KiKi Noodle Bar (OP Mall)

係海之戀俾我地發現左一間好好食既川菜融合台式食物既餐廳，只係門面已經好光鮮亮麗再加上好多貓貓公仔俾我地打卡，咁就吸引左我地入去，最重要係食物質素又吾差！我地叫左一個全日套餐胡麻棒棒雞拌小醋麵，小食係蒜片台式腸，甜品係生乳銅鑼燒(經典原味)，配有飲品樽裝古早冬瓜茶凍飲，套餐包主食，小食，甜品同飲品，一個人好夠飽了！胡麻醋麵味道好香濃，台式腸口感亦好好，加埋蒜味道又夾又香！另外有一個古早味魯肉飯，可以話係我食過最好食既，魯肉幾香口！起司鮪魚玉米蛋餅餡料足，粒粒粟米口感好好，蛋餅上沾有醬汁好惹味！仲有熱冬瓜茶，比起凍既原來更甜更好味，清清甜甜，甜既就消暑十分！職員服務超讚，快手又有禮貌，店舖位置交通便利，吾少人都會同貓貓影相！…Read More

呢日嚟咗海之戀商場 同喺附近工作嘅友人食午餐🥣 佢介紹我嚟呢間佢公司同事嘅飯堂 專門係食Kiki麵㗎🍜 之前都買過返屋企食 喺呢度就唔使自己煮啦 仲可以叫其他台式嘢食添鵝油拌麵套餐呢個係全日套餐嚟嘅 可以選擇兩款滷味 我揀咗鵝胗同埋小肥腸 另外呢個套餐仲有配埋甜不辣 百葉豆腐 同埋蘿蔔☺️ 真係好豐富㗎 我尤其鍾意佢嘅鵝胗😻 店舖切到個厚薄度啱啱好 食落口 有口感得來唔會太韌 用心咀嚼食到鵝嘅香味 鵝油拌麵食落口都唔會太油膩 個人覺得加少少麻辣醬落去更加好食😋紅燒牛肋條拌麵呢個餐可以揀拌麵或者撈飯 但係一場嚟到梗係食麵啦😉 呢個就係滷水汁拌麵 面頭有三條入味嘅牛肋條 再加兩條牛筋 嗰個牛肋條真係做得好出色👍🏻 友人話佢差唔多每次都嗌呢個🤣 麵底同鵝油拌麵果個一樣 係幼麵 食落口唔會太軟身 仲幾有口感添蒜片台灣腸午餐套餐嘅免費小食 蒜片加埋台灣腸食落口冇咁肥膩 一個人食晒一碟都完全冇問題😙鹽酥雞呢個就用加配價選購嘅🙈 有脆卜卜嘅鹽酥雞粒再加埋蔬菜 鹽酥雞粒食得出係用雞扒 所以食落口唔會太瘦 而且有雞皮🐥 起司鮪魚玉米蛋餅呢個蛋餅嘅配搭幾特別 所以嗌咗一份嚟試吓 🐟 呢個蛋餅嘅餡料超級多 淨係睇相都見到佢爆曬出嚟😋 蛋餅嘅外皮煎得幾脆 入面就有芝士 吞拿魚肉同埋粟米粒粒🌽 入面真係有大量吞拿魚肉 都幾抵食飲品皇牌珍珠奶茶 我額外加咗邪惡嘅芝士奶蓋😝 朋友話要健康生活 飲走甜嘅珍珠奶茶😂 呢個珍珠奶茶嘅味道唔會好澀 而且佢係黑糖珍珠 所以即使飲品走甜都有足夠嘅甜味🧋迷你芋圓黑糖鮮奶 呢個芋圓非常出色 食落口嘅煙韌 我好鍾意❤️ 呢杯飲品係黃金比例甜度固定咗㗎 但係仲可以揀冰度㗎😉 呢間舖頭嘅台式食物真係整得唔錯 尤其有驚喜嘅係佢嘅台式飲品🥰 難怪一路堂食一路見到佢整好多外賣飲品啦 買返杯返Office飲又唔錯喎😙…Read More