MOMIJI-CHAYA (Empire Centre)

.‼️❤️ 記得CLICK我PROFILE關注我呀 ❤️‼️.🐼 有熊貓公仔陪食飯 @ 🌟 紅葉茶屋 🌟.💁‍♀️ 圖片展示美食為：豪華海鮮丼茶漬飯 HKD 178吉列豬扒滑蛋丼 HKD 118牛肉壽喜燒定食 HKD 138抹茶蕨餅新地 HKD 68鎌倉紅葉茶屋抹茶提拉米蘇 HKD 58雪糕抹茶拿鐵冰芒果百香果茶.👽 呢間過江龍日式餐廳，環境舒服又夠CHILL，木系裝修有和風FEEL，同朋友傾偈或者自己一個嚟hea都啱！最正係最近加入左熊貓擺設，增添好多可愛元素。.🐟 每次都要食佢嘅「豪華海鮮丼茶漬飯」，夠特別又鮮味。三文魚同藍鰭吞拿魚厚切，甜蝦同帶子鮮甜到，仲有爆汁三文魚籽，撈埋茶湯一啖入口幸福到震！ .🐷 另外作為滑蛋控嘅我，「吉列豬扒滑蛋丼」必叫。豬扒炸得啱啱好，外脆內嫩，滑蛋如果可以再流心啲就更好，撈飯食無得頂。.🥩 個「牛肉壽喜燒定食」湯底甜度啱啱好，牛肉份量足夠，配埋豆腐同蔬菜，暖笠笠夠滿足。.🍵 甜品一定食「抹茶蕨餅新地」，蕨餅煙韌得嚟又唔會太甜，配埋抹茶雪糕同紅豆，口感正到爆。.🍰 店員推薦「鎌倉紅葉茶屋抹茶提拉米蘇」，果然冇令人失望，抹茶味超濃郁，層次分明又唔會膩，入口即化。.🍦 飲品方面，跟主食可以優惠價加配，「雪糕抹茶拿鐵」比想像中濃郁，雪糕慢慢溶化之後更加香濃，飲落去順滑到呢。「冰芒果百香果茶」解膩清新，唔會太甜。.🌟 呢度餐牌真係好多選擇，尤其甜品選擇真係好多，下次試埋佢其他款式先。.⠀📍 尖沙咀麼地道68號帝國中心UG樓50-57號舖.‼️❤️ 記得CLICK我PROFILE關注我呀 ❤️‼️.💯 最真實的美食點評 ❤️ 歡迎報料 ❤️.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.…Read More

老婆嘅半年英文課程卒之都完喇，賀一賀就梗喺食餐好啦。雖然，啱啱去完日本無耐，但都想食番日本嘢，加上佢喺抹茶控，所以，就想起嚟自日本鐮倉嘅「紅葉茶屋」。「紅葉茶屋」晌唔同區都有唔少分店，揀咗嚟尖東帝國中心店，就番大家收工。晌外面都睇到餐廳地方大，一室日系淺木色，裝修簡樸，卻不失雅致，而且，座位非常之闊落，我哋被安排坐晌梳化位，增添咗一份悠閒寫意感。此外，全店又多咗好多熊貓嘅相關裝飾，食住「熊貓經濟」條水，的確，啲熊貓又幾可愛。主餐牌製作好精美，翻一翻，選擇非常之多，和式、洋式都有，由定食、丼飯、烏冬、拉麵、小食、超多款甜品、窩夫、芭菲、新地……到飲品都一應俱全，穿插不少美食照，十分吸引，定食更可免費添加白飯。此外，仲有多張推廣餐牌，包括二人前套餐、季節限定定食、佐酒小食、招牌甜品……等等。枱邊有二維碼，自行掃碼落單，而侍應亦好樂意幫忙下單，講到啲服務，我就覺得好好，有禮，殷勤，咁就夠啦！炸南瓜餅 +$15睇餐牌時唔見，但掃二維碼時就見到部份小食及飲品都有加配優惠，就好似呢份炸南瓜餅，散點$35，加配只需$15。單睇外觀，炸得金黃，已覺得唔油，咬落確喺香脆不膩，炸功有一手，而裡面除南瓜蓉，仲夾有一片原件連皮日本南瓜，以證貨真價實，再者，南瓜蓉搓得綿滑，好足南瓜味。照燒三文魚定食 $138老婆食日本嘢，最心水喺銀雪魚西京燒，可惜呢度未有提供，但睇見有款照燒三文魚，佢話都好啱佢口味。一份定食包咗漬物、麵豉湯、日本米，夠豐富。先講講漬物，有蘿蔔同牛蒡，前者爽脆帶點柚子味，好特別，後者咬落甘甘哋；麵豉湯亦做的好好，唔會過鹹，好有麵豉香。至於啲三文魚，肉質柔嫩富油香，照燒汁夠晒惹味，飯粒黏糯有米香，整個定食都用料高質。豪華海鮮丼茶漬飯 $178我見佢哋嘅茶漬飯食法特別，所以，揀咗呢款豪華海鮮丼，登場賣相真喺好有睇頭，整碗丼面鋪滿三文魚、吞拿魚、帶子、牡丹蝦同三文魚籽。先喺好似食一般海鮮丼咁，一口刺身就一口飯，啲刺身好鮮甜，絕對質優取勝，完全無欺場。再加湯，小弟就揀咗香濃蝦湯（另一款喺鰹魚昆布湯），蝦味超強，餐牌就教以小碗分批加飯、刺身同湯一齊食，我就懶，索性倒晒啲湯落大碗，當食湯飯，有另一番風味，就算加咗熱湯，刺身仍保持鮮甜味，而飯粒吸滿湯，就更鮮香。雪糕抹茶拿鐵 +$25老婆喺抹茶控，所以佢一早已經目標定晌抹茶系嘅飲品中，但估唔到會揀呢一杯雪糕抹茶拿鐵，一落佢少飲凍嘢，二來甚少會飲奶多嘅拿鐵。不過，佢就話好想試呢一款，先飲一口抹茶拿鐵，佢話抹茶味好濃郁，幽香細膩，再等啲雪糕溶溶哋溝勻拿鐵，口感更加香滑。熱抹茶拿鐵 +$20小弟本來就打算食甜點時襯杯鮮奶咖啡，但睇見餐牌話採用嘅抹茶喺百年老字號「森半」，雖然我唔認識，亦對抹茶唔多研究，但亦想改改試番杯抹茶拿鐵。不愧喺日系餐廳，單單一杯拿鐵，小巧嘅木托盤，精緻嘅石杯，仲伴有少少石頭朱古力，賣相甚具韻味。真喺無揀錯，入口茶味甘苦醇香，餘韻悠長，口感綿滑富奶香。鎌倉紅葉茶屋抹茶提拉米蘇 $58提拉米蘇算叫食唔少，抹茶味就算唔喺第一次，都好少食。最欣賞喺其小木盒造型，極具和風匠人心思，面頭滿滿抹茶粉加上一片「紅葉」啫喱，有晒意境。深深滔上一羹，可見一層疊一層，有滑溜嘅芝士餡、抹茶粉、兩層唔同味道嘅海綿蛋糕，口感豐富，味道多元，喺誠意嘅出品。鎌倉紅葉茶屋特製軟雪糕巴菲 $75日式芭菲向來喺日式西餐廳嘅甜品中佔重要席位，其多層次嘅賣相確實喺好有亮點，除呢款特製芭菲，亦有自選組合，懶得揀就揀呢一款試試，話晒以餐廳名字冠名。講番杯芭菲，堅多材料，由上而下，就有期間限定嘅夕張蜜瓜軟雪糕、銅鑼燒、紅豆泥、白玉、抹茶忌廉、抹茶寒天，再伴以黑糖漿，單睇咁嘅排場唔食都知好好食啦，哈哈！食完兩道甜點，真喺飽到頂心口呀。「紅葉茶屋」嘅出品果然有一手，老婆亦大讚啱食，尤其啲抹茶嘢。因為佢都算喺附近返工，所以，佢話睇定啲午餐下次再嚟試試。…Read More

呢晚去咗尖東睇燈飾🎄，順便食埋晚餐，原來餐廳裡面仲可以邊食邊欣賞夜景🌃和牛肉壽喜燒定食 ($178)🥩🐮和牛肉質鮮嫩、有牛味，壽喜燒仲有大量蔬菜，全部都掛滿香甜嘅壽喜燒醬汁，送飯一流～豪華海鮮丼茶漬飯 ($178)🦐🐟🐚🫖海鮮丼有好多魚生，好似生蝦、三文魚、帶子等，全部都好新鮮，茶漬飯就揀咗香濃蝦湯，倒入海鮮丼後，令每一啖飯都充滿了蝦鮮味🦐鎌倉紅葉茶屋抹茶提拉米蘇 (+$38)🍵🍰抹茶提拉米蘇表面灑滿回甘嘅抹茶粉🍵，口感綿密，奶香十足😋冰蜂蜜薑紅茶 (+$15)🍯🫖薑味岩岩好，蜂蜜嘅甜味中和薑嘅辛辣味👍冰雜莓&香橙紅茶 (+$20)🍊🍓🫖紅茶有淡淡嘅酸酸甜甜雜莓味同清香嘅橙香，邊食壽喜燒邊飲紅茶，相當fresh～炸餃子 (+$25)🥟餃子炸到外脆內嫩，裡面都幾多料，食人愈食愈開胃～…Read More

今日下晝有少少時間，決定約老公食個late lunch今次已經唔係第一次嚟紅葉茶屋，以往都係食lunch叫set今次難得嚟到呢間位於帝國中心嘅紅葉茶屋，環境好寬敞，有卡位，有梳化兩點幾呢個時間嚟到唔使同人迫，所以我哋兩個可以慢慢撐枱腳，一食就食咗兩粒鐘…Read More

是夜去了尖東的紅葉茶屋晚餐，這裡食物選擇眾多，由小食、丼飯、烏冬、拉麵、定食到甜品都一應俱全，而且環境座位都舒適，絕對是和朋友聚餐的好地方🍴餐廳用QR code下單，套餐可以優惠價加配小食、飲品和甜品等，cp值高👍🏼🔸豪華海鮮丼茶漬飯海鮮丼非常豐富，有甜蝦、吞拿魚、三文魚、帶子和魚籽，食材新鮮本鮪由日本直送，刺身的水準不錯丼飯可配鰹魚昆布湯或香濃蝦湯作茶漬飯享用，一次滿足兩個願望✨🔹吉列豬扒定食兩個主菜均附了兩款前菜漬物，而定食就多了味噌湯及沙律。吉列豬扒新鮮製作，外層炸衣仍保持金黃香脆，口感一流。🔸和風炸雞組合套餐加配的小食，一份有齊雞件和芝麻雞全翼～ 雞件外酥脆內外汁，沾他他醬吃非常惹味🔹冰抹茶拿鐵對抹茶控來説，這裡的抹茶飲料絕對是不二之選！香醇抹茶和奶的比例剛好，入口幼滑濃郁🍵 大推～🔸鎌倉紅葉茶屋特製軟雪糕芭菲這裡的甜品也是必食！parfait賣相非常精緻，牛奶和哈蜜瓜口味的扭紋雪糕配上銅鑼燒、白玉、黑蜜、紅豆蓉、抹茶忌廉和寒天，堆疊著滿滿的配料，充滿幸福的滋味♡…Read More

11月係紅葉嘅季節， 去唔到日本睇紅葉就黎左紅葉茶屋頂住先😂 有2人套餐$488， 但散叫有好多選擇～♡豪華海鮮丼茶漬飯 $178有鰹魚湯同香濃蝦湯二揀一，蝦湯好似特別啲， 蝦味好濃，個飯偏乾少少， 所以加埋個湯岩岩好， 海鮮好豐富， 有三文魚、三文魚子、吞拿魚、帶子&赤蝦。♡和牛肉壽喜燒定食 $178牛肉壽喜燒平啲， 和牛仲有款豪華版壽喜燒， 揀左款中等，和牛肉質唔錯， 不過已經煮熟曬， 如果生牛肉上可以自己選擇熟度會更好。溫泉蛋撈飯好正， 套餐配麵豉湯。♡紅葉甘之三味 $88一次滿足曬3個願望～ 分別有藍莓提拉米蘇、牛奶布甸&夕張蜜瓜軟雪糕， 提拉米蘇好好食， 唔會太甜。蜜瓜雪糕好滑好香～…Read More

行開尖東，見到紅葉茶屋，之前都見過佢其他分店，但都無試過，見唔算多人又係我中意嘅木系裝潢，咁就二話不說去試吓啦！▪️傳統抹茶，飲落濃郁抹茶香，不苦澀、十分順滑。旁邊配嘅石頭朱古力就不敢恭維了。▫️小食點咗4款，全部都好好味啊，尤其係一口芝士同明太子雞翼，性價比極高。▪️茶漬飯，鰻魚依然咁厚身肥美，魚生依然新鮮，兩個前菜：酸蘿蔔同漬牛蒡絲，好開胃。▪️登登登登，最後又係甜品時間，點咗白玉餡蜜，白玉係傳統日式點心，大大粒白玉，煙韌唔痴牙，佐以豐富配料如抹茶mochi，柑橘肉同紅豆蓉，再慢慢淋上黑糖蜜，好滿足🥰🥰🥰，一定要feature!…Read More

呢一晚同朋友食飯 我地想食日本菜🇯🇵朋友帶我去呢間位於尖東既紅葉茶屋📍-環境闊落 以日本菜泥講坐得幾舒服✅食物方面，有鍋物、刺身、都唔同選擇🥢朋友揀左豪華海鮮丼茶漬飯🍚☕️入面有三文魚，藍鰭吞拿魚，甘蝦，帶子，魚子🍣都幾豐富! 刺身新鮮呀!配上鰹魚昆布湯 仲有步驟教點樣食呢! 📝幾有新鮮感! 可以一物兩食!😁-我就點左鎌倉紅葉茶屋腐皮烏冬🍜呢個就經典之選 不過相對偏淡‼️我加左少少七味份就惹味D!🤣-小食我地點左芝士年糕🍢🍡要趁熱食呀!真係有芝士流出!😝-甜品我地就揀左朱古力香蕉窩夫🧇 呢個要時間製作的🍽窩夫都幾脆 不過就唔算大份 正常發揮呢!✅-飲品我地就點左芒果＆西柚紅茶同蘋果汁🍎飲品就正正常常 無太特別!-唔錯既日本菜 幾岩同朋友傾慢慢食🌿不過尖東位就真係少去D 唔算方便呢‼️…Read More