Sushi Kazu Ishoukuya

日式胡麻醬沙律，蔬菜清新爽口，非常醒胃。味噌湯，味道岩岩好，唔會過鹹或過淡，而且仲有好多片昆布，我好鐘意食。和風蒸蛋，蛋好滑，火喉和份量都需要控制得好好。角切魚生丼($118)，至少用左三款海產魚黎做角切粒，魚生新鮮肥美食到有油脂甘香，再加上三文魚籽令口感層次更豐富。豚肉生薑燒定食($98)，豚肉肥瘦適中，切成簿片，一來方便入口，二來肥膏唔會過多有油膩感，如果真係過於油膩亦附上左青瓜，能幫助清一清口腔味蕾解除油膩，咁就可以繼續食下一片。草莓醬朱古力蛋糕，唔太甜好岩我，蛋糕質地軟綿綿口感。…Read More

食物治療傷悲，如遇優質上盛之佳餚更能令人恢復元氣。今日正午十二時闖入登龍街，不為地舖，及至永光中心搭𨋢直上七樓去療我哀傷。心情低落要杜絕喧鬧，更需要此類精緻雅座。這鮨和展現出「室雅何需大」的道理。店內需正播放着不同版本的英語聖誕歌曲，但音量輕柔不吵耳。午餐一生一熟，心忖似是一生一死，貼近此刻心情。豉油由侍應代斟。生之代表——角切魚生丼，繞曲了的紅竹簽插住附有蝦膏的熟海老置在飯的邊旁，蝦膏似是隱藏了，嚼了幾口才隱隱滲出其鮮其甘。其餘角切粒大小統一，計有：油甘魚（部分連皮炙燒）、三文魚、吞拿魚，再配以三文魚籽點綴，其新鮮度也不用多贅述，配一碗左右的飯量，魚生和飯編配平衡、各司其職。熟之代表——豚肉生姜燒定食，再次展現其細膩烹調。片片豚肉都燒得金黃，原來姜味都藏在每片豚燒內，淡淡的不刺激，還有點甜帶出肉香，和着飯吃非常開胃。兩餐配的胡麻汁三文魚菜沙律，菜新鮮、胡麻汁酸度適中，餐前清醒味蕾；和風蒸蛋蛋味不算濃，但滑溜似吃布甸；終於有味噌湯不鹹，要數這間。跟餐的抹茶雪糕牛奶味凌駕於茶味之上。主要是該美女侍應周旋於枱間下單奉菜，眼明手快，話頭醒尾；另有位靚姨都好細心，見我等吃畢白飯即問用不用添飯。吃完整頓豐富午餐，感覺充足電，又繼續逍遙我人生。…Read More

有時放晏想食日本嘢，但金鐘中環食呢啲真係偏貴，飛巴士出銅鑼灣都係一個選擇同事帶咗我嚟鮨和居食屋，睇門面都幾有日本feel👏🏻價錢又真係幾相宜，環境唔係好嘈好焗促咁都幾適合傾計午市定食仲抵食😍同事嘅角切魚生丼，睇落好多料佢話啲魚生都好鮮同多，配埋青瓜粒好清新我食咗咗幾啖，真係唔錯👏🏻定食會有茶碗蒸同味噌湯食一個定食已經夠晒飽我就叫咗大和照燒雞扒定食睇落有啲家庭feel雞扒切成bite size咁一件件煎香之後沾滿燒汁同花生醬，好啱送飯食到最後仲有餐飲/甜品我要咁甜品：柚子雪葩都幾大球同清清地嘅酸甜味，好適合食飽食少少😍總結: 店員親切有禮，落單要雞扒定食時都有貼心提醒有花生醬小心過敏食物大份抵食，銅鑼灣嚟講幾實惠同環境舒適，推薦💪🏻…Read More

餐廳座落係銅鑼灣登龍街，與Time Square 只係一街之隔👍🏻👍🏻旺中帶靜，平日係Time Square 行街行累了，可考慮到登龍街呢條食街尋寶🤩🤩今次，我選了永光中心的樓上舖，選樓上舖的其中一個原因，當然係因為「性價比」😎😎差唔多價錢，係Time Square 或街舖的，可能超過一半的價錢已經係租金成本，所以樓上舖，同等價錢的，🉑 享受更物超所值的盛宴😋😋今次我地試佢性價比最高的「午市限定」～ 「角切魚生丼」及「蒲燒鰻魚定食」☘️☘️ 角切魚生丼☘️☘️魚的魚油很香，脂肪含量較低的魚類，所含的也主要是不飽和脂肪，有助保持心血管健康，所以關注體重管理的朋友，食多了也沒有罪疚感，可以好好享受食物了😍😍☘️☘️蒲燒鰻魚定食☘️☘️鰻魚可說是入口即溶，除了油脂含量高之外，鰻魚含有維生素A、B1、B2、B2、D、E和Omega-3脂肪酸，配上鰻魚汁，簡直係味蕾上的遊樂場🎡讓人興奮無窮💃🏻💃🏻💃🏻午市限定更配有「沙律」🥗、「味噌湯」、「和風蒸蛋」、「漬物」、「柚子蜜/咖啡」☕️、「雪糕」🍦🤩🤩🤩…Read More