The Salted Pig (新城市廣場一期)

Open Now

Now Closed

又是每年要預備生日飯的日子，看到這店，親人又喜愛猪手食品，一試無妨！雖說店名是The Salted Pig, 但也有不同種類的食品、飲品！店舖十分整潔，店員也十分禮貌。因只有二人，坐下點了1）牛油果香芒大蝦沙律2）招牌德國鹹猪手3）西班牙海鮮飯再加一杯Tango三樣食品都好有水準，沙律有少許辣，但味道配合很好。鹹猪手皮脆肉嫩，水準之作！海鮮飯也十分好，唯一是海鮮中的魷魚不太入味，扣了點分！但整體亦十分滿意！二人份量多了點，一半猪手包了回家再慢慢享用😊😊希望壽星女也滿意吧！🫡🫡🫡

每次光顧這間專門店，總是會至少點一款豬肉菜式的，只因這裡豬肉料理水準特別出色，好想試晒咁多款菜式。餐廳地方寬敞，環境舒適，非常適合聚餐。若是多人同行，完全可以享受一場盛大的豬肉宴。Skinny Pig Salad $138瘦瘦豬菠菜藜麥沙律沙律雖然沒有豬肉，但菠菜又幾好食，毫無澀味。淋了橘子汁增加了香甜味道，搭配藜麥、西柚、紅菜頭和烤杏仁等配料，口感層次豐富，健康又美味。Slow-Cooked BBQ Baby Back Ribs $288慢煮醬燒豬肋骨豬肋骨熟度剛好，肉質軟嫩多汁，燒烤醬汁濃厚惹味，酸酸甜甜幾好味。配以椰菜沙律清新開胃，還有粟米香甜，薯條粗炸香脆。Seafood Paella $235西班牙海鮮飯燴飯飯粒軟淋入味，配料十足好多海鮮，有蝦、大蜆、青口，魚柳、魷魚、辣肉腸、煙雞肉，鹹香惹味。

想同三五知己食飯聚吓舊得嚟，又想食到高質啲嘅西餐，呢間餐廳係一個好選擇，地方闊落，食物質素又夠高，環境仲要唔係好拘束，真係Fɪᴛ哂㗎😏招牌德國鹹豬手 $318首先嚟個鹹豬手爽爽佢先，呢隻豬手足足有一公斤🤣 份量非常夠睇頭，上枱時仲已經切好哂，好貼心🥰 豬手有住脆卜卜嘅外皮，嫩滑到震嘅肉質，調味恰到好處，唔會好鹹，再點埋個芥末籽忌廉汁食，真係好食到癲，再食吓酸菜中和返個油膩感，可以密密食🤣經典英式炸魚薯條 $192金黃色嘅外層包住嘅係巨嫩滑嘅魚柳，炸衣唔厚，調味亦都拿捏得好好，魚肉嫩滑，魚味香濃，係可以滑入喉嚨果款，一共有三大塊魚柳，四個人食都唔怕爭食😂 而薯條都好出色，輕輕調味，非常可口😚西班牙海鮮飯 $235呢海鮮飯用料真係一啲都唔馬虎，有蝦、大蜆、青口、魷魚、魚柳、辣肉腸、煙雞肉，食落啖啖啲料都超豐富，味道方面由海鮮嘅鮮味同肉嘅咸香互相配合，再加埋飯粒吸收哂高湯嘅精華，非常惹味，值得一讚嘅係啲飯粒粒粒都好飽滿，保持到飯嘅濕度又唔會爛容容咁，非常抵讚👍🏻呢到仲有Hᴀᴘᴘʏ Hᴏᴜʀ時段，收工去同朋友飲返兩杯食個晚餐，價錢都相當相宜，最重要係出品質素好穩定，唔會時好時差，我哋點解會知？

呢間野以前小編喺尖沙咀食過，可惜已經執左，不過好彩既係佢地仲有分店，所以就黎左沙田黎間再食，keep到水準👍🏻 尤其係我念念不忘既ribs🍖😍 另外呢到由名、裝修同餐具🍴都係同豬🐷有關，裝修幾有格調同行型格路線，牆壁上有唔少既海報印左豬仔🐷，仲有一隻隻迷你既豬仔🐷，連碟都印有豬🐷既圖案，寫住鍾意豬❤️🐷，豬🐷唔同既部位都好，真係搞鬼又搞笑😂 (5 😍 係滿分，🤩係半分）慢煮醬燒豬肋骨🔥🍺🍖 - $288 (好味指數：😍😍😍😍😍)不得不讚係個汁，同以前既味道一模一樣，都係咁好食🤤 同平時既燒烤醬一樣既係佢都係酸酸甜甜咁，但呢個啤酒醬🍺令到個豬肉🐷多左一股獨特既香味，而且用有酒🍺既汁醃肉可以令到肉質更加鬆軟，係天然既鬆肉劑～ 至於個豬肋骨🍖就肥瘦適中，表皮燒得🔥啱啱好帶啲焦香，裡面肉質軟嫩juicy，有幾香既肉味，唔會燒到🔥好柴～ 旁邊仲有一個由紫椰菜絲🟣🥬同紅蘿蔔絲🥕撈成既沙律🥗，酸酸地夠晒清新開胃，又可以解下肉既油膩～ 另外有兩舊超大既烤超甜粟米🔥🌽，味道香甜都唔錯～ 跟住喺個豬肋骨🍖下面仲有啲金黃香脆，裡面質感綿密既粗薯條🍟，所以食晒成碟真係超飽😌西班牙海鮮飯 🇪🇸🥘🦐🦪🐟🌶️🥓🐥 -

呢間餐廳嘅菜式以豬嘅不同部位為主題🐽並配合「農田直送餐桌」嘅宗旨，選擇時令食材入饌，確保菜式新鮮天然而味道濃郁🧑‍🌾💗德國招牌鹹豬手、烤薯、酸菜、芥末籽忌廉汁 ($308)豬手預先去骨切件，非常貼心。豬皮金黃香脆，肉身色澤粉嫩，軟嫩鹹香，筋位爽口彈牙，充滿骨膠原🍖 配以自家製嘅芥末籽忌廉汁，味道温和香濃🍯配菜方面有中和油膩感嘅酸菜、烤薯同紅蘿蔔🥕💗西班牙海鮮飯、蝦、大蜆、青口，魚柳、魷魚、辣肉腸、煙雞肉($228)西班牙燉飯保持飯粒飽滿有咬口，濕潤度啱啱好，吸盡高湯精華同香料香味🥘加入大量海鮮，包括蝦、大蜆、青口，魚柳、魷魚，鮮味十足🦐而辣肉腸同煙雞肉嘅肉香令整體更鹹香惹味🥓💗Oreo 曲奇朱古力忌廉奶昔 ($68)沙冰主要以朱古力奶同Oreo打成，Oreo味非常突出，加入厚層忌廉增加奶香，飲落幼滑冰涼🍫💗Sangria Pink ($52)西班牙水果汁特別以Rose為基底，再加入白蘭地、梳打水、多款鮮果調配而成，質地輕盈易入口，果香甜味重🍹

嚟到沙田食咩好😋都係一件好煩惱嘅事，沙田嘅餐廳都唔少㗎，所以望左好耐，最後決定去新城市廣場7樓嘅一間餐廳，好耐冇上過去啦！餐廳主要係選用豬嘅不同部位及最優質嘅食材去製作美食，除左豬係主角之外，亦都有多國嘅菜式，今次我地就叫左三樣美食，包括烤斧頭豬扒、西班牙海鮮飯及香蒜煙肉碎椰菜仔😋⭐️烤斧頭豬扒 Grilled Pork Tomahawk $252厚厚嘅斧頭豬扒烤到兩邊金黃色，帶有香濃嘅香草味，味道啱啱好，又唔會太鹹，豬扒要配上佢哋特製嘅蜜桃果醬一齊食，配菜包括有煙肉椰菜仔、薯條及雜菜，成碟煮食都好吸引。⭐️西班牙海鮮飯 Seafood Paella $228食落去比較creamy，軟硬度適中，而且每粒飯好入味🥘海鮮飯嘅配料都唔少㗎，都有蝦、大蜆、青口、魷魚、魚柳、辣肉腸、煙雞肉😋⭐️香蒜煙肉碎椰菜仔 Bacon-Sautéed Brussels Sprouts $68一粒粒嘅煙肉配上椰菜仔一齊炒，原來都幾夾㗎👍🏻每一粒椰菜仔食落去都好清脆多汁，係一個非常健康嘅小菜之一😋👍🏻

朋友之前預約左呢間西餐廳，出面係專門食豬🐖好彩有預約，餐廳好快就滿座啦。選擇好多，份量同味道都幾好呀。無論係同情侶、朋友聚餐定屋企人都推介呢👍🏻🔸蘇格蘭溏心炸雞蛋配煙肉醬 (HK$88)之前旅行就已經好想試呢個炸雞蛋，見到呢到有就即試下先🥚外層好脆，入面就係豬肉包住雞蛋，蛋黃都好大呢，味道幾有層次😙🔸西班牙海鮮飯 (HK$288)好大一盆，3-4人分享都可以呀。而且好足料，有蝦、大蜆、青口、魷魚、魚柳、辣肉腸、煙雞肉，飯粒都好入味🤪🔸烤斧頭豬扒配薯條 (HK$252)斧頭牛就見得多，竟然呢到有斧頭豬扒😎豬扒好厚身，食落好結實，配埋薯條好滿足🍟🔸西班牙水果酒 (HK$78/杯)好多水果粒配埋白葡萄酒，飲落好順口，配主食好match🍷🔸香蕉雪糕新地 (HK$88)最後叫左呢杯大大杯嘅雪糕新地，入面有香蕉、窩夫、棉花糖、cream同雲呢拿雪糕，好邪惡呀🍦

Happy Friday 黎左食豬6 點黎到walk-in 唔算多人叫左2 款主菜"慢煮醬燒豬助骨配椰菜沙律，粟米，薯條"一見到咁多醬已經流晒口水肉質淋身 好易切開 個醬汁好豐富 好開胃 非常適合夏天無乜胃口食尼個就岩啦食到停唔到個薯仔加左shake-shake 粉 好好味 另外試左"西班牙海鮮飯"（蝦，大蜆，青口，🦑，魚柳，辣肉腸，煙雞肉）米飯口感偏軟身 同濕身每一粒飯都吸收到醬汁好夠味大蝦非常彈牙 飲品：鮮窄西柚汁 服務：態度很好環境：滿坐時會較嘈 其他：建議早一日book 檯 以免等太耐

位於沙田的「The Salted Pig 豬門店」，是一間專門吃豬的餐廳。尖沙咀、荔枝角、西灣河、葵芳都有分店。餐廳內裡大部分菜式，均以豬肉製作，彷彿將豬的所有部位都列了出來，不同的肉質，不同的口感，都能嚐試得到！喜歡吃豬的朋友，絶對不容錯過啦！ 除了豬外，仲有海鮮、牛扒、甜品等等食物添。⁣⁣🔸招牌德國咸豬手 $296⁣呈粉色的豬手可遇不可求，皮脆肉嫩，咸度適中，肥瘦均勻，香脆感覺不太油膩。⁣⁣🔸西班牙海鮮飯 $218⁣海鮮食材充足，蝦、大蜆、青口、魷魚、魚柳、辣肉腸、煙雞肉，份量很多，飯粒海鮮味濃。⁣⁣🔸美國特級安格斯肉眼扒、薯條、紅酒汁 $310⁣肉眼扒肉嫩，有少少鹽係面，配上紅酒汁，味道不錯。⁣⁣🔸甜品拼盤 $228⁣芝士蛋糕、朱古力心太軟、香蕉拖肥批、蜜糖蘋果脆脆、雪糕。⁣⁣🔸藍莓芝士忌廉奶昔 $68⁣藍莓芝士味濃，味道正常。⁣———————————————————⁣⛳️The Salted Pig (沙田)⁣沙田沙田正街18號新城市廣場一期7樓702號舖⁣⏰星期一至日 12:00-22:00⁣⁣⛳️The Salted Pig (尖沙咀)⁣尖沙咀諾士佛臺1號地舖⁣⏰星期一至四 1