Cafe Swan (Tai Wo Centre) (Closed)

這店不大，我們5人生怕星期六晚要排隊，六時半不到便去吃晚飯。我買了團購現金券，入座時跟店員說明，店員便告知用團購現金券不能享用某些優惠。我問可否分單，以便我一張單用現金券，一張單享用優惠。店員向其同事查明後，回覆可以，並說待我們點餐後會幫我們分單，計到最抵。少數食肆會在現金券條款寫明不可分單。大多食肆則遇到客人詢問時一句不可拆單了事。此店幾個店員親切相待，不怕麻煩為客人著想，實在難得。我們之後一共點了3個主菜，1份甜品。第一份是軟殼蟹卡邦尼蛋汁義大利麵。軟殼蟹好吃卡邦尼蛋汁不稠不膩，混有蘑菇。第二份是黑松露海膽芝士蟹蓋飯。蟹蓋上鋪了 一大匙黑松露醬，後面排了四塊海膽。龍蝦汁托飯底，好吃。不過這飯只是微暖，個人覺得熱點會更好吃。接著是黑洞奶黃芝士麵包脆雞。黑洞包鬆、軟、脆，易切易分。雞偏咸，外脆肉嫩。芝士不膩，creamy，不會黏口。蛋黃碎撒在碟邊不起眼，差點被無視了。最後是石板街香焦窩夫（半份）。賣相跟全份比差很遠。棉花糖太微型，窩夫外脆，但入面不夠鬆軟，滿足不到我。由於飯和意粉的份量正常，不少亦不多，又好吃，5人分足夠淺嘗，卻稍有意猶未盡的感覺。減肥的話則是剛好最後總計$511。…Read More

食過一次就知咖啡灣高水準...估唔到再黎 已經事隔左兩個月@@ 等到頸都長>.<"  記得上次食過佢既鵝肝和牛漢堡好正~~~ 但今次要慳下錢喇.... 所以叫左個無鵝肝version既漢堡, 慳返五十幾蚊~ (鵝肝和牛巨人漢堡 $138) 手作特級和牛漢堡 $86 (味道:7.5/10, 份量:7.5/10) 呢度食物既賣相真係無得輸....!! 絕對可以成功引起人既食慾:> 令到減肥中既我都要放縱一下喇=DDD 件和牛真係好厚好大件, 比起上次食更加重牛肉香~~~ 而且更加juicy, 進步左唔少!!^^ 本來見到咁多茄汁同芥茉係面頭, 仲擔心會搶晒件和牛既味, 但今次好食得到牛味: ) 成件事都幾完美 : ) 薯條偏粗身 口感同熱度都幾好~  上次黎無試佢既招牌軟殼蟹, 今次終於可以一試~~ 軟殼蟹卡邦尼蛋汁意粉 $88 (味道:8/10, 份量:8.5/10) 本來想試配松露多d....不過朋友鐘意卡邦尼, 咁就試下啦~ 原來都有D驚喜!! 因為最近出街食既卡邦尼質素都唔太高..反而呢度整得到位~~~ 醬汁唔會濃到令人好快食滯, 但係每一啖都佈滿蒜蓉,洋蔥粒同黑椒粒! 配搭煙肉粒略肥, 仲有少量磨菇粒~ 而主角軟殼蟹, 最鐘意係佢炸既程度 唔會over~~~ 唔會太熱氣(good) 蟹係夠多汁, 但我覺得鮮甜度唔及琛仔小廚~ 不過已經好好味^.^ 同埋呢個價錢比到原隻軟殼蟹, 係外面好多餐廳都肯定做唔到 (真心覺得以後要食軟殼蟹既話, 一定係要去琛仔同咖啡灣先好食...) 最後, 我地再用埋之前儲落既印仔(每$100可儲1個印,夠5個就可以換一杯咖啡^^)換左一杯Rose Latte!(原價: 熱$38, 凍$39)  咖啡我地其實唔係好識得飲XD 不過飲落係覺得好飲易入口的! 玫瑰味都足夠~~ 順帶一提, 呢度既服務好好.... 今日入座後就拎定包中藥沖劑出黎, 諗住食完可以飲埋藥 竟然我未出聲要熱水已經有2位店員主動走過黎問我使唔使幫手沖藥....@@ 未試過有餐廳可以做到咁細心同熱心....T____T 抵讚 T____T 溫馨提示: 將自已食飯時間提前1個鐘左右, 就可以避過人龍而直接入座~ 溫馨提示2: 由於呢度既waffle都幾出名...如果得2個人黎食既話, 叫野前最好預定要食窩夫, 唔好叫太多飽食...…Read More

大埔雖然離居住的地方不算很遠，但沒有特別事情要做的話還是很少會來。今天到附近處理完一點事務後經過這裡，想找一點吃的，就進來這裡找點食物填填肚子。這家店子的名字叫Café Swan。天鵝予人的印象一直是優雅恬淡的，在湖水中自由自在地泅泳，一副悠然自得的樣子。一家以天鵝為名的Café，又會有怎樣的用餐體驗呢？餐廳提供多樣的食品可供選擇，以小店而言相當驚喜，單是意粉已有十來款。還有多款漢堡、甜品、飲品，眼花潦亂。軟殼蟹卡邦尼蛋汁意粉($88)：店員推介說這裡的卡邦尼意粉是新鮮現製的，而個人也喜歡吃軟殼蟹，所以就點了這一道意粉。素來都知道卡邦尼意粉易做難精，而這裡的質素是水準之上。意粉稍為幼身，口感偏向煙韌，吃起來相當彈牙，很合本人口味。醬汁方面是帶淡淡的芝士和胡椒香氣，吃的過程會先嚐到具奶香的芝士味，再過一會兒胡椒的微微刺激感才開始散發出來，味覺感受相當具有層次。醬汁稠身而不過黏，可以掛在一條一條的意粉上。意粉內混和了洋蔥、煙肉和蘑菇等配料，份量相當豐富。而最注目的就是上面的軟殼蟹，是整隻上碟的，真沒有很多餐廳可以看到！因為平時吃的都是已斬件的了。這隻軟殼蟹蟹如其名，只有外皮是炸得酥脆的，內裡整個身子極軟，吃起來毫不費勁。另一叫人驚喜的地方是軟殼蟹內裡有淡黃色的蟹膏，入口甘香，份量不少，實在意想不到。紫薯窩夫($78)：想起來這種像花一樣的窩夫在幾個月前才吃過，這裡的外形也是不相上下，窩夫、忌廉、士多啤梨和雪糕交織成一幅漂亮的圖畫，仿如一座有紫色點綴的小堡壘。每件窩夫是一片花瓣的形狀，仍帶暖身，保持適當的香脆口感，入口帶淡然的蛋香。窩夫上有士多啤梨或小小的甘薯，再配以忌廉，為窩夫加入了不少的味道和口感。至於頂層的紫色雪糕，自然就是紫薯口味的。雪糕的顏色有如薰衣草般美艷，單是看著已是賞心悅目。雪糕的味道帶自然的紫薯香味，口感頗見細滑，不會硬作一團。整道甜品將紫薯的不同元素融入窩夫中，搭配得宜而不突兀，令人回味。宇治抹茶紅豆鮮奶($38)：紅豆顆顆分明，十分軟身，幾成沙狀，甜而不膩。抹茶有綠茶的香氣之餘略帶澀味，正好與味甜的紅豆來一個中和，整體苦中帶絲絲甜味。想不到一條平凡的街道上有如此出色的Café。在附近的街道裡，要輪候入座的餐廳不多，這家是其中之一，可見其出品已受區內街坊的認同。========================…Read More

得知太和路開了數間小店, 那天去完大埔中心辦完點事才5點半, 又是去小店不用排隊的好時間... 我和老公慢步過去太和路, 就選了這店, 人龍還未出現, 當時大概6點鐘, 但店內已有8成客人, 好! 就呢間!手打和牛漢堡個SIZE 都几大, 肉汁都几豐富, 但牛味不夠, 調味偏淡都几適合我, 整體賣相和味道不錯, 只是感覺欠缺特色.軟殼蟹卡邦尼蛋汁意粉, 份量夠, 我地仲加左$10雙色車打芝士, 成日食意粉好怕唔夠汁, 但呢個意粉令我地好驚喜好滿足, 佢用料十足, 炒過既洋葱, 磨菇和煙肉, 廚師亳不手軟, 再加埋雙色車打芝士, 令意粉味道豐富啖啖濃郁, 而隻軟殼蟹都好大隻, 熱辣辣之餘, 仲炸得剛剛好外脆內軟, 好多時其他地方既炸軟殼蟹都會炸到黑蚊蚊. 呢度真係做得几好, 好味!由於食物份量都几大, 而我地又太早食飯, 真係太飽了, 試唔到呢度既甜品有點可惜, 因為賣相都几吸引, 下次吧!…Read More