Wing Kee Noodle

今日出咗銅鑼灣做嘢唔知食咩好想當年喺銅鑼灣開嗰個時候日日都食榮記車仔麵回憶起就行過去食墨丸大腸魚皮餃牛腩 呢幾個餸一向都食最緊要加支可樂嘅湯底好濃郁，食完一定要飲嘢味道十年如一日，不過都係好味嘅去親銅鑼灣都會記得永記車仔麵🤣…Read More

朋友話榮記係銅鑼灣地標，早前疫情中午都要排隊，今日周末下午5點幾唔使排，二人即時入座！香港傳統粥麵店裝修、陳設，充滿歷史、年代感。店員、老闆效率、態度嘅利落程度屬於傳統香港獨有嘅快餐文化：你以為冇笑容係好惡，你以為佢講野快係好冇耐性，你以為佢嫌你落單慢係態度差，其實香港平民食堂就係追求「快靚正」！細心品味，其實佢哋真係好細心、人情味滿載！雖然疫情放緩，限聚令都放寬咗，好欣賞榮記堅持使用隔板，保障食客安全，仲即時因應入座人數即時調整隔板、座位，👍🏻👍🏻👍🏻👍🏻仲預設一張櫈比我擺低個手袋，既唔阻住佢做生意，我又吾使食得咁狼狽！*以前細個唔識欣賞傳統港式快餐文化，長大咗先知呢啲係高級餐廳比錢都未必有買到嘅人情味🥹今日揀咗雞翼尖、春卷米線：雞翼尖：好入味，雞皮軟滑，汁醬已煮入骨髓，正！喜歡佢保留獨特調味，而並非好似深水埗「W記」果種用瑞士汁就可以浸煮成嘅公式成品。春卷：已經被湯汁浸淋咗，但目測應該已經炸完放咗一陣已經變淋咗，但我唔中意食太香口嘢，所以覺得可以接受！米線份量：對女士來講啱啱好，壯男可能要加底或者叫多幾個餸先夠飽。湯底：係濃郁牛腩汁，初見湯底偏深色會好咸，但原來配粉面唔太會咸，相信配河粉相信不錯！待續：第一次幫襯唔知原來加$3 有特制辣醬，留待下次再試😉…Read More

同友人逛街, 突然想食車仔麵就諗起榮記近兩點去到, 大概係門口等左10分鐘左右就入得本來去到呢d小茶記都唔expert會有咩service我地坐樓上最入貼牆, 個位都幾窄下...於是我地想拉開張枱少少唔好咁迫但係個女侍應好大聲咁喝住我地叫我地唔好郁! 再用力推番埋張枱...我地都嚇呆左...落單既時候語氣都好crude...雖然無期望, 但係都未至於要咁過份吧...食物方面我叫左豬紅、蘿白、魚肉春卷蘿白好入味, 豬紅都唔錯好滑相對而言魚肉春卷就弱d, 始終係南記好食食完之後, 由於個位太窄好難至行到出黎, 仲要爭d仆親...榮記既服務真係唔得但係食物都仲有得搭救只能給一個ok...…Read More