Shanghai Man Ka Chuen Restaurant

星期六預約左深水埗主教山前配水庫，去之前係深水埗附近搵餐廳食晏，福榮街出名多好嘢食，見好耐無食上海菜，就決定食依間上海萬家村小館。………………………………………………回鍋肉粗炒 ⭐️⭐️⭐️⭐️回鍋肉片都幾多，麵條幾有咬口，醬汁幾濃味，炒得好均勻，炒完仲有少少醬汁濕潤，唔會好乾身。手拍小青瓜 ⭐️⭐️醬汁幾好味，但係青瓜就唔太入味。招牌鮮肉包汁小籠包5隻 ⭐️⭐️⭐️⭐️⭐️小籠包包皮好薄，裏面好多肉汁，唔會一夾起就穿，豬肉餡都好新鮮，食落好好味。川式水煮魚片配菜飯 ⭐️⭐️⭐️魚片份量以午市套餐嚟講都幾多，配料仲有芽菜、薯粉、木耳、蒜蓉。唔算好辣，食落夠麻，不過魚片肉質比較林。而菜飯就用菜粒、菜油煮成，味道都幾健康，但係就無咩咸肉味。豆漿⭐️⭐️⭐️⭐️⭐️清甜有豆香，又唔會太甜太濃。好飲………………………………………………萬家村嘅午市套餐好抵食，大概$60已經有炒粉麵飯，仲包埋豆漿，而且品質都真係唔錯，性價比算好高！…查看更多

假期約左朋友去深水埗睇電腦，夜晚係附近餐廳食飯。餐廳主打上海菜，我哋叫左幾款食物，小籠包即叫即蒸，皮薄餡靚，肉汁鮮甜。鎮江肴肉, 肉質彈滑，有滿滿既骨膠原，蘸上鎮江醋和薑絲，味道更佳。主菜有金銀炒鱔糊，鱔肉新鮮爽脆，醬汁香濃入味，韭黃炒得好香無渣，芽菜爽口，好啱用黎送飯食。上海粗炒，炒得乾身有鑊氣，完全唔油膩，配搭豆板醬食，十分惹味。餐廳還會送上自家製豆漿免費享用，豆漿豆味香濃，甜度適中。下次去深水埗買野，除左車仔麵，仲有多個選擇。…查看更多

呢排心思思想食上海野，今次來開深水埗呢頭睇電腦嘢，一於就食吓呢間喺黃金附近嘅上海萬家村小館啦，聽講性價比仲要好高添，梗係要即刻來食返籠小籠包～招牌鮮肉爆汁小籠包(5隻)💰HK$48外皮非常之薄，口感柔軟細緻，一咬落去內裡嘅湯汁就爆哂出來，內餡充滿豐富嘅肉香，香氣四溢～爆汁蟹粉小籠包(5隻)💰HK$118個人覺得蟹粉小籠包更加優秀，除咗有豬肉嘅香味，仲多咗一種蟹肉嘅鮮甜味，令人回味無窮～香煎鮮肉鍋貼(5隻)💰HK$47鮮肉鍋貼外皮煎到金黃酥脆，內餡豐滿多汁，可以一次過享受哂雙重嘅口感～紅油抄手💰HK$50餃子皮薄得來又好滑，餡料多汁，配搭埋紅油酸酸辣辣，令人好開胃～螞蟻上樹💰HK$78粉絲軟滑得來又夠哂入味，味道微微辣好惹味！豬肉碎亦為粉絲增添咗豐富嘅口感，令人食慾大開忍唔住食晒成兜～✨豆漿入口順滑，豆味香濃～…查看更多

大家好今次去左深水埗既上海萬家村小館食晚飯呢間店在黃金電腦商場附近既食街閒日晚上去都幾多人我點左松子魚二人套餐己經包左湯 小籠包 小菜 松子魚 炒飯 甜品同埋飲品首先上既豆漿兩杯都有豆味小食我揀左四喜烤麩都幾入味好多人都點跟住就係招牌小籠包皮薄同充滿湯汁配埋薑絲醋就最正酸辣湯酸辣度適中仲有好多料好似豆腐 蝦 雲耳絲仲有非常足料既揚州炒飯有好多蝦 雞肉 同火腿飯都炒得夠乾身同有葱和蛋香松子魚炸好香脆魚肉仲保持左D肉汁同埋仲有好多糖醋汁小菜我揀左回鍋肉份量都幾多味道就係好正宗既豆板醬味道唔太辣最後上既豆沙鍋餅都係即炸外皮好香脆紅豆餡料唔會太甜幾岩我口味總括呢間店價錢好抵400蚊可以食到好多樣食飯味道仲幾唔錯…查看更多

最近有啲掛住家鄉，就去食一食家鄉菜回憶下舊時嘅時光，老家就係黎自上海，成日經過但都未有入去食過，今次就一於試下！涼拌四拼，四拼包括花雕醉雞、雞絲粉皮、麻油海蜇、鎮江餚肉，前菜黎講好豐富！花雕雞入口嫩滑，帶酒味甘苦，雞絲粉皮麻醬調配岩岩好，海蜇蜇清爽爽脆，鎮江肉咸香夠味，食落個份量都唔少，聚會必點！西蘭花炒蝦球(客)，西蘭花爽脆，蝦球鮮嫩彈牙，口感豐富，而且大大份，但調味小鹹。鮮肉小籠包，雖然抵食，但不幸地5個有4個都穿左，而且皮身較厚，比較之下較一般。回鍋肉炒年糕，充滿香料與香辣惹味衝擊，年糕Q彈，配上香口回鍋肉，同爽口菜底，配飯一流！江南菜係香港賣少見少，所以一定要支持下！套餐配嘅豆漿，豆味香，而且甜度適中！…查看更多