Fung Shing Restaurant (Leighton Road)

已經有一段時間未嚟幫襯過禮頓道嘅鳳城酒家，今晚適逢星期三跑馬日，入馬場前喺附近食個晚飯。點了個鍋貼蝦多士拼大良炒鮮奶，炒鮮奶夠鑊氣夠滑夠香口，蝦多士亦很脆很有口感。隨後的風味釀蟹蓋，以前鳳城應該沒有這個菜式。味道帶有葡汁及少許咖喱味，有蟹肉有蝦肉有香蔥有菇，口感十足！另外嘅百花釀蟹鉗就唔使多講，傳統嘅招牌菜！口感彈牙蝦膠豐滿！跟住甜品西米焗布甸，好彩有預留如果唔係我驚都未必有得食，照舊一樣懷舊甜品，絕對是招牌菜，西米蓮蓉比例一絕！…Read More

友人聽我說鳳城的炸子雞好吃，而她的辦公地點就在灣仔，順理成章便在這裡開餐。舖面和之前略有不同，應是重新裝修過吧，看上去比之前更光猛新淨。期間限定優惠～外賣自取(全天候)或晩市堂食(假期除外)可享8折優惠。另午市外賣自取某些指定粉麵飯或點心，價錢和茶餐廳更是相差不遠。這款「專享孖寶」或「全包宴」其實都幾抵，我們就選擇了前者。蝦多士～麵包酥脆、蝦肉爽彈；吃得出是即叫即炸，相當不錯。菠蘿咕嚕肉～賣相跟常吃的有點不一樣；這個是汁肉分家的，將炸起了的肉置於中間，酸汁料就盛於中空的菠蘿內，味道調配是不錯，可惜肉炸得不夠酥脆，口感粉粉的，看來在脆漿上要落點功夫了。炸蟹鉗～體形壯碩澎湃，外層炸至金黃香脆而肉質甜嫩，蘸點浙醋便已是鮮美味可口了。炸子雞(半隻-孖寶)～也是一道功夫菜，不間斷的將滾油澆上已醃味的雞隻上，直至變得皮脆肉滑；難得的是雞皮內沒藏太多肥膏，食得更健康，三黃雞；水準自然不差！豉椒炒蜆(孖宝)～大牌檔風味，熱呼呼、香噴噴，蜆肉鮮甜惹味，是最佳的下酒菜。紫砂茶壺燉螺頭湯～湯色清澈，螺頭外還有雞腳、圓肉、豬肉、瑤柱、火腿、杞子及陳皮，濃郁甘甜。紫砂茶壺蟲草燉雞湯～蟲草花滋補；配雞肉更是暖胃鮮美；燉煮過後，精華溶於盅內，清甜無比。啫啫芥蘭煲～未見其影、已聞其香，蝦醬再配大大隻的蝦乾，受其加持的芥蘭幾難唔好味啦。西米焗布甸～分量十足，大家很努力也只吃了一半多一點。友人食得開心，炸子雞當然是其中的亮點。鳳城酒家 (禮頓道)地址: 銅鑼灣禮頓道30號地下電話: 28818687…Read More

山珍海錯無人不喜，但手工菜卻令我更為稀罕；是夜便相約志同道合的夥伴們吃此中的表表者 - 順德菜！先來點小吃開開胃、過過口癮，這碟海蜇生腸就是一個「脆」；滑滑彈彈的，夾著少許麻油香，很是不錯。大良炒鮮奶～其靈魂水牛奶；脂香味濃，且較易凝結，然在香港是較難弄到手，折衷方法便混以蛋白拉近差距，可真不是那一回事呢！大良野雞卷～繞著大良炒鮮奶的是野雞卷，冰肉、瘦肉和火腿的組合；車輪外形相當討好，入口酥香帶肉味，不愧為順德名菜。鍋䀡大明蝦～也算是香港人的集體回憶吧，亦是我輩小時候的至愛之一，簡單的組合；已帶來脆香爽彈的口感！桂花炒魚翅～以魚翅、芽菜、雞蛋、蟹肉、金華火腿等炒成，重點在於須乾身、香口，手藝各有不同，這裡的當然值得推介。鳳肝金錢雞～除製作耗時、技巧複雜外，加上現代人大多趨向健康飲食；現已幾近失傳。瘦肉、雞肝及肥豬肉的組合，以多士盛之，方便食用之餘也能減少一點油膩感；而「冰肉」便是其靈魂所在，口感爽實，充滿油香！配濃醇的普洱茶應該相當不錯。脆皮炸子雞～鮮嫩的三黃雞皮薄如紙，酥脆肉嫩；眾人也吃不停口。個人認為如添加適量淮鹽，相信更加惹味。生煎蓮藕餅蜆芥鯪魚球～看似簡單，但要做到外層金黃香脆，蓮藕爽口、肉質彈牙不乾澀；沒有一定功力還真不能辦到，是晚的收貨有餘。馳名順德桂魚卷～厚薄適中的桂魚片裹著杬仁和金華火腿，肉質緊緻嫩滑，魚香中滲出點點鹹香，不錯吃。招牌鳳城炒飯～粒粒分明的炒飯有雞蛋、叉燒、蝦仁和番茄，乾身有鑊氣；無飯不歡的我，吃得甚歡！鳳城炸粉果～另一道現今已不多見的美食，香脆軟糯的外皮裹著冬菇、蝦、花生、芫茜、菜甫等惹味之物，蘸點上湯；微脆帶湯汁的鮮香，煙韌可口！西米焗布甸～人多當然不能錯過這味經典甜品，質感綿滑不過濕，奶香更有蓮蓉香。在什麼也講求快、快、快的今天，食物也趨向速食化，心機手工菜更加令人珍惜！鳳城酒家地址: 銅鑼灣禮頓道30號地下電話: 28818687…Read More

自問本身唔係太喜歡出門食中菜，不過細個讀書成日經過呢度，一於畀個機會佢，好食帶阿媽黎食！招牌炸子雞原來一隻都幾大隻，我地一大班人都食唔曬，建議要一圍先好叫全隻😂除非你哋淨係食雞😂😂外表油光閃閃嘅炸子雞時實際上唔係好油膩，反而外皮薄之餘脆脆地，裡面嘅雞肉既然保持到好滑嘅口感，點少少椒鹽味道更豐富，雞肉做到嫩滑效果其實唔容易！蝦多士 多士用上新鮮麵包製作，令麵包唔會扁曬無空氣感。比起用蝦膠，佢用上成條蝦肉更加彈牙同有鮮味，最神奇係零油膩感，點少少沙律醬已經好好味！椒鹽脆茄子椒鹽系列之中茄子都真係比較少見，可能因為茄子比較難炸得起？但呢碟茄子絕對交足功課，每件size大到大家都諗緊佢係咪算係小食😂 佢椒鹽落得恰到好處，香口但唔會龔鼻，裡面嘅茄子白雪雪，睇落好似好raw咁但實際上已經熟透仲好棉滑，全檯推薦！鳳城鴛鴦粉果 呢個粉果同出面嘅唔同之處係佢用上鵪鶉肉代替豬肉做餡料，裡面加上香菇碎，感覺上唔咁heavy。正確嘅食法係全隻浸落上湯再試，一黎可以脫膩，二來上湯嘅鮮甜可以粉飾粉果，我話佢係響鈴食法，哈哈。鳳肝金錢雞平時食草嘅我要食呢D真係好大挑戰！因為呢碟菜式係肥豬肉加雞肝嘅配搭，實在係邪惡軸心，好彩有塊麵包中和下，入口又無想像中咁肥膩，但一件仔就好，如果平時喜歡食東坡肉的話，應該會好喜歡呢道菜。馳名順德桂魚卷 一開始我其實睇唔到條魚喺邊，後來店員解釋我聽大廚將桂魚骨肉分拆，部份特比卷埋金華火腿！鳳城炒飯呢款炒飯同揚州炒飯最大分別就係多咗D蕃茄粒，令炒飯無咁乾，鹹香味之中滲透蔬菜嘅清甜，飯粒亦然有咬口，食完一碗會想encore呢。西米焗布甸一上檯已經聞到好香蓮蓉味，蓮蓉同西米混合得好好，作為結尾係比滿足更滿足！…Read More

放工後去打保齡，打完保齡緊係要醫肚。同事提議近近地，不如試下鳳城。本身對呢種舊式酒樓無咩好感，但利舞臺嘅中餐又食過哂，就試下呢間。我地一共10人，叫咗十幾樣野，包括上湯龍蝦伊麵，炒象拔蚌，炸子雞，蝦多士等等。由於一開始無期望，所以無影相。食下食下，發現每碟餸都好好味，海鮮又夠新鮮，堅正! 老牌酒家仍然保持水準，難得! 最後食埋個唔太甜嘅西米焗布甸，成餐好完滿。埋單每人都只係$200左右，超值! 下次打保齡一定再黎呢度食!…Read More

順德菜以農鄉特色，以簡單直接的鮮味在粵菜佔一席位，生猛河鮮、大良鮮奶及香口魚腐都是順德菜的一大特色。位於銅鑼灣軒尼斯道的鳳城酒家是美豬蓮一行四人的目標。究竟今回美豬蓮有無新的發現呢？美豬蓮四人一到鳳誠已經是九時多了，所以人數不算多。銅鑼灣鳳城一共兩層，上層樓底較矮，感覺亦覺得擠迫。今次美豬蓮一共點了五道菜，分別有窩貼大明蝦、生菜鵪鶉崧、東江豆腐煲、肉絲炒生麵及蓮蓉西米布甸。先來一道窩貼大明蝦，將海中蝦開邊，並放在麵包上，再上蛋漿及粉後油炸。這道菜像吃蝦多士一樣，但對美豬蓮來說，儘管炸得有幾香，麵包把油過份吸收，感覺十分油膩，每吃一件就驚一 件，有幾好吃都無用啦！怕怕!再來生菜鵪鶉崧，好食！鵪鶉崧夠野味配筍粒一起炒更加爽口，...將生菜包着再加少許乳豬醬就更加美味。東江豆腐煲，鯪魚球夠彈牙有少許果皮味，豆腐亦算滑溜，但欠缺豆味，味道一 般。然後又來一個肉絲炒麵，分量亦不少，夠五至六人吃。麵炸得不算太脆，肉絲和芽菜都很充足，更有芥蘭伴碟，但也是普普通通，沒有令美豬蓮留下深刻的印象。最後上的是美豬蓮最愛的西米焗布甸，熱辣辣就特別好食，金黄色的外表帶點點燒焦的，那吉士和淡奶味香濃，西米亦煮得夠透，配合香滑蓮蓉更加甜在心頭，對着這中西合壁的甜品，美豬蓮連吃兩大碗才能滿足。總括來說，鵪崧布甸味道好，炒麵豆腐未最好。See More…Read More