Seafood Port Restaurant

有時食得肉多會突然好想食海鮮🤤🤤然係就搵到呢間海鮮蒸鍋~佢哋有個海鮮set,價錢都幾實惠~包晒唔同海鮮仲有刺身tim✨海鮮包括龍蝦🦞/瀨尿蝦/元貝/鮑魚/海蝦🦐/海魚/蟶子/蜆~除咗海鮮仲有蔬果拼盤加蟲草花蒸雞🐔刺身同海鮮都超新鮮~每round落海鮮都見到仲識郁😯職員全程會幫你落海鮮~唔驚過熟或者唔知幾時熟🙈仲會定時幫你睇住個粥底~我就專心食搞掂🤪🤪d海鮮勁新鮮!!!食晒真係超滿足🤤🤤個粥底食唔晒絕對建議拎走~千祈唔好剩低嘥咗佢🫵🏻因為真係勁好食吸晒海鮮精華😋😋😋可以call親朋戚友嚟再encore呀👍🏻👍🏻…查看更多

今晚專誠過嚟食蒸氣海鮮套餐，朋友係街坊，帶路食好嘢環境: ⭐️⭐️⭐️⭐️地點離地鐵站有少少遠，但易搵！雷生春行兩步就到。空間寬敞整潔，晚市仲差唔多full晒，大部份都係一大枱人過嚟捧場，兩個人都有卡位，坐得舒服食物: ⭐️⭐️⭐️⭐️⭐️🦞PARCO發板餐 $398象拔蚌刺身拼盤: 估唔到呢個價錢食到新鮮象拔蚌刺身，新鮮嘅真係正，超鮮甜爽脆，接近內臟位置更甘香，仲要份量都多。其他刺身都OK，帶子、三文魚夠肥美，希靈魚、北寄貝爽脆。7款時令海鮮波士頓龍蝦、鮑魚、大元貝、鮮蝦、海魚、貝殼三寶、肉蟹先將瑤柱、排骨和生米放喺鍋底波士頓龍蝦: 色水好靚，肉質飽滿緊實，多蝦膏，加上蒜蓉調一調味，最鮮甜係個蟹鉗，淡淡都係肉😋😋😋鮑魚、大元貝: 大隻彈牙鮮蝦: 新鮮清甜，記得要食埋蝦頭嘅蝦膏👍🏻馬友: 肉質細嫩好滑貝殼三寶沙白: 清甜冇沙新鮮青口: 充滿海水鮮味仲好大隻蠔: 比較珍珠但係好飽滿肉蟹: 蟹蓋已經放入粥裏面一齊煮蟹肉間滲出嘅蟹膏黃油，見到已經流晒口水，淡黃色嘅蟹膏清甜有微微回甘，蟹身雪白的蟹肉絲絲分明，每一啖都係鮮甜嘅蟹肉味道😋😋😋食完以上已經七八成飽，不過都仲要留肚，因為以下嘅都係重頭戲農家四寶： 粟米，芋頭、南瓜、仲有蒜蓉蒸勝瓜，吸埋滑雞嘅汁更加鮮甜蟲草花蒸滑雞配稻庭烏冬：烏冬先最正～ 好滑溜，吸收晒雞嘅精華 😋😋😋海鮮南瓜排骨粥底：煲到非常綿滑，吸晒所有海鮮精華，加埋蟹膏勁鮮甜😋😋😋追加咗日本小番薯做餐前小食，估唔到炸咗嘅日本小番薯點沙律醬又幾好味總結: ⭐️⭐️⭐️⭐️⭐️最值得一讚佢哋嘅海鮮真係貨真價實，冇令人失望，完全唔使點醬好鮮甜，淨吃海鮮已經夠飽，但仍然有魔力令你食埋落去，嘆埋個稻庭烏冬& 海鮮精華粥底，街坊小店絕對值得支持全程有專人幫你放啲海鮮去蒸，計好晒時間，唔會蒸個龍👍🏻👍🏻真係翹埋雙手就可以等食，仲可以慢慢同朋友吹水，嘆啤酒👍🏻👍🏻👍🏻👍🏻可以好好享受鮮甜海鮮之旅。…查看更多

年紀大了，同老朋友敘舊已不是落bar飲酒吹水，而是簡簡單單，搵間麻甩格局、街坊氣氛濃厚嘅餐廳食飯、發噏風一番。幾個朋友都想食原味海鮮，揀了間未試過嘅【小漁港海鮮舫 鮮蒸·鮮味火鍋】。餐廳位於太子荔枝角道舊區，以為主力做街坊生意，估唔到全餐廳滿座，而且似乎大部份都係外區客人。雖然已經提早一個多星期訂枱，但只獲編配八點後的第二輪晚飯時段。始終係30年以上的舊樓地舖，樓底很矮。枱與枱之間的空間又非常擠迫，每枱客人又多；造成室內環境非常嘈吵，直逼酒吧，只是缺少了大電視直播球賽的聲浪。吹水也要拉高嗓子，否則連同枱食飯朋友的說話內容也聽不清楚。主打海鮮蒸鍋，香港以前又是小漁港，雖然沒有刻意打造懷舊裝修風格，四邊牆上仍然掛了很多巨大黑白炭筆風格風景畫，全部都是上世紀20至90年代的香港風情，增添一些懷舊風味。餐廳名字中的「鮮味火鍋」有少少誤導，最低限度現時已經沒有供應港式火鍋，反而可以加錢加粥底。在蒸鍋內加入預先浸發的米粒、瑤柱、粥料及適量清水，蒸海鮮時滲出來的鮮美汁液就會一滴不漏瀉入鍋內，煮成美味海鮮粥，成為豐盛海鮮餐後的主食。見到套餐內的海鮮款式夠多，又有蒸雞及烏冬；加上上次吃海鮮蒸鍋加粥底的經驗，最終吃剩了而浪費食物，今次放棄粥底。地舖面積算夠大，門面有足夠空間安裝大大個玻璃水缸，養殖了花竹蝦、龍蝦、瀨尿蝦、皇帝蟹等等。容易吸引客人目光，招攬生意。有三款不同價位蒸海鮮套餐供選擇，另外還有幾款餐前佐酒小食。全部小食都係香口、油炸、惹味，典型港式大排檔或避風塘風味。唔夠六個人，揀唔到包括阿拉斯加皇帝蟹嘅套餐，只好揀第二級嘅 Parco 發板餐（$398 / 位），如果週一至週四光顧套餐，可以免茶芥及免加一服務費。Parco 發板餐（$398 / 位）共有九款海鮮。全部由侍應負責席前蒸海鮮及設定蒸海鮮時間。蒸熟後，客人自助享用。追加小吃避風塘鮮魷（$68）爽口彈牙，但避風塘椒鹽炒得唔夠惹味香口，唔夠乾身。象拔蚌刺身拼盤 除了象拔蚌之外，另外還有五款刺身：三文魚、三文魚腩、油甘、帆立貝及刀貝。選用加州象拔蚌，爽脆口感及鮮味一般，有少少腥，比不上加拿大象拔蚌。勝在份量多，抵食。龍蝦半隻 選用西澳洲龍蝦，蝦頭爆膏。龍蝦肉爽甜彈牙，配搭蒜蓉提升鮮味。龍蝦膏軟糯黏滑，味道鹹香。元貝 用蒜蓉、豉油及粉絲配搭清蒸。元貝大小適中，清蒸時間控制完美，入口軟身、有彈性，沒有過火而變得粗嚡硬身，保持鮮甜多汁，鮮味滿瀉。海蝦 起初以為係魚缸內的花竹蝦，原來只係普通海蝦，游水花竹蝦要另外加錢單點。蝦肉尚算有鮮味，口感爽口中有點軟身；但肉質帶韌有渣。鮑魚 台灣九孔鮑魚結實煙韌有咬口，彈牙程度一般。有少許鮑魚味。海魚一件 是日選用馬友去骨清蒸。肉質爽口結實。馬友本身有魚味，但魚汁唔多。貝殼類3寶：紐西蘭青口、花甲、沙白 花甲及沙白味道鮮甜，但太細隻，較適合清酒煮或者豉椒炒，用來清蒸賣相唔吸引。紐西蘭青口軟滑味鮮，更加好食。套餐原本係瀨尿蝦，是日沽清，改為半隻肉蟹(奄仔蟹)。奄仔蟹有稍為洗刷，但唔夠徹底，殘留了一些黑色污垢在蟹爪及蟹身之間的關節位置，稍稍影響觀感。蟹肉結實爆殼，蟹味鮮甜多汁，好食。可惜只有少許蟹膏，如果爆膏嘅話，會更美妙。農家四寶：南瓜、粟米、勝瓜、芋頭配搭蟲草花蒸雞烏冬墊底 終於輪到蔬菜，雖然有四款，但整體份量偏少；如果多一些蔬菜，整個套餐會更健康。原隻鮮雞斬碎清蒸，大概有四份一隻份量，肉質嫰滑。墊底烏冬吸收了雞汁及蔬菜汁之後，估唔到竟然很好味；如果烏冬質素好啲，口感可以更加爽口煙韌彈牙嘅話，會更加好食。海鮮夠新鮮，算好味道。但以差不多相同價位的套餐比較，海鮮款式及級數及不上之前幫襯過的另外兩間競爭者。…查看更多

同朋友都勁鍾意食海鮮，成日都會周圍食海鮮😆前排又出動去呢間專門食海鮮嘅餐廳。雖然話係「小漁港海鮮舫」，但其實係市區內，位置夠方便👍🏼呢到係專人幫手蒸海鮮+serve你的，服務超好，橋埋手等食就ok🤭🤭【鮮味滿滿嘅海鮮之夜】✨象拔蚌刺身拼盤- 無諗過連刺身都幾有水準，每件刺身都好夠凍同新鮮，帶子厚切味道鮮甜，象拔蚌新鮮得來口感爽口。三文魚更加係好長身，肉著爽滑。之後就由店員逐樣海鮮蒸來食～1. 🦞龍蝦半隻- 新鮮到放上蒸籠後都郁，肉質彈口鮮甜，而且都幾多肉下😋😋😋2. 🦐海蝦- 估唔到係非一般咁大隻，蝦肉比較肥美，肉質結實得來彈口鮮甜，食落去好滿足☺️3. 元貝- 上面鋪上粉絲，吸曬帶子鮮甜精華，正！4. 鮑魚- 大大隻，肉質肥美，有嚼勁，鮮甜味慢慢滲出5. 海魚🐟- 其貌不揚，估唔到肉質都嫩滑juicy，魚皮好滑6. 貝類3種- 貴妃蚌肉厚，味道鮮甜，好重海水味- 蜆粒粒都好鮮甜飽滿，好好食- 仲有我最鍾意嘅蟶子，大大條幾躲肉，而且都鮮甜- 3種貝類食過後滿口都係鮮甜味😆7. 蟲草花蒸雞烏冬底🐔- 要由店員反覆蒸2次，熟度剛剛，雞肉好甜同肉嫩- 另外烏冬本身好彈口，撈上咖哩濃度剛好😋8. 粥底- 最後仲有底下嘅粥底海鮮精華，本來好飽了，但真係好鮮甜，所以都食多碗【大🈵️足】無諗過$398/位就有咁賓至如歸嘅蒸海鮮體驗，仲食到咁鮮甜海鮮。店員都好好，下次要再約朋友來🥰😍…查看更多

怕打邊爐熱氣？可以食蒸氣火鍋喎!! 有人會話蒸氣火鍋好似好蝕，因為好似無咩技巧甘~~錯啦，就係因為清蒸先可以完完全全地反映海鮮究竟係咪新鮮同上乘!!小漁港海鮮舫就完全無令我失望!! 每樣海鮮都超新鮮，價錢唔算平，不過絕對物有所值!! 廚師是日精選套餐(每位$298)象拔蚌刺身拼盤貝殼三寶 (馬刀貝，蕃薯貝，蟶子)元貝一隻南非鮑魚一隻龍蝦半隻🦞海蝦兩隻🦐海魚一件🐟農家四寶 (絲瓜，粟米，甜薯，南瓜)蟲草花蒸雞烏冬底贈送時令海鮮 (賴尿蝦一隻)最後既重點係...海鮮南瓜粥🎃蒸海鮮前已經放左係蒸爐底既生米、南瓜、乾瑤柱、排骨，吸收左海鮮既精華，鮮甜到不得了‼️唔同平時既粥底火鍋，因為淥過肉就一定會有油，不過依個海鮮南瓜粥係一滴油都無，鮮味十足~~…查看更多

天氣開始轉涼，又想起食海鮮蒸氣鍋，既暖身又健康。今次到訪的是在太子區的另一食店，開業兩年多，以著重選材，務求令客人覺得舒服及平靚正為目標。來到時是大約八時半，比我慣常的晚飯時間為遲，雖然已訂了位，但仍要稍待片刻才獲得安排。入到店內，但見樓底頗高，裝潢是帶著懷舊的氛圍，牆上的畫是新舊香港風貌的對比，而牆磚、木枱、木架以至碗碟及鍋蓋都很有懷舊氣息。座位闊落不覺擠迫，每枱旁邊放有木製多層小几以便放置食材。餐牌很簡單，主要為每位$298或$398的套餐，我太太的食量小，所以就點了每位$298的廚師是日精選套餐，包括有象拔蚌刺身拼盤、元貝、草蝦、鮑魚、貝殼三寶、蟶子、深海泥鯭、蟹、農家四寶，還有蟲草花蒸雞烏冬底及南瓜排骨元貝粥，都很豐富，據說會因應當天的食材供應而由廚師作出調整，並會於Facebook上通告。先來的是象拔蚌刺身拼盤，象拔蚌有少少硬身，但鮮甜爽脆，每人可以有多片，其他就每人一件，生蠔相當肥美，魚生及北寄貝都鮮味十足，令味蕾都準備迎接之後的海鮮。餐廳提供了豉油及山葵醬，為何我這樣說？不是所有餐廳都是這樣的嗎？因為雖然餐廳內設有調味區，但店長建議我們最好是原汁原味去品嚐新鮮的海產。蒸海鮮之中就只有元貝是加了粉絲及調味，元貝大隻而新鮮，粉絲也沒有加太多油，味道已經很好。草蝦也不細小，而且肉質紮實爽口，鮮味濃郁。鮑魚味香而肉質腍滑，煙韌有嚼口。貝殼三寶中以刀貝較為大隻，味道非常鮮甜。還是第一次食蒸北寄貝，肉身較為細小，論鮮味已經不錯，但在是晚的海鮮來說，算是要敬陪末座的了。蕃薯貝體積較小，所以每人有兩隻，但味道不容少覷，相當不錯。蟶子更是鮮甜無比，無需調味已經非常出色，情景就如韓劇中吃著美食時只會點著頭發出“唔唔”的聲音一般。深海泥鯭可能因為店員正在忙碌中，稍為多焗了半分鐘才拿出來，略嫌熟了少少。蒸蟹多膏多肉，每人一隻放在面前真是相當吸引。店長先給我們奉上滿載蟹膏的蟹蓋，還提醒我們最好不加調味。吃過蟹蓋後就輪到蟹身，正準備如食大閘蟹般先扭下蟹爪來食以保持蟹身溫度之際，店長就來教我們食蟹的方法：先將蟹鉗扭出來，然後用剪刀將蟹身從中間位置縱向一分為二，如有需要再橫向一剪二分為四，先食蟹身的肉，再食蟹爪，最後輪到蟹鉗，但不要用鉗來鉗開，因為會弄碎蟹殼以致藏於蟹肉之內，最好是將蟹鉗用紙巾墊著平放枱面，再用鉗平放來敲打蟹殼，這樣就不致於敲得太碎了。正如我寫食評的自我簡介中所寫，懂得欣賞也需要不斷學習，又學會些飲食心得了，我們也就依樣葫蘆地去品嚐。跟著是農家四寶，有粟米、梅菜釀翠玉瓜拼南瓜片、勝瓜蝦米，還有紅薯。而蟲草花蒸雞烏冬底，雞肉很鮮味，而烏冬及蟲草花吸索了雞的味道也十分好吃。太太吃過了蔬菜後，再拿開烏冬去看看那個南瓜排骨元貝粥，吃了兩碗粥也就已經投降了，剩下半煲粥及烏冬，我亦孤掌難鳴，無法完成任務。雖然店內還有幸運海鮮盤的玩意，轉中有獎，但已經無力再拚了。…查看更多