Mui Kee Cookfood Stall (Closed)

妹記大排檔 #尖沙咀 #旺角 呢隻戰鬥碗簡直係妹記大排檔嘅招牌！黎得記大排檔又點可以唔用呢一個戰鬥碗裝啤酒飲呢！呢度賣嘅主要都係一啲小菜，最啱三五知己聚舊食，又或者同埋屋企人親戚一齊食，咁就可以食到更加多唔同嘅餸菜，人均消費大約$150左右啦。沙拉骨沙拉骨真係邪惡得來好好味！用咗腩排部位加埋沙律醬一齊食好惹味！不過有少少略嫌佢啲豬肉有啲難咬，食得有啲吃力，如果啲豬肉可以再淋啲就好。金沙蝦球份量好少，得個五六粒，不過鹹蛋黃味的確好重，而且啲蝦俾鹹蛋黃包住炒到脆脆地咁，都唔錯。煎蠔餅 都煎得幾香脆，蠔仔嘅份量都算多而且幾大隻，但係略嫌佢啲炸粉有啲多，如果多少少蛋可能會好啲。黑椒薯仔炒牛柳粒牛柳粒都幾淋，而且薯仔都係有煎香過再炒，所以都幾香，亦做到外面微脆內軟嘅效果，黑椒味都好重，不過就有啲太鹹。蠔仔粥終於算係清淡少少嘅一味，建議如果唔想就咁食白飯咁寡嘅話就可以嗌一碗蠔仔粥配埋啲餸菜一齊食。可以揀一大兜又或者每人一碗，一大兜嘅份量其實都幾多，可以分到七八碗左右。蠔仔粥最主要就係有米飯同埋蠔仔，但係千祈唔好以為係好似我哋平時食開皮蛋瘦肉粥嗰種，相反佢每粒飯都仲係好分明，有啲似湯飯咁樣，不過呢個亦都係蠔仔粥嘅特色。整體來講，味道都算不過不失，但係基本上每一碟都係偏鹹，可能特登整到啱送酒。不過講真大排檔啲小菜大部份都差唔多，唔算太有驚喜，但係又唔難食，最特別都係佢隻碗姐😂所以喺呢度食飯講嘢都幾大聲，因為四周啲人都係醉醉地。味道: 3.5/5性價比: 3.3/5…Read More

一直都好想食妹記，因為覺得佢個戰鬥碗好型，所以揀左呢間又有小菜又有啤酒飲既。但好傷心既係，佢竟然無左戰鬥碗。加上，原來室內既大排擋係超嘈，我地有八個人，就算特登坐到好埋都聽唔到。食物我就覺得一般，唔知係咪叫既野唔係出名既？而我朋友就話正正常常。蠔仔粥都可以，但我覺得唔係好新鮮。蠔餅都係普通，反而蜆炒得幾入味。我見到人地叫個啲油雞好似幾靚，但我地之前叫左啫啫雞，所以就無再講。下次少人啲食就好啲，至少可以傾到計。…Read More

旺角間妹記就食得多，尖沙咀呢間都係第一次，身為路癡既我，要搭上5樓都唔容易，到左樓下都迷一陣路先搵到1至5樓部!!!呢間啲食物上得超快，我到樓下，朋友就點菜，我黎到，屁股都未坐暖，啲餸就陸陸續續上緊。呢度同旺角分店最大分別係，呢度既客戶九成都係煲冬瓜(普通話)，相反旺角就較多香港人。當然我地都叫左必食推介 原隻脆皮炸豬手，鬼馬炸鬼馬，香芹芫荽蠔仔粥，牛肉炒雜菜▪原隻豬手，真係無得輸!!夠晒脆，當然唯一缺點就係太貴，咁係街食，一定比自己整貴好多架啦▪鬼馬炸鬼馬，其實就係油炸鬼包住墨魚滑之類，外脆內軟咁既口感▪香芹芫荽蠔仔粥，好夠味都幾足料同埋一大窩，啱晒三五知己咁樣食▪牛肉炒雜菜，應該唔係呢個名，但盤餸就係雜菜，木耳，勝瓜都有啲!黎果陣缺左牛肉叫廚房加番…Read More

一班朋友聚埋一齊中午食飯，當然搵一間大排擋先夠位坐啦，今次呢間仲要係室內，真係好特別。平時大排擋一係開係大街上，一係就熟食市場入面，點會開係呢到呢？真係少之又少⋯⋯先有碗湯飲下，味道都ok多人完全可以叫多餸，先試左炸豬手。皮脆，但肉就鹹左dd再叫多兩樣炸物，好脆口，呢樣好食至於炸墨魚，個人覺得好辣，是太多辣粉影響。宜家豆苗當造，煮得好好食。呢樣我十分喜歡。蠔仔粥我認為水份太多，太少米了。最後薯仔牛柳粒超級贊，醬汁調配得好恰當。最後，是一間很值得再光顧的一間大排擋。…Read More

今日出左尖沙咀搵朋友，佢話去食打冷，然後佢帶左我黎尖沙咀妹記，唔講都唔知原來係樓上鋪，價格平民，小菜由68蚊到118，都唔算好貴，睇落份量唔算多，四個餸夠晒4個女人仔飽一晚。環境都幾舒服，不過有啲嘈，因為始終係室內所以啲聲音唔會散開，就比一般街鋪大排檔嘈一啲。入到去叫左個蠔仔粥，椒鹽豆腐，咸魚茸飛天通菜同炸大腸。Menu一大本，有啲都有埋圖比你參考返先講下我最中意既蠔仔粥，佢稀飯黎講算多米入面蠔仔都算多，加埋胡椒粉都不失鮮味，而且好大兜，至少有六碗仔椒鹽豆腐，查實是玉子豆腐黎，唔係一般白豆腐，我個人唔太偏好甜既椒鹽豆腐，佢呢個味道會較甜。其實最特別係佢啤酒係用碗裝，雖然好特別但比較易漏口所以唔戰鬥時都係唔好用整體黎講係唔錯既大排檔，如果女士怕地鋪大排檔熱又污糟，不妨試下黎呢間大排檔一試…Read More

嚟大排檔，梗係食鑊氣，但哩度冇！叫4樣嘢，唔夠5分鐘嚟齊，表面清清爽爽但鑊氣欠俸豉椒炒蜆 - 叫最似樣一碟，味道唔錯黃金蝦球 - 好差， $118 得10粒唔夠，唔好以為大大舊咁，其實佢居然有厚厚炸粉包住，仲要唔脆好硬下；所謂黃金完全冇咸蛋黃嘅金香，但個咸字！妹記小炒 - 叫足料，有帶子小粒，蝦乾，九菜花，腰果，魷魚之類，但都係好似冇過過鑊咁蠔仔粥 - 個湯清得緊要，味道尚可後記：餸菜味道真係唔掂，但叫做環境乾乾淨淨；陳設似大排檔，但有形無實…Read More