Butao Ramen (New Town Plaza)

平時好少食拉麵，之前聽過豚王的拉麵出名，但未有機會試，今天剛好在沙田，見唔洗排隊，所以就試一試！拉麵可以按個人喜好搭配，可選湯底，湯的濃度，面可選粗幼、軟硬，要不要蔥等，跟在日本吃的形式一樣！🔸「豚王」🔸豬骨湯味好濃，揀左幼麵，有少少似中式的幼麵，索湯汁一流，肉的部分比較肥，一半都係肥肉，好油，食一舊就唔想食！.🔸「赤王」🔸小辣都係有點辣，湯底都好濃，麵都係揀左幼麵，好彩濃味食完都不會感覺口渴！.🔸「煎餃」🔸意外地好好食，底煎得脆卜卜，餡放左蒜，好香，唔會膩，可以食十隻！！.整體拉麵一般，唔算特別出色，反而煎餃有驚喜，推薦要試試煎餃！…Read More

很多人都会拿一兰和豚王来比较，其实我觉得作为日式拉面，它们是不相上下，各有优点的不管去任何店，我都会尝试一下这家店最经典的菜品。“豚王”果然没让我失望! 豚骨汤底很浓郁，可以看得出来是许多食材精心熬制了很久才制成的高汤，已经呈现为奶白色 拉面十分劲道! 不会觉得过硬或太坨，面本身也有一种微微的甜味包菜和黑木耳丝其实没有特别的突出，和普通的并没有太大的不同，但可以吃出来食材很新鲜豚肉好评!厚薄度适中，不肥不腻，唯一的缺点大概是吃不够!哈哈哈糖心蛋也没有太大的记忆啦，但我觉得糖心蛋和日式拉面就是一体的，一起吃才完美!…Read More

今日喺沙田放工，約左朋友喺新城市廣場搵食。放工時間周圍都好多人，但見豚王少d人，等左5分鐘就有位。入到去環境都唔錯，但我個位咁啱有條橫柱頂住伸唔到腳，唔太舒服😞。至於拉麵，叫左碗肩肉豚王（豬骨湯）幼麵，普通醬油走油走蒜。淨湯底巳經好香，麵條有韌度，兩塊肩肉唔太肥，夾埋一齊食啱啱好。平時食拉麵都覺得d湯好鹹，食完之後勁口渴，但豚王就唔會，可以自己揀湯底，少油少味精，食完都冇咁肥。😎😎朋友叫左碗黑王（墨魚汁湯底），少辣。碗麵上面有個類似黑色雪糕球的物體，朋友話食落去好似係蒜粒，湯底有海鮮味，徝得一試。另外試埋兩款日本啤酒🍺，惠比壽全麥啤酒（金色）和札幌啤酒（銀色）。推薦前者，麥味比較重😋。…Read More

夜晚去完沙田個文化中心睇完野咁就返返去沙田市中心搵野食突然想食拉麵所以就去呢間豚王好多人等緊真係好多人我係到咗一個鐘等既期間就去咗行一田既入到去 我地係坐中間既大枱黎好大張枱 每一個人個位都闊落舒適既咁望咗一陣餐牌我點返個普通既豚王拉麵朋友點咗個辣既我試咗佢個碗一啖個辣味都幾惹味 我覺得唔錯而我呢個原味拉麵都唔錯但唔算話好出色件叉燒麻麻地 我覺得好一般下個湯底唔算惹味整體都係一般但沙田真係太多人啦到到都要等成層食野個間到冇一間唔駛等搵野食真係難…Read More

凍凍地的晚上9點幾，想食碗熱辣辣的面食，即刻諗到豚王，好彩佢收晚上11點。可能都夜了，完全不用等位，但赤王同限定王都無lu, 咁我同朋友就叫左一客豚王同翠王，雖然明明係想食赤王。熱辣辣的拉麵轉眼就送到我面前，tick左2的辣，感覺都唔係好辣，下次可以試下3；我特別鍾意豚王，可以選擇面的硬度同湯的濃度，亦可以選擇多garlic, 讓我選擇自己喜歡的口味，感覺上亦比較似在日本食拉麵的味道。枱上有辣粉可以自己加辣，另外有蘋果調味醋。日式拉麵一般都比較咸，豚王亦同日本的拉麵店一樣有一壺水係每枱，不會迫你叫野飲。…Read More

豚王一直都在我的到訪清單内，雖然老公一直在慨歎，本地的過江龍總是比不起日本當地的拉麵水準，只是個人認為這準則未免太苛刻了，這如同要求日本人做出地道的中華料理一樣，難矣。因此，當遇上口碑滿載的拉麵店時，我倆還是樂意一嚐的。食友曾向我力推這一家豚王，說是重口味之選，而這正合我意，那就試試它的實力吧！這是到沙田遊走，這家豚王近在咫尺，下午時分客人不多，不用排隊輪候便可入座，始終不是只有一家分店的那當時了。要坐上二人食桌是難事，只有選坐中央的大木桌了。平心而論環境是其次，最重要還拉麵的質素吧！拉麵選項十分簡單：豚王、赤王、黑王、翠王，還有一款限定。湯底、配菜、麵質、辛度都可按個人口味選取。原味的豚王($88)湯底的濃稠，是黏得掛嘴的程度，那是用上不同部位的豚肉豬骨熬出的成果，喝下有濃厚的豬骨香氣。麵選正常硬度的太麵，正常的的拉麵粗度，出來硬度凖繩，也有蛋香。湯底夠濃的關係，連帶配料也因此而美味度大增，因此老公追加了木耳和紫菜各一份，木耳($8)是滿滿的一碗，而紫菜($8)跟豚王也是十分搭配。席間見不少食客追加麵條，除了飽肚的考量外，如不是湯底夠濃夠稠，客人才不會願意加麵了吧! 那三片豚腩肉叉燒確是令人又愛又恨，切成薄片的五花腩看似肥膩得很，但放心都是膠質甚重的豬皮而已，而且當你放入口中，首當其衝是那濃厚豚香，伴隨的是那弹性與靭性，顯得更滋味特別。辣味的赤王($95)先嚐一口辣湯，除了基底那豚骨味噌的濃鮮外，湯辛辣而不嗆喉，帶甜甜的溫潤感。中央部分辣味肉醬撤滿了辣椒粉，但同樣不算死辣，蘸伴着幼麵來吃更滋味。麵質選了個人十分鍾愛的硬麵，不是以生麵充當硬麵，硬度令人滿意。肩肉叉燒偏瘦，脂肪少，相對地肉香更濃，很適合配搭重口味的赤王。這赤王很適合我這等口中說愛辣，卻又怕辣之輩吧！不得不提的是豚王的半熟蛋($16)，把蛋用筷子戳開後便知對辧，濃稠黏糊的蛋漿配淡淡醬油香，真有衝動再追加一份呢！在拉麵店吃甜品最是不宜，而我也實在是太無聊了，竟追加了這杏仁豆腐($16)。還好不是現成包裝的那種，不過也没有好到那裡去，就是用杏仁豆腐粉做的，杏香淡淡的幾近全無，還好有黑糖的點綴，入口涼絲絲的，就當是吃拉麵後降降溫的甜點吧！服務，是一個加分位。對坐有一家大小，當中有個兩三歳的小女孩，男店員不止為她端來兒童餐具，還拿了一籃糖果逗孩子，更拿來畫紙和筆給女孩畫畫，想不到拉麵店對小客人也貼心如此，那男店員親切的態度，感覺還真像日系的陽光暖男。有說豚王水準下降，才光顧不過一次的我實在不好評論甚麼，對我來說拉麵美味就好，合意也就更好了。對重口味的我而言，這豚王、赤王，還是有值得再訪的理由的。…Read More

之前新聞都有講過, 馬鞍山是個美食沙漠, 餐廳少但人多.間間餐廳不論食物質素好與壞, 都會大排長龍.在馬鞍山出街食飯, 真的要花時間排隊.不想排隊的話, 就唯有坐巴士或小巴到沙田了.今次我就和朋友仔到沙田的豚王食晚餐.店員先放下餐牌和點餐紙.豚王拉麵共有五款:豚王、黑王、赤王、翠王和限定王.今期的限定王是鰹魚王.除了拉麵的基本配菜, 食客還可以加錢另加配菜.在點餐紙中先選拉麵款式, 再按自己喜好選擇醬料、配菜和麵.我因為腸胃最近不好, 所以選擇了豚王, 即是原味.朋友仔喜歡食辣, 所以選擇了赤王.而他的湯底選擇都比我的選擇重口味.豚王 HK$88賣相雖然與普通拉麵差不多, 但味道相當不錯.湯底是很濃的豬骨湯, 而且不會覺得很油膩.另外, 我只選擇了普通分量的秘製醬油和蒜蓉, 所以都不會重口味.左上角棗紅色的醬是豚王的自家制唐辛醬, 這個是1辛的份量.唐辛醬與豬骨湯混合後, 湯的顏色並沒有太大分別, 可能醬比較少, 所以不覺有辣味.野菜方面, 我選擇了椰菜, 椰菜口感與木耳絲一樣爽脆.叉燒肉中, 我選擇了肩肉, 因為我覺得肩肉比腩肉瘦.肩肉雖然薄, 但size約有一隻手掌大, 而且每碗有兩片.我覺得拉麵與糖心蛋是perfect match, 食拉麵一定要食糖心蛋.豚王的糖心蛋是與拉麵分開上的.糖心日本蛋 HK$17不過一隻蛋HK$17其實都挺貴的.糖心蛋好好味.赤王 HK$95赤王的湯底紅紅的, 看起來好像好辣, 但湯底的紅色只是香料的顏色而已, 辣味都是來自唐辛醬.除了湯底, 還有兩種麵選擇 - 細麵 (幼麵) 或太麵 (扁平麵).這個是細麵 (幼麵).這個是太麵 (扁平麵).我覺得兩者不論是賣相或口感都沒有太大分別.總括來說, 食物味道不錯, 份量都正常, 男生都會食得飽.價錢方面與其他日本拉麵店相比, 不算貴.拉麵口味選擇不多, 但正是日本拉麵店的特色.其實在沙田等位食晚飯的人雖然都有很多, 但已經比馬鞍山好得多了.…Read More

Boxing Day 假期嚟到沙田，到處都人山人海，好彩有個New Town Plaza apps可以排隊拎飛，非常方便，令今晚慳了不少排隊時間！（第一次食豚王）晚上7點45分入座，一入到去即刻點餐：一碗豚王、要硬粗麵濃湯肩肉 + 一碗黑豚、要多蒜濃湯腩肉 + 加一隻糖心蛋、一塊紫菜、一罐啤酒 豚王湯濃好香，麵硬度剛好，但係用普通蔥花但唔係大蔥⋯⋯ 黑豚好濃嘅蒜香，但本人覺得鹹了一點點，但都已經唔錯。啤酒並不是draugh beer，而係俾一罐你自己搞掂。 由入去到埋單都係用咗廿分鐘左右，呢到上菜好快，而且啲人流轉得好快，味道又幾好，都已經好好，絕對係日式快餐首選！…Read More

阿P好鍾意食拉麵，阿J就唔太like，因為我好怕食啲蒸氣不斷湧上塊面度嘅食物。不過凡事都有例外，每次係沙田新城市探望完同事之後，都會心思思想來豚王喝豬骨湯，加上下午茶時間通常都唔洗等位，於是PJ便決定來個quick tea。我只喜歡豚王的豬骨湯拉麵，因為這裡可細緻地要求味道的濃度及調味。最開心可以走哂啲葱、蒜、芝蔴及麻油，吃拉麵時可盡情享受豬骨湯的精華。豬肉每次都選肩位，全瘦肉卻keep到軟熟。我最怕食淋及粉的拉麵，豚王的麵身雖然及唔上一蘭般彈牙，但也算爽滑。整體上豚王的水準平均，每次食都滿意。阿P的口味比我多元化，他勇於嘗試Daily Special及雜錦Combo。他今天試了翠王，綠色的湯底內加了羅勒，加埋啲芝士阿P話個湯底好濃味。湯底內的橄欖油同芝士味幾夾，不過佢話都係黑王最好味。服務員勤快有禮，環境開陽乾淨。最好係排隊時間短，唔洗同人迫。…Read More

住係沙田既我已經五係第一次食豚王啦～由第一次男朋友帶過我黎食之後，就一直心思思想再食！甘岩今日我奶奶不在家煮午飯，屋企又冇嘢食，就自己一丁友出左去食飯。我有選擇困難症～想食漢堡包～又想食丼飯～又想食牛扒～最後都係覺得食拉麵最好，一碗過！又快，又夠自閉！可能係下午茶時間，五洗等位！坐底就會有人俾杯冰水同張落單紙俾你揀。我叫左豚王。—味道濃度～濃—香味油～濃—蒜蓉～超多—叉燒肉～腩肉—野菜～葱—唐辛醬～2辛—麵種類～幼麵—軟硬度～超硬加$17溏心蛋白色既湯底很濃稠，五會好咸！好好味！可以食哂成碗！最好味係隻溏心蛋～真係做到好溏心～如果五係甘貴，一定加多幾隻食「其實好想食一蘭架，不過要去到甘遠。幾時沙田都開反間一蘭，方便一下我呢d自閉仔！！！」…Read More

黑王又話新城市無人既？星期六依舊多人到嘔，3:00pm間間食店都爆哂，只有在暗角的豚王無人排隊。最愛這兒的黑王，湯底濃稠香甜，配上硬扁麵多蔥多芝麻掛上湯頭的麵條極美味，正！FB專頁: smallsmallsmalllin…Read More

是日相約朋友去沙田食lunch，由於本人一個星期總要食幾次麵食，咁朋友就推薦去豚王啦，我都冇乜所謂，反正好耐冇食過，就決定食呢間lu~去到竟然唔使等位，我記得豚王岩岩黎香港個時排隊起碼要個幾鐘，睇黎香港人都係貪新忘舊尤其是宜家開左咁多拉麵鋪~好講番間野先，入面唔算好大，不過坐得幾闊落~黎得一蘭食就預左唔會有太多口味選擇，都係果4款(豚王、黑王、赤王、翠王)，我原來掙扎緊要豚王同翠王，翠王有芝士呀my fav!不過呢聽晚要去食放題，都係唔好食得咁heavy，我就決定要豚王算啦~朋友都係叫豚王~跟住就自己圈你碗拉麵想要幾多醬油呀、辣油呀、要咩肉同菜、麵要軟定硬等等，每次都好似填問卷咁，填完俾個店員就得架啦~店員會記得邊個叫左邊碗，唔怕溝亂朋友同我個碗俾完張野店員先見到有限定發售既蜆王，盛惠$90早知叫呢個啦，我好鍾意會蜆架，個湯應該會好好飲！唔知下次黎食仲有冇呢個蜆王呢？唔知係咪因為鋪頭冇乜人，所以我地碗拉麵好快就到左~雖然好耐冇食過，但仍然係咁好味湯底有好濃既豬骨味，有d膠質，又見到有d油，真係煲出黎架~兩塊肩肉好堅，超大塊麵我揀左細同軟，我覺得腍度岩岩好，好正雖然香港越開越多拉麵店，但豚王係唯一幾間我會返轉頭再食既，希望佢可以一路keep住呢個水準啦~…Read More

細佬喺外國讀書嗰陣，成日話好想食日本拉麵，叫我喺香港試勻佢，然後帶佢去食喎！我都好想幫佢，但係香港人鍾意嘅日本拉麵，通常都係濃厚又重膠質嘅豬骨湯底，自己個胃又唔爭氣……試咗幾間就頂唔順，但覺得豚王都唔錯。呢日一家人去開沙田，就還細佬一個心願啦！首先介紹豚王。湯底好香豬骨味，膠質未算太重，幾啱我口味。翠王，加入新鮮羅勒葉同埋大量芝士粉，似fusion菜，味道幾特別，都唔錯。黑王好杰好鹹，據講落咗墨魚汁。喂！要有海鮮嘅鮮味唔需要鹹到嘔㗎！黑王鹹到嘔，赤王就辣到嘔。辣到根本食唔出碗麵有其他味。如果你無辣不歡，可以一試。個人就喜歡一風堂嘅赤丸，微辣得嚟有層次感。結論係，原味最好食。想變吓款？翠王啦！其他就咪搞。為咗款原味，值得嚟一次。…Read More

終於有機會一試豚王, 係中環灣仔經過好多次, 由於太多人排隊, 真係無時間等.係沙田睇完7點半, 問問老婆, 連對拉麵一般既佢都話想一試加上唔洗排隊, 咁就行左入去.太太點左一碗豚王, 一嚟到試下個湯先, 幾好味~ 佢點幼麵+腩肉 (連唔好拉麵既佢都話好食, 得)我黠左個赤王, 8辛辣, 我要湯濃香油多, 因為我加左麵, 怕加既時候唔夠味, 結果我猜對了 岩岩食既時候較濃, 加左麵味道都夠, 唔錯~~唔錯! 唯一係我太高估自己, 飽得濟~ (其實個半麵岩岩好, 可惜無得嗌半個)個麵幾有咬口, 因為我要"普通", 個人口味而言, 確係比外面幾間有名拉麵好食. 試完冇名大於實既感覺. …Read More

19.10.2013這天神級拉麫店豚王登錄了沙田新城市廣場了對於我這沙田友來說，實在是喜訊。好多人都係知道豚王人客多，要排隊輪候至街尾今次要介紹不用呆等位的方法:我地download 左新城市廣場的Apps, 可以用手機取票我們在坐車前往新城市廣場時已在手機按定票了重可以request 拉面枱tim!!!Apps可以看到叫到幾多號，重有5位，個apps會提醒你ga~~ 好Happy ga~我地坐車前往時已按定票，一去到就有位了!看看這班呆等的人們?! 嘻嘻其實我們是第一次試豚王，這是會吃上癮的拉麵喔!有四種口味可選，我們叫了豚王及翠王日本街頭拉麵檔的氣息，坐得較迫翠王是加上了羅勒、橄欖油及芝士粉的豚王選擇不多，但大家可選面低、軟硬度及肉的種類這裡的麵條有幼麵和太麵兩種, 我選擇了幼麵，冷生選擇了太麵太麵是較扁平麵, 更具口感, 但掛湯能力傳統細麵較優勝評語:【環境: 3】有點像日本街頭拉麵檔的氣息，中間有數張大長方枱，搭枱是必然的了，而且坐得較迫【服務: 4】新開張的關係，我們下單後，拉麵等成十多分鍾，但他們也有主動向客人解釋及積極熱心服務【味道: 4.5】麵的掛湯度很高，湯底味豚肉味濃，有想喝光光的感覺。肩肉也很腍，但個人覺得比較像火腿的口感，稍為差了點【抵食: 4】好貴a~~$83-$93一個，但也值得一試…Read More