Viesta (Closed)

又經過天一商城，繼續發掘吓有咩美食先！見到呢間喺一個角落嘅越南嘢，同朋友決定下午茶一人食返碗越南湯粉先～雞扒湯粉💰HK$58叫咗河粉、小辣、蕃茄蟹膏湯！雞扒味道普通，蕃茄蟹膏湯有驚喜，唔會好重蕃茄嘅酸味，但又蟹膏香，再加埋辣辣地，令人回味無窮～香茅豬扒粉💰HK$86朋友就叫咗檬粉、小辣、鮮味清雞湯！鮮味清雞湯湯底清甜！香茅豬扒比雞扒好食～另外仲追加咗小食金絲網春卷2件同凍越南椰香咖啡，呢兩樣野都水準唔錯～…查看更多

住左咁多年天水圍，試下去遠啲食飯，無意中去左個天一商場搵嘢食發現有呢間食越式嘢，當時只係7點幾已經好多人，不過服務員好人因應我哋要求，換咗個卡位俾我哋坐，讚👍🏻佢餐牌裏面嘅嘢食全部都唔貴，我仲覺得好經濟實惠，上菜亦都好快唔會等好耐，我哋兩個人就叫咗少少嘢食。1）燒豬頸肉撈檬 同平時餐廳唔同，除咗檬粉份量十足，而豬頸肉係用串燒另外上，切得好薄啱啱好容易入口，又唔會鞋口。 咁樣分開食我覺得幾好，俾人多個選擇鍾意嘅可以將啲串燒豬頸肉放晒落去同啲檬撈埋一齊食，唔鍾意嘅又可以獨立咁食。2） 招牌越式牛肉法包 勁鐘意食呢個包，比想像中大個，見到仲係廚師推介，好在有叫到來食😃 有好多片牛係包入面，而且入面仲有青瓜，紅椒蕃茄和菜夾埋一齊，燒牛肉香口，有少少辣但可以接受，增加左味蕾感覺。3） 越式大蝦沙律 大大碗有好多隻蝦大大隻， 仲有烚雞蛋絕對可以幫助消化，沙律好清新，撈埋啲沙律醋淡淡地好fresh。4） 金絲網春卷 熱辣辣大大啖放入口，又唔會覺得肥膩同好熱氣，一碟仲有四條。 越南椰香咖啡第一次飲越南椰香咖啡，朋友俾咗少少我飲，平時唔飲咖啡嘅我都接受到，飲一啖就有淡淡嘅椰香味道，而且咖啡都好滑身。我接受到這個味呀😍熱朱古力味道唔會好濃烈，朱古力飲落口都幾滑身。喺天一商場隔離仲有一間酒店，對面就係輕鉄，撘車好方便，我哋食完就好快撘輕鉄返左屋企。…查看更多

大胃嘅版圖終於擴展到天水圍，多得胃弟帶路，探索未知嘅國度原來呢度多商場又多食肆，其中呢間越南餐廳真係好有驚喜通常越式法包都係外購，冇諗過呢間有誠意到會自己搓麵包，所以先可以控制到脆感。夾住嘅燒牛肉十分美妙，同醬汁蔬菜完美組合，極之香口連河粉嘅湯底，都係餐廳自己熬，落咗牛骨同牛尾肉慢火煮咗12個鐘飲落唔涸喉唔會口渴，可以飲得晒牛魔王有生牛肉、熟牛肉、金錢肚、牛根同牛丸全部都好有牛香，呢度簡直係越牛料理專門店一諗到嗌小食，大胃通常全部都要，所以就嚟個拼盤，包括有蒜蓉牛油雞翼、金絲網春卷、豬頸肉串同炸蝦餅其中蒜蓉雞翼味道mix得好好，每啖肉都食到牛油同蒜味越南嘅椰香咖啡比較少飲，一飲椰奶味比例較多，啱落奶派嘅咖啡控椰汁紅豆冰一樣椰味飄飄，紅豆都夠腍…查看更多