Red Lobster (Fashion Walk)

好味指數😋😋😋回頭指數 ⭐️⭐️開心指數🤗🤗朋友gathering，揀咗呢一間食龍蝦嘅餐廳，開頭以為好貴，原來除咗原隻龍蝦外，其他嘢都唔算好貴！落完 order 都有15分鐘，先突然間走嚟話冇生蠔，errr… 其實… 要咁耐先知冇咁有趣🤔！再睇menu 諗住再加多兩款食物啦，但舉手揮手都有接近10分鐘先有人理！🍴車打芝士鬆餅呢個係暖暖嘅，外面脆入面鬆軟，芝士味好香濃，好味！🍴葡式莫內芝士醬炒龍蝦（$868/2LB)呢個有忌廉芝士醬意粉底，芝士味好重，剛好我食嗰舊龍蝦唔係包滿芝士醬就食到鮮甜味，如果唔係基本上芝士味會蓋過晒龍蝦味，個意粉非常cheesy 好食！🍴忌廉蘑菇焗活龍蝦（$868/2LB)龍蝦肉質好爽口，食得出係好新鮮嘅，已經拆好肉，忌廉蘑菇份量好多好 creamy，但其實個醬汁鹹咗少少嘅～兩款龍蝦都有跟個龍蝦汁 + 多士，呢個記得食，好好食，個汁有非常濃郁龍蝦膏味～ 🍴紅龍蝦招牌沙律（$98）上面有4舊紅龍蝦肉，另外有脆葉卷心生菜、風乾火腿、牛油果、烚蛋、番茄、千島醬，其實我好耐冇食過西餐廳嘅沙律係用千島醬同生菜，仲要成碟都係嘅生菜唔太脆身，個千島醬又多又唔太好食，開始反緊白眼時，朋友提醒我個沙律好平㗎 ja，係係係，90幾蚊有龍蝦仲想點…呢～ 🍴龍蝦飯（$158）龍蝦肉 + 野米藜麥飯，其實成個飯好乾… 🍴夏威夷椰子蝦（$72/6隻）好乾，好硬，炸粉好厚，厚到都食唔到隻蝦嘅口感同味，椰子味係嚟自個好稀嘅椰子汁，唔好食～🍴意大利辣味手工薄餅（$88）餅底有D 硬，大家都唔覺得似手工薄餅～ 佢又唔係pepperoni & cheese，佢都有jalapeño 同有D 辣椒粉響面，但個味唔太夾，味道一般～整體上原隻龍蝦好新鮮，處理上未算係發揮得最好（或者我哋揀唔啱最好味嘅方式），其他嘢食就好一般，不過其他嘢又的確唔算貴，或者應該將就下🤨；服務又係好一般，唔知係唔夠人定係點，個個都忙到成日搵唔到人，跟住有一下又突然間被店員隊本餐牌響我眼前嚇一嚇，我話佢知我冇要餐牌，店員個樣好不滿，跟住隔離檯先講係佢哋要，跟住一句 sorry 都冇就轉身走咗～ 搵另一個幫手影相，係唔願意到完全 feel 到，求其影咗就走人，即係有D似唔理你又唔得，理你但其實佢又好忙咁～ 🙃…Read More

今日放假專程嚟到呢一間龍蝦專門店食午餐， 最初係畀佢嘅優惠吸引而來， 因為佢哋而家點一款龍蝦主菜， 就可以加一蚊食牛扒。 但當入到去見到佢個set lunch menu， 覺得仲抵食， 因為有埋餐湯和嘢飲。 今次試咗波士龍蝦尾配椰子薑飯和牛扒飯， 牛扒飯嘅肉眼扒肉質細嫩， 夠牛味， 飯用咗五穀米， 配菜有燒蕃薯、 西蘭花和椰菜花， 食完之後覺得自己健康曬， 大滿足。 另外一個主菜就麻麻地， 龍蝦有啲韌， 椰子薑飯冇薑味。 不過呢度啲服務好細心， 服務員主動過嚟問我哋啲嘢啱唔啱食， 我哋照實同佢反映咗意見， 職員喺我哋埋單之前仲送咗件芝士蛋糕畀我哋食， 呢間餐廳雖然係美國餐廳， 不過出奇地件芝士蛋糕唔係好甜， 而且好好食， 呢個真係一個小驚喜， 完全冇諗過佢哋嘅service recovery做得咁好。 另外佢哋唔收加一， 仲要車打芝士鬆餅任食，讚！…Read More

-⧫HAPPY BIRTHDAY TO ME ;)生日飯系列⧫-美國著名的人氣海鮮餐廳Red Lobster今年又攪風靡全球的  Endless  Shrimp任食大蝦菜式 八款不同風味煮法的蝦啱哂最愛海鮮嘅我 生日飯局就決定了超熱門 極難訂位我們收工馬上walk in甜品寫碟仲會影紀念相 慶生的好選擇 ⧫⧫ ENDLESS SHRIMP⧫⧫ $258 / 90分鐘每位$258就可以任食八款大蝦的菜式鼓勵用消費劵 以支付寶或八達通付款再減$30即係$228(小童價為hk$158)加錢有啤酒任飲 仲免收加一真係勁抵 我哋試勻哂八款蝦 肚皮爆開滿足到痺-⧫車打芝士鬆餅⧫可任添的招牌名物 久仰大名終於一試芝士味濃濕潤且鬆軟 怕飽不然還想吃-⧫沙嗲大蝦串⧫ (上）烤得香口結實 配搭沙嗲醬非常之惹味啱哂重口味嘅人 伴碟酸青瓜開胃解膩-⧫意式大蝦濃湯意粉⧫ (下）意粉煙韌大蝦爽口 蕃茄加上青醬好夾-⧫干邑XO醬煮大蝦配脆米⧫大蝦煮得濃郁入味 加上脆米很有口感 -⧫夏威夷椰子蝦⧫椰子刨絲與蝦同炸 酥脆之餘更有層次配上自家製的椰香醬汁 很有熱帶風情-⧫香茅咖哩大蝦⧫是我頗喜歡的一道 咖喱辛香卻不刺激連殼大蝦爽口且鮮甜 怕飽記得叫少飯-⧫招牌蒜蓉蝦⧫  (左上）滿滿牛油香氣 蒜蓉味頗香濃份量適中-⧫惹味大蝦捲餅⧫（右上）包著大蝦肉絲配Bbq醬 口感豐富惹味-⧫辣椒大蝦配油炸鬼⧫醬汁濃稠溫和 配迷你油炸鬼頗為特別 -⧫香辣雞翼⧫ $48 / 4 pcs傻呼呼的怕吃蝦吃膩 加了愛吃的雞翼雞翼大隻飽滿脆身惹味 幾乎完全不辣-⧫巨浪朱古力蛋糕⧫ $78朱古力味濃郁偏甜 甜品的胃又打開了寫了名字點上蠟燭 店員還主動拍了照還送上相框值得一讚 難怪很多人慶生-⧫Berry Sangria⧫ $58果味濃而酒味淡 賣相很漂亮打卡一流…Read More

𝗥𝗲𝗱 𝗟𝗼𝗯𝘀𝘁𝗲𝗿 @redlobsterhk 喺香港開咗一段時間都仲未有機會試吓，今次拉埋以前喺加拿大大時大節都會去𝗥𝗲𝗱 𝗟𝗼𝗯𝘀𝘁𝗲𝗿食餐好嘅男朋友去試吓，睇吓係咪一樣咁正(•̀ᴗ•́)و餐廳好光猛，位置都坐得好舒服。而餐牌上除咗有原隻龍蝦之外，仲有好多唔同用龍蝦做主角嘅菜式，𝗽𝗶𝘇𝘇𝗮 𝗽𝗮𝘀𝘁𝗮乜都有！ღ 車打芝士鬆餅 𝐂𝐡𝐞𝐝𝐝𝐚𝐫 𝐁𝐚𝐲 𝐁𝐢𝐬𝐜𝐮𝐢𝐭𝐬一坐低店員就會自動送上鬆餅🥰果然係招牌！口感鬆化，牛油味香，再加芝士鹹香味好𝗷𝗲𝗻𝗴( ˘ ³˘)♥︎重點係可以無限添加！！！╰┈➤ 𝘁𝗮𝘀𝘁𝗲: 𝟴/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟴.𝟮/𝟭𝟬 ღ 英格蘭龍蝦包 𝐄𝐧𝐠𝐥𝐢𝐬𝐡 𝐋𝐨𝐛𝐬𝐭𝐞𝐫 𝐑𝐨𝐥𝐥 $𝟐𝟗𝟖本身以為份量係以前喺日本食龍蝦包嘅𝘀𝗶𝘇𝗲(有冇人明?XD)但唔係！！比起想像中嘅份量巨型好多🤩主角龍蝦已經拆好肉，爽口彈牙；麵包鬆軟，牛油味香，再配埋大量生菜同千島醬，成件事好清新！略嫌伴碟嘅薯條唔夠香脆，有少少凍同淋咗🤏🏻╰┈➤ 𝘁𝗮𝘀𝘁𝗲: 𝟳.𝟴/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟳.𝟰/𝟭𝟬ღ 香辣酥炸蝦 𝐃𝐫𝐚𝐠𝐨𝐧 𝐒𝐡𝐫𝐢𝐦𝐩 $𝟒𝟖下午茶唔想食太𝗵𝗲𝗮𝘃𝘆叫呢啲小食就最適合啦！炸蝦酥脆，醬汁甜甜辣辣，幾惹味～╰┈➤ 𝘁𝗮𝘀𝘁𝗲: 𝟳.𝟯/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟲.𝟴/𝟭𝟬ღ 黃金炸大蝦 𝐒𝐚𝐥𝐭𝐞𝐝 𝐄𝐠𝐠 𝐘𝐨𝐥𝐤 𝐒𝐡𝐫𝐢𝐦𝐩 $𝟒𝟖個人比較鍾意呢款炸大蝦多啲～鹹蛋黃醬汁超香濃，仲會有粒粒鹹蛋黃食到！！╰┈➤ 𝘁𝗮𝘀𝘁𝗲: 𝟳.𝟴/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟴/𝟭𝟬ღ 夏威夷吞拿魚塔 𝐓𝐮𝐧𝐚 𝐏𝐨𝐤𝐞 $𝟑𝟖吞拿魚刺身配香辣自家製醬汁，超開胃～配埋脆皮餅一齊食，口感層次豐富👍🏻╰┈➤ 𝘁𝗮𝘀𝘁𝗲: 𝟳.𝟲/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟳.𝟮/𝟭𝟬𝗥𝗲𝗱 𝗟𝗼𝗯𝘀𝘁𝗲𝗿 @redlobsterhk✵ 𝒍𝒐𝒄𝒂𝒕𝒊𝒐𝒏 • 𝒆𝒏𝒗𝒊𝒓𝒐𝒏𝒎𝒆𝒏𝒕 𝟴/𝟭𝟬╰┈➤ 📍#BELLYwongs_causeway✵ 𝒄𝒖𝒊𝒔𝒊𝒏𝒆 • 𝒇𝒐𝒐𝒅 𝟳.𝟴/𝟭𝟬╰┈➤ #BELLYwongs_western #BELLYwongs_seafood✵ 𝒑𝒓𝒊𝒄𝒆 𝒓𝒂𝒏𝒈𝒆 • 𝒂𝒇𝒇𝒐𝒓𝒅𝒂𝒃𝒊𝒍𝒊𝒕𝒚 𝟳.𝟮/𝟭𝟬╰┈➤ #BELLYwongs_midprice • $𝟮𝟰𝟬/𝗽𝗽✵ 𝒔𝒆𝒓𝒗𝒊𝒄𝒆 𝟳.𝟴/𝟭𝟬✵ 𝒓𝒆𝒗𝒊𝒔𝒊𝒕 ᴍᴀʏʙᴇ 🙂…Read More

❀ Red Lobster #銅鑼灣 ❀❗️人氣過江龍 主打龍蝦美國餐廳❗️——————————————————初初開張嘅時候去過食晚餐，相隔剛剛一年再次嚟到食午餐🤣相信大家對呢間餐廳都唔陌生，源自美國，係全球最大型嘅海鮮餐廳嚟到。美國經典鮮艷嘅紅色裝修，售賣多款龍蝦菜式，有原隻唔同烹調方式嘅龍蝦、龍蝦意粉等，另外仲有鋸扒、沙律、小食。而當中佢哋嘅「餐包」自家製車打芝士鬆餅絕對係另一賣點，免費供應，仲可以無限添加，喺唔少人心目中留下深刻印象🤙🏻。.✷𝑀𝑒𝓃𝓊✷☞ 車打芝士鬆餅 (free) (4.1/5)之前嚟過已經覺得佢哋個鬆餅好出色，係似美式鬆餅，非常鬆化，牛油味好香嗰種，加埋濃郁嘅鹹香芝士味， 暖粒粒咁送上超好味！仲係可以無限添加㗎😆！.☞ 龍蝦包 $218 (4/5)之前已經食過佢哋嘅原隻龍蝦、龍蝦意粉等等，今次下晝嚟到就食少啲，嘗試下佢哋嘅龍蝦包🦞！比想像中大份，將一嚿嚿嘅龍蝦肉拆好再擺喺麵包內，即使唔係原條食但都幾彈牙~裏面再加上咗啲千島醬，生菜，好難唔好食😂除非你唔鍾意沙律千島醬。而且個包都幾鬆軟，仲搽咗大量牛油，雖然邪惡但真係好味好多！.☞ 雞肉墨西哥卷餅 ~$100 (3.9/5)有唔少餡料🌮除咗大大嚿嘅炭烤雞肉之外，裏面嘅牛油果醬調得好好，加埋少少墨西哥辣椒，辣辣地好惹味！不過就自己略嫌個卷餅有啲太乾身，我鍾意煙韌/soft少少嘅卷餅。另外龍蝦包同埋卷餅都配埋薯條🍟，係幼身香脆嗰種，表面再加咗少少香草，都算幾好。.☞ Drinks♥ Cold Brew Martini $78 (3/5)♥ I Am Coconuts $78 (3/5)另外嗌咗兩杯特色cocktail🍸但呢啲真係好睇個人口味。自己覺得coconut個杯味道有少少奇怪，另外cold brew就稍為甜咗啲。——————————————————✨整體味道: 3.9/5 ✨環境裝修: 4/5✨服務態度: 4/5✨性價比: 3.5/5✨再訪興趣: 3.5/5 .💞整體來講相信呢間龍蝦餐廳大家都唔陌生，剛剛開業嘅時候真係吸引咗好多人，自己其實都已經第二次嚟，不過今次就試咗一啲其他款式。兩次感受都同樣覺得個芝士鬆餅真係最出色🤣其他食物就不過不失，如果鍾意龍蝦嘅都可以試吓。…Read More

近期食得最豪嘅一餐，但食物質素又真係抵呢個價錢嘅🤤一嚟就會放低一兜三嚿嘅芝士鬆餅，食完可以任添，好鬆化好濃芝士味但都唔會食到太多，我就食咗三嚿😂之後上個頭盤青口，擠d檸檬汁落去再加個鮮甜嘅汁，真係幾新鮮好食㗎😆食完頭盤就嚟到重頭戲啦🔥呢個無敵海鮮大餐有齊龍蝦尾、雪蟹腳、蒜蓉蝦同炸蝦，滿足晒你想食海鮮嘅慾望🤤仲有得揀兩個sides，我就揀咗雜菜同黑松露薯條😮龍蝦尾我略厭佢唔係好夠味有d失望，雪蟹腳食就麻煩d(懶人一名🦦)但肉係鮮甜多汁嘅，蒜蓉蝦個汁幾特別有落埋牛油好重口味我鍾意❤️炸蝦隻蝦係大蝦啖啖肉好正😆終於到活龍蝦🦞呢個主打真係冇得輸，好鮮甜嘅龍蝦味，一咬d汁會有微辣味加龍蝦嘅鮮味，好想再試吓其他煮法嘅活龍蝦😛意粉煮得啱啱好唔會太淋，不過都幾辣🔥🔥好想大家留意個西冷牛扒極抵食，加一蚊都唔係比cheap嘢你，啱啱有少少血水煎得啱啱好，重點係⭐️伴碟個芝士薯蓉超級超級好食⭐️我個frd唔食比晒我食😂😂甜品環節，睇餐牌以為個甜品唔會大份就點咗兩個想食嘅，點知兩樣都勁大份飽到頂心口🤭芝士蛋糕係個waiter話自己都好鍾意食😂而真係好好味，有白朱古力嘅甜加芝士嘅濃郁，蛋糕質感偏軟，加埋餅底一流😤奶茶奶凍最驚喜係佢個底係滿滿嘅珍珠，唔會太甜搶咗奶凍嘅味，又配合到成個甜品，幾特別嘅感覺🧐…Read More

#銅鑼灣 #redlobster 好正，所有野食都好味侍應哥哥們態度又好好，環境又寛敞又舒服，影相燈光又好正又夠光猛#清蒸2磅龍蝦 本身上菜嘅時候會原隻上仲會有專人係你張枱附近拆殼再擺返靚靚再上枱隻龍蝦超級鮮甜，肉質彈牙#即焗蒜蓉包 🥖夠脆又夠蒜蓉，底下仲有啲牛油，中間個sauce係#蒜蓉豉油 比較咸，蒜蓉味好出同有辣味，亦都有味精，最右邊嘅sauce都係牛油，不過味道較淡#芝味蟹肉意粉 非常cheesy同creamy,鹽同黑椒跟自己口味落，吊返哂個蟹肉鮮味出黎，而且係好多蟹肉碎🦀，正另外面頭嘅蟹棒係本身都有調味，夠咸同非常鮮味，好好食#白酒蒜蓉炒青口 個汁較咸，仲有少少辣味，食唔到白酒味，好食野飲唔知點解會好耐先上到，可能水吧嗰日咁啱放假，#芒果沙冰 要攪均先有芒果味，另外沙冰夠棉#水蜜桃冰茶 🍑正，應該係買返黎serve嘅#車打芝士鬆餅 係坐底無耐就送咗過黎，外脆內軟，芝士味好香🧀🧀🧀，超好食味道: 9/10味精: 6/10價錢: 5/10環境: 9/10服務: 9/10…Read More

雖然疫情持續，但係都阻止唔到我的食慾🤤今次來到Red Lobster 😮咩都未叫，服務員就請我哋食車打芝士鬆餅，外脆內軟，有好香濃的車打芝士味，身為芝士控的我認為好不錯前菜方面，我哋叫咗紅龍蝦招牌沙律，內含蕃茄粒、青瓜粒 、碎蛋、西生菜、龍蝦肉，有咁多材料係唔錯不過千島醬多到好似落咗半支咁😅鐘意多醬的朋友可以考慮下🙆正餐方面，我食咗個lunch set--烤三文魚配大蝦(配南瓜湯+凍檸茶）三文魚叫medium, 但係就熟多咗少少，蝦的size同想像中有少少出入🙆三文魚下有啲帶有忌廉味的飯，味道不錯👍友人叫咗意式辣味活龍蝦，龍蝦連殼，辣蕃茄味香濃，仍然係醬料過多的問題🤔以及蝦肉有點少🤔都算ok🙆…Read More

知唔知道9月25日係咩日子呢🤔？登登登櫈...就係... 國際龍蝦日🦞！呢間餐廳為慶祝呢個節日，舉行第一次嘅龍蝦節「Lobsterfest」，快啲睇下妹豬仔同朋友點度過龍蝦節啦😆～.🔸[車打芝士鬆餅 Cheddar Bay Biscuits🧀] (免費)餐廳免費送上嘅小餐點。鬆餅圓轆轆，呈金黃色，外皮香脆而且保持微暖，入面就好鬆軟☺️。切開已經睇得到入面有好多芝士，食落就係香濃嘅芝士味❤️。味道有驚喜之餘，仲可以免費無限任添，芝士控唔好錯過啊🙌🏻～.🔸[龍蝦濃湯 Lobster Bisque🥣] (HK$48)龍蝦節menu菜式之一。呈橙色嘅龍蝦湯為一人份量，濃度啱啱好，唔會太稠，亦唔會太稀👍🏻。飲落味道濃郁同好鮮甜，而且用料足，湯入面不乏龍蝦肉😋。.🔸[海鮮拼盤 Lobster, Shrimp and Scallops] (HK$328)龍蝦節menu菜式之一。如果心大心細唔知揀咩好，不妨選擇呢款全新菜式😉，一次過可以品嘗到：烤龍蝦尾、大蝦、帶子、烤蔬菜、野米藜麥飯。首先擠上檸檬汁🍋，之後海鮮可以沾點附上嘅牛油🧈/菠蘿粒醬汁🍍，十分滋味！.🔸[龍蝦包 Lobster Roll🦞🍞] (HK$218)龍蝦節menu菜式之一。表面烘過嘅麵包中間夾住滿滿嘅活龍蝦肉、生菜🥬、沙律醬，隔離擺放咗龍蝦頭，十分吸睛，絕對係打卡之選😄！食到啖啖爽口龍蝦肉，配埋炸得香脆嘅薯條 🍟，幸福感滿分💯！.🔸[葡式莫奈芝士醬炒龍蝦 Lobster in Mornay Cheese Sause] (HK$398/ 1LB)龍蝦節menu以外嘅龍蝦菜式，妹豬仔認為係芝士控必食🤤！呢款菜式配意粉，再放上龍蝦，再撒上芝士絲，而龍蝦尾位置再有兩塊多士，賣相吸引😍！而且芝士醬超多，都掛滿喺活龍蝦肉、意粉，芝味十足🧀，而龍蝦肉鮮甜爽口👍🏻！兩塊多士就可以沾點附上嘅龍蝦膏食用，十分邪惡😈！.🔸 (HK$58/杯)龍蝦節menu推介飲品之一，另有 (HK$48/瓶)可選。 味道清新同甜甜地，幾易入口☺️。如果一大班朋友嚟仲可以點一壺(HK$228)，齊齊開心share🥂！.✨妹豬仔👧🏻💬: 整體嚟講，食物質素唔錯，龍蝦菜式幾多👍🏻，活龍蝦肉十分鮮甜爽口🤤，而免費無限任添嘅車打芝士鬆餅的確有驚喜！下次會同朋友再試其他龍蝦菜式🥰～.💡妹豬仔話你知💁🏻‍♀️～龍蝦節「Lobsterfest」其實係美國Red Lobster嘅傳統，不過今次就係餐廳第一次舉行 (9月21日至10月18日)，推出咗龍蝦節menu🦞，用優惠價就可以享用到5款全新菜式同4款大受歡迎菜式😉。海鮮控/龍蝦控有興趣嘅話，就快啲趁龍蝦節完結前去試試啦🤗！…Read More

限聚令放寬，相隔幾個月，終於可以來一次閨蜜四人飯局，補祝好友8月份的生日，也預祝窩夫10月的生日。被安排坐在一樓其中一間房間內，先確定不設最低消費，滿心歡喜，又沒有限制時間交枱，可以慢慢食，邊食邊傾，結果坐到餐廳打烊才離開呢。坐下來不久便送來車打芝士鬆餅，不知道為什麼會有五個，暖暖的鬆餅外層微脆，窩夫很快便吃掉了一個。夏威夷吞拿魚塔只售38元，初初還以為看錯價錢，吞拿魚配上芒果和豆，紅黃綠三色加上黑白芝麻，賣相吸引，味道也不錯。紅龍蝦招牌沙律($98)是店員推介的，龍蝦肉份量足，生菜新鮮爽脆，千島醬不會太重手，不過如果牛油果、番茄和烚蛋等切得大粒一點，口感和味道會更加豐富。主角美式蒸活龍蝦(兩磅$688)來了，客人拍照後，店員會幫忙拆肉。龍蝦拆肉後上桌，排列得整整齊齊，而且還是熱辣辣冒煙的。簡單蒸製最能帶出活龍蝦的鮮味，啖啖肉又不用自己動手，吃得特別滋味。後加了一客香酥炸魷魚($48)，十分香脆。到甜品時間，愛溢布朗尼($78)超大份呢。奶茶意式鮮奶凍($38)也比預期中大，意式奶凍的奶茶味夠香濃，但珍珠偏硬，有很大的進步空間。…Read More

喺雜誌見到Red Lobster 有大蝦無限任食，每位$198，我覺得非常之吸引，既然有特價就打電話去嘗試book枱，原來唔使book枱，由11:30開始，walk-in就得。上星期食飯時間我途經Red Lobster，見到有位於是乎就入去食。我哋order咗之後，店員就免費送我哋一客車打芝士鬆餅，鬆餅入口鬆化，可惜芝士較淡。另外叫咗兩杯沙冰，一杯芒果一杯香桃，味道非常非常淡，好似食緊雪一樣。大蝦無限任食包括六款大蝦，都係即叫即煮，每次只可order 4款，蝦好細隻，唔稱得上係大蝦，但都算新鮮。我覺得這個pizza 無論賣相同味道，都係pizza hut 好啲。大蝦意粉最好食，真係即叫即煮，食到最後仍然好熱，個龍蝦醬味道好濃郁。當日客人不多，侍應亦有4-5位，但唔明點解好難搵到佢哋落order， 佢哋三兩個聚埋傾偈，完全唔會望下啲客人。其中一位女侍應明明見到我叫佢佢都當見我唔到，另一位忙緊嘅男侍應提佢， 佢都唔肯過黎，直至那位男侍應忙完先過黎同我落order，你會感覺到整體服務都好鬆散。總結，只吃大蝦真係好悶，雖然每款味道唔同，味道都唔差，但唔會食得多，以這個價錢食lunch, 可以有其他更好的選擇，我唔會再黎食。…Read More

上次我生日時同男朋友食完Red Lobster覺得好正，所以今次男朋友提早成個月book定位，早幾日慶祝父親節。依家有$198大蝦無限任食，但我地都係決定散叫。首先都係有車打芝士鬆餅，鹹鹹地又鬆軟，今次冇refill到，太飽。夏威夷椰子蝦，炸蝦鋪住椰絲同菠蘿，酸酸甜甜，唔會炸到好油膩。我同男朋友揀左蒜香檸檬炒蝦意粉同大蝦三重滋味拼盤share食。兩款都配有沙律或是日例湯，我地各一都要。南瓜湯依然好飲，甜甜的又夠濃味。沙律幾大份，鋪滿車打芝士，屬於凱撤沙律，唔錯。蒜香檸檬炒蝦意粉冇side dish，好大碟，有少量菠菜、番茄仔同松子仁。我就覺得正常，可能我唔好蒜，但男朋友覺得好食，夠蒜味，只係多油左啲。大蝦三重滋味拼盤有酥脆炸蝦、蒜蓉焗大蝦及龍蝦醬大蝦意粉，兩款side dish要左黑松露薯條同薯蓉。依然保持水準，食到舐舐脷。姨姨叫左加勒比烤蝦，side dish要西蘭花同烤南瓜片，我試左一隻烤蝦，勁好食!烤得岩岩好，唔會乾，鎖到肉汁，推介!叔叔叫左海陸雙鮮既牛柳(6安士)配龍蝦尾，side dish要西蘭花同黑松露薯條。叔叔話牛柳食到鹹魚味，於是同負責人講，佢好好甘話換俾我地，呢碟唔收錢。最後改左要西冷牛排(7安士)就算，冇鹹魚味，但都係偏鹹，可能今日廚師失準。 最驚喜係負責人送左三款甜品俾我地，好有心，全部都好正。經典芝士蛋糕有兩層，上層係勁似食緊雪糕既cream，下層係芝士蛋糕，仲有我鍾意既餅底。野莓酥餅佢地覺得最好食，呢款比較多cream，所以我冇佢地甘鍾意，但都係好食既。奶茶意式鮮奶凍有驚喜，奶凍好滑，濃濃奶茶味，只係珍珠唔太煙韌。…Read More

Red Lobster作為過江龍黎到香港，唔少媒體都紛紛報導，今次我地就去試試，佢地lunch set同單點價錢分別唔大，我地就食咗lunch set試下佢嘅鬆餅同湯。車打芝士鬆餅味道微鹹淡淡芝士香，食落外微脆內鬆軟，幾新鮮。龍蝦湯+$20lunch set想飲龍蝦湯，加20蚊就飲到，內有龍蝦肉，飲落好重海鮮味，texture介乎稀同creamy中間，味道偏鹹。龍蝦、大蝦手工薄餅 $118唔知係咪因為龍蝦湯味道較濃，兩個主菜都食落非常清淡，淡而無味，甚至要落鹽同黑椒先食得落肚。薄餅好脆，落嘅芝士都夠，每片都有龍蝦或者大蝦，除咗唔夠味，都算係規規矩矩嘅薄餅。烤龍蝦丼飯 $188面頭有幾多龍蝦肉，但都係淡而無味。肉質食落幾乾，白飯混合住糙米同麥皮，都係乾同鬆散，冇味冇香冇口感。成個飯裏面得烤南瓜較為香甜可口，落d鹽食完d龍蝦肉就算lu…Read More

來自美國的Red Lobster 提供多款海鮮西餐，餐廳環境優美，兩層都用上落地玻璃採光度高☀️，海鮮性價比高，無論龍蝦或鮮蝦，都烹調出多款不同食法菜式，新鮮亦惹味🔥一磅龍蝦🦞其實份量也不惹少，肉質厚而彈牙，啖啖肉釀滿蘑菇忌廉，連伴碟的蒜蓉多士也不馬虎，配上超濃郁精華龍蝦醬汁連粒粒龍蝦肉，這個西式龍蝦吃法確是滋味🥰足20oz的「冰島比目魚🐟」Size巨型🤩，熱辣辣上桌，魚皮脆口，肉質烤焗得十分嫩滑，魚骨輕易拆走，是要多人一起分享的菜式🍴「夏威夷椰子蝦」的椰子醬味道夠清新又減膩，「蟹肉鮮蝦扁意粉」彈牙也夠惹味，「龍蝦手工薄餅」也不錯😋每枱免費供應的「車打芝士鬆餅🧀」是由店家自家製，鬆軟程度是一用手拿起就碎🤪，芝士味香濃👍🏻可惜週日午市不提供Booking， walk-in排隊需時，但要食到性價比高的西式海鮮，等待都是值得的🧡…Read More

本來今晚男朋友想帶我去南丫島模達個邊食生日晚飯，但點知去到勁多蚊，於是臨時改地點，決定出返銅鑼灣食。我呢排想食Red Lobster，所以當晚walk in去食。結果成餐飯，無論服務態度定食物質素，我地都好滿意，滿肚而歸!首先會送上車打芝士鬆餅，第一次食鹹味既鬆餅，都幾夾，夠鬆軟。本來想refill架，但真係好飽，放棄左。松露、芝士、蘑菇手工薄餅，屬於薄脆既餅底，好足料，熱辣辣，就算擺耐左，都唔會影響口感，勁。我地揀左兩款主菜，原來包餐湯或沙律，再可以揀兩款side dish。我地要左南瓜湯，充滿甜味既南瓜湯。大蝦三重滋味拼盤配黑松露薯條同薯蓉。拼盤有酥脆炸蝦、蒜蓉焗大蝦及龍蝦醬大蝦意粉，好豐富!酥脆炸蝦超好食，好香脆，連唔鍾意食炸物既男朋友都讚不絕口。龍蝦醬大蝦意粉既龍蝦醬令你好似飲緊龍蝦湯甘，好入味，係食過最好食既龍蝦醬意粉。蒜蓉焗大蝦相對普通，但只係因為有比較姐，都好食架。西冷牛排(7安士)配北美龍蝦尾配烤迷你薯仔同雜錦蔬菜。西冷好厚身，有肉味。用薯仔整既side dish都好食，食完好飽。最後生日梗係要食甜品啦，我揀左愛溢布朗尼。我地臨時問可唔可以寫Happy Birthday，都可以呀，仲送左張即晒既相片俾我地添呀~好開心!佢會額外將一舊布朗尼放係生日碟到，再送上真正既愛溢布朗尼，好有心!…Read More