Tai Wing Wah Vill Cuisine (Closed)

嘩！嘩！嘩！星期六食飯好去處，一行四人去食飯，揀左大榮華，有乳鴿fans，叫乳鴿係必備🤣😂🤣😂😂呢餐好似馬拉松，先叫正餐既餸菜，乳鴿係頭盤，炸與鼓油當中選了炸，熱辣辣上碟，味道濃口，拿起半隻食，味道good good （本是一開四）再叫荔芋鴨，梅子醬鮮甜，不酸，值得一試。炒萵筍好滑😋😋要用匙羹幫手才夾起。蒸南瓜🎃第一次叫，沒有蒸爛，原件可夾起，加上生熟蒜一同蒸，令南瓜添上味道👍🏻👍🏻…Read More

This is a popular restaurant that served few old fashioned dishes.Came on a Sat and brought my friend from USA to try the restaurant. We had 8 people in total and booked for 20:00, we didn’t need to wait and got our table right away. The restaurant was considered pretty full at 20:00.We ordered 6 dishes and 6 bowls of the restaurant signature pig oil mixed rice. Overall, I’ll rate this restaurant 4/5 and recommend people to must try the pig oil mixed rice. Will come again for the pig oil rice, it’s absolutely irresistible BBQ ribs:- nice honey glazed sauce, but ribs weren’t cooked good. Rate 3/5 Salt & Pepper “9 Stomach Fish”:- super tasty with good seasonings. Rate 5/5!! Spare Ribs Soup:- quite delicious. Rate 4/5 “Pei Ba” Tofu:- nice sauce, fried tofu with minced fish meat and mushroom. Quite tasty! Rate 5/5 Pig Oil Mixed with Rice:- served with old fashioned bowls, pig oil and soy sauce. A must try!!! Roasted Duck:- personally thought it was so so only. Rate 3/5 …Read More

終於來到這間元朗聞名的酒樓，無奈元朗太遠了，唯有先來九龍灣試試傳說中的豬油撈飯聽名字已夠驚，不夠瘦的不敢試幸好是自己決定加多少豬油多少豉油，而且蒸飯當然比電飯煲飯美味多了小試牛刀，味道不錯，有種香味不是普通飯有的朋友想吃燒鵝，但侍應說燒雞好好吃，就試試吧 🍗 沒有騙我必吃的魚腸，差不多每枱都會order，結果輛不到我們，但又不是沒有魚腸，只是沒有焗魚腸，但有煎魚腸不明白為什麼不能焗呢⁉️⁉️ anyway，也不錯蒸沙巴龍躉，夠新鮮龍蝦伊麵，有湯的，好奇怪，浸到麵都林晒但龍蝦是🆗一打鴛鴦水晶包，芋蓉及奶黃，超大個的，愛甜的，吃兩個都不是問題…Read More

舊地重遊，有點掛住豬油撈飯添。都有幾年無黎喇，主要都係想食魚腸蒸蛋同豬油撈飯啫。驚見 menu 上有奇怪的菜色，各位食家請問咩叫做炒長遠呀？又長又軟既是什麼來頭呢？五味雞，新嘗試招牌菜，超讚！香味十分，煨得入味之餘，雞肉仲非常嫩滑，堅係皮香肉嫩又唔肥。雞皮滑滑微黏，豉油味清香無比，加上不知名香香醃料，使我越食越想食，骨頭都損到唔肯放口。應該係三杯雞既加強版，必食！紅燒排翅，非常強差人意，比預期中相差甚遠。以為魚翅會滿滿的，但竟然一半係生芽菜墊底，係全生囉！搞到碗翅又淡又稀而水汪汪，湯汁散發著極濃芽菜草青味呢，吃不消！諗住勁落醋蓋過陣味，但完全無效，點解唔將芽菜分開上呢？唔想浪費，挑走晒生芽菜後，唯有硬著頭皮灌落肚啦。砵仔雞蛋焗魚腸，魚腸真係唔係人人啱食，只加上芫茜、芹菜及大量胡椒粉蒸蛋，難免有點腥。熱辣辣新鮮出爐還可以，但一凍左，魚腥味提升百倍，完全入唔到呢。都係爆炒或打邊爐好食好多，下次未必會再叫喇。梅醬一字排，比燒排骨更出色，因為肉多骨少啖啖肉，不乾不鞋又不硬，軟棉彈牙既質地充滿肉汁，梅醬芳香飄飄，味道濃而香甜。一定要趁熱食，食快一點，凍左變得咸了。豬油撈飯，主角進場，我為左您先山長水遠由北區走到九龍灣架乍，我要食返夠本。最緊要既豬油及豉油送到，起動！吸引力無可抗拒，未食過都唔知。真係無需任何餸，只要豬油、豉油撈，撞出黎既化學作用可以使我食幾碗飯都唔夠喉架！人生第二次食豬油撈飯，超香呀！熱辣辣砵仔蒸飯，粒粒飽滿乾爽又嚥韌，撈埋豬油同頭抽，欲罷不能呀！…Read More

今天跟一幫朋友去了九龍灣慶生，所以再去這圍村菜吃晚飯。由於有人生日，當然要吃壽包，但除了壽包外，當然還點了不少餸菜。// 圍頭五味雞：必食之選，雞肉嫩滑入味//雞蛋焗蜆肉：比焗魚腸少了一份油膩感，但又有那種砵仔焗雞蛋的香氣，不錯//梅子醬蒸烏頭：反而酸酸地幾易入口，魚都是滑溜之選//雪裡紅蒸冬瓜：清新的選擇，不會太鹹//當然都有食豬油撈飯：水準仍可維持//整餐飯都不錯，最緊要「壽星公」滿意，不錯的一餐。但由於當天店家洗地氈，比平時早收，食得有點趕，整體算不錯了。…Read More

我今日突然好想吃肥豬肉,趁著閒日唔駛人迫迫地吃豬油撈飯.我同貓爸爸八點左右到酒樓,果然即刻有位,而場內大部份係自由行食客(這是題外話)......我哋點咗"四月份平靚正"菜式 雞蛋焗魚腸($80) 薑蔥枝竹燜豬肚煲($80)另加滷水大雞腳($23) 豬油撈飯($11)雞蛋焗魚腸--焗得金黃夠香唔乾身,面層有油炸鬼夠香口,雞蛋結實但唔會老,魚腸夠肥又唔腥,唔加胡椒粉都好食,正!薑蔥枝竹燜豬肚煲--豬肚夠新鮮並非雪藏貨色,件件充滿彈性冇異味,雖然只係簡單地用鼓油,糖,蠔油燜,但煮得夠腍又入味,而煲底嘅枝竹同料頭薑蔥亦好食,讚!滷水大雞腳--新鮮雞腳大大隻幾好食豬油撈飯--睇落細細砵但撈咗豬油後好飽肚,蝦仔米粒粒分明有飯香,兩個人share一砵啱啱好,加上頭抽充滿豆香,少食多滋味!另一驚喜係附送嘅糖水,並不馬虎,紅豆沙煲到起沙,有芋頭粒,麥米咬落清香,又一個讚!…Read More

之前只有食過元朗總店，今晚book左8:00試下呢間分店，味道幾好，而且交通方便很多。瓦餐白胡椒焗石班球：聞到香噴噴既白胡椒味已流晒口水；魚塊厚身白雪雪，時間煮得剛好，十分嫩滑，好好味。圍頭五味雞：一隻雞的size細細的，肉質嫩又入味。蠔皇珍菌炒牛片：炒得有鑊氣，但牛肉唔夠新鮮，有的黏在一起太大塊。麵醬皇帝菜：麵醬份量咸淡適中，皇帝菜嫩。送既糖水用料十足又唔甜，好好飲。見到隔離好多枱點左馬拉高，自己都好想食，但自備了生日蛋糕，甘就下次再食啦 ~~…Read More

今次係第2次試食家"滔滔"的名人飯店....大榮華酒樓~早幾日嘗試打去book位~staff竟然話full booking~得返5點半...= =五點半食飯都要book位~好誇張....最後決定早少少去walk in...around 8點左右到...等左半個鐘度就有位...咁橋坐正滔滔隔離檯~~~老世望住...所有waiter都不敢待慢~所以全程都有五星級的服務~叫左9餸1湯1籠馬拉糕~圍頭五味雞不愧為鎮店之寶~份量多之餘~肉質鮮嫩白滑~試完一舊會有衝動想試多一舊~!乳豬伴海節海節多而乳豬少~但總算算貴精不貴多...皮夠脆~不錯~~馬拉盞炒唐山菜略嫌多油且缺乏馬拉盞的味道~流於平凡~相信仍有不少進步空間~豉蒜煎焗石斑球比較有特色的小菜~石斑球size頗大~入味...而且有頗多的彊蔥伴入煮成~夠香口~!對愛好彊蔥的媽媽而言~絕對是愛不釋手!金菰咸排骨煲而家經常鼓勵少油小菜~呢個絕對乎合標準~!排骨雜菜不經油炸或炒作一團~只用上湯烚成~排骨肉不"un"入味~上湯亦有排骨的鮮味~最後當然連上湯都被我清光~!粟米魚肚羹比較平凡O既湯~偏淡~平時唔會落胡椒粉O既我都落左D先再飲落去~茹魯肉不愧為鎮店之寶~外脆熱辣辣~配上酸辣汁撈飯一流~!菠蘿亦新鮮~成碟小菜都非常開胃~~~鮑汁魚唇肉拳煲呢個略為失色~吃不到鮑汁的味道~有點平凡~ 椒鹽脆皮豆付同樣比想像中失色~外皮不夠脆~而且味道偏淡~~頭抽蒜片煎生蝦這個不錯~~~好香口~而且夠鑊氣~亦食到鼓油蒜片O既味道~!豬油撈飯~同樣係鎮店之寶~已經唔係有好多地方有得食~~~雖然感覺唔太健康~但唔係常食~都豁出去了~撈飯真係好一流~食完一碗有食多碗o既衝動~但係都係敵不過肚皮~~奶皇馬拉糕必食!!!!!幾乎每一檯都會叫O既飯後甜品~!!!!真係好正~又夠熱又夠鬆軟~一層層MEET出黎食~~~食過翻尋味~!!!!!被濃厚的奶皇豐富味蕾後~waiter再送上麥米粥及紅豆沙~!我選擇了紅豆沙~~~雖然是奉送的甜品~但絕不斯場...豆多而且最重要的是不太甜~如此佳餚與令人稱心的服務(感激被分派老世滔滔的隔離檯)為我整餐飯畫上非常完滿的句號~滿足地離開~!…Read More

林小姐6位到咗未?知客姐姐 : 未到 (我亦見無刪我個名同電話)咁有另一位知客姐姐，帶我同餅餅入去坐一張8人枱順便叫埋茶，就打電話比妹妹妹妹一聽我把聲，就話直入，一直行到最入咁我就周圍望，見到佢地坐咗係斜對面張枱我望住佢地，佢地又望住我我同經理講 : 我屋企人到咗喇，唔知點解出面位小姐話我屋企人未到一分鐘都無，出面嗰位知客姐姐打比我問我係咪坐咗係35號枱，我話 : 轉咗啦，我屋企人到咗你又話未到知客姐姐仲要死撐 : 因為有兩位姓林嘅訂枱，可能我地攪亂咗發神經，兩位姓林嘅，一位係林小姐，另一位係林先生況且，林小姐同林先生電話號碼都唔一樣啫**************************************************************大榮華無餐牌提供，有幾張A4size嘅影印紙比你點菜其中有個好抵食嘅套餐10個餸五百幾蚊，不過套餐嘅菜式無set定嘅總之就自由配搭，係張A4紙搵得到就得喇唔經唔覺，點咗16個餸媽咪話，張枱唔夠位放呀，減6個先啦乳豬拼海蜇乳豬有少少肥好香，海蜇彈下彈下好爽口圍頭五味雞究竟邊五味呢?我好似食梗豉油雞咁囉雞夠鮮嫩，雞胸唔嚡口咸檸蒸烏頭我無食，好大條烏頭呀，隻碟都唔夠放晒成氣魚魚菠蘿生炒骨甜酸汁對味，排骨細細件容易入口盆菜豬肉呢個好好食，好耐未食過咁靚嘅五花腩啦下面墊底係芋頭，芋頭索晒啲汁，好味道不得了鮑汁魚唇玉掌煲魚唇好多細細的軟骨，冬菇入味唔過鹹我無食鴨掌呀頭抽蒜片煎生蝦呢個好好食，連個殼都可以食，不過先要咬走蝦頭先佢無剪蝦的武器(蝦頭上的鋸齒狀尖尖)蟹肉燴冬茸羹絲絲嘅蟹肉好鮮甜豬油撈飯，一缽飯自己加豬油加頭抽豬油好稀，頭抽帶微酸馬拉糕最好食嘅係呢個馬拉糕，鬆，軟，好好味送紅豆沙 & 麥米粥埋單都係$810 (我地唔只食咁少，可以去以下網址呀)6個人食到攪住個肚更多食物相片blog : http://hk.myblog.yahoo.com/jessicalim1112/article?mid=18759…Read More

10月1月15日（星期五）晚，是晚檸茶兄相約看電影，之前當然約埋一起吃晚飯，地點選擇在九龍灣的「大榮華」。約七時許，儘管我比茶兄早一點到，取了飛後仍要等上約四十五分鐘才有檯，這時女友剛好收工，還趕得上一起吃飯。等到茶兄友人也來到，我們便先行點菜，邊吃邊等，但萬萬想不到這裡的上菜速度非常驚人，落單後不消五分鐘全數菜餚已悉數上檯。五味雞（一隻）幾乎是吃圍村菜必點的食物，但全檯人吃了也分不出有哪五味，感覺上似豉油雞多一點；雞肉尚算軟滑卻雞味欠奉，不過份量頗多；芥蘭炒臘味有幾塊肥膏臘肉和兩、三片臘腸和潤腸，芥蘭很翠綠，不過整碟菜頗油膩；乾隆一品豆腐原來是漁香肉鬆炸豆腐粒，不過送飯不錯；砂鍋紅酒燴牛仔骨很入味，雖然吃不到有紅酒味和牛仔肉頗韌；豬油撈飯又是一項“親親膽固醇”的“壯舉”，在香噴噴的砵仔飯上，下些頭抽豉油和豬油撈勻吃，其實是享受整個過程多於味覺，坦白說，我實在吃不到豬油的香味；奶皇馬拉糕應是整頓晚飯的主角，上檯時新鮮蒸起，入口香綿軟熟，真的嚐到蛋香和奶皇的味道，四人都同聲讚好，還將其中一件留給因工作而來不到吃晚飯的食友太公。此店雖然地方不細，但檯與檯之間的距離頗窄，坐得頗迫，幸好服務尚算勤快，埋單時還會放個『多謝惠顧』牌，以之識別，真是有趣。…Read More

我哋八點幾又係九龍灣揾地方食晚餐，呢度要等四張枱，我哋等咗十幾分鐘就有位喇。每次我哋都會 order 五味雞($50)，今次都唔例外，除此外我哋 order 咗腰果金沙蝦仁 ($65) 和鮑汁鴨掌 ($22)。我想要埋馬拉糕，但太大籠，所以今次冇食。馬拉糕十分好味。五味雞 - 份量足(要打包)，味道好，雞肉都算滑，煮得好入味。腰果金沙蝦仁 - 都幾大碟，雖然冇蝦味，但好爽口:)，略嫌唔夠咸蛋，腰果都幾脆。鮑汁鴨掌 - 呢個好好味，鴨掌好淋又入味，正。豬油撈飯 - 仔仔話要添飯，可想而知有幾好味啦。送糖水，我和 honey 都要紅豆沙，仔仔要麥米粥，紅豆沙好重果皮味，紅豆又起沙，一D都唔求其，好味道。…Read More

以前要去大榮華，就要遠到入元朗。好在，九龍灣果間都開咗好耐! 以前每一次去 mega box 都說要去大榮華…但每一次都好多人。現在在這邊上班，一定要食多啲!!但今日居然八點都沒有人等位，早知不用 book 枱啦!!可能相隔太長時間才再來，加咗價喎!! $52 一個餸!雞蛋焗魚腸 - 最好味是這個，開始都會怕好腥，不過原來好好味呢! 好足料。不過凍了就真的有點腥啊!橄欖油香草燒蠔 ($38) - 我覺得好似食「蠔屎」咁…飯是少不得的啦!加了頭抽和豬油，不用餸都可以食完整碗飯呀! 太好味啦!!咸蛋黃蟹肉西蘭花 - 其實我覺得似在吃西蘭花，食到咸蛋黃味，蟹肉見到但食不出味道。馬拉糕，又是必食的。一拿到餐單第一時間劃一客先…heehee…本來食完主菜已經好飽，有想過放棄馬拉糕…但是侍應說師傅已經在蒸，不容許 cancel without WIP，但又可以叫師傅換一客未蒸的讓我們回家自己蒸。我們沒有踢爆她自己口同鼻拗啦! 哈哈…最後我們都每人吃了兩件…的確好好味!!同場還見到韜韜呢!不過，硬係覺得元朗那一間比較好味!!…Read More

今日係wing 肥嗲 ge 生日, 而慶祝食飯 ge 地點就係我一直都想去試晚市 ge <大榮華圍村菜>. 因為知道呢間野晚市特別巴閉, 無得訂位, 要親自黎攞飛. 所以同wing 5:45pm 就去攞位,一上到去竟然見到門口已經坐滿晒等叫飛入去 ge 人, 唔係掛, 6:00未夠就食晚飯, 呢間野真係咁好食. 由於5:45 左右剛剛入左第一批晚市ge食客, 所以要到7:00pm 左右先輪到我地.(留意: 此酒家門口等飛地方係無冷氣ga~~~ 仲要超多人~~~ 無位坐~~~ 所以如果夏天黎等位, 可以到樓下百佳及一間型零食店嘆下冷氣及買下小食, 因為係度呆等真係好易會暈ga.......)終於入到黎la, 地方唔算好大, 但環境及裝修唔錯, 呢度真超多人係點菜之前, 梗係先視察下環境先la, 睇下最多人食咩ma, 咁先穩陣, keekee~~視察完後, 得出以下點菜名單:1) 圍村五味雞: $48.00 - 基本上10枱會有6枱會食, 有薑蔥及辣醬點. 好好味, 雞肉好嫰滑, 好大碟. 推介!!!!2) 大榮華炒飯: $48.00 - 睇落去唔講你以為係福建炒飯. "錯" 佢個名叫大榮華炒飯, 如果你鐘意食炒飯及糯米雞, 你一定會好鐘意食. 而我係極度鐘意呢個炒飯. 3) 冬瓜火腩白鱔煲 : $48.00 - 由於我唔食魚, 所以對呢個菜無咩期望. 但黎到出乎意外地 " 好食 " 個芡汁好味, 撈飯一流, 冬瓜好甜, 火腩肥瘦均勻, 最緊要係呢兜一d都唔腥. 正!!!4) 鳳凰蟹肉炒長遠 : $48.00 - 阿wing 誠意推介. 此菜亦係呢度必食首選. 材料有粉絲/ 蛋/ 蟹肉/ 芽菜. 我覺得味道略淡, 但食落幾爽口, 感覺特別. 而阿wing 都話今次比上次差左. 但係都ok! 5) 陳皮涼瓜煎魚腸 : 48.00 - 本身想食焗魚腸, 但發現有呢個菜, 所以叫左呢個黎試. 不吃魚腸者: 勿點. 喜魚腸者: 必食.(6) 豬油撈飯 : $6.00 - 材料: 白飯 / 豬油 / 頭抽就係咁簡單, 就係咁好食. 以前窮人食ge野其實好有水準, 呢d配搭, 有錢人你懂嗎???7) 西芹炒斑塊 : $48.00 - 今日視察下見到有人食西芹炒斑塊, 勁勁勁大碟, $48.00 唔駛諗實叫la. 碟野一黎發現係另有故事..... 原來人家食ge 係石斑兩食 約 $300.00. 而我地叫 $48.00呢個只係例牌, 當發現黎到咁細碟ge 時侯. 大家ge目光即時投射在我身上. "唔好意思, 各位" . 雖然例牌, 但味道唔錯, 西芹爽口, 連我唔食魚都覺得正. 自已諗下叫唔叫la~~8) 菠蘿生炒骨 : 48.00 - 無特別. 講完9) 奶皇馬粒糕 : $48.00 - 如果五香雞10枱有6枱食ge位, 呢個糕就係10枱有9枱食. 好鬆軟, 又有我鐘意ge奶皇夾係中間. 就算食飽後食2件都唔覺"漏"食完飯後仲有甜品送, 今日有紅豆沙及麥米粥. 連個甜品都咁足料同有水準. 掂呀!…Read More