明記咖啡糖水小食 (Closed)

是日遊覽東區，也安排自己造訪一些東區出名的餐飲小店。5點幾去安利食完碗粉，就一路沿住海濱花園行到西灣河，食食東區人必吃的明記糖水。牆上貼滿了推介的食品和食物照片，也有舊得泛黃的報紙介紹。每人檯都有點菜用的剔剔紙，亦方便大家睇睇究竟有咩類型的甜品。有中式西式台式新式舊式任君選擇! 睇過openrice推介的都是什果西米露和凍餅之類，但小女子已戒凍野一段時間，所以即使大熱天時仍是選了一碗熱的銀杏腐竹雞蛋。碗糖水一送到，第一個反應係: 嘩!好大碗呀!!!!! 都唔知幾耐無試過食$20一碗的糖水，佢嘅份量仲要係人地嘅兩倍!!而且佢唔止份量大架，用料都好足，碗底的銀杏(白果)同薏米多到食極都唔完.....腐竹煮到溶哂，只會偶爾見到一兩塊。同行友人選的西瓜西米露($22):又係好大碗好多料!!椰汁味比較重的一碗，配起爽甜的西瓜和黏黏的西米露，口感豐富。☆不論貧富，相信沒有香港人不喜歡飯後糖水這習慣，食食講講笑笑，以總結每次與朋友情人家人的聚會☆☆隨著近年物價上升，大家而家諗住食糖水之前有沒有要三思的時候呢?因為現在糖水有時比一餐lunch更貴了....像明記這樣平靚正的傳統糖水小店買少見少