阿太車仔麵 (Closed)

話說諗住去朋友舖頭食嘢，點知冇開，又唔知有咩好食，又係求其入左一間餐廳食野，見到依一間車仔麵嘅格局，貪佢唔使面對面對住陌生人食嘢，入去嘅時候餐廳裏面冇乜人.因為眼闊肚窄嘅關係，叫咗五個餸，但個米粉冇食過咁濟😅米粉：正常瑞士雞翼：個雞翼唔知係咪放得太耐，好乾身豬扒：超級難食，油淋淋，好似返炸過咁，而且好似張紙咁薄！蘿蔔：蘿蔔算係最好味韭菜餃：正常冬菇：冬菇排第二整體我覺得食物質素還可以，但係千祈唔好叫豬扒，仲要額外加多$11，又細又薄覺得唔值俾佢OK評價係因為其他嘅食物我覺得可以，只係個豬扒同個雞翼唔好食😂

早兩晚11點左右，附近運動後就去諗住食返碗車仔麵🍜，入到去中間張長枱兩邊都坐左D人, 咁我就揀左側邊D高枱，坐好後order左3個餸，油麵，中辣🌶，加埋杯凍🍋水。轉個飲品好快就擺低左，坐左陣，事情就出現喇，本來想慢慢食埋碗麵先走，點知突然收到電話☎️，要即刻🏃🏻‍♂️返屋企，就十分唔好意思同店員講碗麵要拎走，本來佢都話已經造好，準備拎出黎，叫我不如食埋先，但果陣真係急，無辦法之下佢都幫我轉返拎走，我叫佢就咁幫我倒落碗就得。返到屋企處理好事情後就第一時間打開個麵醫肚，發現竟然原來幫我分左湯，仲擺得好靚靚仔仔，味道就同平時一樣正常狀態啦，但當感受到良好服務時，食咩都好味D!

之前經過呢條街好幾次都有留意呢間車仔麵， 今次終於都有時間入嚟坐低試下好唔好食啦！ 鋪面唔算好大， 繁忙時段都唔係太多人！ 佢哋嘅車仔麵有兩餸同三餸選擇， 兩餸麵加飲品37蚊，三餸麵加飲品42蚊， 凍飲或者汽水另加兩蚊， 見到餐牌上仲有小食推介， 我哋就叫咗醬汁魷魚，兩餸麵同埋三餸麵！ 食車仔麵點少得飲可樂 凍冰冰嘅可樂加埋車仔麵簡直係最好嘅配搭! 餸方面我哋叫咗雞翼，墨魚丸，豬大腸，韭菜餃，豬皮！ 我覺得最好食係豬大腸， 韭菜餃比較淡冇乜味， 豬皮太鹹， 雞翼同埋墨魚丸普通， 仲有醬汁魷魚比較硬! 今次第一次嚟食， 落咗單之後都等咗好耐先至上菜， 希望下次嚟會有進步， 起碼唔好等差唔多半個鐘先有得食！