Windmill Restaurant & Bar

今日喺沙田考完車，好開心一take pass🤩，於是去咗大圍一間西餐廳慶祝。餐廳距離地鐵站行4分鐘就到，非常方便，有得食乳豬又飲下酒慶祝，好寫意😎。-💛露荀帕爾瑪火腿沙律 $99一上碟就見到有滿滿嘅巴馬火腿，底下有露荀同羅馬生菜，露荀清甜生菜爽脆新鮮，加上巴馬火腿口感柔軟，味道微鹹🥰，做前菜都幾好～-💛西班牙脆皮乳豬配彩椒汁 $229西班牙脆皮乳豬肥瘦適中，皮脆肉嫩，入口即融，簡直不得了😎與平時食嘅中式乳豬有啲唔同，依個乳豬肉質更加鬆化😋，搭配薯仔做伴菜同醬料（有甜醬同帶微酸微辛嘅彩椒汁)，係出面唔會食到嘅味道！👍🏻-💛芝士大網菇黑松露意粉 $179忌廉夠creamy，黑松露味道突出，份量亦都十足。意粉有好多野菌，口感唔錯，唔會過於軟爛🤭。大網菇經過芝士烤焗之後，鎖汁得嚟又惹味🤤，整體唔會令人覺得膩，兩個人share 剛剛好🥰。-💛Mojito $88朋友叫嘅依杯Mojito青檸味max，超級refreshing😍。唔苦得嚟仲帶啲青檸檬香，而且有薄荷葉助攻，令人覺得精神爽利，而且解膩消滯🤩。-💛Strawberry Colada $78依杯飲品質地偏濃稠，裏面有士多啤梨、菠蘿汁、椰奶同牛奶，飲落幾似奶昔，甜度適中😍。個人最鍾意係底部留有一啲果籽，咬落有一啲啲口感，見好多人都有叫，確實唔錯😉。-…Read More

今日同朋友喺沙田踩完單車，嚟到朋友介紹嘅西班牙餐廳 - 風車。餐廳嘅佈置充滿格調，中間有一盞宮庭水晶燈，而且座位寬闊舒適，啱曬同三五知己過嚟食嘢傾偈。首先出場嘅係意式田園沙律配煙燻鴨胸，煙燻嘅鴨胸肉質嫩滑，配上新鮮嘅沙律菜，雖然配搭簡單，但係味道清新，口感層次多樣。之後到今晚嘅主菜波士頓龍蝦意大利粉，龍蝦嘅肉質彈牙配搭蘑菇、洋蔥同埋蘆筍等嘅食材，加上煙韌嘅意粉，味道鮮味濃郁。跟住出場嘅仲有西班牙脆皮乳豬配彩椒汁，乳豬皮脆肉滑，同平時食嘅爐燒乳豬完全唔同。脆皮乳豬既皮又脆又薄，而脆皮下軟軟嘅乳豬肉，口感豐富。碟上仲配有乳豬醬同彩椒汁，可以一次過試曬兩種唔同嘅味道，加埋伴碟嘅薯仔，好好味呀！另外，我哋仲叫咗玫瑰咖啡 ，淡淡嘅玫瑰花香同咖啡嘅味道，為晚餐畫上完美嘅句號。…Read More

比起周圍嘅大排檔同中菜 呢間餐廳望落更吸引我🤤集餐廳同酒吧於一身餐廳好有格調 好大個水晶燈 兩部電視一部喺度播歌 燈光昏暗感覺幾舒服 同朋友黎吹下水睇下波應該幾正🤭餐廳更設有自選套餐及二人套餐 價錢較優惠前菜BB鴨番茄莎莎生菜包唔錯 鴨肉好嫩 蕃茄莎莎幾開胃 底層仲有啲好似韓式辣醬嘅醬汁 帶少少辣味 唔錯阿拉斯加蟹肉餅好出色😍蟹味超出 咬落好鬆軟 而且底層面包唔會好乾同硬👍🏻好易入口西班牙脆皮乳豬好好食 皮唔會好厚 而且燒得好香肉質好嫩好濕潤 唔點汁都好好食 本身醃得好夠味 超多肉 難怪餐廳咁推呢道菜式🥹炸魚柳就食得多 啤酒炸魚都係第一次😋魚炸出黎金黃色好靚 而且都幾大份切開脆皮魚肉非常濕潤嫩滑👍🏻而且好夠味 薯條亦炸得好脆搵日下次第二日放假再黎食飯飲酒!🤤…Read More

記得以前未住大圍時已經偶然黎過呢間餐廳食飯，記得當時既感覺係性價比高既地區小店。所以搬左黎大圍住之後終於有機會再黎試下。😊今晚有波睇，所以現場都有唔少關於世界杯既佈置，幾有氣氛! 不過今日太早到，等唔到咁耐，唯有下次😅😜晚上主要叫a la carte為主，便和老公叫了個沙津、一個意粉同主食share😋落左單好快就先黎左個鹹牛肉沙津🥗，份量唔算好大，2-3人剛好，幾醒胃意粉我就揀左芝士🧀大網菇黑松露意粉🍝，出乎意料地好食! 個汁掛得好好，意粉的熟度都剛好，夠al dente又唔太硬，最緊要係個忌簾汁濃度好好，有菇既香味又唔會太漏，大啡菇梗係好食啦，加埋芝士就更香但又唔會over! 而且真係好飽肚，就算4個人去share黎食都OK，呢個意粉好掂👍🏼個意粉食到一半就黎埋個主食，老公揀左西班牙脆皮乳豬🐷，原來仲有煙燻效果，除左有油香仲有少少一層smoke味😋而且仲有焗薯墊底，保証夠食~個乳豬烤得好香脆，不過因為係乳豬仔所以舊肉油份係偏多，肉質就真係好嫩! 幾乎唔駛用牙咬咁😆 老公亦好鍾意個彩椒汁，佢話椒味夠香。我就都係鍾意平時食開既乳豬醬多D，仲好，一人點一邊🥳連埋飲品每人三百幾，唔算好平但價錢合理，又想睇波又想食飯可以考慮呢間小店，性價比都高。想平D可以試下佢D set lunch or tea set都可以😚…Read More

疫情關係，難得出外用膳，雖然不是旺區，但鄰近大圍站和一堆巴士小巴，店面的招牌亦相當奪目易找，相當方便！內裡幾有空間感，桌與桌之間都有些距離同間隔，食得開心又安心！而且環境幾有feel啊～圖文並茂嘅餐牌好多都好吸引！我和友人點了三道菜：頭盤是香煎阿拉斯加蟹肉餅，蟹肉餅賣相一般，但非常可口，蟹肉份量好多，食到絲絲爽口的蟹肉！😍兩片烘得金黃的蒜茸包亦非常香脆～主菜點了西班牙脆皮乳豬配彩椒汁，是晚最推介的菜式！有些菜式沒有甚麼花巧，但如何將這些經典的菜式做得出色才考功夫。此道乳豬外皮烤得香脆，內裡肉質嫩滑、口感細膩、油脂少，名副其實的脆皮乳豬，能帶出乳豬原始的味道，加上特製的彩椒汁點綴，大推👍🏻另一主菜係法式燴羊膝，賣相好有氣勢! 有些部分肉質比較厚實，但大部分都是嫩滑的；加上醬汁，沒有濃烈的羶味。配菜有可口的薯蓉和新鮮的車厘茄、蘆荀，配搭非常恰當~飲品我們點了Pearl Harbour,，酒味適中， 淡淡的菠蘿味，感覺很清新，為這餐晚餐畫龍點睛🥰…Read More

收工約左老友食個飯，大圍站一出直行到油站轉右，街口已經望到風車塊招牌，相當易搵。唔洗等位，一坐低就送上頭盤番茄脆包，我用叉吉落去就斷開，真係好脆，食落似酥，番茄新鮮好醒胃。白酒煮蜆好足料，蜆肉都算飽滿唔會太細粒，無沙唔腥，個汁係白酒加cream，酒香同cream濃度剛好，蒜茸包烘得香脆，唔係翻叮整到林晒，同個汁好夾，食晒d料我仲忍唔住飲左幾淡汁。辣肉腸好香但唔會太辣，蝦有四隻幾爽口，配埋薯片炒埋一碟，都幾飽肚。乳豬皮脆肉嫩，一啖咬落去就有兩種口感，豬肉本身無乜調味，可以點乳豬醬或者彩椒汁，乳豬醬同平時中式乳豬無異，而彩椒汁我係第一次試，一放入口隻味好熟，有d似熱浪，岩我！紐西蘭肉眼扒好大塊，叫左五成熟，表面有焦香，切開望落合格，食落無乜筋淡淡肉，落少少鹽同黑椒已經唔錯。焦糖菠蘿好甜，可以當佢甜品咁食。…Read More

今晚約左朋友食飯，但都好一段時間冇食西餐，於是就決定入黎開餐，睇左下MENU有咩食先咁就同朋友決定叫 白酒煮蜆配蒜茸飽($89)，意式辣肉腸炒大蝦($79)，西班牙脆皮乳豬配彩椒汁($199)同紐西蘭肉眼扒配焦糖菠蘿($179)喺等食既期間，職員先拎左碟前菜碎蕃茄麵包脆條畀我食地，食落酸酸甜甜，的確係先開左個胃，等接住落黎既食物白酒煮蜆配蒜茸飽，佢D蜆處理得好，食落冇沙，而個汁係白酒加埋忌廉，味道夠濃厚但唔會太膩，而蒜蓉飽夠脆身，點埋個汁黎食好好食意式辣肉腸炒大蝦，D辣肉腸辣得黎又幾惹味，但唔會太辣，係食落少少油左少少。而D蝦食落都幾彈牙，另外佢仲有D沙律菜同薯仔喺到，咁就唔會食落太濃烈，有D菜清一清D味西班牙脆皮乳豬配彩椒汁，乳豬皮夠晒脆，正呢樣真係好緊要，因為如果個皮係淋晒，食落除左口感差之外，亦都拖累到個味道。而佢個肉質煮得夠淋夠入味，點埋佢個彩椒汁黎食，簡直一流紐西蘭肉眼扒配焦糖菠蘿，我地點左5成熟，佢塊焦糖燒得有少少焦香得黎又夠脆，加上塊菠蘿夠JUICY，食落甜甜地幾特別。而塊肉眼扒夠大塊，即使2個人SHARE黎食都好夠食佢食落冇乜筋，5成熟啱啱好，唔會太硬太鞋，味道唔錯佢2碟MAIN D 脆薯同伴碟菜都好多下，所以絕對唔駛擔心食完唔夠飽，如果同女仔食反而驚會唔會飽得濟另外佢枱面有調味料：喜馬拉雅山岩鹽同黑椒，喺食肉眼扒時落左少少調下味都唔錯埋單加一$601，味道質素唔錯，但價錢方面如果可以平多DD就好喇題話外: 食完白酒煮蜆配蒜茸飽後，D蜆殼放左隻碟到，職員見到都好快好主動咁換過隻新碟，值得一讚…Read More

大圍啲橫街小巷有好多食肆，呢日過黎搵朋友食飯志在吹水，行見呢間風車有酒水，有大電視，燈光暗暗，幾好feel坐低先黎睇openrice，原來呢間食西班牙菜，主打脆皮乳豬作為前菜，呢個可謂超出預期蟹肉份量多，無咩其他垃雜配料，真正試到啖啖蟹肉旁邊有蟹籽可拌，亦可製作一片蟹肉蒜蓉包每隻蜆都頗大嚐到用以調味的白酒香，牛油香且蜆肉爽厚，二人份量來說好足夠黎到主菜 西班牙脆皮乳豬配彩椒汁好好奇佢同平時中式酒樓食到嘅有咩唔同一切落去，外面嘅脆皮就好似玻璃咁啪斷肉質感覺上更需要順住紋路去切會比較容易食落口，酥脆外皮拌香嫩豬肉，肉質感覺鬆化但每口都鎖緊肉汁果然能媲美中式傳統乳豬!呢杯cocktail大有名堂，叫motherfuxker唔知嗰刻發明呢杯野嘅調酒師心情如何呢btw有vodka有rum，酒量淺嘅我爭啲企唔穩Mojito朋友話怕試其他有藥水味，就叫番啲安全款…Read More

香港人的生活壓力實在太大了，假日或有空的時候，偶爾都只想到一些安靜、舒服的地方好好休息一下，好讓自己的心也平靜一小段的時間。然而，無故又能怎樣找到那些地方呢？剛好今天去了大圍踩單車，放鬆完心情又做完了運動，便去找一間坐得舒舒服服的餐廳。【風車】- 之前看過評價都想光顧它，但一直都沒有機會。今天就還個小心願吧。 看看門面還以為會是很普通的西班牙餐廳，但一進去了環境清靜舒服，餐廳同時亦係酒吧🍻英超、西甲、世界盃都可以看得到，高清電視觀賞球賽好正！其座位寬敞舒適，第一感覺已不錯。加上有盞吊燈感覺始終會有情調一點！看看餐牌，食物多元化，店員服務態度主動有禮，會為我地推介一些菜式，招牌菜包括西班牙乳豬、秘魯豬腩仔、BBQ Pork ribs等等⋯⋯價錢算是相對親民，有見及此，我就點一份二人餐吧！可以有前菜食到尾聲，不失為一個好選擇呢。二人同行價都只係338。二人餐包括，頭盤、湯律、餐湯、主菜、甜品及餐飲。來一個小前菜，用個小法包做頭盤，法包細細的，味道開胃，入口脆卜卜主要係用蕃茄做配料，兩口就吃光。是日餐湯：南瓜忌廉湯，南瓜湯顏色亮麗，又甜又香滑，湯煮得唔算太濃，所以飲落唔會好濟。凱撤沙律，份面既麵包跟外面的不一樣，外面的是麵包粒，呢度既係麵包脆脆片，口感冇咁豐富，但沙律菜同凱撤醬好好食！沙律菜好新鮮，非常爽口而凱撒沙律的靈魂在它的醬汁上，而我個人覺得這個醬汁係配合得好好，好開胃呀！主食有兩樣，先來波士頓龍蝦意粉煮意粉，看似簡單，但要煮得美味卻大有學問。意粉軟硬度，入味與否皆是重要的一環，呢個意粉睇得又食得，上枱時龍蝦舖面，開邊半隻，應該仲有半隻拆肉煮落了意粉當中。意粉份量多，炒到非常彈牙，入味程度就中上吧，可以再濃味一點未夠索曬龍蝦汁，而且略嫌不夠香口呢，用鐵板上，就會增加心中想佢既獲氣程度了。入面有一些小配料，豐富了整體的口感。芝士半溶狀態舖了龍蝦上面，熱辣辣，龍蝦嘅鮮甜味是有的，欣賞肉質新鮮爽口夠晒扎實，因為唔新鮮既話絕對冇呢個口感。連埋龍蝦膏一齊食，又係另一番滋味。再來另一主食，西班牙脆皮乳豬配彩椒汁本身是肉眼扒的，因為同行的朋友是不吃牛的，店員聽見便細心安排了西班牙脆皮乳豬給我們，好貼心。.依個脆皮乳豬大讚，乳豬肉看圖片知道跟外面食開的有點不一樣，好似比出面公整又比出面薄一點，好似感覺上有一點疑問，食落去完全想像唔到乳豬肉是何等鬆化，油脂多多，滑嫩無比。烤既時間剛剛好。脆皮乳豬皮既脆又薄肉配上肉質軟軟的乳豬肉好好食，用刀子在皮上切一下，你會知道那麼清脆的切聲。皮下脂肪是接受到的因為蘸上鮮甜清新的彩紅椒汁來吃肉膩感全消。如果想甜一點可以蘸乳豬醬呀！金黃惹味，主菜不二之選！！！！飯後甜品甜品係紫薯蛋糕🍰，細細件一人分量賣相正常不算精緻，面層有一層厚身紫薯蓉然後一層紫薯蛋糕一層忌廉，好香，整體好軟綿綿，海綿蛋糕來說都算鬆化，上面一顆顆的紫薯吃下去很有口感，味道甜甜的，可以減低一度更好，用呢件甜品作晚餐嘅結束，不錯的。整體而言，我會以平民西餐來形容【風車】，二人餐又有沙律、小食、主食、飲品又有甜品，套餐價格不貴，而食物質素有番咁上下，食完每一道菜先上下一道菜，望其他枱都認為整體夠穩定，如果唔係點能夠係大圍區算是一間出名有誠意的西餐廳。喜歡店員細心有禮加上環境舒適聽著音樂，共聚用餐都十分適合喔。:)…Read More

老婆去左睇男神棟篤笑, 我又可以約老友去食餐勁啦!之前係風車飲過嘢, 覺得吾錯, 一直好想再嚟試埋佢個 main menu, 今晚終於得賞所願.呢度嘅 waiter 幾 nice, 好有耐性咁推介食物俾我地.頭盤我地點左 :黑魚子蟹肉芒果沙律 --- 好鮮蟹肉味，芒果少少酸, 但撈埋 sauce 之後味道啱啱好意式香辣腸炒大蝦 --- 吾太辣, 剛剛好, 開胃!main course :西班牙脆皮乳豬配彩椒汁 --- 乳猪脆皮香口, 吾會硬吾會鞋, 配埋醬汁, 無得輸, 如果份量大D就更好.西班牙黑毛豬扒 --- 黑毛豬肉質好林, 肥瘦平均, 有肉味, 煎得非常香口, 醬汁味道剛剛到位, 正 下次要同老婆嚟食過…Read More

最近世界盃狂熱,梗係要去感愛下氣氛,睇波前梗係要醫咗肚先。今次嚟依間又係餐廳又係酒吧,所以除了飲酒外,又可醫肚,一舉兩得。這裏地方都好寬敞,感覺舒服,光線較暗,睇波一流。望下餐牌,除了套餐還可以散叫。我和友人就揀了兩個頭盤加個主菜。其中一個頭盤係~白酒煮蜆配蒜蓉包 這個配搭好特別,但勝在抵食,白酒煮蜆,蜆嘅份量都好多,而且粒粒都有蜆肉,沒有沙,白酒的味道不會太濃,可能煮的過程已揮發了一點。傾下偈,飲下酒,配埋好香蒜蓉,脆卜卜 嘅蒜蓉包,一樂也。另一個頭盤係西班牙風乾白豬腿拼煙三文魚 這個頭盤份量都唔少,除了風乾豬腿和煙三文魚外,仲有沙律菜和麵包。煙三文魚好大塊,友人因為怕腥,所以他放在麵包上一起吃,見他食得好滋味。風乾豬腿,平時夾著哈密瓜一起食。今次配了沙律菜,感覺更加清新,無咁罪咎感。西班牙脆皮乳豬配彩椒汁 乳豬雖然不是好大件,但外皮好脆,卜卜聲,肉質夠淋,同中式嘅乳豬又唔同彩椒汁感覺有點特別,食落有點微辣。加上配菜粗薯條,雖然薯條唔夠乳豬脆,但好香薯仔味,都一條條咁食晒,哈哈。另外和友人各自飲了杯cocktailmojito 這杯Cocktail 係薄荷,青檸,梳打再加上冧酒.因薄荷較清新,所以這杯酒味較濃。Blush 這杯有酒精,但可能這杯是溝了士多啤梨和茘枝,味道較甜,中和了酒精的味道,較易入口。和友人飲下酒,傾下偈，燈光又柔和,好relax…Read More

是日入到新界工作至晚，就順道吃個晚餐才回家。偶然看到“風車”，是一家酒吧餐廳。雖然我隻身一人好像有點格格不入，但還是鼓起勇氣進去了。餐廳的面積不算大，但是酒吧區卻在供應不同種類的生啤，好齊全呢！甫坐下先奉上餐前小食，新鮮清甜蕃茄蓉配脆法包，每個角落都是脆的！孤獨的我只好點一人晚餐，看看二人餐其實頗抵食喔！一個人就來點刺激，點個辣的前菜。意式香辣大蝦是即炒的，上菜時好香，原來是加了不少蒜片，洋蔥和鹹香微辣的辣肉腸同炒，所以整體香口。大蝦有4件，每隻都新鮮，又甜又爽口豪氣加10元要了龍蝦湯吃完大蝦緊接著，橙紅色的湯無論香味還是味道都有濃郁龍蝦鮮味更重要的是湯內有爽口龍蝦肉吃，好抵呀！主菜選了推介的西班牙脆皮乳豬配彩椒汁。乳豬是完整一大件奉上。配菜有雙花和邪惡的薯角，像包了一層粉再炸的樣子，特別鬆脆香口味道重。內裡的薯肉既滑又軟，實在讓人忍不住！看它的皮薄薄的，咬下去相當香脆，只連著丁點脂肪部份讓其更香，完全不怕吃啊。肉的部份好嫩，一點也不乾，不點醬汁已經好吃。配的彩椒汁相當特色，用black pepper做的，甜酸苦辣四味都齊了，但卻不會覺得奇怪，反而有好清新的感覺呢！bb豬製作工序複雜才做到那麼脆的效果，不是所有西餐廳都能做到皮脆不硬的啊！天氣嚴寒就不喝啤酒了，喝熱茶暖身就好。點的peach tea好香，喝下去又有蜜桃的香甜味道，暖入心啊～甜品有泡芙和藍莓蛋糕。前者軟，內裡有雪糕，後者冰凍的忌廉和藍莓果醬入口即溶，味道酸甜頗為清新。不過真的好凍又龍蝦又蝦又乳豬，我覺得我今晚實在太豐富了…Read More