拉麵 便當火炙盛丼魚籽份量好多 三文魚厚切口感好好 火炙左口魚燒得好香 仲有幾條蟹棒和氣極強特盛定食呢個定食好豐富 配有軟殼蟹沙律 燒黑豚腩丼 六件壽司🦀炸軟殼蟹 炸粉薄薄一層 咬落去好脆 又唔會有油膩既感覺🥬新鮮既沙律菜 配上芝麻醬 好滋味 仲有啲幾甜既栗米同番茄仔🐷黑豚腩薄切入味 燒得好香 條邊仲脆脆地🍚日本米飯配上黑豚腩既燒汁 蔥花 芝麻 好香口 夠撈哂成碗飯六款壽司 包括 火炙左口魚邊壽司 油甘魚壽司 帆立貝壽司 珍寶赤蝦壽司 海膽壽司 三文魚籽壽司🍣壽司色澤睇得岀好新鮮 油甘魚油脂豐富好香 赤蝦果然係珍寶 尺寸大又彈牙午市套餐加$14就多兩款配菜 好似幾抵咁 估唔到追加食物既質素都唔錯喎炸雞🍗炸雞唔會炸到好油 雞肉一啲都唔柴忌廉蟹肉薯餅🦀小小一件 咬落去外層好薄好脆唔油膩 佢唔似有啲蟹肉薯餅會有蟹肉絲同薯仔粒 入面既忌廉蟹肉反而係稠稠既質地好滑 入口即融 又有蟹肉味 推介雜菜天婦羅🍆 雜菜天婦羅有茄子 番薯 青椒 天婦羅既炸皮好薄 茄子仲keep住juicy 其他都唔乾 呢度既炸物的確出色糖心蛋🍳好糖心 又滷得入味跟餐飲品+$8就可以轉特飲 當然要飲下童年回憶 原味波子汽水柚子檸檬梳打 唔係用糖漿 有檸檬同柚子皮 好清爽 甜度岩岩好 仲好大杯所有食物 包括追加既 質素都好高 性價比高 有機會一定要再黎食…Read More

今日lunch決定食日本野！花園城淨係日本野都有三間，和氣當然係首選！ 雖然換左menu 後d野係加左價，但選擇多左，性價比依然高！ 今日叫左個未食過既和氣特盛定食，$148 包軟殼蟹沙律、燒黑豚腩丼、六件刺身壽司（一d都唔馬虎，有魚子、海膽、油甘魚、火炙左口魚、帆立貝同赤蝦仲包埋冷熱飲！嫌唔夠既仲可以加$14有兩件小食😝 跟餐沙律竟然會有半隻軟殼蟹...會唔會誇張左d🤭 d菜洗得好乾淨冇苦味，又夠麻醬，唔會太寡，但略嫌軟殼蟹厚粉左d，凍左小小。 嘩！不得了，d壽司好新鮮，比起大型日本店用料更靚！海膽色素光鮮唔啞色，味道鮮甜，唔會有臭味，但魚子就有小小一patpat較黏身，味道都ok。左口魚油好香，蝦又夠爽口！平時靚料小小，海膽都要3x蚊啦，呢個真係超值個豚肉飯比想像中細，係連鎖牛肉飯既一半。但味道一d都唔差，豚腩燒得好香，有淡淡炭燒味添，個汁甜甜咸咸好惹味！ 148簡直係抵食呀…Read More

今日約左朋友仔係沙田河畔個度食飯，大家都想食日本菜，所以就去左和氣食堂。我叫左極強特盛定食 (HKD 148) 有刺身壽司同燒黑豚腩丼，軟殼蟹沙律，同跟餐飲，而我就要左忌廉。刺身壽司有6款咁多，分別係火炙左口魚邊壽司，油甘魚壽司，帆立貝壽司，珍寶赤蝦壽司，海膽壽司，三文魚籽壽司。壽司非常新鮮，左口魚同油甘魚色澤鮮豔，入口即溶，正。帆立貝同赤蝦都係珍寶size，非常厚肉鮮嫩，冇得頂呀。海膽同三文魚籽分量黎講非常大，最重要係一啲都唔腥而且好好味添。至於個燒黑豚腩丼，賣相唔錯，黑豚腩非常瘦，唔韌好稔，醬汁同珍珠飯非常夾。個沙律有好多沙律菜，又有蕃茄，蟹籽，青瓜同栗米，好足料呀，最重要係隻軟殼蟹好大隻又好好味。另外，追加左麵豉湯，兩款小食(HKD 16)。 呢兩款小食我選擇左炸蝦卷同三文魚壽司(2件)。 麵豉湯非常足料，唔咸，好清甜。三文魚好大塊同好鮮甜，炸蝦就熱辣辣 。兩者都好好味。非常肚餓既我食完呢次極強特盛定食感到史無前例既滿足。…Read More