小巷弄

好耐冇食過台灣啲手抓捲餅啦！超級掛住😍 竟然比我喺北角匯去搵到一間唔錯嘅台灣小店，忍唔住要入去試吓😋😋 我咁啱係下午茶時段去，佢都有個下午茶menu，比較light啲，包括一個主食同一杯野飲🧋我當然試左佢個起司蛋手抓捲餅🧀 即整好鬆脆🥰🥰 同埋芝士係拉司既😋 好食！另外都食左花枝丸麵線🍲 食落好似返左台灣一樣🌍 如果有興趣都可以試下佢嘅小食 - 宜蘭迷你蔥肉餡餅🥧😋 飲品就試左芋香奶茶🧋同埋鳳梨多多🍍 可以揀少冰少甜架🤩 價錢都幾抵，最緊要係好食！ …Read More

今日需要等朋友，所以搵間餐廳食住等～本身想飲台式飲品，無意中見到呢間店，所以就入黎試下～我好鍾意飲茉香既飲品，所以就叫左1）茉香奶綠（熱，少糖）佢比外賣杯，唔知點解～不過唔緊要，心諗飲唔曬都可以拎走，幾好～但一打開蓋，無奶泡，飲左幾啖，甜味重過茉香（已叫左小糖），珍珠完全無味，又唔太煙韌，但又未至於淋2）起司蛋手抓捲餅賣相幾靚仔～食落口熱辣辣、脆卜卜但幣在味道好淡，有芝士都食唔到咸味有啲失望....但佢地啲服務都幾好既，有個男（應該係最大）幾好服務同禮貌，其他就好似新人咁，等人教咁，但總算服務都ok~ 總結：🌕🌕🌗🌑🌑…Read More

北角開左好多餐廳，今晚就俾呢間台灣餐廳吸引左，簡單裝修加燈光招牌，就入咗去食晚餐，環境都幾闊落，而且冷氣好足，足到坐就來都有啲凍🥶呢度有主食、小食、湯品仲有甜品，俾我可以懷念下台灣嘅特色小食。我哋兩個人嗌咗四樣嘢食，分別係小巷弄半筋半肉滷肉乾拌麵、蚵仔煎、起司蛋手抓捲餅、仲有甜品蘆薈芋圓仙草凍😋 仲每日叫左杯輕芝士岩鹽奶蓋茶，先講個野飲，好似平時啲台式飲品店，好快就已經有，個芝士奶蓋好香，唔會好甜，配埋我個抺茶都好好飲。之後主食上菜速度都好快，首先講吓個麵半筋半肉滷肉乾拌麵，個肉同個筋都整到好林，入口即溶嘅感覺，滷肉乾拌麵麵或麵唔錯，不過個滷肉再咸啲都可以。起司蛋手抓捲餅係我一樣好鍾意食嘅台灣小食，佢呢度嘅手抓餅味道都唔錯，入面好好菜，口感豐富。我最中意嘅菜式就係呢度嘅蚵仔煎，都有好多隻蚵仔，整到好似台灣夜市嘅味道，而且加埋喺上面嘅甜辣醬，令到成件事升華咗，好食！當然唔少得就係甜品啦，本身都好鍾意食芋圓，呢度啲芋圓大大粒，有三個唔同口味，加埋啲仙草同蘆薈一齊食，口感好正，成件事唔會好甜，啱晒我口味😍整體來講，喺北角大商場價錢算合理，不過以台灣嘢食來講就偏貴，飲品同甜品都值得一試，叫主食嘅話飲品仲會半價添！…Read More

餐廳位於新開不久既商場，雖然新鋪頭，但人客好多，平日晚市7點左右，已經full哂。除左多款主食，仲有好多台式小食，冇得去旅行都可以過下台灣癮。叫左小巷弄半筋半肉牛骨湯米粉($70)，起司蛋手抓捲餅($39)，海苔鹽酥大雞排($38)，甘梅地瓜條($26)，珍珠芋圓仙草凍($38)，焦糖珍珠奶茶。半筋半肉岩哂想食哂2款餸既人，湯麵仲有生菜、大蘿蔔。主食全部都可以改變麵/米粉/拌麵/飯，非常有彈性。米粉吸湯，邊食邊飲牛骨湯，有陣藥材味，好jeng。牛筋已切小件，方便一口記食，啖啖骨膠原。而牛肉炆得軟林，仲連住小小骨膠原位，唔錯。手抓捲餅有2種口味，芝士蛋係最完美組合。捲餅皮煎完帶少少脆。芝士熱溶後，夾住椰菜絲，chopchop聲，口感又幾特別。雞排大塊之餘，鹽酥炸後超脆口唔乾，完全唔油，雞肉嫩，送飯/麵一流。仲有幾款調味粉可以揀。地瓜條炸後亦唔油膩，脆身，好濃烈地瓜味，仲有獨特既甜味。灑上梅子粉，就好似台灣口味。芋圓除左有紫薯、芋頭、地瓜味，好特別仲有抹茶味，仲要好濃味添。而仙草滑嘟嘟。不過略微唔夠凍，雖然有冰塊，不過如果再凍d，會更透心涼。如果叫左主食，飲品可以減$8。焦糖珍珠煙un，奶茶有焦糖味，茶底香，屬茶多，飲品種類相對花款多，讚。整體，侍應服務唔錯，重點係上菜速度超級快，肚餓既我超開心。而且menu用marking pen填，可循環用，夠環保又方便。…Read More