收工同我女友返元朗wor!咁問女友想食咩啦，佢就話想食打冷，重話佢好好好肚餓，咁打冷我就唸起西裕街啦！西裕街，西菁街一帶都係非常多餐廳嘅地方，而其中一d係非常出名，平時都係人山人海，所以e個地段係餐飲業必爭之地。去到餐廳之後，都係一樣照舊坐滿晒啦，好好彩咁角落頭有張二人枱，店員就立即安排左我地兩個過去啦。咁好肚餓嘅我地馬上就睇下餐牌，叫左以下菜式啦！首先就係大眼雞啦，落單果陣問佢大眼雞同烏頭邊樣好食d啦，店員呀姐話e兩樣都係e度最出名呀！本身其實我都係少食魚，怕魚骨，但係大眼雞本身就魚骨少，好適合我，咁就叫左大眼雞啦，一般潮州食法都係凍食，咁食左落去，魚肉好離骨，呀媽教落魚肉離骨即係魚都係新鮮呀！而魚肉同魚皮都算係容易分開的，咁d魚肉食落去都好濃魚味，有少少鞋，而本身都有咸味，好香鮮魚味，再點埋個豆醬真係好鮮，不愧為餐廳推介。
跟住就到蠔餅啦，其實我地都係叫左個細蠔餅，上到枱都嘩左一聲，細嘅都咁大呀！蠔餅賣相ok,炸到金黃色，心唸食落去一定好香脆啦！咁第一啖食落口，就真係非常香脆，而佢蕃薯粉同水嘅份量配合得都幾口，食落去唔會好黐口，而且佢地一d都唔孤寒，裏面啖啖都係蠔肉，而佢d蠔肉同蠔仔粥果d蠔仔係兩種材料，食落去好有口感，而且無砂，值得推介。食炸野就當然要有支啤酒啦！
跟住就到蠔仔粥啦，咁我地兩個人就叫左個細啦，黎到之後賣相都非常滿意，都係有好多蠔仔，咁食落去果陣就食得出佢係即叫即做呀！裏面都好足料，有蠔仔，蠔仔size更為細，比較起蠔餅果d蠔細，但係都好肥，啖啖肉，另外就有d肉碎，有蔥粒，重有紫菜，d紫菜品質都唔錯，d湯飲落去都好出紫菜味，但係唯一一個問題就係我感覺唔到大地魚嘅存在，少左大地魚味同埋大地魚嘅口感，差少少，不過都係勝在新鮮，幫襯d成日爆場嘅餐廳有道好，就係d野一定新鮮，貨如輪轉。個蠔仔粥都算係好味呀！跟住到豆鼓鯪魚油麥菜啦，一黎就已經聞到好香好香啦，碟菜大大碟，好似唔洗錢咁樣，而且食得出係好有鑊氣，可惜就係豆鼓鯪魚較為少，但係補充返碟菜係夠豆鼓鯪魚味呀！可能係師傅炒菜果陣都係用豆鼓鯪魚d油去炒先有咁香呀！都係值得推介。最後，兩個人，4個餸，1支啤酒，我地係清晒呀！果野價錢唔係好平，但係就性價比高，好味，一定會再去，另外我叫到隔離枱好多海鮮，下次要試下d海鮮先得。…Read More
跟住就到蠔餅啦，其實我地都係叫左個細蠔餅，上到枱都嘩左一聲，細嘅都咁大呀！蠔餅賣相ok,炸到金黃色，心唸食落去一定好香脆啦！咁第一啖食落口，就真係非常香脆，而佢蕃薯粉同水嘅份量配合得都幾口，食落去唔會好黐口，而且佢地一d都唔孤寒，裏面啖啖都係蠔肉，而佢d蠔肉同蠔仔粥果d蠔仔係兩種材料，食落去好有口感，而且無砂，值得推介。食炸野就當然要有支啤酒啦！跟住就到蠔仔粥啦，咁我地兩個人就叫左個細啦，黎到之後賣相都非常滿意，都係有好多蠔仔，咁食落去果陣就食得出佢係即叫即做呀！裏面都好足料，有蠔仔，蠔仔size更為細，比較起蠔餅果d蠔細，但係都好肥，啖啖肉，另外就有d肉碎，有蔥粒，重有紫菜，d紫菜品質都唔錯，d湯飲落去都好出紫菜味，但係唯一一個問題就係我感覺唔到大地魚嘅存在，少左大地魚味同埋大地魚嘅口感，差少少，不過都係勝在新鮮，幫襯d成日爆場嘅餐廳有道好，就係d野一定新鮮，貨如輪轉。個蠔仔粥都算係好味呀！跟住到豆鼓鯪魚油麥菜啦，一黎就已經聞到好香好香啦，碟菜大大碟，好似唔洗錢咁樣，而且食得出係好有鑊氣，可惜就係豆鼓鯪魚較為少，但係補充返碟菜係夠豆鼓鯪魚味呀！可能係師傅炒菜果陣都係用豆鼓鯪魚d油去炒先有咁香呀！都係值得推介。最後，兩個人，4個餸，1支啤酒，我地係清晒呀！果野價錢唔係好平，但係就性價比高，好味，一定會再去，另外我叫到隔離枱好多海鮮，下次要試下d海鮮先得。…Read More
