Yuk Pot (Closed)

與友人圍爐，真正無限時的火鍋放題，完全沒有時間壓力，慢慢聊，慢慢吃。晚市火鍋放題無限時 | Set B $328花膠雞湯的雞件滑溜無碎骨，雞脾位啖啖肉，加上花膠件的膠質，整體不會太濃味而蓋過火鍋配料的鮮味。中價套餐的牛肉也相當不錯，澳洲M5和牛肩胛、美國安格斯牛板腱、薄切封門柳全晚Reorder數次，質素依然保持無走樣，特別是前兩者，牛味濃郁，油花治癒。另外，越南虎蝦真材實材，大大隻，鮮味爽彈，這個質素還可以無限Refill非常佛心！期間限定有台灣特色小食阿給，以豆腐皮包住冬粉、蘿蔔絲和魚肉，很有家常小菜的感覺，初嚐覺得頗合口味。自助區除了一般火鍋丸類和蔬菜類，也有吸湯之神豆腐皮串，邪惡雞塊炸物、即叫即炸的芝麻豆沙煎堆和芋泥波波很適合當中場休息的聊天小食。…Read More

晚市已經沒有堂食，趁著下午既時間當然要大吃一頓 在入場之際，已經想好了鍋底食咩，決定要壽喜燒鍋。 首先會先上一份牛，包括 安格斯牛板鍵。安格斯牛小排。薄切封門柳。鹿兒島黑豚肉 澳洲M5和牛肩胛。 牛味重，而且個原料真係正， 新鮮有肉味，放題黎講，真係唔錯。而且以上既肉都可以無限再叫。 再多點幾次，份量一樣，出單速度亦一樣，值得欣賞。 結果我都多叫左幾次，配壽喜燒汁，清甜得黎味唔會太重， 簡單得黎，正好食得出牛肉鮮味 重點推介-北吉廣島蠔及越南虎蝦 平日放題店蠔唔係經常有，今日有蠔， 而且都幾大隻，仲好滑添，相當新鮮， 越南虎蝦,蝦係超級大隻，放題店來講，估唔到係咁大隻，咁豐富 所以我叫左成8隻，肉實淨彈牙，十分唔錯。 蝦滑- 膠質十足，重蝦味。 仲有就係小籠餃😎小籠包既肉做成餃子位於外面既自取區，可選的材料都唔少，丸、菜、等等， 熱食方面仲有鹽酥雞， 另外，仲有自家製茶，無糖之選 …Read More

冬天打邊爐真係食極都唔會嫌多，見呢間鋪頭個名咁有GIMMICK，一於食下先得😝呢到有4個價位，分別係$198/$248/$298/$448選擇，愈貴就當然食物愈豐富愈高質😉今次我地揀左團套餐($298/每位)，任飲任食120分鐘座位空間闊落，內裡裝修幾有心思同都幾UPDATE下，向D電影影片封面/畫面致敬😎落單用QR手機落單，主要有牛肉、豚肉、雞肉、海鮮可以ORDER，至於蔬菜丸類等就出面自助區拎😁醬料區飲品除左罐裝飲品之外，仲有自家製桂花烏龍、洛神花茶😉湯底揀左藥膳醉雞湯，佢係藥膳湯同醉雞分開上，職員建議未落料之前先飲個湯先，勁香濃藥膳味🥰之後再將浸喺花雕酒36小時嘅醉雞件加落去，再飲會變左另一番滋味🤩醉雞件好入味同嫩滑😋至於REFILL湯時唔係就咁加水，係加湯底之餘仲有加D花雕酒入去😍入座後會奉送牛肉拼盤，分別有澳洲M5和牛肩胛、安格斯牛板腱、牛五花腩肉、薄切封門柳、安格斯牛小排，一次過可以試晒咁多款唔同嘅牛，個人覺得薄切封門柳、安格斯牛小排肉味比較香濃，澳洲M5和牛肩胛食落個口感幾好😋食物陸續送上，都算出得幾快👍🏻海鮮勁新鮮同埋大大隻😍越南虎蝦：呢到D虎蝦勁大隻，隻隻都爽口彈牙勁鮮甜，所以ENCORE左好多次，極力推介🤤北吉廣島蠔：肉質肥美飽滿，就算淥完都唔會得返好細隻，食落去好鮮甜嫩口😋原隻魷魚仔：睇落新鮮而且充滿光澤，彈牙爽口唔會霉😁牛滑、蝦滑：又係極力推介👍🏻D滑打得好彈牙爽口，蝦滑味道幾鮮甜😋而牛滑原來係好似點心Ｄ牛肉球咁，有Ｄ莞茜喺入口，朋友就話味道食落幾香安格斯一口牛、薄切封門柳、澳洲M5和牛牛肩胛：就算再追加d肉一樣保持高質，呢個價錢可以無限任食呢d質素嘅牛肉真係好抵👍🏻鹿兒島黑豚肉：切得薄身，所以即使係豚肉，都唔使要淥好耐就食得，肥瘦比例適當，口感同味道都唔錯😉蔬菜類同丸類選擇唔少，d菜都幾新鮮爽脆，粟米同羅白清甜，丸類水準正常😄去到差唔多完嘅時間，每人仲有1份甜品，呢到都幾有心思，係呢Ｄ切件蛋糕，我地揀左原味芝士蛋糕、甜薯芝士蛋糕，食落軟滑而又唔落膩，甜度剛好😉以呢個價錢無論肉類同海鮮都好高質素，湯底仲要幾足料入味，而家新開張仲要有優惠，咁就更加抵食😎而且職員都會主動收碟同主動加湯，值得一讚👍🏻補MENU…Read More