CARAT Fine Indian and Mediterranean Cuisine (盈豐商業大廈)

朋友請我食生日飯，選了這家位於尖沙咀寶勒巷的CARAT Fine Indian and Mediterranean Cuisine食印度菜。甫入餐廳，店面寬敞，裝潢有格調又夠乾淨企理，完全有別於重慶大廈內那些印度菜小館予人的印象。獲安排坐梳化卡位，座位闊落舒適。此餐廳除了供應印度菜外，也有地中海菜。不過我們只得兩個女生，胃能容納的餐點不多，這次先吃咖喱及烤餅吧！新德里懷舊三式小食拼盤，三款小食分別是乳酪扁豆蓉脆餅、脆炸小扁豆餅及印度特色鷹嘴豆空心脆球。和朋友都很喜歡吃乳酪扁豆蓉脆餅，脆餅上盛載著濃稠的乳酪，味道香甜，加上自家製羅望子醬、薄荷醬及紅石榴肉，每啖都酸酸甜甜，味道層次豐富，很開胃！鷹嘴豆空心脆球亦不錯，外脆的球，一咬下去，就嚐到溫和的鷹嘴豆蓉醬香。選了兩款不同的咖喱，一款是西印信德省慢煮羊肉咖喱，另一款是馬莎拉蕃茄咖喱龍脷魚柳。羊肉咖喱的醬汁加入藏茴香籽、小荳蔻及香菜，味道溫和，不會好辣。慢煮羊肉入口嫩滑，羊羶味不會太重，容易入口。馬莎拉蕃茄咖喱的質感稠身，蕃茄味不太突出，蕃茄與咖喱的味道相配融和。龍脷魚柳肉紮實不鬆散。食咖喱當然不少得Naan！餐廳招牌的皇室烤餅，混入番紅花、罌粟籽及杏仁，口感酥化，香氣十足！單吃Naan也能嚐到香料味～～另一款是蒜香烤餅，同樣酥化，而且蒜蓉香強烈，不蘸咖喱醬來吃，單吃也十分可口！飲品選了Mango Lassi，芒果味香甜，味道濃厚，酸酸甜甜的味道足以解辣又解膩～～雖然只吃了咖喱及烤餅，試到的食物款式不多，但每一道菜皆很美味啊！而且用餐環境舒適之餘，整體價格合理，不會太貴啊！…Read More

近年印度餐廳在香港遍地開花，食咖喱變得更平常方便，適逢母親節，帶埋媽媽去尖沙咀寶勒巷，主打印度及地中海菜式嘅CARAT Fine Indian and Mediterranean Cuisine 「朝聖」。店內環境華麗中滲透印度風情，除室內用餐區外，亦有戶外花園，地方寬敞；想飲返杯，更有調酒師即席調酒🍹最特別是餐廳中間設開放式玻璃廚房，讓食客參觀印度菜的製作過程，十分有趣！🔺菠菜葉豆蓉脆餅 $98前菜點了印度特色小食Chaat，餅面鋪滿乳酪、薄荷、羅望子醬，色彩繽紛，睇見就有食慾，果然餅底香脆又鬆化，酸甜開胃！🔺摩洛哥烤紐西蘭羊架 $168除了印度菜外，亦點了這款摩洛哥羊架！4 件羊架烤得香口，帶少許羊羶味，配上香滑薯蓉，蔬菜，是我最喜歡的一款！🔺招牌天多里乳酪香料烤雞 $128Tandoori 是印度名菜用了大量香料及乳酪醃製，雞肉微辣肉嫩，是必點菜式呢！印度人偏好食羊和雞，因為他們把牛和豬當作神靈崇拜！今次點的2 款羊咖喱，各有特色～🔺豆蔻香腰果奶油咖喱羊肉 $158腰果奶油咖喱很香椰奶味，順滑唔辣！🔺西印信德省慢煮羊肉咖喱 $158西印咖喱則香料味重，茴香，荳蔻味滲入經過慢煮嘅羊肉，香軟唔羶！🔺蒜香烤餅 $38🔺皇室烤餅 $48咖喱跟烤餅一直都是絕配，加入蒜蓉的蒜香烤餅，單獨食也不錯；皇室烤餅加入罌粟籽及杏仁碎，滿口果仁香味，增添口感！🔺 Mango Lassi $68🔺椰子雪糕 $58甜品方面，椰子雪糕一杯有2 球，椰味香濃，帶有一點椰絲，又香又滑！…Read More

事隔四年重臨這間印度餐廳，華麗裝修依舊，多年前的記憶湧現，自然想再點之前食過的菜式，果然水準保持得很好，喜歡印度菜的肯定也會喜歡✨✏️位置（8/10）：位於寶勒巷商廈4樓，交通方便，去港鐵站口也只需幾分鐘✏️環境（9/10）：裝修華麗優雅，座位相當寬敞，予人寧靜舒適之感。✏️服務（8/10）：侍應相當友善，經常會詢問客人感受，菜單有中文版本，下單上菜都算快。✏️食物（8/10）：正宗印度口味，比不少印度餐廳衛生，擺碟精美，讓人食慾大增。🌟菠菜葉豆蓉脆餅 - $98首先是前菜，脆餅很香脆，餅面有菠菜葉豆蓉混合薄荷、羅望子酸甜醬及乳酪，味道酸酸甜甜，開胃醒神，甚有印度特色😚🌟招牌天多里乳酪香料烤雞 - $128/半隻然後是印式烤雞，採用天多里乳酪及大量印度香料醃製，味道相當香濃獨特，口感較有質地，初嘗印度菜的可以一試的傳統口味😆🌟摩洛哥烤紐西蘭羊架 - $168主菜點了這款北非風情的烤羊架，同樣使用印度香料醃製，共有四片，沾上石榴汁味道比較清新，口感軟滑，配上香濃的薯蓉及彩虹甘筍，是比較飽肚的一道菜😍🌟西印信德省慢煮羊肉咖喱 - $158這款比較有印度特色的咖喱，顏色比較像東南亞風味，加入藏茴香籽、小荳蔻及香葉，香料味突出帶微辣，很適合搭配烤餅食。咖哩內的慢煮羊肉香滑入味，而且不算羶，值得一試😎🌟豆蔻香腰果奶油咖喱羊肉 - $158另一款咖哩選了完全不同的奶油口味，配上豆蔻及香腰果碎，奶香十足，香中帶甜，同樣放入香滑的羊肉，整體是完全另一種口味的咖哩😋🌟蒜香烤餅 - $38蒜香味濃，口感厚實鬆軟，沾上咖哩食一流😃🌟皇室烤餅 - $48放入番紅花、罌粟籽及杏仁的特色烤餅，像台式抓抓餅但更有口感，同樣很適合配搭咖哩食🥰🌟乳酪番紅花薄荷羊肉香飯 - $158餐廳的主打菜，用番紅花及薄荷等炒香幼長的印度米，再放入用香料醃製過的羊肉，份量足夠而且香氣撲鼻，羊肉很香濃及帶微辣，上枱時會同時上一碟乳酪及辣椒醬汁供客人調味，混入後會有更濃厚印度風味😁🌟印度開心果牛奶冰 - $88比較特別的印度甜品，其實是打溶的開心果混合牛奶再雪成圓柱型冰粒，甜中帶果香，很看個人口味的一款甜品😊🌟椰子雪糕 - $58椰香味香濃，而且帶椰絲，食得出是店家的自家製雪糕😉🏠CARAT Fine Indian and Mediterranean Cuisin（尖沙咀）📬地址：尖沙咀寶勒巷6-8A號盈豐商業大廈4樓…Read More

現時的印度菜越來越專業，還有 Fine Indian ～ ［ 菠菜葉豆蓉脆餅 配薄荷羅望子酸甜醬及乳酪 🌮 Palak Patta Chaat ］好特別的一道菜，見到個樣同星星推介，第一時間即下單了。賣相很討好，有聖誕節般開心氣氛，入口是酸酸甜甜的，脆餅及乳酪多重口感，咀嚼多兩下即感到甜中帶辣，而且是越來越辣🌶 好一道混醬 🤔［海得拉巴雞肉香飯 🐥🍚 Hyderabadi Murgh Dum Biryani ］白咖喱：薄荷青瓜，好Fresh，但三秒後就知—— 都幾辣架！ 立即噴火😲🔥黃咖喱：正常口味，好大陣香茅味～ 而個飯（米粒）唔似平時米飯嘅口感，反而似碎碎的媽咪面浸冧咗再炒翻乾嘅口感🤣🤣 各花入各眼啦，我朋友勁中意食～🤪雞肉全熟，所以一絲絲的，不過勝在夠香，濃濃醬汁縮在肉里😋［皇室烤餅 👑🫓 Sunhari Lachha Naan ］無想像中咁冧咁松，軟硬兼備，朋友說有少少似中式蔥油餅🫓🌮 當中用了番紅花、罌粟籽、杏仁去調味，幾特別。［西印信德省慢煮羊肉咖喱🐏🍛 Sindhi Gosht ］店員話驚我齋食Naan會dry，建議我嗌個咖喱一齊食。 香料用了藏茴香籽、小豆蔻、香葉，做成特濃咖喱，配合飄香的羊騷味，勁合襯。重口味人士必選。 Dessert 🍨 ［玫瑰糖蜜餞球🌹 Gulab Jamun ］甜到入心，有淡淡的玫瑰香，好特別 🥰 ［秘制印度甜奶球🍨 Homemade Rasmalai ］類似豆卜咁網狀球形，但裡邊系豐富的奶汁，香濃甜蜜🥛…Read More

成日聽朋友講去Fine Dining, 但就無咩聽過人介紹食印度同地中海餐的高級餐廳。今日比我搵倒一間好高質的樓上餐廳有Fine Indian & Mediterranean Cuisine，一定要推薦比大家。西印信德省慢煮羊肉咖喱Sindhi Gosht呢個真心推薦，香港食過好多咖喱，估唔倒西印的咖喱係咁出色，香料用得好有層次，勁鍾意藏茴香籽&小豆蔻帶來的辛香，係好正宗，味道香濃的巴基斯坦咖喱。羊肉好淋，肉質嫩滑，好襯咁香濃的咖喱。皇室烤餅Sunhari Lachha Naan食咖哩又點少得嗌烤餅，朋友揀咗呢款烤餅真係勁好食，煙煙韌韌的烤餅，勁有口感！入面仲有杏仁同埋罌粟籽，高質！我唸嗌多一份我都食得曬！香辣蕃茄菠菜蓉大蝦意大利扁麵King Prawns Linguine欣賞呢個蕃茄醬唔只係蕃茄醬。地中海菜特色的蕃茄醬就係有更多香料起入面，所以唔會好似普通番茄醬咁淨係得個酸甜味，係每一啖都食倒香料味，大蝦仲好新鮮，真係食到停唔到！不過奇怪嘅係食完成個麵，都唔係好覺有菠菜蓉？可能食咗唔覺。印度開心果牛奶冰Homemade Lotus Seed Kulfi原來印度自家製嘅牛奶冰係比較實心，奶味係超級濃，要真係好鍾意食奶製品先會鍾意食，加埋d開心果仁，軟硬夾雜，係幾得意。餐廳環境係偏暗有情調的，但係非常寬敞，坐得舒服，一班朋人傾計都幾岩，只係覺得冷氣比較凍咗D。見到廚房嘅廚師整緊大肉串，非常之吸引，下次一定要再嚟試下其他菜式。…Read More