Sing Kee Cafe

😋雞球豬扒飯 $45 (包凍/熱飲)碟飯一到小編真係嚇親，雞球同雞扒好多好多，多到係睇唔到d飯。豬扒厚身又唔會韌，雞球唔係細細粒嘅雞球，係好大舊。雞球同豬扒都充滿秘製豉油汁，一舊肉再加一啖飯食，係勁滿足。😋豬扒雞翼飯 $45 (包凍/熱飲)雞翼有3隻，雞翼係用秘製豉油汁醃製，每隻都好入味同淋身，好正好邪惡。所有飯都可以揀豉油汁/粟米汁/咖哩汁/蕃茄汁，小編最推薦豉油汁，係佢地自家製調味，淨係豉油撈飯，已經可以食曬成碗飯。 豬扒都係大大嚿，不過就有肥膏，記住切左佢先食。----------不論男女食完都一定好飽好滿足，$45有飲品份量又咁多，真心不錯喔。不過呢度得室外，好似大排檔咁，衛生環境唔係太好，如果有潔癖嘅你就要諗清楚。----------🔎成記茶寮🚩元朗建業街街市地下C8號舖…Read More

聽人講成記啲豬扒同雞扒大大塊，今日終於有時間去試試。呢個係茶檔，外面擺放咗好多摺枱，環境方面唔洗講啦，衛生程度當然遜色一啲。坐底後望一望幅牆，因為Menu貼咗喺上面，好快就決定叫個豬扒雞翼飯加杯凍檸茶。由於佢哋已叫即整，個飯大概等8分鐘。阿姐一放底就見到大大塊豬扒，一大一細有兩塊仲要肥瘦均勻，望到都覺得吸引。先試試個豬扒，食落真係好腍，配埋啲甜豉油又好夾。另外雞翼係瑞士汁嘅，做得非常入味而且大大隻啖啖肉咁。雖然成記環境唔得，但食物質素真係有返咁上下~…Read More

之前去親元朗都係食 霸王雞菜飯 雞粥 同B仔，好少試其他野，今次就搵下新野比自己食啦！睇左食評話要睇準時機落單 同埋好多人 無禮貌 污糟，咁我都有心理準備嘅.....去到自己搵位，真係要等落單，時間完全可以接受 因為幾分鐘啫～而且佢會應左你轉頭過黎落單（不過已經另一個幫我落左單喇）坐大排檔 乾淨係好少可能，都係主要食 食物質素啫講明要等20-25分鐘，都預左佢午市係咁一路等，佢地真係無停過手咁做，係大聲 但唔係無禮貌啵！講堅嘅！佢地未必非常好禮貌 但絕對唔係無囉佢地會分明先到先得 會講唔好意思一路見到大大碟豬扒飯 幾時到我呢？我碟豬扒雞翼飯，20分鐘就到喇！真係好大塊 又淋又有肉味 甜豉油汁又正食完都唔口乾 雞翼遲些少另上 又滑又夠味臨走前隔離食午餐肉 嘩～～咁厚嘅…Read More

11時到達，不少顧客都在吃早餐，原來豬扒飯在12時準時開賣。我們11時45分再去，已經有不少客人等候，似乎大家都是為這個「豬扒飯」而來。幸運地，我們跟別人搭檯的情況下，能坐下吃第一輪的飯。點了「豬扒飯」和「豬扒雞翼飯」。等足20分鐘的豬扒飯終於來了！豬扒飯淋上偏黑的豉油汁，這就是店家馳名秘製的「豉油汁」，客人都是為這個又甜又香的豉油汁而來。豬扒夠厚又大大塊，即叫即炸，豬扒連骨大如手掌，一碟已是兩個女生的份量！連骨豬扒不但肉厚，吃起來更軟滑，加上師傅肯下工夫，豬扒肉吃起來軟腍有彈性，一點也不韌。豉油汁不死鹹，反而帶有甜味，聞起來亦似有焦糖般的豉油甜香，令人吃個不停。雞翼配上這汁，有如瑞士雞翼，無可比擬。這豬扒與雞翼配上黑豉油，餸飯一流，令人愈吃愈想食。怪不得有人將此「豉油豬扒飯」形容為「死前必吃」之物。要是這店在我家的附近的話，我一定每星期至少會去吃一次，天氣熱都咁話XD哈哈！ …Read More

常言道不可以貌取人, 但身處現實社會中, 外貌往往卻是先行, 不論人或事, 甚至乎餐廳也是。 自問不是奄尖腥悶的人, 但對餐廳基本的清潔衛生也是注重, 不過卻有一間大排檔令我破格動搖。位處建業街熟食大排檔的成記茶寮, 元朗人無人不知, 亦無人不曉, 開業多年, 仍然深受街坊的歡迎及支持, 而且經常爆滿, 一位難求, 雖然環境嚴格來說頗糟糕, 衛生指數頂多只可給兩分, 但假日跨區來搵食的, 仍然把大排檔迫滿。如有潔癖的你, 勸籲不要前往, 如要前往的也得要接受那環境啊! 當然服務也是欠奉, 位是自己找的, 店員大姐不會招呼, 亦無暇招呼, 下單也要看準時機, 只因他們來去匆匆, 光顧的實在太多。當人人都在討論九記、澳牛的態度, 這兒其實也不遑多讓, 不過其實只要你熟識他們的運作跟做生意的方式, 其實他們也很有人情味的 (某時候跟某程度)。 成記主打的主角 - 至少有半吋厚, 比面皮還要大塊的連骨豬扒, 最為深受食客的歡迎, 而且只於午市供應(中午12時至下午3時), 限量的供應, 所以造就這段時間店內總是水洩不通, 到晚市時段食店則化身回大排檔的小炒角色。除了主角的豬扒飯$43外, 也可雙拼選搭配另一主角瑞士汁雞翼、或雞球、煎蛋、腸仔、餐肉, 同樣$43, 當然淨點豬扒飯會有兩塊豬扒, 雙拼時就只有一塊半, 但也不少食客叫上豬扒雞翼或豬扒煎蛋, 皆因雞翼跟煎蛋同樣出色、精彩、美味。當然會有人說: 叫豬扒飯再額外點雞翼不行了嗎? 可要知道單點雞翼一隻要$6, 而單點一塊豬扒則要$21, 精明的你應該知道怎樣選擇吧! 除了預設的豉油汁, 還可以選擇粟米汁、蕃茄汁或咖喱汁, 當然在座的食客百分之九十九都是選擇招牌的豉油汁。豬扒雞翼飯 $43 約有一塊半份量的豬扒用上梅頭肉, 加上自家醃料及香甜濃郁豉油醃製, 即叫即煎, 所以也要等上一點時間, 雖然厚度若有兩隻手指重疊般厚得誇張, 不過咬下肉質彈牙又腍軟入味, 不用刀只用匙羹也能切開, 更保持應有的肉汁, 豬味甚為豐富, 加上表面煎得帶微焦的狀態, 入口帶點脆口, 惹味非常。 深色得發黑的豉油汁, 據聞是加入了糖和紹興酒煮成, 味道偏甜又不會死鹹, 而且帶點焦糖般的濃香, 入口甘甜, 同樣超濃惹味, 天衣無縫的組合, 超級好吃啊! 瑞士雞翼是另上的, 一碟有3隻, 目睹鄰座的食客叫的雞翼飯只有5隻, 反觀這碟豬扒雞翼飯抵食得不得之了。瑞士汁同樣深色, 鹹甜度跟豉油差不多, 味道較難分辨, 不過美味度同樣超水準。雞翼肥美大隻, 不但入味, 皮香肉滑, 又不會因浸得太久而變霉爛, 十分有彈性, 附隨還有幾粒浸透了醬汁的深黑肉粒, 味道當然也是濃郁到不行。 豬扒煎蛋飯 $43後來的豬扒好像越來越大塊般, 品質同樣控制得不錯, 光是吃豬扒其實也蠻飽肚的。荷包蛋有兩隻, 煎得漂亮又香口, 切開中間蛋黃湧出, 染上蛋汁的豉油飯更加香口惹味。 兩碟飯的份量同樣超多, 預設淋上的豉油汁也不算少, 檯面再放有支獨家秘製豉油, 正所謂是是但但, 豉油撈飯, 永無得輸的組合, 鹹蟲如我當然也要額外為飯粒添色水。 $43的價錢還包有杯飲品, 大大杯凍飲更沒有加$2的機制, 相信只有大排檔才能做到的價位吧! 厚大豬扒加上足足有一碗半份量的飯, 不要說大食如我的女生也吃不完, 就連男生也勉強完成, 份量之多可謂非常大件夾抵食, 不過 人總是貪心的, 明明自己那碟豬扒已跟面皮一樣大, 但總覺得店員端著其他食客的豬扒還要更大更厚。沒有舒適講究的環境, 卻有著超級美味的豉油豬扒和瑞士汁雞翼, 吃過一口保證你會愛上, 亦懶理周遭的麻甩環境。 半露天的環境, 沒有空調, 只有座地製冷風機, 廿幾度的中午尚算可接受, 極難想像三十多度的炎夏, 汗流浹背的情況下還有沒有這能耐, 還是趕緊炎夏前再去光顧多一回那水準之作。 …Read More

入到元朗 唔介意衛生差但食到質素唔錯嘅豬扒飯 就試下呢間啦😁 份量極多 兩個人share都好夠😆豬扒雞翼飯 ( $39 )豬扒 大塊厚肉又嫩滑 彈牙爽口唔un 夠味 有啲似食緊豬頸肉😋 瑞士雞翼 有3大隻咁多 瑞士汁好甜好濃 雞翼唔算太入味 留意番雞翼會另上 要等一段時間 所以食住豬扒飯等啦😂另外佢嘅甜豉油都好掂👍🏻 留意豬扒飯只係由12點賣到3點半！ 雖然野食係一流 不過唔好嘅係間野位於公廁旁 勁唔衛生😷 再加上會有人食煙😲 冇冷氣 有幾部風機吹到頭都痛曬...…Read More