Star Of Canton

今日落住毛毛雨，天氣有點涼，最好就係飲碗熱湯，所以選擇今晚要食中菜！喺中上環附近，搵到呢一間有promotion，有我至愛嘅叉燒同埋燉湯，仲要唔係普通燉湯，係”佛跳牆”, 唔使$200一set, 就決定這一間！點菜的時候，店員很細心，就算是一隻雞蛋都問清楚我地係要熟蛋，定係要太陽蛋。呢碗黯然銷魂飯有驚喜，首先我選擇嘅熟蛋，有我最愛嘅「窿」邊, 同埋佢嘅叉燒果然係谷飼，谷飼嘅肉質會比較肥美，因為營養多啲，夠juicy 卻沒有肥膏，好味！叫咗promotion set，所以仲有迷你佛跳牆，其實都唔使講咁多，應該睇相就知道有幾足料，鮑魚、雞腳、魚翅、海參、冬菇，講明係迷你，當然樣樣都係細細件，不過真係全部俾足你囉，同埋個湯都好清甜，呢個set真係非常「平民版」，平時呢個價錢淨係碗佛跳牆都唔止。另外我哋order咗芝士焗蟹蓋同埋小炒王。如果鍾意食濃味嘅應該會鍾意佢嘅小炒王，入面加咗好多蝦干，好香口。至於蟹蓋，𥚃面仲有迷你帶子，個汁OK，如果可以多啲芝士應該會更加好味。最後仲有糖水送，不過因為已經好滿足，所以沒有要了。…Read More

早排先知朋友係上環返工，今日就約左佢兩個人嚟飲下茶見好多人介紹佢個谷飼豚肉叉燒飯($68)，就嗌左個嚟試$68一大碗飯，再加碗老火湯原本以為又係語言偽術，將舊叉燒加上”谷飼”同”豚肉”就高級左咁依碗雖然都只係叉燒飯，但舊叉燒好軟好好食配埋燶邊既太陽蛋同豉油撈飯，係好典型既港式美食難怪要叫佢做谷飼豚肉，因為佢同普通酒樓既叉燒飯真係好大分別真係好好食老火湯老好足料米網沙律蝦春卷($42)食落口感幾得意食落咬咬下又真係有成隻蝦係入面棉花白兔仔($20.8)見到依啲兔仔食物，例牌都要講句：怎麼可以吃兔兔外面鋪左滿滿既椰絲，咬落好軟，啱晒我個港女朋友欖仁上素水晶餃($38)入面好多餡八味孜然豆腐($54)炸得好好食，外脆內軟口腐仲keep到好滑點住啲喼汁，一路食一路吹水，真係唔覺意就可以啪左成碟仲嗌左個沙嗲金錢肚($38)今次仲好好彩有房坐，可以靜啲咁同朋友傾下計…Read More

見利寶閣邁向20年有大量優惠, 所以就同屋企人去左上環利寶閣食晚飯. 19:00準時到達, 因為BOOK左枱所以好快就入到去.初初以為唔會有好多人, 點知都有7,8成FULL. 睇黎大家都係俾D優惠吸引.呢度食中菜黎講都唔算貴, 因為阿媽想試下個佛跳牆,所以我地就叫左個優惠價$188既谷飼豚肉叉燒飯+佛跳牆.估唔到都有D驚喜, 個叉燒飯D厚切叉燒肥瘦適中, 又淋又香, 真係幾好食.加埋隻半生熟蛋撈飯, 堅正.個佛跳牆都唔錯, 好鬼足料, 有鮑魚,海參,魚翅, 花膠等等, 個湯好濃好正, 我地最後食到連湯渣都冇得淨XD.另外我地又叫左$98半隻既香酥雞, 隻雞都炸得幾香, 個皮都幾脆, D雞肉都KEEP到幾滑, 係略為淡左少少, 要配少少薑蓉食先夠味 我地仲叫左個碧綠炒斑球, D斑球都幾厚身, 魚既份量都算多, 食落都好有魚味, 值得一試.下一個餸係爽肉珍珠鮑, D爽肉同D葱好香好野味, 好啱餸飯, 不過D珍珠鮑就較為失色, SIZE略細.最後仲有個免費蕃薯糖水送, 大滿足!整体食物質素唔錯, 服務不俗, 環境優靜, 適合一家聚會.…Read More

有睇過食神嘅都知道星爺最後用一碗黯然銷魂飯打敗咗佛跳牆，估唔到利寶閣都有星粉，將呢兩樣野變成一個套餐。睇星爺長大嘅我當然要去試一試呢個套餐啦。上環分店地方都算大，平日夜晚去食都估唔到都有七八成入座率，還好我地早黎到，唔需要等位。今晚係為咗呢個叉燒飯佛跳牆套餐而嚟，所以就叫咗一份。周年優惠嘅香酥雞半隻都係98，再加多一個欖仁蟹肉桂花炒瑤柱。黯然銷魂飯，如果你覺得佢係一個普通嘅叉燒飯，咁你就大錯特錯啦。碗飯嘅叉燒好掂，係我最愛既半肥瘦。瘦叉嘅部份好冧，入口即溶，唔似出面嘅瘦叉又硬又柴，非常好味。可惜飯入面無加入洋蔥，無辦法感動到喊，哈哈哈哈。佛跳牆用料好足，湯嘅味道好濃好鮮甜，睇黎廚師用咗佢嘅內功將食材嘅鮮味迫晒出嚟。佛跳牆入邊有鮑魚，花膠，魚翅，花菇等等。鮑魚好大隻，好彈牙，花膠好大好黏好多骨膠原，魚翅一絲絲好彈牙，花菇好香。香酥雞唔同平時食嘅炸子雞，佢嘅雞皮係沾左粉去炸，所以係更加香口同脆，但又保持到雞肉嘅嫩滑，非常好味。欖仁蟹肉桂花炒瑤柱，呢個餸有啲似螞蟻上樹，啲蛋碎欖仁同蟹肉沾咗係啲芽菜上面，口感好豐富，而且味道好鮮甜，唔會好重好濃，食落去感覺好舒服。呢個食神套餐真係無得輸，非常抵食，其他小菜水準都好高，值得推介。最後仲要送多一碗好有薑味嘅番薯糖水，大滿足。…Read More

剛去完泰國旅行，除了向各方好友派手信外，當然不能少了最愛的家人一份，今晚就約了老爸俾手信兼吃晚飯。帶老爸吃飯多數揀吃中菜，因為九成都氹到他歡喜，不知今晚又如何？開放式的門口，寬敞闊落，門外放有大型的餐牌，還未走進內裏，老爸已鎖定了目標，哈！一走進內裏便看到一個幾層的大水缸，養着不同種類的生猛海鮮，看來今晚必定大飽口福。大廳環境光猛，鑲上幾排水晶燈，並不俗氣，反而大方典雅。大廳設有多張四至六人的圓枱，亦大有數張十多人的圓枱，還有一間貴賓房，地方寬敞闊落，坐得挺舒適。枱上放了本厚厚的餐簿，內裏還夾着幾張菜單，有推介菜式、懷舊小菜、套餐等等，而餐簿亦分有特色小食、燒味、魚翅靚湯、鮑魚海味、燕窩、海鮮、小菜、時蔬、粉麵、甜品等等，選擇多到令人眼花撩亂，點好？******************************一坐下就有碟色彩豐富的泡菜小吃($18)，三色椒、甘荀 和沙葛 相當爽口，味道辣辣地，刺激味蕾，醒！揀了一壺龍井($15/位)，味道甘香，舒喉解膩。******************************其實說老爸入來之前已鎖定目標，就是正做推廣優惠的谷飼豚肉叉燒飯配原盅佛跳牆(優惠價$188）。先品嚐熱度十足的佛跳牆，以一個紫砂燉盅盛載上枱，保暖度高，喝至尾聲也熱辣辣，正！湯身清澈見底，湯面沒有泛光油，味道鮮香，入口順喉。湯料有腍滑的原隻鮑魚、甘香爽滑的遼參、滑溜的花膠、鮮香的瑤柱、爽身的花菰、嫩滑的雞腳 等等，落足料，滋補養生。雖配有鮑魚汁 調味，但個人就喜歡品嚐各食材的鮮味。谷飼豚肉叉燒飯有五大件叉燒、一隻太陽蛋 和一條青菜，並配有一小碟叉燒汁 和豬油。太陽蛋 煎得好靚仔，邊位焦香，而蛋白蛋黃保持滑溜。先刺插蛋黃跟米飯 拌勻，鮮香的蛋黃滲入飯中，再淋上甜甜地的叉燒汁，配搭美味。每件谷飼豚肉叉燒 都色澤紅潤，邊位帶些焦燶，沾上亮麗的蜜汁，賣相好得。存有肉汁，夾雜甘香油潤的肥膏，半肥瘦之間，比例合宜，肉香中帶些焦香，配埋甜美的叉燒汁，的確色香味俱全，老爸大為讚賞。******************************炆柚皮一向是我家一道情懷菜式，皆因它是老媽一道拿手小菜，令我們一家吃得津津有味，但老媽已很久沒有大顯身手，今晚就要一客蝦籽柚皮（$68）回味一下。一客一件，配上兩棵清爽翠綠的唐生菜。柚皮 製作得相當腍嫩柔軟，存有汁液，並沒有半點苦澀味，讚! 淋滿蝦籽鮑汁，味道剛好，既鹹鮮亦不失柚皮的獨有香味，吃時再蘸上，更添美味，口感和味道都一流！極討老爸歡喜。******************************我就喜歡蒸魚，故揀了一道三色椒蒸龍躉頭腩 ($148/例)。一客約有十多件，加配爽口的雲耳 和清爽的三色椒粒蒸製。龍躉頭腩 肉質潔白，大小厚度中等，肉質紮實帶微爽，雖算不上很嫩滑，但絕不嚡口，最喜歡連帶着魚皮的魚肉，多份煙韌油潤的膠質，正！******************************最後還送上懷舊的花生麥米粥糖水($0)，好窩心！用料十足，粒粒麥米煲至爆花，口感少許彈牙煙韌，而花生煮至半腍，糖水味道不太甜，熱度又剛好，滿意！------------------------------老實說，吃了多天泰國菜，都有些掛住中菜，不竟是中國人，難怪老爸最愛⋯⋯不是我，而是中菜。…Read More

今日出開中上環做野, 就搵下係附近做野嘅母親大人食午飯母親大人話好耐冇2個人去飲茶, 咁就考起我啦! 突然醒起無限極個度有利寶閣, 而且雖然人多, 不過勝在地方夠大, 會係中環呢 D 超多人嘅地方有位!雖然 Menu 方面同一般酒樓差唔多, 都係一 D 點心同炒粉麵, 不過都唔錯有好多野食揀。佢地嘅谷飼豚肉叉燒飯幅圖實在太吸引啦~已經叫左個 set而酒樓少不免會有小食, 而呢度嘅小食都好惹味, 青瓜好爽口, 岩晒消暑, 豆腐干同豆瓣醬味道都配合得好好啊~😋點心先黎左帶子腸粉, 出面嘅帶子腸粉, D 帶子總會有一陣急凍味, 不過呢度一 D 都冇, 連埋裡面嘅翠肉瓜好好食, 而腸粉皮都夠薄同滑再黎炸古法素鵝, 如果食素嘅人實在好岩食材料十分多, 有紅蘿蔔, 菇, 粉絲等等....再炸到香脆, 好鬆化,好有層次啊！之後就係我期待中嘅谷飼豚肉叉燒飯連老火湯外貌好吸引~而食落口半肥瘦嘅叉燒好好食~上面仲有一隻半熟蛋, 送飯好正😊而且仲會有一碟蜜糖叉燒醬同豬油, 拌埋落去, 香味更加突出~係豬油嘅功效啊！而老火湯係老黃瓜湯, 重點係冇味精~仲好足料😆連湯渣都食埋之後黎個灌湯餃, 餃裡面亦都材料十足👍有好多彈牙嘅蝦, 而且上湯都唔會太鹹, 好味道。最後黎埋炸芝士蒜香春捲, 同炸素鵝一樣, 炸得好鬆化, 而芝士同蒜唔會有任何一樣搶左味道, 點埋醋黎食, 即刻變得唔油膩總結: 我地2個人食左好多野😂😂食左差唔多 HKD326, 而叉燒飯絕對唔會令大家失望, 點心亦都好新鮮出色, 大家一於去食啦!…Read More

啱啱過完大海，喺上環信德碼頭落船，同屋企人諗住普普通通搵間酒樓食下飯。見到酒樓門口個牌寫住二十週年誌慶，好多餸菜都有優惠 ，仲要有188蚊嘅原盅佛跳牆， 真係一啲都唔普通！坐低之後，見到啲杯杯碟碟都好靚，有曬花紋，好似宮廷嘅感覺。仲要食埋宮廷菜 - 佛跳牆， 仲唔係皇室的享受。仲有好多款菜色都想揀，而且都好抵食 第一碟餐前小食係五香牛，每塊切得大小適中，厚薄均勻，牛滷得相當入味。主打佛跳牆出場啦，一打開個蓋已經迫晒啲香味出黎，材料豐富，有鮑魚、花膠、雞腳、乾瑤柱、冬菇、遼參等等，湯頭清甜，令人想一嚐再嚐。跟佛跳牆餐送叉燒煎蛋飯，唔好以為普通嘅「佬飯」，其實一啲都唔普通，啲叉燒肥美肉嫩，係谷飼豚肉，而且一塊過，之前蘇施黃都有介紹過嘅「等你哋自拿碗碟來外賣$20叉燒飯」，就係呢個啦！秘製銅盆雞： 相信唔係咁多地方有得食， 所以喺餐牌見到，難得梗係要試一試，上碟前先要用個爐熱一熱去先，再用錫紙包住，上檯嘅時候先至打開錫紙，可以完全保留住雞嘅香味同埋醬汁味道喺銅盆之中，雞肉鮮嫩滑溜，加上有乾蔥蒜片等材料，令雞件更加香噴噴。甜品方面，我哋叫咗個鮮忌廉香芒卷，外面係芒果糯米糍嘅質地，上面有椰絲，入面係芒果布甸咁嘅質地，中間有一層cream，多重口感，而且唔會太甜，味道超正！之後仲有蕃薯湯水送添，蕃薯又甜又粉，糖水薑味十足，食完飯仲對個佛跳牆再三回味，下次一定要返去再試！…Read More

今天下午去了中環德輔道中無限極廣場二199號利寳閣🏢飲茶☕吃午飯😋🍛和點心🥢🍤🥟這裡交通方便，港鐵🚇E出口，地鐵上蓋。入到去環境佈置燈飾給人很舒適的感覺☺，坐下便點了寶利茶☕，茶味濃滑好飲，枱前一小碟野味豆角，香口爽甜😋肚空空，好肚餓，第一道菜就叫了一個谷飼豚肉叉燒飯麵🍲，送一個老火湯🥘。68元算價錢合宜，叉燒肉又滑又淋，超級好味👍， 有機會一定會返轉頭食多次！😀第二個餸係古法鮑汁鳳爪🐔🐤🐣🐥，／花生🥜大粒香囗，炆得好淋．鳯爪大大隻又厚肉，配上鮑汁，味道濃郁，食落去肉質又滑又淋，口感十足，值得向你推介一試👍第三個是大點鮮蝦香芒沙律卷，鮮蝦🍤爽甜新鮮蝦味濃，外脆內軟🌯，入囗香芒滑，配搭吾錯，但份量較少...😿第四個大點是欖仁上素餃🥟， 皮薄餡靚，餡不油膩，有點似潮州粉菓，是健康之選😃最後是甜品中點，棉花白兔仔🐰🐇，一碟三隻造型精緻的可愛小白兔，小朋友長者最啱食，不單外表吸引，入口軟綿綿，甜絲絲，好別緻，使人心甜😍不得不提，還有免茶後免費甜品送，我們那天是蕃薯🍠糖水想食要趁早，因為週年紀念，所以逢星期六日有七折優惠😃…Read More