Yau Lei Bistro & Biggap (Closed)

豬柳強套餐🍔🍟🥤豬柳強=豬柳蛋漢堡🐷🍳，麵包比老麥嘅軟熟，裏面一樣有煎蛋🍳、豬柳🐷、芝士🧀，但比起老麥冇咁油膩，好味，食得出有誠意👍，唔似老麥求祈將啲材料疊埋一齊就算😛薯條🍟係波浪型、粗身、夠薯肉，夠曬咬口，香脆可口🍟😋…Read More

好耐無行過始創😂 估唔到依家開咗間咁得意嘅餐廳，睇餐廳名完全唔知佢賣乜。👍🏻 乳豬卡邦尼意粉乳豬同卡邦尼平時都會食，但無諗過可以擺埋一齊做一道菜。乳豬皮烤得脆，肉質嫩滑，唔洗點乳豬醬都夠哂味。卡邦尼醬汁夠濃，完全可以掛汁。意粉彈牙，煮得啱啱好。份量大，唔係一般兩啖就食哂嘅意粉。👍🏻 美國穀飼叉燒煎蛋飯叉燒好靚，半肥瘦，而且肉質軟腍。煎蛋脆邊，流心蛋黃。美中不足係唔夠豉油撈飯，不過整體非常滿意。👍🏻 豬柳強做緊推廣加$12就有。價錢抵，質素更加係意想不到。漢堡包上枱時暖笠笠，麵包非常軟熟，中間有芝士、豬柳、蛋。咁嘅價錢我真係想問可唔可以加多兩個😂👍🏻 樽仔奶茶作為奶茶控，只要有得揀奶茶我一定會嗌😂 奶同茶味道平衡，夠哂地道。最欣賞係唔甜！見佢好好賣，我拎嘅時候係最後一支，想飲就要留意喇😬📍友利坊 x 友利冰室 x 勿當奴 太子彌敦道750號始創中心地庫B02-06號舖…Read More