Sapporo Ramen En (Panda Place)

放工之後，因為想去living plaza 買d 野，所以去左悅來坊商場。饑腸轆轆，就地食埋飯，揀岩呢間日本拉麵。餐廳為半開放式設計，地方闊落，門口擺左隻巨型多啦a 夢同你say hello，內裡既檯凳、地下牆身用左好多木既元素，掛上多個紅燈籠，又有dd 似一架泛舟既夜船上。先yak 個小食，南瓜炸薯餅新鮮滾熱辣炸好，外面脆炸香口，裡面甜甜的，如果再點埋沙律醬就多少少酸味味，令人開胃~試左一碗豚軟骨拉麵，個麵一擺上檯聞落好香，佢既有豬油既香氣，但overall 質感都係清既，唔會話好thick 好肥膩咁。湯底可以揀味噌、醬油或者鹽味，都係札幌拉麵常見既口味，要左醬油。幾舊豬軟骨好大舊，全部肉既部份都好腍身，咬開之後仲會見裡面仲係呈微粉紅色，黏連少少肥膏，算係高質~跟麵有半隻溏心蛋，本身已經醃得好入味，浸係醬油湯之中，會再一種甜醬油既甜味，激讚！單點拉麵既其中一個add on 係額外既溏心蛋連汽水，加$16，呢個堅推介，汽水就咁單叫都$12，而且佢係多一隻成隻蛋！最後再嗌串串燒點綴下，呢個雞軟骨滿口炭燒既氣味，同是軟骨，但佢比頭先d 豬軟骨脆口好多，可以咬好多下，過足口癮。…Read More

荃灣一向多嘢食悅來坊地庫原來都有個小天地唔係朋友帶 真係唔知可能因為咁 人流偏少.餐廳裝修特別用心昏黃燈光 木座椅貫切日式風格🍱⛩坐得舒服係值得一試嘅日式拉麵店🍜豚軟骨拉麵豬軟骨好軟淋湯底同札幌螃蟹拉麵一樣但小編偏好呢款🍜札幌螃蟹拉麵湯底偏重麵豉味麵質彈牙烹煮時間控制不錯🍜北海道南瓜炸薯餅必食之選！熱辣辣 即炸香脆炸醬薄 唔油膩👍🏻好怕食到滿咀油小編覺得唔洗點附送嘅蛋黃醬反而更帶出南瓜嘅天然香甜味…Read More

重要嘅事情要講三次 。我真係好鍾意食日本嘢食日本嘢食日本嘢，不論壽司刺身燒肉拉麵等等 ，既然冇得飛去日本，咁就只有捐窿捐罅搵好食嘅拉麵 。今日就去到荃灣悅來坊嘅元札幌食拉麵一試究竟。我叫咗一碗豚軟骨拉麵 $82 。 食得出豬軟骨用猛火烹製咗好耐， 豬軟骨好林好林，一入口就鬆化，加上脂肪同根煮到好似啫喱狀咁，口感非常豐富。 而且湯底都好濃郁，都接近日本正宗拉麵嘅風味 。除此之外，個人比較喜歡色黃色攣身嘅拉麵，呢一碗拉麵嘅硬度正合我心意。另外仲叫咗和風炸雞$42。 如圖所示 ，炸雞嘅份量都唔小，每一件都大大件 ，咬入口雞肉都算嫩滑 ，熱辣辣 。如果嫌熱氣嘅話可以加少少檸檬汁 ，又或者先浸落湯度 先至再食都可以。碗拉麵嘅份量都好足夠，加埋炸雞，食曬之後我連晚飯都冇食到，哈哈。另外想講講店舖裝修，都好跟足日本拉麵舖嘅風格 ，無疑係提升咗成個食拉麵嘅體驗 。PS: 門口有個好大個叮噹figure ,食之前可以同佢一齊合照喔。…Read More

今晚屋企無飯食，去左荃灣揾細妹解決，因為佢公司好近悅來坊，所以就去左睇下有咩好食，細妹話想食日本菜，所以就去左試呢間拉麵店裝潢方面真係好貼近日本餐廳，燈光、牆身設計、燈籠裝飾都係日本餐廳既特色，好欣賞佢放左好多多啦A夢既公仔俾人影相，好有心思見到d公仔就知店主放左好多心機多啦a夢係一大影相位茶杯都好靚好有日本風味坐落我地就即刻點菜，餐廳主要係提供飯、拉麵同小食見到有最新推介，我當然要試下，最後揀左一個豚(豬)軟骨拉麵同北海道芝士忌廉炸雞飯拉麵既份量比食開既多豚（豬）軟骨有三大件，煮得好腍好入味，而且中間隔住層薄薄既油脂，入口好香但又唔會太膩，恰到好處抵讚，有軟骨既位入口唔使點咬就呑得，小朋友都岩食豚（豬）軟骨係有水準之作北海道芝士忌廉炸雞飯都無令我地失望，炸雞簡直係出色，難怪係餐廳推介成個set有沙律、麵豉湯、茶碗蒸同主菜四樣，主菜份量好多，炸雞四件，有三件超大件，熱辣辣上菜，咬開仲出緊煙，食一啖就覺值回票價，炸雞既炸粉薄到幾乎無，但雞肉仍然可以幼嫩多汁，而且好厚肉好驚喜有咁既水準，忌廉汁有薯仔雞肉同洋蔥，好足料，配飯一流$73呢個價錢配呢個份量同質素係超值呀!!!茶碗蒸既蛋都好滑好足料，有肉有冬菇有蟹柳，麵豉湯唔會係死咸整體水準都好高…Read More

今日放工後約了兩位好友係荃灣搵野食，因為朋友想吃拉麵，所以便想到悅來呢間元札幌拉麵拉麵麵店門面很和風，有很多日式燈籠，外面有數張檯，而室內都有數張檯座位數目都不少。由於今晚我們六點幾已到，所以不用等位安排入座後看看餐牌，有多款不同的拉麵和小食我們一人點了一碗拉麵再加添一些小食share來吃連茶杯都幾靚，有餐廳名字跟日系枝豆看似都是普通的小食。但枝豆其實都可以好特別好好味。枝豆的外皮灑上鹽，當要咬時會嚐到鹹鹹的，十分惹味。中間的豆大大粒、卜卜脆很滋味炸雞juicy外皮香脆。加入了檸檬汁變得更為滋味，酸酸的，十分開胃，一件又一件的放到口中如果有多幾件就更好了我們跟拉麵加添了一份餃子，餃子多汁，中間餡料又多滋味無比重點拉麵時間到了每碗拉麵份量都不少。有大量配料跟麵底這款是雜錦拉麵，內有多款不同食材，有至正至流心的溏心蛋，有肉厚多肉的叉燒、有蟹棒，有豚軟骨、粟米、好多食材。這款拉麵什麼都有，不用煩惱要選那一種我點選了蟹棒拉麵湯底香濃。最喜歡湯底濃而不膩，就算吃完麵都不會太口渴。證明沒有味精蟹棒鮮甜一啖又一啖的麵放到口中爽口彈牙另一位朋友點的。又是鋪上了滿滿的食物，大量配料，每啖麵都沾上了湯汁環境舒適價錢合理到七點多開始門外已有不少食客在等位了所以都不好意思坐太耐，不過這小店的確不錯下次要再來encore…Read More

唔知大家朋友之間會唔會有搵食團之類嘅群組？而我大專時期就有一個「拉麵團」，朋友會專登尋覓唔同區嘅拉麵鋪逐間食。雖然好耐無活動，但偶爾見到唔同嘅拉麵鋪都會習慣一試。 今日介紹嘅呢間拉麵鋪，位於大窩口熊貓酒店商場，而B1就即係落一層。由於接近黃昏時間，趁未多人先解決咗晚餐先，所以店內唔算太多人。睇睇餐牌個人覺得唔算太貴，基於都餓嘅原因，所以有得加錢就加，想食就叫。所以最後叫咗兩碗拉麵加溏心蛋同汽水、另再加餃子同一個冷菠菜。另外一提，叫拉麵時如果有指定想要湯底同麵嘅硬度，記得下單前要同侍應講埋啊！否則店家會按照原定嘅豬骨湯落單。最先到係頭盆嘅冷菠菜，預期嘅水準，出乎意料嘅份量。其實本人平時不喜歡食菠菜，但之前試過其他餐店都係用麻醬木魚配冷菠菜嘅配搭後，變得容易入口，而且食後有開胃嘅感覺！其後二人所叫嘅拉麵及額外加嘅溏心蛋都同時上枱，真係大驚喜，無諗到份量都幾多。我柯打嘅係「豚軟骨拉麵・醬油湯底」，而男友個碗係「叉燒拉麵・味噌湯底」，兩個湯底對比過後，二人都一致覺得「醬油湯底」濃厚啲好味啲。拉麵嘅份量都算多，而且頗粗身，所以飽肚感極高。然而呢到嘅豚軟骨及叉燒都唔孤寒，多肉之餘，豚軟骨炆得夠林夠入味，唔會覺得難嚼；而叉燒小試咗一片，唔係平時食開過瘦嘅叉燒，大片且厚度適中，分佈有少少脂肪，易於入口。兩碗麵都值得推薦，只係個人覺得豚軟骨既多肉，又有軟骨兩種口感，拉麵裡仲有半隻溏心蛋，很抵食啊！多叫個份溏心蛋，每隻水準一樣，但一次吃咁多隻都太多了。下次我都要慎重考慮下係咪有需要叫多份。最後自家製手包餃子都到埋，所有食物到齊。餃子餡多，皮唔算太厚，食得出係真・自家製餃子，而且煎至金黃皮脆，所以影完張相，計都唔傾襯熱食就啱喇。總結，整體個人覺得食物水準唔差，且拉麵價錢相宜。吃個便飯之選！…Read More

今天與同事到公司附近的元札幌拉麵店🍜吃午餐~ 一坐下，店員便奉上温熱綠茶🍵一杯。蟹籽沙律，份量比想像中大，可二人share，椰菜絲/青瓜絲/蟹籽口感豐富， 加上沙律醬酸香醒胃。☺️自家製包餃子，外皮微薄焦香，內餡豬肉香口，蘸上醋汁更酸香鮮美~😊豚軟骨拉麵餐🍜，豬軟骨帶肥美甘香的油膏，溏心蛋軟熟入味，麵條彈性適中，湯底加入味噌/奶油/粟米/長蔥，味道鮮甜濃厚，濃而不膩!😊北海道南瓜炸薯餅，外層炸得金黃香脆，內層灼熱香軟的南瓜蓉混合薯蓉，甜美香口~😋跟餐飲品。溫泉蛋牛肉飯餐🍚，份量十足，軟嫩多汁的牛肉鋪滿白飯，温泉蛋🍳為牛肉飯添上馥郁蛋香，滋味十足~😆 跟餐還包沙律、味噌湯及燉蛋，飽肚抵食!👍臨走時，發現這裏有免費玩具給小朋友呢~ 我們也問店員要了一個🎁， 這個午餐真心抵! 😍…Read More

呢輪三兄弟個腸胃都唔好，屋企啲乳酸藥食得七七八八，所以今日過左荃灣間寵物店買乳酸比佢地。後來行到過黎熊貓酒店悅來坊搵食，之前食過呢個商場嘅牛之鍋同定食8，今次就試下地庫呢間「元札幌拉麵」啦。遇上食飯時間，加上店鋪唔大，坐位不多，難免要攞飛等一等。等左5分鐘左右就有位啦，攞起份MENU睇睇，小食同飲品種類都算多，而且價錢都幾抵下喎。主食方面，有拉麵同飯可供選擇，而拉麵除了有3款湯底，味噌、醬油同埋鹽味可揀之外，連麵嘅軟硬度都有得揀，認真貼心。牆上嘅木制掛牌相當精緻，令店鋪沾上一番日本風味。先黎小食，串燒雞軟骨，雖然稍為乾了點，但仍然食到照燒味道，而且好香好脆。串燒雞翼，外皮燒得夠晒香脆，價錢只係$15咋，真係好抵食。極力推介呢個燒牛舌，呢度個牛舌不單夠厚，而且相當惹味，口感十足。有機會一定要試下。老婆點左豚軟骨拉麵，選了醬油湯底及硬身麵底。佢最鍾意隻流心蛋，唔會太生或太熟，啱啱好。豚軟骨煮得夠腍，有咬口，而麵底就夠晒彈牙。而我個牛肋條飯連沙律、蒸蛋、麵湯都只係$75，認真超值。而且份量都唔細，正常男人食量都夠飽架。…Read More