Hung Kee Seafood Restaurant

喺西貢試過幾間海鮮午餐，今次第一次試洪記。二人餐$498，比其他幾間貴少少，不過未食過呢間就試吓。好大有幾個舖位，都多人食，除咗海鮮，仲有點心，好似茶樓咁。海鮮二人餐$498，揀4款，再送炒菜同水果，免加一，但要收茶錢，每位$15。另外點心唔係免加一，所以如果你叫埋點心，就要加一。點心紙椒鹽鮮魷炸粉多，魷魚唔係好大舊，唔厚，唔熱菠蘿咕嚕肉算正常，夠淋，唔太肥芝士波士頓龍蝦伊麵芝士汁比較稀，不太濃味，龍蝦得兩舊比較多肉伊麵都係唔熱的點心似係翻炸，唔脆，比較硬沙律明蝦角蒜蓉蝦春卷豉椒炒蟶子幾彈牙，不過唔太入味清炒時蔬，白菜仔送水果，橙整體價錢比其他貴，份量不多，而且全部食物都係凍，唔熱的，得個炒菜係熱。點心更加唔推薦…Read More

早上在土瓜灣食完個late breakfast後，趁平日放假就入西貢行下。搭船等候入去完鹽田梓，正正就是在洪記門外，睇到2人海鮮餐都幾實惠，都心思思想試吓，於是一回程上岸後就入去食個early dinner，果時大概4點20分左右😅😅呢個時段，餐廳冇咩人，我和男友揀選坐室內。$498免收加一但茶位收$15/位，包括花生，橋頭各一碟。椒鹽鮮魷- 炸粉厚左啲，亦冇想像中脆口，真係有點失望。豉椒炒蟶子 - 有3大隻，豉椒味佐料都幾香口，但蟶子肉質都係一般，又係有啲失望。清炒菜心 - 炒得唔錯，唔會過熟。2人餐再送碟菜，算唔錯架啦。薑蔥焗蟹 - 有2隻，有肉，冇霉，有薑蔥未，比想像中好喎😲 都惹味既。芝士龍蝦伊麵 - 主角最後上場。職員話已轉晒西澳龍蝦喎🙄 份量比預期中豐富，肉質都彈牙，而且啖啖肉。伊麵硬身左少少，芝士汁可以多返啲就好好多。整體而言，CP值高既😋。用$498食到海鮮餐，有龍蝦，蟹，蟶子⋯再加碟菜，兩個人食都幾飽肚，而且質素算係咁啦。出去市區邊可能食到呢？同埋呢個時段冇乜人，廚房都煮得算唔錯架啦😆😆Overall, 我會比3.5分。食完都只不過5點半，但開始見到有其他食客入場了…Read More

情人節唔想去食西餐俾人劏, 所以一行4人去左西貢食海鮮, 一直對西貢海鮮街嘅印象係劏遊客, 所以冇乜本地人去食, 但有見疫情期間小左遊客, 同都有朋友介紹話幾好食, 所以黎試下, 起碼情人節都冇人價先, 跟番閒日menu, 有得叫海鮮set. 我地叫左個5份海鮮set (平版~1000, 貴版~1100 免加一), 有生果同炒菜送. 總括黎講海鮮係幾新鮮嘅, 淨食海鮮都夠飽, 但某幾碟就會稍嫌偏貴, 如果我以每碟200蚊黎計. 不過大時大節唔加價, 食完可以去海傍行下飲杯野, 都算係一個幾好嘅體驗.推薦: 5/10環境: 唔知有冇室內位, 不過好似9成都係室外位, 情人節當日有小小凍, 舖頭有提供火爐仔, 同埋都cover嘅, 只係野食都會幾快凍. 好彩當日食煙嘅人唔算多, 唔知舖頭有冇分到吸煙區服務: 中式餐廳黎講服務都算唔錯(餐冇收加一, 只有啤酒收加一), 侍應都有禮貌, 都好快回應到客人需要.野食: 椒鹽鮮魷合格, 唔算好好食, 200蚊黎講偏貴, 唔係件件都完整, 有d碎魷魚白灼蝦個質感好硬淨新鮮, 食落都好新鮮, 都算多蝦, 成碟只有1,2隻係梅.上湯龍蝦伊麵可以揀芝士或上湯, 份量都大份, 龍蝦就一隻到啦, 揀左西澳龍蝦, 味道OK豉椒炒蟶子4人份量俾左6隻, 200蚊就唔抵lor, 但都新鮮嘅蒜蓉蒸扇貝首先佢真係扇貝, 唔係用殼加個急凍帶子(喺西貢都真係食過), 不過得4隻, 200蚊有d貴, 但係味道OK嘅…Read More

過年與朋友到西貢一天遊，在碼頭搭船去橋咀，來回$30，之後到洪記海鮮酒樓晚飯。選了個二人套餐，轉西澳龍蝦唔洗加錢。我們點了上湯龍蝦加伊麵底，清蒸海上鮮（黃立倉），白灼海生蝦，炒蟶子，再加一個蟹肉粟米羹。龍蝦食落唔太鮮味，海蝦普普通通，蟶子就是全晚最好食的海鮮，條魚亦是一般般。埋單$692，價錢就唔太貴，當晚就唔太多人，下次會試下其他食肆。…Read More

平時嚟西貢都係搭船出海玩🏖，好少真真正正搵間嘢坐低食飯，難得平日放假，老遠入嚟行下，見D人多數食海鮮，兩條友又驚比人劏，見洪記有套餐供應，咁就唔使煩嗌個2人套餐$488，估唔到間嘢下午都咁旺場，原來有茶巿，個套餐可揀4款指定菜式，咁就梗係揀哂海鮮啦！豉椒炒蟶子，炒得啱啱熟，爽脆鮮甜波士頓龍蝦伊麵底，嘩❗️個伊麵成個餅咁好乾，芝士汁又唔夠，猶如乾啃🥴椒鹽焗鮮魷，如果個粉漿薄身D，會更香口清蒸海上鮮🐟，漏咗單🙄乜都食哂都未游到嚟，條魚仲要唔新鮮，基本上碟碟餸都唔夠熱，唔通我去錯時段 …Read More

👍🏻🦐 驚喜海生蝦。西貢超值海鮮餐🦞💖🍴洪記海鮮酒樓📍西貢海旁廣場兆日大樓地下6號及9-10號城市人在假日都總愛遠離塵囂，享受一下慢活寧靜。這卻令得平日相較市區寧靜的西貢，特別擠擁🤣🙈今日原本book左在西貢食西餐chill一chill🥂，但行下行下，見到西貢碼頭附近的酒家全都做緊西澳紅龍優惠 - 套餐的波士頓龍蝦全都可以免費轉上湯/芝士西澳龍蝦❗️🦞🦞🦞Offer真心好吸引👉🏻👈🏻，心郁郁就入去試下🤤🤤🤤酒樓有兩層，可自選室外 (地面層) 或室內 (二樓)，距海的遠近或有不同，但基本上都能欣賞到西貢海景🌊😎🔅優惠二人世界海鮮套餐🔅套餐有得自選四款海鮮/小菜，另送清炒時蔬及果盤👅 上湯西澳龍蝦伊麵底 🦞有4-5舊蝦肉，約半隻，兩個人都夠食蝦肉雖肥厚，但不夠爽甜、彈牙，同埋好鹹 (唔係海水鹹，而落左好多鹽嗰隻鹹)，我估應該係醃左好耐保鮮所以會咁🤭🤫🤫不過有得免費由波士頓龍蝦轉西澳紅龍，仍是超值😀👍🏻👅 白灼海生蝦🦐驚喜❗️睇落d蝦細細隻，仲少少🤏頹🤣完全估唔到會咁彈牙、咁鮮甜❗️好新鮮👍🏻👍🏻👍🏻👅 豉椒炒蟶子 蟶子爽口，有鹹鮮味，尺寸以套餐來講算是好大🤤🤤入口仲有少少🤏辣，幾惹味😋😋👅 蒜蓉粉絲蒸元貝 🐚元貝有鮮味，但啲粉絲未浸腍就拎去蒸，好硬😵👅 清炒時蔬正常炒唐生菜🥬，味道OK🐷🐷整體評價: 整體食材🦞🦐🐚 新鮮，人均$276能在西貢假日享受到海景及四款不錯的海鮮，非常超值💰😁😁之前總覺得套餐的海鮮，質素不高，會將貨就價。但今次二人世界海鮮套餐真心掂❗️雖然套餐不能像自選海鮮般自訂烹煮方式，但卻因此節約了人力成本，令餐廳在不降低食物質素的情況下，讓客人能以更優惠的價錢享用到美食，正呀👍🏻🤤🤤🤤…Read More

行完橋咀洲，一點半番到黎西貢平日西貢真係無咩人，決定試下d 海鮮揀左最近碼頭既洪記我地得三個人～二人餐都係四百幾，有四款海鮮加送碟菜其實都已經夠食我地叫左龍蝦e 面，比既龍蝦都算多肉起碼一人有兩舊，即係有成六舊但個面勁碎。。連埋個汁成pat 野，真係無乜胃口椒鹽鮮魷反而正，份量都夠，而且又脆口又夠味蟶子佢就按二人就上兩條，但都算大條既配菜都夠多，味道唔會太鹹，都幾好味仲有個蒸扇貝，都係得兩件，扇貝蒸完就好細舊啦仲有碟菜係送既，無得揀，都正常水準，三個人都夠食最後送埋生果～d 橙好甜，每人有兩舊仔都ok 架～:)建議上二樓，窗邊望住個海食野都幾chill…Read More

明天就要飛啦，有幾日食唔到香港野，相公提議不如去西貢食海鮮餐，當然舉腳贊成。我同相公去西貢食通常揀套餐食，貪價錢穩定，唔會係海鮮價。平時食開金輝，今次諗住試下其他。係西貢行左一圈，唔再試米芝蓮全記，菜式雖然精緻但份量少唔夠食就試左呢間，居然有驚喜。首先講明免加一但唔包茶芥，茶芥每人15蚊，是有點貴。再看白飯價錢，每位又係15蚊，好貴。為了有飽肚感，於是要左份大蝦伊麵。如果你係好鍾意食芝士咁你一定會話正，因為芝士汁實在過多，不是水汪汪的，但我嫌佢過多啦，似芝士蝦湯麵多d，不過蝦係大隻又新鮮的。我地以為蟶子是幾隻細細隻，無諗過每人一大隻，炒得惹味，好耐無食過蟶子皇，好好食。d汁撈飯一流，可惜飯太貴:(另一個喜出望外菜式就係蒜蓉粉絲蒸元貝，元貝又係大大隻，好滿足薑葱炒蟹都好好食，蟹肉鮮甜，如果呢隻蟹可以大隻d就perfect啦時菜係送的，我們request菜芯，侍應姐姐話如果有就俾呢款菜我地啦，否則廚房自己話事。來的果然是菜芯，份量都ok足夠。Good!最後侍應送上切開的生果橙。呢餐好滿足。…Read More

喜歡海鮮的我，每逢去到西貢，即使原本打算試下其他餐廳，但每當經過碼頭附近的海鮮菜館街，最終還是抵受不了誘惑，雙手不由自主地接過宣傳單張，當看到合心水的，雙腿就自自然然地步進菜館今次亦一如以往，接過一張又一張宣傳單章，但選店方面卻有所不同，繼前兩次到過全記及通記後，於各方面都不太合心意，所以這次又改試另一間-「洪記」洪記的招牌十分搶眼，舖外有大量新鮮海產供食客揀選，就像一個小型水族館一樣～由於當日天氣實在太熱，我們要求坐進室內位置涼涼冷氣，室內位置不算太多，主要以大圓枱為主，環境尚算光鮮然而室外位置比室內多很多，人頭湧湧，非常壯觀細看菜單下，發覺「優惠二人世界」好像廷不錯，有11款海鮮/小菜供選擇，任選4款，另附送油菜一碟及飯後果，只是$388 。美中不足是芝士伊麵只是配以中蝦而不是龍蝦，雖然如些，但亦無礙我這個芝士愛好者的決心！照點可也～另外還選擇了豉汁炒蟶子，蒜蓉粉絲蒸扇貝及椒鹽焗鮮魷坐低後首先送來花生，喬頭及辣醬～喬頭大大粒，賣相可愛，但我不太喜歡這個味道，反而友人卻十分喜歡，把所有都吃光了～而我就比較喜歡花生，炸得十分香脆～不過由於太熱氣，不敢吃太多～豉椒炒蟶子首先來到的是炒蟶子，原本我倆對套餐已有心理準備，食物質素只會一般，預計蟶子只會採用小蟶子炒成一碟上碟，所以看到實物時，不禁哇！了一聲，蟶子長度只係比等筷子短一點，當然蟶子比較幼身，但已經令我倆非常喜出望外了蟶子已去除內臟，再以豉椒，洋蔥及青/紅椒等材料炒香，非常惹味。肥大的蟶子肉十分新鮮，爽口彈牙，肉質嫩滑，火候控制得剛剛好，非常值得一讚！椒鹽鮮魷第二道上菜的是椒鹽魷魚～份量不少～黃金色的炸鮮魷上，撒有炸蒜粒及椒絲，香氣滿溢，魷魚不算太油，漿粉炸得尚算鬆化，雖然鮮魷肉質鮮嫩，但因為切得薄身，令口感欠奉芝士中蝦伊麵兩隻大大的中蝦放在芝士伊麵上，雖然不是龍蝦，但賣相仍然吸引，中蝦已貼心地把蝦殼一分為二並去除腸臟～蝦身不過蝦肉不太爽口，感覺是冰鮮蝦而不是新鮮海蝦吧. . .而芝士伊麵的芝士味較淡，沒有芝士香，伊麵帶點韌力，不會被芝士汁浸得過淋，麵質尚可接受蒜茸粉絲蒸扇貝賣相完全不討好，白雪雪，乾爭爭的. . .扇貝上放有一堆非常咸的蒜蓉醬，扇貝十分瘦弱. . .比前幾道菜式遜色很多. . .可幸的是扇貝雖小但肉質還算新鮮,若果加上少許生油或甜豉油應該會較好～附送的油菜十分嫩綠，油份不算太多～可以清清口內的油膩感～最後還有生果為當晚畫上一個完美的句號～後記:雖然不是每道餸菜也十分出色，但以套餐價$388來說，水準算是相當不錯，加上對上兩間的質素比較遜色，相比起來更令我大感意外～不過起菜的速度慢了點，聽到有部分客人追了數次，餸菜仍然還沒到，顯得有些不耐煩…Read More