Lady 13 Kitchen (Parkes Street)

帶住今世情人（老公）同前世情人（仔仔）到佐敦搵食，見到呢間曾經被介紹嘅鋪頭響年初四唔駛排長龍就入咗去。叫咗個兩粉，一小食同送咗個前菜。炙燒手撕雞湯粉絲拼米粉（$68）- 燒過嘅雞絲真係香到爆，先試原味湯底，清雞湯味易入口，再拮個檸檬，係如虎添翼，鮮酸味令人流口水。雞絲唔鞋，加埋個炙燒香味一絕。當中嘅陪菜腸粉亦係有趣地方，再試啖辣醬，整體真係非試不可。十三飛（$80）- 湯底濃濃，同雞湯完全唔同風格，配上乾蔥又係另一風味。安格斯肥牛係正常原味，唔會差。牛肋肉夠淋夠入味，比肥牛吸引。食埋腸粉就好滿足。西多雞翼（$38）- 糖漿甜牛油香，點會唔好食，加埋香脆，真係要快手享用。蝦片（免費）…Read More

十三姨由四位老闆娘合資開返，從菜式來看她們除了對食有要求外，還特別喜歡打麻雀🀄️😵‍💫。在香港現時開設了三間分店，分別是旺角、佐敦及尖沙咀，均是排長隊的人氣食店。 無論佐敦還是旺角，都光顧了好幾次，可以講係充滿回憶拌伴多年的店舖。食店裝修以木系中式為主，主打粉麵，好食抵食，光顧每檯均會免費送一杯蝦片。缺點係排太長隊時間等太久，有時讓我停止了腳步，想幫襯但肚子太餓等不了🤢，令我又愛又恨～～恨係食唔到。 老闆娘鵝肝煎蛋撈飯：私心推介，真的幾足料，係有三至四片煎香了的鵝肝啊啊啊！！外脆內creamy油香味十足，再拌以菜甫、瑤柱、蝦乾、香蔥、京蔥、蛋、肉碎加以秘製醬油拌飯，有少少辣，有點韓食feel之餘又保留返港式，是一個經常賣斷貨的食品，呢個價錢食呢個飯係無得輸。飯可加錢轉椰菜花飯。 椒鹽魷魚鬚：正常的，生炸乾身見口不油，但個人口味較喜歡有醬粉的炸魷魚鬚。 西多雞翼：煎香至脆口，再加入蜜糖的單骨雞翼，非常甜香，而且單骨食落非常方便。 十三飛：以安格斯牛肩肉、牛肋條、糖心蛋及粉絲拼米粉組成，可加錢轉其他麵如翠玉瓜麵、銀針粉及陽春麵等。砂鍋湯頭以牛肉湯為主，再加入共十三種材料淆製，味道略濃，食前再加入青檸汁。 串燒：買四送一的串燒，當天點了雞腿肉、雞軟骨及雞腎，味道不過不失，勝在抵食。 鵝肝多士：老實講份量及價格完勝，可惜最新menu已經沒有了。佢係之前某次的舊相。😂…Read More

Happy Friday收工想食返啲好嘢，聽朋友講話十三姨好好食，就去咗左敦分店試下😚蝦片 免費一嚟到menu 都未開始睇，店員已經先俾咗呢碗蝦片我地食，係兒時回憶呀🫶🏻🥹手作話梅可樂 $24檸檬可樂就飲得多，話梅可樂真係第一次飲，出奇地同可樂好夾，酸酸地嘅話梅中和返可樂嘅甜度，夏天一飲即刻GUR 哂🫧🤭麻辣牛脷土豆絲 $48呢碟小食一定係惹味之選👅牛脷煮得好淋，土豆絲索哂下面嘅麻辣汁，如果有白飯我應該可以餸哂成碗飯🤣西多雞翼 $38呢個一定係邪惡之選😈餐廳好貼心咁將雞翼剪左一半，食得冇咁狼狽，雞翼煎得啱啱好，加埋平時食開嘅西多醬，冇得輸，嚟到一定要試！蒜蓉拍青瓜 $28青瓜夠哂fresh，加埋蒜蓉一齊醃，特別入味，超級開胃🥒老闆娘鵝肝煎蛋撈飯 $138終於到咗萬眾期待嘅鵝肝飯，咁嘅價錢有2 塊大鵝肝真係好超值🥹佢有個秘笈教你點食，就係一定要加埋佢地嘅秘制嘅醬油一齊撈，將所有ingredients 撈埋一齊就可以食啦🤤 每一啖都好香，所有材料配搭得啱啱好，所以食哂都唔覺得油膩🥰.總括而言，呢間餐廳所有食物都超出我所預期，下次會再嚟試下佢其他主食😋…Read More

唔知大家鍾唔鍾意食鵝肝, 小編就好鍾意食燒鵝肝加上我喺雞蛋控一知道有鵝肝煎蛋呢個組合， 我就知道我一定要嚟試下！老闆娘鵝肝煎蛋撈飯（$128）（ 可以+$20轉椰菜花飯）有三大塊燒鵝肝，燒得剛好，配菜有太陽蛋，有自家製辣菜脯，大量乾蒜，蔥等。所有配料與枱上面既十三姨秘製豉油（應該係加左花雕嘅豉油）撈埋一齊食，口感一流，味道豐富，好惹味！一口鵝肝，配一口飯，鵝肝油香加上很有口感既撈飯，好滿足。辣菜脯可以解一解油膩，真係幾好既配搭！花雕啫喱番茄（$32）中間既啫喱應該係花雕豉油做既啫喱，新鮮蕃茄片加上啫喱少少咸味和花雕香味，幾refreshing!大三元 （$72）炙燒手撕雞拌雞油飯+炙燒雞叉燒+溏心蛋手撕雞肉很多，飯不會很油，雞油份量適中。配了些脆脆乾蒜和蔥，挺香口，口感挺好的。炙燒雞叉燒味道淡淡的，有雞味，但味道一般～西多雞翼 （$38）係用咗糖漿喺面既單骨雞翼，味道甜甜的，有點像蜜糖雞翼～不算很特別～椒鹽素白飯魚（$36）這款不是平時吃的椒鹽白飯魚， 而係用椰青肉扮白飯魚椒鹽鹹鹹地， 不太吃到椰青味，不說會以為是普通白飯魚， 口感脆脆的，頗有趣的～味道比平常吃的椒鹽餸菜咸一點。總括嚟講小編最喜歡鵝肝煎蛋撈飯，口感十足，味道豐富。大三元則適合味道較清淡嘅人士。小食花雕啫喱番茄加分！📍 每一枱都會有茶同埋蝦片供應，員工時不時都來加茶，幾好幾好！唯獨是地方不大。鵝肝控可以翻桌～…Read More

和朋友逛完街，想著佐敦好多好吃小店，看到這家，也挺多人的，就跟著人群吧！⚜️蝦片甫坐下有彩色的蝦片😊⚜️ 炙燒玫瑰雞膇湯粉絲 $68湯頭平淡，雞膇很迷你，仔細吃是真的有玫瑰香！❤️ 大三元 $72賣相吸引，雖然味道比較單調，但本來乾蔥香蔥也香，加上他們家的秘製醬油升華了不少！雞叉燒好像沒怎麼調過味，很淡，糖心蛋很標準。❤️ 西多雞翼 $38西多的糖醬比一般蜜糖更配！有發現新大陸的感覺！好吃！不是驚豔, 但也算驚喜, 骨子的小店, 可以再來~ …Read More

女小編超鍾意食鵝肝 近排見到呢間餐廳有鵝肝蛋飯 所以就即刻去試吓佢哋嘅午餐 唔知好唔好食呢😚👅老闆娘鵝肝煎蛋撈飯 $120呢個真係超級推介‼️佢有三大塊鵝肝 啲鵝肝都幾厚 而味道都幾濃郁 入口即溶🤩再加埋流心太陽蛋 同埋蔥加其他辣辣地嘅配料 撈飯食真係一流 超正😋👅十三飛 $74入面嘅配料有安格斯牛肩胛 牛肋條 溏心蛋🍳而小編揀咗陽春麵 佢嘅牛肩胛好淋 一啲都唔韌 陽春麵正正常常 成個配搭同湯底有啲似食緊越南生牛肉湯河 加埋佢嘅秘製辣醬更加好食😛👅西多雞翼 $34雞翼外皮表面脆脆地 淋左啲蜜糖喺雞翼上面 唔錯🤓👅爆漿芝士煉奶炸年糕 $32一咬就勁多芝士爆出嚟 芝士控一定要食🧀🧀再加埋煉奶同埋年糕上面多一塊芝士 真係超級邪惡 不過就略嫌年糕嘅外皮淋咗少少同埋唔夠熱🤨👅黑牛 （跟餐）+22朱古力雪糕味道算濃郁 仲有好多cream 不錯😝👅金牛 （跟餐）+22呢個係芒果雪糕加忌廉 味道正正常常😙同埋特別一讚呢間餐廳嘅服務幾好🥰總括嚟講呢間餐廳嘅食物水準幾高😚鍾意食鵝肝嘅一定要嚟試吓‼️😋 好味：8.79/10🤑 價錢：8.21/10🤗 服務：8.30/10😝 環境：7.98/10😚 衞生：6.76/10🤩 整體：8.51/10…Read More

唔知大家知唔知乜野係生酮飲食，簡單啲講就係唔食一切有糖粉同碳水化合物嘅嘢，就咁講你就知出街食飯嘅話，可以選擇嘅嘢就比較難搞，如果你要同朋友一食飯嘅話就重麻煩，一係就就你唔係就要就佢；但十三姨依間餐廳真係幾好，所有嘅麵食同飯料類都可以轉做低碳食材，麵就可以轉做翠肉瓜麵，飯就可以轉做椰菜花飯，好啱生酮人士做dirty keto或低炭飲食。 至於我今晚就同老婆兩個人食咗兩個麵食同兩個小食。嚦咕嚦咕轉翠肉瓜麵 (雞鎚、雞叉燒、溏心蛋) ($87) - 鐵鍋上，上枱時還熱辣辣的，湯底係雞湯味，但唔濃，但係由於湯夠熱離補咗唔夠味嘅依點，雞叉燒似醉雞卷做法，雞叉燒都叫做嫩，但無乜雞味勝在淡淡肉；溏心蛋唔太做到溏心效果，有點兒過火，但蛋係靚貨都好有蛋香；重點係翠肉瓜麵，正常翠肉瓜質地，但佢好醒目咁放咗啲芋絲落去，將單純爽的口感變得有Q彈感覺，有用心諗過翠肉瓜麵的不足從而加強補足，依點真係要讚佢；至於雞鎚太乾身，好一般，但成個麵係好感受得到廚師啲誠意。金牌牛助條粉絲 ($66) - 牛助條粒非常有牛味，濃烈牛味與湯底有強烈對比，但唔影響整體味道，因為都係同一個原因，湯底夠熱完全可以離補依個不足。 粉絲煙靭，還不特至，佢還加咗幾嚿陳村粉，同樣把麵食啲口感變得有層次，陳村粉質地似河粉但無咁煙靭，較散，與粉絲夾着吃口感頓變得有層次，好食。花鵰啫喱蕃茄 ($32) - 蕃茄好食，但與同為酸味啲花鵰啫喱唔夾，食味有啲相撞。西多雞翼 ($38) - 即係蜜糖雞翼，但開邊，方便食用。茶都係靚野貨，留意茶包係用絲絨袋咖，細節都好兼顧到，好抵讚呢。重有蝦片送俾你食添。整體而言十三姨係一間有心做好一間餐廳嘅食肆，明白客人需要又注重細節，好值得支持呢。…Read More

一直以為十三姨只係得旺角鋪，點知今晚行行下佐敦發現左原來呢度都開左😆即刻入左去～入到去都多人，就被安排到近門口位置；啲位都好闊落，唔洗搭枱 2個人坐4人枱必點既有呢個老闆娘鵝肝煎蛋撈飯鵝肝有3舊，仲有辣椒XO醬🤤店員上菜前仲會提醒落埋枱上既秘制飯豉油！超惹味如果食唔到辣既話，可以拎走小小XO醬另外仲點左湯麵- 嚦咕嚦咕麵類有幾款選擇，仲有為生酮朋友而設既翠肉瓜麵西多雞翼類似蜜糖雞翼，炸得脆身唔油膩想食既可以參考下其他食物📍小食📍飯類📍湯麵…Read More