Ramen Nagi

📍 凪豚骨拉麵 Ramen Nagi 🎗📍 大坑 •京街3號常常說「細心帶來驚喜」，大坑這家《凪豚骨拉麵》正正以細心為我們帶來重重驚喜💛步進地方小小的店，店內所有店員馬上用精神的聲線歡迎我們~坐下後，又向我們介紹每種口味的拉麵😋點餐後，建議我們可以喝喝水等待拉麵，又給我們紙巾保存口罩👍這樣的服務令我們覺得好舒服，也可能是因為這樣，覺得拉麵特別好吃😛他們的椅子是用樹幹木頭製成，雖然有點重，但好特別喔！🌳黑骨 Black ramen ($88)這湯底比墨汁還要黑⚫️所以店員貼心的給了我一張小小的圍裙，以免我弄髒衣服☺️這湯底用墨魚汁🦑、黑蒜油、秘製黑醬製作而成，味道濃郁、有層次；中間的球狀物體是墨魚汁豬肉球（上面有炸蒜），可以把它弄散，和爽滑的手工自製麵條一起吃🍜看下去好嚇人的拉麵，吃起來卻鮮味無窮🖤，飽足感很高。這「黑骨」吃的我「刻骨銘心」！豚骨 Ramen ($82)湯底選用精選豚骨配合長時間熬製，味道濃厚，但油膩感頗重。餐廳為顧客提供自主選擇權，可以自定湯頭的鹹度、濃厚度、辣度；麵條的硬度等等，可以確保有自己喜歡的口味！-Menu:…Read More

上年看了移動迷宮, 覺得特技可以, 劇情麻麻。不過故事性為重的電影, 看過第一部, 又怎可以不看第二第三部? 第二集的焦土試煉片長兩個多小時, 不過看起來又不覺得氣悶。娛樂片來說, 都算係咁啦。劇情多, 看完之後感覺蠻累的。想吃點好東西作晚餐, 又不想花心思去點菜甚麼的, 吃碗拉麵就最好。來到大坑的ラーメン凪, 不意外地看到門口一條長長的人龍。嗯, 排隊不用花腦筋, 我OK啊。要食客回頭, 最重要的還是拉麵要好吃。關於ラーメン凪, 故事有一大堆。有說是師傅就是曾經在豚王做的那一位, 不知是不是真的? 看看點拉麵紙上的內容, 又真的和豚王有幾分相似。不似的是, ラーメン凪的服務要更加殷切。食客站在門外等候, 店員不時走出來招呼。笑容帶幾分歉意, 說, 不好意思要再等等。幾乎就讓我想起京都那家以好味道和好服務見稱的豬一拉麵。基本料理為豚骨拉麵。豚骨湯很香, 味道也很酵厚。看到浮在湯上的油花, 已經心花怒放了吧。不多不少, 對我來說是恰恰好呢。沒有配蔥花改要椰菜絲, 不知算是甚麼流派 (可能是我行我素的自己流? :v), 但用來中和豚骨的油膩, 很是有用。叉燒有點趣怪, 是很大很大的一塊, 佔了碗面的一大半! 對中意食肉的人來說無疑是好消息。雖然肉看上去很瘦, 不過紋理很細密, 口感是意外的滑。很不錯呢。限定的湯底是蝦湯, 也是我的心頭好, 因此T先生就沒有選擇的餘地了。蝦湯味道頗鮮香, 也是很不錯。不過比起我心中的NO.1 別天神, 還是輸了一點點。雖然對錯了焦, 但還是要把圖片放上來。這個麵是我最中意的白細麵, 自然吃得更舒心啦。我不是黑蒜油的支持者, 也覺得朋友點的黑骨頗香。相信也是幾好吃的, 因為朋友吃到後來還要加「替玉」一份麵! 好厲害。是晚我坐在廚房旁的位置, 離煮麵師傅好近。只要挺直腰板坐, 就可以清楚看到他們的舉動。當然啦, 師傅們也會很清楚地看到我在偷望注視他們, 所以也不能夠看得太猖狂。總是忍不住好奇心張望的我, 希望沒有給師傅們帶來麻煩吧!…Read More

一來到，只見一個'凪'字，差點認不出來(bb ramen這名是誰訂的)小弟大約下午一點到達，不用等位，一進去便有陣陣的豬骨香味～飢餓感直線上升由於第一次吃，點選了最基本的'豚骨'湯濃度:普通油膩:濃厚～葱，木耳，梅香豚肉，多蒜，硬麵，大致上是這樣吧～還追加一溏心蛋等了約莫四五分鐘，麵就來了～先喝一口湯，溫度未至於燙口，但相當夠熱(至少也吃到坐在風口位下的我出汗)(不解為何會有食評說不夠熱)，甚濃的豬骨味，不錯不錯，但若選擇濃度:淡，相信味道更佳～然後把配料拌勻，再喝一口，味道竟然沒有受大量的蔥和木耳影響，值得一讚，我吃其他的拉麵店的湯頭通常都會被紫菜蔥等等這些配料而蓋過原來的豬骨味呢～麵條算是整碗麵較差的一部分，感覺過於粉狀，總之口感不是很鮮明的一條條麵，掛湯力亦相當遜色，但湯頭搭救，所以也不是很大問題～叉燒我故意先讓它浸在湯裡一會才吃～因為看食評說它是凍的～肥瘦分佈極均勻，味道不太鹹也不太淡，不太老亦不太嫩，十分適中，相當出色(但有長浜no.1在，這叉燒只能當第二～)溏心蛋十分大，比平時我們買到的應該大一倍～溏心程度十分足夠，但味道便稍為太淡了....建議混和湯汁食更佳～吃到最後我把湯喝完，才發現蒜都在底層，應該是放湯前加吧，去吃的朋友緊記搞拌時注意這點呀～水方面...我那壺絕對是不夠冷的，但我吃完後看見店員替另一壺水加大量的冰，就知道這是店主對我那壺水的疏忽了～哈哈整體而言，我一面吃一面覺得這根本是「翻版」豚王吧(還是相反？？過於複雜的關係便不用理會了，對我來說好吃就是一切)除了蛋的味道以外，其他各方面都跟豚王差無幾，但論性價比，BB便勝過豚王了～店員在我埋單時問我 點呀？ok嗎？我也一時反應不來，只hea答了一句 ok呀，這是第一家有問我意見的拉麵店，可能在某人眼中這是師傅對自己信心不足的表現，但我卻認為這是尊重客人的所為，怎樣樣也好～我對此店好感大大提升，若下次再問我一定會告訴我覺得的不足之處～真希望一家拉麵店會因為我而有一點點的改變哈雖然地方較不方便，但豚王都以連鎖式經營了，我以後還是支持一下小鋪較好吧～香港地寸金尺土，要再這行業生存相信絕不容易～…Read More

第2次黎到RAMEN, order左豚骨同黑骨再加兩隻溏心蛋.這是我食過咁多間日式拉麵,最好食的一間!!!因為佢係成碗麵都咁正,包括: 湯底,梅肉叉燒,溏心蛋.(有些拉麵店成碗麵可能得1樣野正.)-豚骨拉麵,豬骨湯底香濃,真係好香好濃郁,飲完成碗都唔會覺得膩(很重點吧!)-黑骨拉麵,湯底都好濃郁,都好味.但我偏愛豚骨多D.-麵屬幼身麵,女士喜歡食普通的軟硬程度,口感正,食落輕鬆,唔會覺得食左好多麵.-溏心蛋,超入味,又有溏心效果,10分滿分.-梅肉叉燒,夠淋又入味,唔會食落鞋口,又夠熱,屬高水準,8分.(好多間拉麵店的叉燒水準都好低!)(記住下午好黎食,因為晚上可能好早賣哂湯底,就無得食啦! 我試過)…Read More

BB ramen @ 天后大坑記得從前，豚王剩係得中環一間舖既時候日賣200碗，仲係叫”凪nagi” 豚王，朝早10點排左個半鐘食到真正既日本水準拉麵係幾感動，真係好好食，亦帶起左香港拉麵熱潮。因為一單官司，豚王己經再無“凪＂字，其實已經係一個唔正宗既豚王。到而家豚王連鎖香港化後，師傅由日本人變成香港人，質素每況愈下，你入豚王仲會聽到師傅用日文大嗌いらっしゃいませ嗎，只係聽到極hea既港式日文。奈何就算質素參差，香港豚王長龍依舊，而凪bb ramen，仲係唔出名，真係好可惜。以前foodki食中環豚王連鎖豚王師傅基本功不足，拉麵已經無用心去煮，湯底由以前既層次感豐富豬骨湯底，變成而定既味精鹹豬骨湯。，原諒foodki，今日介紹既其實唔係豚王，而係foodki真係有感而發，睇住豚王出名，亦都睇住豚王壞，覺得非常可惜。真係唔明，點解拉麵香港化就無變成垃圾，可能日本人既始終如一，堅持既態度先最適合煮拉麵。今日介紹既BB ramen 就係以前既中環店既生田智志師傅主理，即係真正既 “凪” 拉麵，係日本，生田師傅拎過唔少獎，如2013《TRY東京拉麵排行榜》總冠軍。可以講話係一間名店。BB ramen地點唔方便，如果由天后地鐵站出，大約行10分鐘，穿過橫街窄巷，終於去到門口。門口有大大紅色燈籠寫住“凪豚骨”，好有日本風味。當時大約1:30分，門前有幾個排緊隊，有幾張櫈仔可以比客人坐。樓面服務真係好好，好有禮貌，面帶笑容。等左大約5分鐘，門面哥哥門帶笑容第一句就講＂真係唔好意思要你等咁耐＂，真係誇張啲講句，好溫暖啊咁既服務態度邊到搵啊！入到店入面，聽到日文大嗌，真係有番中環豚王既味道。店內幾細，18個位。入去見到以前中環豚王店內既肥仔師傅，令我對BB ramen更加有信心。Bb ramen 真係同豚王一樣，分＂豚骨＂，＂赤骨＂，＂綠骨＂，＂黑骨＂，即係豚王既＂豚王＂＂赤王＂＂翠王＂＂黑王＂。Foodki最鐘意既始終係原味，亦都最能夠試到店內水準。都係好似豚王咁，基本上可以話係一樣，可以自己決定油濃厚度，湯濃度，麵種類等豚骨拉麵(9/10) $78真係好好食，係以前豚王既味道，當時第一次食真正既日本拉麵，驚為天人。但而家拉麵越開越多，foodki越食越多，foodki已經無左初嘗感動既感覺，但換黎既係溫暖。今次食番以前既豚王味，foodki真係好興奮！！。湯底 - 濃厚，湯底上有泛起薄薄既油脂，一入口豬骨味bombom聲咁黎，濃厚香醇得黎唔會好咸，而係真真正正地食到老火豚味，就知道bb 唔知煲左不下10個鐘。飲起黎真係好好飲，讚。叉燒 - 肩肉叉燒有三大塊，外加碎叉燒。薄切肩肉叉燒，肥瘦得宜，煮得好軟身唔韌，咬落去濃厚豚骨湯底竟然掩唔過呢塊叉燒既肉香，頂級質素。豚骨拉麵較少採用碎叉燒，所以BB ramen比埋碎叉燒有驚喜，肉質韌韌地，有肉味依舊濃郁，一啖一粒好滿足！！麵質 - foodki 選擇超硬麵，係博多系拉麵常用既幼麵。但黎到既時候，個麵淋左少少，但依然富咬口同嚼勁，幼身彈牙。掛湯能力足夠，讚。滿意。配料 - 蔥好新鮮，配上豚骨湯底，帶黎清新既味道，best配搭。木耳同樣新鮮，食起上黎係爽既，掛起豚骨湯底，，令口感更豐富。溏心蛋(8/10) $10 - 煮得岩岩好，一咬，流心蛋黃爆出，好香蛋味，少少咸，真係超好食好滿足。真係忍唔住飲曬成碗湯，好滿足好滿足好好食，強烈推介。總結，香港最好味既豚骨拉麵真係只此一家，比起而家既豚王實在好太多，高水準日本拉麵。我一定會再黎食。…Read More