Bobsang Green

近年素食比之前流行，青衣城呢間素食餐廳賣點在於香港比較少見既韓式素食，同埋semi buffet，每人一款素食main course，包埋任食既buffet bar，食物款式都幾多元化主菜：香煎素豬肉流心芝士漢堡扒望落同一般煎肉餅真係無分別😆連個味都好似，幾可亂真！雖說流心，但其實似拉絲芝心多d（芝士都係素），個餡一d都唔膩，一個人食哂三塊都得😎成塊漢堡口感做到好結實，食落口唔會好油淋淋，素漢堡做到咁既味道同質素都非常抵讚了～主菜：素芝士炸素魚腐漢堡超大份！食呢個個胃都飽左一半😆材料非常豐富，想一口咬落去都十分有難度，塊包有稍微烘過，所以微熱同幾香口魚腐好大塊，口感似白魚蛋，偏彈牙但因為配料都幾多，有芝士碎、蕃茄、生菜，同埋醬汁，所以如果塊魚腐唔係炸，而係普通煎煮，感覺會無咁heavy😛伴碟既紫薯片好味👍🏻脆口零油味，紫薯味都好足Buffet bar選擇都幾多，有湯有粥有伴飯有年糕有素部隊鍋我無攞飯，但就拎左d伴飯既材料，所有都好新鮮抵讚既地方係所有野食擺出黎既份量唔會好多，而係keep住refill，確保食物新鮮同唔會擺太耐又唔會有過多調味料，清清淡淡夠健康😌甜品方面拎左蛋撻、朱古力撻、豆腐花撻類唔會好甜，但撻底有少少偏淋，朱古力撻有驚喜，因為咬開d朱古力好實心😍店員話豆腐花係每日新鮮整，喺公和豆腐度攞貨🤗食落口真係好滑，比出面既豆腐花有過之而無不及～加埋紅棗粒、桃膠，好養生好岩女仔食（但有d桃膠未煮夠時間，所以有d硬）整體都好好，素食黎講算多選擇，勝在main course都已經夠飽肚😚食食下聽到隔離枱有位素食客人同店員大讚，仲話已經share左比佢素食group既朋友😇見有d朋友話服務麻麻，但我平日夜晚去又還好😆雖然都滿座，但見到每枱客人坐低個陣店員都有介紹是日精選，而且有d都會停低傾兩句🤔…Read More

早幾月看到一篇文章的報導，是介紹素食自助餐，其中一間餐廳就在我工作地點附近，一直想去試。剛巧友人剛剛去完旅行回來，約我飯聚及給我手信，所以我就提議不如食得清淡點，試一試這間餐廳吧。來到餐廳門口，覺得很特別，因為門牌上寫的是韓文，原來是一間韓式的自助餐，女職員安排我們入座。她非常細心，安坐後就為我們遂一介紹。原來這間餐廳是半自助餐，先在主餐牌點一個主菜，然後可在外邊揀選自己喜歡的食物再食。她先介紹主餐牌的主食，然後再告訴外面食物甚樣分類，到哪裡可拿該款食物，最令我留意的，就是她推介這裡的豆腐花，是每日用公和豆腐新鮮製造。入座的時候已看到餐廳客人是滿滿的，非常熱鬧，環境光猛，乾淨整潔。還有這間餐廳很貼心，椅子下有一個籃，客人可以將自己的隨身物件放進去 ，讓客人坐得舒適。我跟友人選了素芝士炸魚腐漢堡及香煎豬肉流心芝士漢堡扒。等了五分鐘左右，先上主菜素芝士炸魚腐漢堡。魚腐是厚厚的，咬落去非常實在，加上有淡淡的芝士味道，非常香口。因為用素芝士的關係，所以味道不及用牛奶做的濃。雖然是這樣，但是厚厚的魚腐足以令你很滿足。另外旁邊有一點點配菜，是焗蕃薯，非常脆及可口，而醬料當然是韓式的甜辣椒醬。食完第一道主菜後，等了很久都沒上第二道主菜。另一女職員亦很細心，提一提我們可以在外面拿食物，我們告訴她還未上第二度主菜，她就主動為我們跟進，令我們再一次覺得她們的服務很好。待女職員跟進後，五分鐘就已經為我們送上第二度主菜，這個是香煎豬肉流心芝士漢堡。豬肉被做成漢堡扒，煎得香香的，旁邊的小碟裝著生菜，將生菜夾豬肉一同享用。咬下去有肉味，可能夾著芝士，然後吃下去有juicy的感覺，所以就覺得像吃真的肉一樣。客人也流轉得快，我們一邊食，旁邊的客人走，跟著就有新客人。看到外邊食物沒有，就已經很快有職員將它填補。吃完主菜，其實已經有點飽，但看到外邊這麼豐富，當然一定要試試。外邊有湯品區及弱品區，紫菜伴飯區，部隊鍋區。友人很喜歡吃伴飯，她拿一些自己喜歡的材料去伴飯，吃少少都可以，不用浪費。我就拿了一個部隊火鍋，湯有兩款，傳統韓式湯及素雞清湯，而我這個是素雞湯，我加一點點菇及菜就夠。另外我也拿了一些沙律菜，沙律菜很新鮮，咬落去好爽口，不是淋的。湯類有兩款，一款是南瓜養生粥，另一款是泡菜豆腐湯，我就比較喜歡泡菜豆腐湯，因為味道是酸酸的，像羅宋湯，有很多蕃茄，很有鮮味。另一款有重重的南瓜味，但味道就淡了一點。最後，就是甜品時間，當然要食用公和豆腐做的豆腐花。豆腐花真的非常滑，因為我太遲取，所以我拿的時候已見底，不夠熱，但還有辦法，我把豆腐花放在芝麻糊裡，芝麻糊是一直有爐保溫，所以就熱辣辣。芝麻糊味道不錯，不太甜，如果再濃一點會更好吃。另一款好食的西式甜品，就是朱古力撻，朱古力味比較濃，而且不是太甜。已經吃飽了，時間亦不早，沒有想過平日是食肉獸的我，沒有想過會喜歡這類型的素食，下次會再來。…Read More

最近同一個食素的同事去食飯，所以一定要揾一些食素的餐廳，上網揾就揾到其中一間樸生上素，所以就去左食。地點係青衣城都方便易揾，餐廳以半自助形式運作，即係先揀一個素主食，再自助任食沙律、前菜、甜品、火鍋、飲品、湯同紫菜伴飯。主食有三款，會定期轉餐牌，我揀左芝士豆腐漢堡，上碟時見到都幾大份，基本上要分開先食到，味道都不錯，我比較鍾意個豆腐，都幾入味。其實食完個漢堡都已經半飽，再去睇下自助吧有咩食。我揀左凱撒沙律、羽衣甘藍紫薯沙律、焗南瓜、青瓜同蓮藕。凱撒沙律個麵包粒比較淋，而紫薯沙律味道不太夾，紫薯粒好食，但核桃就可能吸收左沙律水份，變得無咁好食，覺得啲沙律比較普通，食完一次就未必想再夾。焗南瓜都ok的，真係有整到佢入味，同南瓜夠淋，唔錯。青瓜就無咩特別，因為佢只係切左一舊青瓜加沙律醬。蓮藕食完有再食多次，因為佢加左一些好似糖醬來煮，甜甜幾，幾特別。熱食有幾款可以揀，可以食自助火鍋，主要淥菇、年糕同素腸，湯底有清湯同泡菜湯。仲有紫菜伴飯，自選配料自己伴。最後仲有杞子南瓜粥同泡菜番茄湯，南瓜粥就好似湯咁，夠濃同稠，用嚟食火鍋都幾好味。飲品凍飲就有柚子茶同粟米茶，熱就有蘋果同薑選擇，要自己沖。甜品就有豆腐花、蛋撻、朱古力撻同芝士蛋糕。豆腐花都好滑，要咩配料又係自己揀，我就揀返最經典的黃糖了。蛋撻味道一般，未必令人有翻食的感覺。芝士蛋糕就都係正常口味，不過不失。但係朱古力撻就相對好食，朱古力慕絲又不會太甜，所以比較恰到好處，如果唔係太飽，佢絕對係翻食之選。總括自助吧食物睇落顏色豐富，但款式其實不多，不過連同主菜味道不過不失，都係一個唔錯的素食選擇。…Read More

少肉多菜是我近年的飲食習慣。亞妹今日有好介紹，帶我去了青衣城一間韓式餐廳，最初以為沒有什麼特別，又是燒烤之類...原來是素食料理。semi- buffet形式，三款主菜選一，自助有沙律，火鍋，湯，甜品和飲品。講都唔信只係$168、去邊到搵到呢！主菜是照燒素芝士加拿大茄子，嘩好大，好肥美的茄子。照燒汁調味剛好不會太濃，茄子啖啖甜美有口感。食完主菜食自製沙律，不自覺地夾了好多，有蔬菜，生果，乾果，淋上柚子醋汁，賣相紅，橙，黃，緑，好美好健康。材料新鮮，當然味道不錯。又試一下自製火鍋，只要將食材放入煲內，返回自己坐位，有一個爐可㷛煮，好快有一個獨一無二的火鍋了。湯有二款，我喜歡南瓜雪耳那個湯，綿綿的口感，還有好多雪耳，好味。甜品有芝士蛋糕，蛋撻，朱古力撻和豆腐花。豆腐花可加入配料如芝麻粉，奇亞子，龍眼肉等等，好特別好滑溜。芝士蛋糕芝味清香，好好味啊！亞妹真係好介紹，今晚食得好飽足又滿足。…Read More