Choi Kee Private

星期日晚同老公去銅鑼灣財記辣蟹私房菜食晚飯。茶位每人$10，花生$15，另外仲要加一服務費。避風塘炒辣蟹食唔起，所以叫下其它平易近人啲既野食。豉椒炒蜆 $98份量十足，味道惹味，送飯一流，我見好多枱都有叫黎食。絲苗白飯 $15叫左碗白飯黎share食，唔係好大碗。秘製沙薑雞(半隻) $138雞肉嫩滑，沙薑味突出，半隻都好多。芝士焗蝦球伊麵 $188大大隻既蝦炸過，好香脆，加上伊麵同熱溶芝士撈勻一齊吃，十分邪惡但好食。…Read More

「財記辣蟹私房菜」位於銅鑼灣駱克道，地下入口有𨋢可上到二、三樓餐廳。二樓餐廳設有電視。而三樓主要設有廂房，適合朋友、家庭及商務聚餐。本身約咗舊同事銅鑼灣收工食飯，突然落起雨，於是就隨意選了附近這間餐廳。除了主打各款蟹菜式，亦供應不少時令海鮮。此外，亦有炒粉麵飯及很多款巧手小菜。《 椒鹽鮮魷 》（$100） 魷魚鮮嫩肉厚，炸至金黃，香脆惹味，加上適量椒鹽，配埋啤酒一流。《 馬拉盞通菜 》（$82）馬拉盞好香，仲有好多鮮味蝦乾，通菜青嫩好好味。《 豉椒炒蜆 》（$98）蜆肉超級肥美，豉椒汁夠香濃不油膩，炒得好出色。《 葱油雞 》（$138/半隻）爆蔥鋪滿雞面，雞肉有雞味，皮薄肉嫰滑，味道夠鹽香，送飯一流。《 福建炒飯 》（$88）足料雞肉、冬菇、元貝鮮蝦肉粒、菜芯、红蘿白等，配上炒飯底，飯粒粒分明，煙靭有咬口。《蒜蓉粉絲蒸聖子皇》（時價）聖子皇內厚嫰滑，十分肥美，鮮甜好味，加上蒜𦴦粉絲蒸，食到舔舔脷。各款小菜及炒飯，都十分出色，而且價錢一啲都唔貴，坦白說今次很有驚喜，值得推薦大家一試。…Read More

以前去了幾次越華會，他們關門了以後，聽説在相同地址開了這家財記。剛好家裏有人生日，所以訂了這裏慶生。這裏每碟的份量不多，我們六個大人最後點了十樣菜。水準好似比以前越華會差了；鍋氣還是很夠，但就是覺得無以前出色，譬如椒鹽魷魚就好一般，魷魚普通一塊塊地切，就無切花；除了蒜頭之外，也好似無加其他材料一起炸。整體來講算不錯但就無驚喜，但如果同朋友來食飯聚聚的話，是很經濟的選擇。…Read More

生日好想食海鮮，諗起大大隻既肉蟹🦀專門食避風塘辣蟹既餐廳唔多，係openrice見到財記順便訂埋二人餐試吓，開頭驚唔夠食，點知好飽當日去到已經全場爆哂，講吓有咩食先～豉椒炒蜆～辣辣地好惹味，最緊要係蜆肉飽滿，最驚瘦蒸大蟶子～兩隻一人一隻，新鮮好味，上枱前淋左油，好味主角避風塘炒辣蟹～呢隻係額外加左$150，有一斤幾，炸蒜同避風塘好香好惹味，辣蟹係選用肉蟹，好大舊肉，但有啲痴殼，如果炒得再入味多少少，更好豉油王炒麵～炒得好香，啲面仲脆脆地，但油左少少蒜蓉炒時蔬～炒白菜仔，清清地，啱晒紅豆糖水總括來講，都係好滿意，下次會再嚟食…Read More

放工走去銅鑼灣試下呢間朋友介紹的中菜小炒，聽講除左食🦀好出名，D海鮮都幾好食。餐廳燈光明亮，座位寬敞舒適。今次點左四度菜試下。鮮奶蛋白🦐蝦仁 好少見到餐廳會做呢道菜式，我估係因為工序比較麻煩吧。鮮奶蛋白滑溜而不膩，加上大大隻的彈牙蝦仁，撈埋飯真係一流！豉椒炒蜆炒蜆夠鑊氣。有別於街邊大排檔，蜆的size明顯比較大。而且蜆肉肥美，配上惹味豉椒醬汁，愈食愈停不到手。椒鹽鮮魷椒鹽味濃，魷魚肉彈牙，點埋喼汁，鮮味更加激發出來。薑蔥魚雲粥呢鍋粥有豐富的魚頭肉，鍋粥帶有清新薑蔥同鮮嫩的魚肉香味，而且有番咁上下份量，真係抵食超值!…Read More