Bon Bon Cafe

首先如同老闆娘所講，想食車仔麵就吾好抱太大期望，小店主力係賣小食為主，亦吾好諗住係10蚊碟燒賣魚旦個種，一般小食都$50以上，有呢兩個定位，你會覺得貴都係值，鬼叫自己為食。店內其實坐得舒服，我兩個人都俾一張4人枱我，就算有客等位，亦不會叫我搭枱，食得很輕鬆。小店以食物為主，裝修就不需太講究。兩個人食左六百蚊，重要係午餐時間，但食完都覺得值得，味道仍在口腔停留，但今次第一次來，出名既紅豆沙原來要6點後才供應，唯有下次再試。呢間老店都吾洗多講，識食識欣賞既，就入來一試。…Read More

之前朋友同我講車品品嘅碗仔翅好好味,鐘意食碗仔翅嘅我今日放工決定去試下....餐廳嘅人手唔多,所以會等得耐少少,老闆娘好好人&熱情,會介紹下啲食物&同食客閒話家常上湯碗仔翅好大碗又足料,有粉絲,肉絲,木耳絲&冬菇,每一啖都好多料,濃稠度又啱啱好,唔會好似有啲碗仔翅咁會有一粒粒麵粉糊....如果鐘意食辣嘅可以自行加少少辣菜莆.車仔麵就order左牛栢葉,本港墨魚鬚&米粉.墨魚鬚好彈牙,牛栢葉又夠爽口湯底個腩汁我就覺得淡左少少...…Read More

魯肉餃：招牌菜魯肉餃是市面上難找的菜式，老闆娘風趣的說「今天的蟹籽怪怪的，還要嗎？不過我們天天都吃怪怪的東西啊！」（哇您說什麼啊哈哈）話說回來魯肉餃是蠻好吃的，但是和普通的小餃子分別不大，之前喜歡吃的人可能是喜歡它的鮮味吧！碰巧這一次蒞臨車品品小食都沒有叫他的招牌鮑魚，碗仔翅，大雜錦車仔麵，話不失望就假的～但是單純老闆娘的風趣幽默就就已經令我有再來的衝動了！一進來我們就被告之「絕對不可以搭臺啊！我們不允許搭臺的！」？！我們把錢拿去櫃檯，她見我們已經算好頭也不回的把錢放進錢箱裡面：「得架啦我信你們的啦！得啦得啦～」隔壁桌的客人吃碗仔翅：「拿這一個呢！我就建議加醋的！」老闆娘好可愛啊！…Read More

認識老闆娘已超過十年了，她不惜用最好的食材和心機，也要煮出好味的食品，這份見遲和手藝，也令我們不時到來幫襯；還記得第一次來，當年還在舊店，舗位細得可憐，有食家朋友提議在這裡開次私房菜，因在舖內非常擠擁，我們就決定在門外開了一張枱一起食，想起也開心。碗仔翅 ～ 材料有瘦豬肉、雞肉絲、冬菇、粉絲、竹笙、木耳 （雲耳）和雞蛋。材料以粉絲為主，以澱粉將湯煮至濃稠；碗仔翅也是一種街頭仿小吃。車仔麵 ～ 叫了响響玲、蘿蔔、豬紅和油麺。記得響玲因比較脆身，所以一到就要先食，如放得太久，便會因给湯水沉得太久而變淋了；蘿蔔微甜無根，是每次必叫的主力；豬紅，嫩滑，口感有點似啫喱；油麵也是我多數會選擇的心水，只因自己大食。😁玉竹秋梨茶 ～ 很香梨味，清潤解喝，消暑良方。山楂金絲蜜棗茶 ～ 喜歡那種山楂味，很容易令人聯想到山楂餅，一試便心心愛上。…Read More

難得放假 排隊食車仔麵雖然排左45分鐘 但係值既開頭以為2個人要搭枱 出奇地唔洗原先只係想食車仔麵 但見到餐牌既野食好吸引花膠湯 只係星期二 三先供應 咁岩尋晚係星期三有機會試試 好足料 唔咸岩岩好吉品鮑 好彈牙 個汁小小甜 唔太"杰"身同"漿"住個嘴推介 個湯底係腩汁底 同平時食個啲唔同 好入味佢有咖哩汁底 或者係咖哩加腩汁p.s.店舖唔大同唔多員工 得一個姨姨走哂成場 佢仲好細心話俾我地知點食 慢工出細貨 又唔會好快趕人走 繁忙時間仲可以二人坐四人枱…Read More

三位朋友經過車品品,平時好多人,今日甘啱喺佢剛剛開業既時間經過, 不用排隊就入去試下入面一張張細木枱,大慨坐到25人,同車仔麵檔一樣你會見到店主喺個爐側邊煮緊野食,點野食好簡單,你在點野食紙店TICK 好哂,然後擺喺店主做野個爐前面擺低,佢做左就會拎黎俾你.我地點左一個淨餸既車仔,有大腸,豆卜, 豬肉,豬皮,魚蛋, 蘿白,全部都醃得吾錯,夠林,尤其係個豬肉,有D似盤菜既肥豬肉,但佢既醬沖比較濃, 湯底幾特別, 偏向甜, 同D車仔餸MATCH,幾好另外我地仲點左皮蛋, 夠溏心,配酸薑,真係幾好味魯肉餃,以生菜做底,豬肉餃配蝦籽,餃皮比較有質感,豬肉爽口都吾錯碗仔翅,呢個就一般,冇乜特別總括而言係幾好食, 可以一試但提下大家平時係好多好多人排隊,要有耐性!…Read More

我本來對車仔麵興趣不大，但室友喜歡食，身邊啲朋友都話呢間車仔麵好食，而且諗住順便去新開間759買八折凍肉，所以同佢行過嚟大角咀食。地點唔難找，成間舖有三個姐姐主理，人手唔係好夠，連排隊都係自便。大約晚上八點到，排咗二十分鐘就有位，而條隊就一直都咁長。排隊時就八八卦卦望下佢牆上貼咗幾張紙寫乜，就發現佢話自己係小食店，唔係主賣車仔麵。其實有麝自然香，又何須介意？更何況佢個車仔麵又唔係差。兩個人食咗百二蚊，唔使搭枱（俾咁嘅錢都好應該），地方都企理，乾淨，真係有別於一般車仔麵檔。樓面個姐姐好殷勤，都認得有尐街坊好耐無嚟食！坐低咗就開始睇有咩食，有三張點餐紙，一張係車仔麵，一張係小食，一張係飲品。車仔麵餸款式唔多，價錢偏貴，八蚊九蚊係普通腸仔蘿蔔類，牛腩要十幾蚊。張點菜紙寫明最少要兩餸一麵，所以入嚟食碗車仔麵就一定夠十四蚊最低消費。平時食車仔麵都係叫三四餸都係三十以內，所以見到價錢就只係點兩餢。點了蘿蔔芝士腸配河粉。見Menu寫蘿蔔無渣，就想叫嚟食！咖哩汁要了小辣不加腩汁，今次先試咖哩，再有機會先再試加腩汁。由入座點菜後開始計，差唔多等咗半小時才有食物上枱。有尐尐慢，但見佢得三個人在店內，所以都只係可以等，催佢都應該無咩效果！等咗差唔到十幾分鐘，樓面個姐姐先話啱啱煮到我個碗無晒河粉，轉了米粉，亦都知到咗佢地真係一碗一碗慢慢煮。咖哩好香，小辣係真係少少辣，個湯底同個米粉好夾，下次應該可以試中辣。蘿蔔真係無渣，好甜好入味。芝士腸都唔係一般佳宝貨色，收呢個價錢算係誠意之作！米粉量都好足夠，唔會好似食其他車仔麵咁要加底。我室友點了勁辣魚蛋，我覺得呢個魚蛋係同個辣字一丁點關係都拉唔上關係！既然佢堅稱自己唔係車仔麵檔，係賣小食，咁當然要試小食啦。叫了魚肉碗仔翅同招牌魯肉餃。個魚肉碗仔翅，要分開魚肉同碗仔翅講，個魚肉係絕對令人失望，係用唔辣魚蛋剪開就當魚肉！不過見佢係由22蚊淨翅變24蚊有兩粒剪開咗嘅魚蛋，就算啦。至於個翅，有別於街邊車仔檔嗰尐好似食粉漿咁，呢度個翅唔會太稠，有好多肉絲同木耳絲，口感好好，木耳絲好爽脆，加上肉絲，有啲似食蛇湯羹咁。佢用咗粉絲，而唔係用素翅都好有口感，值得推介，但係唔會再加魚蛋。魯肉餃44蚊八粒，26蚊兩粒，其實係覺得有啲貴，所以只叫四粒試下。嚟到就知佢收咁嘅價錢係咩原因，面頭撒上都幾多蝦籽，都有幾條西生菜在底下，賣相幾吸引！餃皮有尐厚，又唔係死實實嗰種隔夜餃，係有啲似北方餃咁，好有質感。一入口就有濃濃嘅蝦籽味，蝦籽亦都太霸道，完全蓋過魯肉嘅味道。令隻餃失色少少，基本上蝦籽味道咁濃，隻餃只要係好普通嘅肉餃就會係一樣。飲品，都好似有幾款特式飲品供應，今次試咗柑桔雪碧。冰底同支裝雪碧分開上，店家自稱冰塊係Bonaqua嘅。杯內已經有幾粒柑桔，都好似好足料！味道中規中矩。店內還有其他特色小食，但係都未有機會試到。一來唔食麵驚唔夠飽，二來碗麵真係幾足料，所以都無咩空間叫其他小食！排隊要等，食物要等，價錢如果係食車仔麵真係貴貴地，如果食其他小食都尚算合理。…Read More

之前都已經想試, 但係因為假期沒有開門, 今次在網上看了開店時間專程去試, 一去到都是關左門, 在門貼了2點開門, 咁既然都嚟到, 唯有在附近行住等吧! 未幾便到2點, 很準時地便有店員開門, 但我們入去已經是第三個客人了!魯肉餃比普通餃子好味, 而且上面加左好多蝦子, 連一向不愛吃餃子的我也覺得十分不錯, 全部吃晒也不夠喉呢, 值得推介!碗仔翅都算足料, 不過沒什麼特別, 沒有驚喜也沒有失望!我們點了蘿蔔和芝士腸幼麵, 原本對蘿蔔沒有什麼期望, 但估不到會是那麼甜, 不是甜那麼簡單, 是鮮甜才對, 而是每一舊都是這麼甜的啊!吃完後整店都已經爆滿了, 不過這店的衛生就很一般了..! 如果要等位一定不會吃! …Read More

4/9/2010 (星期六)今晚終於可以去呢間人氣食店，店內面積不大，已有不少客人，一般街坊食店的格局，坐位較擠迫。老闆娘態度親切，好落力介紹各款食物。我叫咗溏心皮蛋和車仔麵試下。溏心皮蛋： 好食，有溏心，如果有多d薑就更加好。車仔麵：又大碗又多料又好味，配料方面，選了魚肉、生根和這兒好出名的蘿蔔，白蘿蔔清甜無渣，麵底選了油麵，油麵煮得啱啱好，唔會太淋。…Read More

14/4/2010 (星期三)今晚終於可以去呢間人氣食店，店內面積不大，已有不少客人，一般街坊食店的格局，坐位較擠迫。老闆娘態度親切，好落力介紹各款食物。我叫咗溏心皮蛋和車仔麵試下。溏心皮蛋： 好食，有溏心，如果有多d薑就更加好。車仔麵：又大碗又多料又好味，配料方面，選了魚肉和這兒好出名的蘿蔔，白蘿蔔清甜無渣，麵底選了米線，米線煮得啱啱好，唔會太淋。…Read More