House of Joy

建議餐廳要book位，lunch時段幾多人食～～餐廳環境舒適 今次坐既位置同隔離枱有啲近 如果枱與枱之間有返多啲距離就更好～沙律細細碗做前菜。個日餐湯係雜菜湯，飲落係滿滿清甜既雜菜湯味，但主調係蕃茄，麵包細細塊但好推薦，充滿淡淡嘅蕃茄味道🍅魚柳份量適中，肉質結實，但唔會過韌，食落新鮮，菜式包括兩件青口，味道中規中矩，無任何雪藏味，略嫌有啲偏乾。薯蓉夠哂creamy，質地軟身，入口順滑，不過呢個份量偏少煎帶子食落唔乾之餘仲有好鮮甜，一個飯入面三大粒之餘，飯入面仲有好多帶子粒同菠菜，意大利飯食落唔會乾又唔會過濕，岩岩好。西班牙檸檬撻睇賣相就覺得唔錯，好吸引💛撻皮用左牛油皮，表面有用火燒過既蛋白，食落甜甜地，入面餡有偏酸檸檬醬，啖啖既蛋白，酸酸既檸檬醬夾埋一齊食又恰到好處…Read More

唔講唔知原來荔枝角饒宗頤文化館入面竟然有一間咁有情調嘅西餐廳，我都係朋友話我聽先知道呢間餐廳嘅存在🤣 成間餐廳勁有情調，帶有一點點藝術嘅感覺🤍 如果平時經過文化館參觀，都幾推薦入去食下少少嘢食🤣自家製麵包🍞 (免費)麵包聞落好香好吸引😍 有蕃茄乾係入面，味道微微帶酸～ 再配上佢哋自家製嘅牛油，十分惹味❣️-美國安格斯肉眼扒(12安士)🥩 $338US Angus Ribeye 12oz肉眼扒我地嗌咗五成熟，啱啱好唔會太熟又唔會太生，肉汁豐厚❣️ 牛味亦都十分香濃😍 肉眼扒嘅筋唔會太多，肉質都幾有口感!! 我個人比較鍾意配可以海鹽食，但係佢哋嘅阿根廷青草汁同牛肝菌汁都幾唔錯～ 可以食到唔同嘅口味🥰 職員都有好熱心為我哋提供芥末醬～ 配菜有燒車厘茄，燒蒜🧄 平時唔係好鍾意食原粒蒜嘅我，超鍾意食佢哋嘅燒蒜😍 十分香口!! 燒車厘茄十分鮮甜🥰-烤澳洲龍蝦尾配海膽燴意大利飯 $298Australia Lobster tail w/ Sea urchin sauce🦞 那個超驚喜!!! 意大利飯超級之creamy，唔會煮得太濕得嚟又唔會太硬，完全取咗一個中庸之道 (講笑🤣 雖然海膽味唔太出，但係呢個燴意大利飯調味十分濃郁同鮮甜，好吸引😍 龍蝦肉都好鮮甜爽口，成件事好fresh❣️ 超級推薦大家試呢個🤍-西班牙檸檬撻 $68Spain Lemon tart 🍋檸檬撻賣相好吸引～ 牛油皮好香牛油味，脆脆地幾好食🥰 但係個人覺得檸檬醬同燒蛋白一齊食偏甜😂 係一種又酸又甜嘅感覺! 鍾意食甜野嘅朋友仔都可以試吓，其實都唔錯❣️…Read More

之前同朋友食過一次，事隔差唔多半年，再嚟食多次。上次飲完呢個泥蟹湯太好味，今次再飲多次。個蟹味都係咁濃，加埋餐包食就啱啱好，唔會太咸。見到呢個和牛膝，有d好奇就叫嚟試一試。本身諗住係d和牛肉同意大利飯撈埋一齊，點知個和牛膝咁大嚿😂牛味濃之餘，同時可以食到牛肉同牛根，口感一流。必食之選。另外叫咗個煙燻野雞。一上台好大陣象，有專人幫手上碟，喺台邊都聞到好大陣煙燻味。雞肉食落，每一啖都好重煙燻味，雞肉都好嫩滑。但份量比較少，可以一試。最後叫咗個檸檬撻，個撻幾靚，影相呃like一流😂味道就偏酸，啱曬食完個和牛同野雞，可以清一清個味蕾。…Read More