A4Noodle

去到旺角想食個快餐，黎左呢間車仔麵試下。叫左碗牛腩，麻辣魚蛋配油麵。牛腩味道都幾濃味，只係老左少少。魚蛋幾彈口而且辣味唔算太重，怕辣嘅人都食得。麵質偏向林，要視乎自己鍾意食咩麵嘅質地。見佢小食幾吸引就叫咗炸墨魚卷，炸燒賣同菜心。炸墨魚卷就睇落比較油，但係食落去外皮脆口內裏彈牙，同埋估唔到都幾大塊，整體算唔錯，幾好食。而家唔係好多地方有炸燒賣，睇落粒粒都金黃色，幾好吸引。食落去幾脆，配埋甜酸醬好夾。健康啲可以叫返個菜心有腩汁同蠔油揀，我地擇左配蠔油，菜心都幾爽口，煮嘅時間應該正常。但野飲叫咗奶茶同菠蘿冰偏甜，覺得加得比較多水，反而麻麻地。舖頭地方都坐得幾舒服，嚟到旺角食個快餐，食車仔麵係一個好選擇，簡單又快手。…Read More

今日去咗麥花臣球場聽講座，完咗之後就去到附近豉油街搵食，然後就選擇咗呢間阿四車仔麵。入面環境寬敞，加上佢係地舖，而且用落地玻璃，所以透光度十足，感覺尤其開揚。呢度除咗車仔麵之外，仲有做特餐、飯類、同埋唔同款嘅小食。而車仔麵仲有招牌麵，係精選咗9款唔同嘅車仔麵配料，除翻開都幾抵食。下午茶時段仲送飲品，可惜我就時間尚早，未能享受呢個優惠。枱面上仲有菜甫同美極俾食客自由調味，我特別推介呢個菜甫，真係唔講得笑，真係超級超級超級好味(容許我講三次🤪)，呢個菜甫微辣之中仲帶點微酸、微甜、同十分爽脆，之後我每食一啖麵我都有落到少少菜甫做餸，因為真係好好味，極力推介！車仔麵麵底每份$12，老公揀咗米線，免費加咖喱汁。米線基本上都夠大碗，麵質夠爽口，條條分明唔會碎濕濕，仲揀咗四款餸：炸豆腐($9)⭐️⭐️⭐️⭐️⭐️大大件，煎得香，性價比高。午餐肉($10)⭐️⭐️⭐️⭐️用上不俗嘅貨色，厚度適中，同樣煎過，微微脆邊，夠香口。蘿蔔($10)⭐️⭐️⭐️⭐️⭐️清甜夠入味，仍然件件分明，唔會煮得過熟，必食！炸墨魚卷($12)⭐️⭐️⭐️⭐️有2件，有油泡過，正常水平。另外叫咗麻辣湯底($5)米粉($12)，米粉係比較有咬口，我本人唔鍾意太淋嘅米粉，所以我就幾鍾意呢個口感。麻辣湯底屬香辣嘅湯底，我就略嫌佢嘅麻味唔夠重，但整體味道亦唔錯。另外揀咗仿鮑片($10)、牛筋丸($12)、魚皮餃($12)，雖然唔屬於自家製，但佢入嘅貨都屬於中上水平，全部都有水準。瑞士雞翼係雞中翼，$22有五隻，以今時今日嘅物價嚟講確係幾超值，雞翼都幾大隻，而且相當入味，叫一碟開心share就等如加多一個餸！麻辣牛柏葉辣味較麻味重，牛柏葉夠爽口，沾滿辣椒油食非常刺激！西生菜可以配腩汁或者蠔油，不過我就想食得清淡啲，其實西生菜用嚟浸下車仔麵嘅湯底一樣夠晒味又好食。西生菜夠新鮮，非常爽口，而且份量亦都唔少。雖然唔係下午茶時段，未包飲品，但我都叫咗一支樽裝維他奶($10)同一杯熱華田($10)，食完呢餐真心滿足！…Read More

喺附近讀左4年U幾乎日日放學都經過li個位, 而家原來開左間裝修勁fancy嘅車仔麵<相逢恨晚的>, 有麵&飯仲有小食🤤🤤🤤.🥢沙嗲醬x油菜x魚腐x魚皮餃x豬大腸x河粉剔好order紙, 交俾店員一陣就有得食. 車仔麵放喺一個好乾淨嘅tray上, 方便要lur骨都唔會成枱係👍🏻.我揀左4個餸嘅河粉(淨係麵嘅種類已經有成9款呢), 發現店家喺餸嘅份量好豐富, 每樣餸都有at least 3粒, 湯底帶點牛腩味, 一大羹沙嗲醬最緊要淋喺啲餸上面更滋味, 河粉唔會一夾就散👍🏻仲好掛湯添.🥢最鐘意而下次會encore嘅一定係豬大腸同魚皮餃: 豬大腸有別於一般車仔麵檔嘅通窿style, 係成件都咁飽滿而且勁入味嘅; 而魚皮餃就唔會浸到啲皮離唒餡的.🥢南瓜薯餅 (HKD26)街坊價錢但有日式小食店水準嘅炸南瓜薯餅好好食, 麵包糠炸皮口感勁脆, 每咬一啖都見到粒粒南瓜🎃肉, 充滿南瓜蓉同薯蓉嘅軟棉棉口感.🥢樽裝忌廉 (+HKD10)懷舊feel玻璃樽裝忌廉送車仔麵好有風味!…Read More

唔知大家有無鋪車仔麵癮？可惜好多時車仔麵檔都係細舖，坐得好逼，近排係‪旺角見到呢間麵店‬乾淨企理，枱與枱之間幾鬆動就入去一試，質素又唔錯喎，價錢都經濟實惠，仲係良心小店添。四餸麵(基本係三餸一麵，加餸每款$9)：🍽溏心蛋、滷水腩肉、油菜、蘿蔔米線(腩汁+沙嗲醬)🍽牛筋丸、溏心蛋、油菜、冬菇河粉(腩汁)由於我地想試多幾款，叫左幾個小食share所以碗麵都比較齋，抵讚嘅係每個餸都份量好足，而且款款都幾有水準，無將貨就價。煮溏心蛋時間控制得啱啱好，真係半熟狀態；蘿蔔一碗有三大舊，清甜無渣又夠淋，好少食車仔麵食到咁高質嘅蘿蔔，必叫；腩肉厚切，味道唔錯，不過嗰日有少少煮過龍；冬菇用蠔油炆過好入味，牛筋丸都算彈牙。佢地嘅湯底清清地，沙嗲醬小辣幾香花生味，醬另上呢點好貼心。小食：🍽瑞士雞翼/南瓜薯餅/炸豆腐/炸墨魚卷小食方面，瑞士雞翼甜甜地送麵一流；炸墨魚卷塊腐皮夠薄，唔會好油膩，包住彈牙爽甜嘅墨魚膠，食得岀有墨魚粒；炸豆腐就係平時食到嘅味道；南瓜薯餅就最出色，新鮮熱辣炸起，非常香脆，個餡係滿滿嘅南瓜蓉，黎到一定要試。…Read More

餐廳主打車仔麵，配料選擇更超過3️⃣0️⃣ 款，仲提供大碗飯同十幾款特色小食。大部份食材由自家工場製作，再送到店舖確保新鮮👍🏼💗瑞士雞翼+雞翼尖+雞腎+流心蛋油麵($47)麵底揀咗油麵，淥得軟硬適中🍜湯底用咗大地魚粉同豬骨熬製，不過味道偏淡🤔所以一定要加辣菜脯，食落爽口酸辣好醒胃。配料方面，瑞士雞翼大小適中，肉質飽滿，再經低溫慢煮，食落皮滑肉嫩，香甜入味🐥；雞翼尖唔會炆到腍哂，仲有得啃下；雞腎厚切有咬口，炆得軟腍唔韌，食落冇氨味；糖水蛋滷得好入味，入口帶濃郁嘅醬油香同淡淡嘅花雕酒味，Q彈嘅蛋白包裏住軟滑甘香嘅蛋黃，可惜冇流心🥚💗辣魚蛋+蘿蔔+仿鮑片+魚皮餃+炸魚皮油麵($56)辣魚蛋用自家製咖喱汁煮，微辣惹味，口感大粒彈牙🍢；蘿蔔有半個拳頭咁大，食落清甜無渣，中心完全唔苦澀🥕；仿鮑片食落煙韌唔會難咬；魚皮餃皮彈餡香，咬落𥚃面有滿滿豬肉餡🥟；炸魚皮似係即食包裝質素，完全唔鬆化香脆💗香辣魷魚($20)玻璃魷魚食落爽口滑溜，有嚼勁得嚟唔會韌🦑以咖哩汁烹煮，可惜完全唔入味，醬汁又唔夠辛香，而且已經涷哂😟💗炸墨魚卷($20)外層香脆嘅炸腐皮包裹住紮實嘅墨魚膠，肉質鮮甜彈牙，而且仲有粒粒墨魚所以特別有口感🐙即叫即炸當然香口，面頭再淋上大量泰式甜酸醬，味道更開胃🌶💗樽仔奶茶($16)樽仔奶茶每日新鮮製造，絕無添加防腐劑同人造色素。奶茶入口冰涼外，同時濃厚香醇☕️由於冇冰溝淡，絕對原汁原味。飲落有甘香嘅茶味，奶香相對濃郁，甜度亦啱啱好🥛…Read More

車仔麵黎講佢其實唔算好平，但係性價比真係好高。仲要通常車仔麵係好細間屈質，但阿四地方又大又光猛，簡單黎講係平靚正 🤩.三餸一麵 $38 加餸每款 $9.*溏心蛋 - 必試勁甜好特別*滷水腩肉 - 竟然有兩大塊！好抵，重點係都好入味好林，必叫！辣魷魚 - 爽口豬大腸 - 實心的，好香炸魚皮 - 食之前一定要浸少少落個湯再拎上黎，聽下有冇沙沙聲，佢有 😎炸片頭素牛丸炸墨魚卷.*沙嗲醬 好重花生味！撈左落大碗湯都仲有！*跟湯揀果個辣醬令個湯好濃，加上枱面炒得好香既辣椒油，有一種好特別嘅味道，果然係秘製醬料！.油麵比平時食開既幼身，彈牙！.*樽仔奶茶 +$16香港製造😍 錫蘭茶底加全脂淡奶勁正，必試.…Read More

今日黎到旺角鼓油街試食呢間阿四車仔麵，去到覺得佢嘅門面同餐廳內部裝修都非常之有格調，比人感覺坐得好舒服而且一啲都唔污糟，仲有酒精搓手液提供，值得一讚呀！入到去老闆仲問我地想坐邊度，臨走仲同我地講bye-bye，好Nice呀！坐低睇menu，呢到嘅車仔麵有超過30樣餸可以揀，仲有十幾種麵同醬汁任你配搭，另外仲有十款招牌小食同有大碗飯揀，正呀！睇左一輪Menu，我最後就揀左個四餸油麵同兩款小食，小食全部都係$20，好抵，而三餸麵就係$38，加一餸加$9 。跟餐飲品仲有減$8嘅優惠添！唔洗幾分鐘就上齊啲野食啦，碗碗都好大碗好足料呀！我揀左沙爹醬，佢係用匙上比我地自己撈勻嘅。係餸菜方面，我覺得呢四樣餸都非常之高水準架，豬大腸係用滷水汁煮嘅，煮得超入味，好香濃架，仲粒粒都勁大粒，非常推薦！牛腩每一舊都好大舊，燜得啱啱好，好軟淋同夠入味！冬菇嘅菇肉好厚實又大大舊，一樣係好入味！最後就係溏心蛋，同係比一隻蛋而唔係半隻，最愛溏心蛋嘅我真係好驚喜！另外兩樣小食，我就叫左日式吉列蠔同炸唐揚雞塊，兩個都係皮薄餡多，一啲都唔hea架，仲加左泰式酸辣醬添。…Read More

黃店 💛 阿四車仔麵🟡 在5/8/2019罷工表態今晚我又黎食阿四車仔麵啦～ 今次已經係我今個月第三次食😆 最近間中都會黎旺角呢邊，就發現咗呢間車仔麵，佢又平又大碗，原汁原味之餘食物落單之後仲好快上枱，服務態度都一流。🍢 車仔麵 （$38/三餸一麵，加餸$9一樣）🍜 我揀咗米粉做麵底，健康啲😝 米粉份量超多，一條條煮開，軟熟度啱啱好。🥄 同食開嘅其他車仔麵唔好嘅係，腩汁係用匙羹另上嘅，一撈落去就稀釋咗落湯底入面，味道濃淡可以自行調較😋🍄 之後就揀咗我食車仔麵必叫嘅冬菇，甜甜嘅冬菇好好食😙🐮 牛腩亦都係呢度必叫嘅餸！份量又係好多，每舊都煮得好淋，肉絲唔會痴牙，讚👍🏻🐤 鍾意食甜嘢嘅我當然要叫埋瑞士雞翼，有兩隻，肉質少少滑，幾好☺️🦑 辣魷魚份量就偏少啲，不過我食其他車仔麵揀魷魚通常都要加錢，所以都ok嘅！味道都唔錯，但建議早啲食好啲，浸喺腩汁太耐會溝咗啲味🙈🍹 凍檸茶 （跟麵加$10）檸茶有驚喜！茶味濃，檸檬都好夠。冇叫少糖但都唔係好甜，啱曬怕肥嘅女仔😙🌯 炸墨魚卷 （$20）第一次食炸墨魚卷！只係$20我非常推薦大家食！！炸墨魚卷個皮好薄好脆，入面嘅墨魚又好多，好like😆…Read More