Crystal Lotus

總結先放在開頭:打卡可以黎，帶小朋友可以黎，如果單純為咗食好野就不必了當日為咗轉下心情，黎迪士尼食下特色點心，特色點心需要提前預約，我地點左大部分:同家鄉煎薄餅一隻味道，係用模具壓出黎，比較厚，都算點心入面比較好食既，鹹鹹香香，但上檯五夠熱辣。其實本身上食評網見到d相，都覺得外形五係好美觀但實物睇落係ok既，兩款包都係甜餡，不過不失。豆沙包，又係不過不失的味道，打卡專用。呢個菜肉包就真係有d失望，首先個包本身就細，然後入面個餡仲少，小籠包既餡都多過佢，好無存在感，可以五點叉燒包，不如酒樓普通叉燒包天鵝酥反而係成餐點心最好食既，夠香酥熱辣最後全餐最伏，三色凍糕，個樣已經模糊唔夠靚，仲要食落又無奶香味，三隻好似差唔多味，但實在食唔出咩味，隔離個士多啤梨仲好食d我記得三色凍糕都幾貴下，千祈唔好嗌好彩事先都係為咗打卡先黎，係無失望既，符合期望，不過成餐都五平既，話曬喺迪士尼入面，大家可以參考下再決定…Read More

今日天氣10分寒冷，大概10度左右。一早已經預訂左今日去迪士尼staycation。呢幾次去迪士尼住嘅時候都發現要在book房時book埋酒店餐廳，如果唔係就會冇嘢。當然可以叫room Service，但選擇十分少，而且等好耐。今日午餐在Crystal Lotus 食，入嚟主要為咗食卡通點心，所以冇叫套餐。迪士尼中餐嘅水準其實十分之好，以往食晚飯嘅話一定會叫北京填鴨，但今次午餐就唔會啦。首先嗌咗個荷花點心拼盤，裏面有蝦餃、黑松露小籠包、春卷同鹹水角。食完個小籠包之後覺得超級好食，所以再叫多一個單點。然後叫了幾個唔同種類嘅卡通點心，質素都非常之好，比出邊坊間有卡通點心食嘅酒樓，好食好多倍。最後甜品叫咗個陳皮燉雪梨，非常潤喉及好味😋 真的誠意推介！…Read More

香港人係一種好奇怪嘅動物，非常鍾意去旅行；身邊總有唔少朋友 / 同事，尤其是年輕一輩，如果有一天星期五或者星期日的公眾假期，就不會放過機會，即使只是三日兩夜，也會走一轉台灣，甚至南韓或者日本。作為已經有小朋友的小編，雖然未至於如此瘋狂，但原來一年半未有出埠實在十分納悶。工作壓力大，有需要舒緩一下情緒，決定星期日入去迪士尼 Staycation。人算不如天算，接着的星期一，竟然大清早8:30就開始黑色暴雨！困在酒店房內等待訊號結束、迪士尼樂園開門 ⋯⋯ 等等下已到午飯時間，先去醫肚。迪士尼 Staycation 計劃附送$400飲食券，昨晚食了自助餐，今日就揀樂園內唯一一間中式酒樓「晶荷軒」飲茶。餐廳以荷花設計為主題，門外一幅雙層玻璃牆，夾層內鑲嵌了多朵水晶荷花，加上鮮棗紅色的門面，既回應餐廳名字、也切合中菜酒家的風格。配合酒店中菜館定位，室內設計典雅。餐枱沒有鋪上枱布，只簡單用白色餐巾墊着餐具；加上同樣係棗紅色嘅絲絨餐椅，整體感覺更有「中式」傳統風味。最吸睛莫過於懸吊在天花板的幾盞大吊燈，仿真度極高的一朵朵顏色水晶荷花，既有詩意、亦回應餐廳名字。午餐食量不大，簡單挑幾款特色點心、一兩款，再加一客炒粉麵飯已經足夠。喺迪士尼飲茶當然要揀迪士尼卡通人物特色點心，但全部一定要提前兩天預訂，餐牌上面並沒有列出。前菜小碟係麻香豆角及雞髀菇。蠔汁叉燒豬仔包（$88）係其中一款迪士尼特色點心，豬仔樣子可愛，不過就並非迪士尼卡通人物。講真，除了樣子可愛之外，味道真的麻麻；包身唔夠鬆軟，餡料唔多、亦唔夠香。始終覺得傳統叉燒包蒸熟後包面爆開，可以望到裏面的餡料，更吸引、亦更加好吃。帶子鳳眼餃（$88）有蝦粒、帶子粒及蟹籽。味鮮清甜。鮮蟹鉗甫魚餃（$98）外型像一條魔鬼魚，但就選用了翠綠色的澄皮，賣相顯得更可愛。餡料以蝦餃及蟹肉絲為主，又用蟹鉗扮成魔鬼魚的尾部，但就真係食唔到原隻蟹鉗。相信迪士尼嘅酒店唔會欺騙客人，可能蟹鉗真係太細隻，又或者蟹鉗肉已經全部拆出？廚師炮製脆皮吊炸龍崗雞(半隻)（$228）前，已將雞皮下過多的雞膏去除，炸熟後雞皮更香脆，就好似脆片一樣。不愧係星級酒店，已經去除了主雞骨及雞殼胸骨，食起上嚟啖啖肉；雞髀肉固然嫰滑鮮味，雞胸肉同様唔嚡口。除了傳統炸子雞的必備調味淮鹽之外，第二款並非普遍的香蔥甜豉油，而是檸檬汁；先蘸一點檸檬汁、再加點淮鹽，原來很好味，將雞肉味道提升，道理就有點似日式炸雞必定配搭一小瓣檸檬一樣。晶荷軒炒飯（$288）好大碟！八個人分享都綽綽有餘！食材豐富，有鮑魚粒、雞粒、魷魚粒、蟹肉、蕃茄粒及鹹蛋黃；亦真係好足料，啖啖飯都充滿食材。飯粒分明，唔會太乾硬、又唔會太軟糯、亦唔油膩，係質素高嘅廣東中式炒飯。略嫌鹹蛋黃份量偏少，未夠鹹香；亦食唔到蕃茄粒，可能已經全部炒成蓉，並融入飯粒內，飯粒味道有少少甜酸，有啲似西炒飯。酒店級價錢中菜，但比起市區名牌五星級酒店中菜廳的奢華價位，總算比較便宜。只試了三款點心，味道質素中上水平。至於小菜及炒粉麵飯的定價，以渡假級別酒店來說，都唔算太貴，味道亦在應有水平之上。服務態度就真的無話可說，非常抵讚。如果來到迪士尼渡假，值得一試；專程來的話，就未必需要了。…Read More

因為情意結，自小喜歡Disneyland 的主角，所以想在放假期間，可以休閑地飲下茶，吃下點心！雖然一早book 了位，訂了點心，但也要在門口等候！等了差不多15分鐘左右之後，待應帶我們坐在近窗的位置，我非常滿意，因為影相比較靚！待應先送上辣花生及魚干及醬料，我就淺淺品嚐（因為我超級怕🌶）米奇煎薄餅好香脆，見到米奇老鼠個樣，特別sweet，但比我想像中油膩😅米妮黃金蝦餃好mini 😅，如果可以大粒少少，咁可以更滿足！蠔汁叉燒豬仔包外型賣相不錯，而且很好味，如果多啲醬汁就更好！小熊維尼及跳跳虎包Pooh 菜肉包，很適合小朋友食，又可愛，又細細件！跳跳虎牛肉包，小朋友見到一定肯食，令小朋友可以安靜一下！…Read More

星期日同屋企人入迪士尼玩，順便去左酒店既晶荷軒中菜廳食野，食左啲好得意既公仔點心落肚，好邪惡呀！原本以為啲公仔好睇唔好食，點知又唔錯喎！啲包全部都好足料，天鵝酥炸得好鬆脆，好香芋頭味，好食唯一美中不足既係叫左片皮鴨，個皮冇想像中咁脆，有啲失望:(總括黎講，呢間中菜廳水準唔錯，下次一定要黎食埋其他公仔點心！…Read More

從沒去過香港迪士尼，對當中的卡通人物沒有情意結，自問亦非有童心的人，不過聽說生日當天可以獲派生日徽章，把它掛在身上，職員便會自動紛紛送上生日祝福和可愛貼紙，小朋友固然受落，不過這樣的畫面放在一個大男人身上也挺搞笑的，所以決定今年去迪迪尼幫男友慶生。午餐選擇去樂園酒店內的晶荷軒，該店以荷花為主題，入口處已經見到一朵朵的水晶荷花牆、入內還有荷花吊燈，餐具和椅背都有荷花標記，檯布上更繡有荷花的模樣，全店裝潢感覺淡雅優美。用餐當天是平日，不過全店仍然爆滿，所以建議提早訂位。聽說餐廳會優先開放給酒店住客，如果並非入住酒店，最早只能提前三星期預訂，訂檯時宜同時預訂早迪士尼特式點心。是次一口氣點了三款迪士尼點心，包括三眼仔菜肉包、蠔汁叉燒豬仔包和雞丁蓮蓉包，憑它們可愛的賣相，未吃已經為我們增添不少歡樂氣氛。三眼仔表情維妙維肖，包身夠熱而且軟綿綿，不過長長的耳朵和頭頂伸出來的天線卻有點硬。內裡的豬肉餡配上綠悠悠的青江菜和冬菇粒，顏色和味道比一般菜肉包來得豐富，餡料肉味很濃，不過有點乾身。蠔汁叉燒豬仔包同樣一盎三件，每隻豬仔的耳朵和鼻子均配搭粉紅、咖啡、橘橙三種不同顏色，不過卻顯得有點格格不入，賣相跟小熊維尼卡通入面真實的豬仔樣子似乎有差。味道方面，包子的外皮不黏牙，內裡的叉燒汁香濃帶鹹香，算是合格。四眼雞丁是蓮蓉包，它的像真度最高。那種大個頭小眼睛，雞冠頭髮型，配上又圓又大的眼鏡，再加兩撇八字眉，那傻傻的的模樣，怎麼看都跟自己男友很像，實在有令人捧腹大笑的效果。雞丁蓮蓉包裡頭的蓮蓉口感挺幼滑，而且味道清淡，不會很甜，可以一試。吃完特色點心，回歸平淡，點了一些常見的點心。首先是蝦餃，賣相皮薄晶瑩，入口能感受到一股清香，再來是蝦的鮮爽和胡椒味。菜名的荀尖，用的應該是淡黃色的竹荀，切粒後混入蝦肉中，如果不是夠爽口，其實很難看得出來。明閣的蝦餃會在四隻大蝦餃正中還放了一隻翠綠的小蝦餃，而且咬開那種爆汁感，只能說是曾經滄海難為水。真心推介這個蝦肉瑤柱脆腸粉，雖然menu上沒有註明是招牌菜，但味道可謂超水準，令人非常驚喜。那薄薄的腸粉皮，又白又滑，內裡包裹着剛炸起的蜂巢脆脆，是傳統炸兩的變奏。特別欣賞蘸腸粉用的豉油，那股種獨特的鹹香和香蔥的味道跟蒸魚豉油很像。吃的時候沒有注意到有瑤柱，但卻嚐到啖啖鮮蟹肉，簡簡單單卻令人食指大動。最後點了晶荷軒精選甜品作結，內裡四款甜品包括子薑皮蛋酥、鴛鴦糯米滋、鮮奶香芋凍糕和楊枝甘露。起初對子薑皮蛋酥有點抗拒，因為皮蛋有種獨有的尿羶味，除了皮蛋瘦肉粥，很難會想像會配搭於甜食之中。不過，今次鼓起勇氣一試，發現白蓮蓉、皮蛋、子薑三種味道意外的搭，並無嚇人的味道，整體感覺先是甜中帶酸，之後才有蛋味跑出來，味道非常特别。鴛鴦糯米滋有芒果和蜜瓜兩種口味，糯米滋入口冰涼，內裡的cream混有果肉，味道清新但有點人工化。鮮奶香芋凍糕有點失色，可能因為是用冰塊模定型，敲出來的時候形態總有點破損。整體很有芋頭的香味，可以一試。壓軸的楊枝甘露味道最差，芒果很甜可惜奶味太淡，水水的，柚子更有澀味，是當日一大敗筆。以樂園的質素而言，晶荷軒的點心算是不錯。不過當我返回現實世界，我還是喜歡明閣多一點。…Read More